جاڭا حابارلار

شي جينپيڭ نيدەرلاندتىڭ باس ۋازىرىمەن كەزدەستى

    كەلۋ قاينارى: شينجياڭ گازەتى    2018-04-12 18:39:56  
 شينحۋا اگەنتتىگىنىڭ 4 - ايدىڭ 10 - كۇنى حايناننىڭ بو - اۋىنان بەرگەن حابارى (تىلشىلەر حوۋ ليجۇن، ۋاڭ سۇنفۋ). مەملەكەت ءتوراعاسى شي جينپيڭ 4 - ايدىڭ 10 - كۇنى حاينان ولكەسىنىڭ بو - اۋ مەملەكەتتىك قوناق ۇيىندە نيدەرلاندتىڭ باس ءۋازىرى ريۋتتەمەن كەزدەستى.
  شي جينپيڭ مىنالاردى اتاپ كورسەتتى: جۇڭگو - نيدەرلاند قاتىناسىنىڭ كومەسكى كۇشى زور، كوپ ءىس تىندىرۋعا بولادى. كەلەسى كەزەڭدە ەكى جاق ەسىك اشىپ، بىرگە يگىلىككە كەنەلۋ، ىنتىماقتاستىق ۇستانىمىن اتقارىپ، ءداستۇرلى سالالارداعى ىنتىماقتاستىقتىڭ ساپاسىن جوعارىلاتىپ، دەڭگەيىن ارتتىرۋدى بەلسەندىلىكپەن ىلگەرىلەتىپ، جاڭا سالالارداعى ىنتىماقتاستىقتى كەڭەيتىپ، گۋمانيتارلىق اۋىس - كۇيىستى ۇلعايتىپ جانە بايىتىپ، اناعۇرلىم جوعارى ورەدەگى ءوزارا تيىمدىلىك جەتكىزىپ، تەڭ يگىلىككە كەنەلۋدى جۇزەگە اسىرۋ كەرەك. جۇڭگو مەن نيدەرلاند «ءبىر بەلدەۋ، ءبىر جول» قۇرىلىسىنداعى تابيعي سەلبەستىك سەرىكتەر. ءبىز نيدەرلاند جاقتىڭ «ءبىر بەلدەۋ، ءبىر جول» دارىپتەمەسىن قولداعانىن القايمىز، نيدەرلاند جاقتىڭ بەلسەندىلىكپەن ات سالىسۋىن قارسى الامىز. جوعارى دەڭگەيلى جوبالاۋدى جاقسى جاساپ، ەكى جاقتىڭ ىشكەرىلەي ىنتىماقتاستىق ورىستەتۋىنە شارت - جاعداي ازىرلەۋ كەرەك.
  شي جينپيڭ مىنالاردى باسا دارىپتەدى: جاھاندانۋ − دۇنيە جۇزىندەگى ەلدەردىڭ ورتاق مۇددەسىنە ۇيلەسەتىن ۇلكەن اۋقىم. ءبىز مەزەتتىك قيىنشىلىقتار مەن ماسەلەلەرگە بولا العا ىلگەرىلەمەي قويۋىمىزعا بولمايدى، قايتا بەلسەندىلىكپەن سايكەسىپ، اشىق دامۋ ۇستانىمىنان جازباي، ەكونوميكانىڭ جاھاندانۋىن اناعۇرلىم اشىق، قامتىمدى، جالپىعا ءتيىمدى، تەپە - تەڭ، تەڭ يگىلىككە كەنەلەتىن بەتالىسقا دامۋىن جەبەۋىمىز كەرەك. جۇڭگو مەن نيدەرلاند اشىق دۇنيە ءجۇزى ەكونوميكاسىن قولداپ، كوپ جاقتى ساۋدا ءتۇزىلىسىن جالعاستى قورعاپ، ساۋدا مەن قارجى قوسۋدىڭ ەركىن، قولايلى بولۋىن جەبەۋ كەرەك. نيدەرلاندتىڭ ەۆروپا وداعىندا ۇزدىكسىز سىندارلى رول ساۋلەلەندىرىپ، جۇڭگو - ەۆروپا قاتىناسىنىڭ اقاۋسىز، ورنىقتى دامۋىنا اناعۇرلىم زور ۇلەستەر قوسۋىن ءۇمىت ەتەمىن.
  ريۋتتە بىلاي دەدى: مەن ءتوراعا شي جينپيڭنىڭ بۇگىن تۇستەن بۇرىن سويلەگەن ماڭىزدى ءسوزىن جوعارى باعالايمىن. نيدەرلاند - جۇڭگو قاتىناسى تەبىندى دە ماڭىزدى، نيدەرلاند جاق ەكى ەلدىڭ سەلبەستىگىن تەرەڭدەتىپ، «ءبىر بەلدەۋ، ءبىر جولدى» بىرگە قۇراتىن ىنتىماقتاستىق قاتىناسىن تىزە قوسا تۇلعالاپ، ءوزارا تيىمدىلىك جەتكىزىپ، تەڭ يگىلىككە كەنەلۋدى ءۇمىت ەتەدى. نيدەرلاند جاق جۇڭگو جاقتىڭ حالىقارالىق ىستەردەگى ماڭىزدى رولىنا ءمان بەرەدى، ەركىن ساۋدانى قولداپ، ەۆروپا - جۇڭگو قاتىناسىن كۇشەيتۋدى جەبەۋگە قۇلشىنادى.
  ديڭ شۋەشياڭ، ليۋ حى، ياڭ جيەچى، ۋاڭ ي، حى ليفىڭ قاتارلىلار كەزدەسۋدە بىرگە بولدى.

بەرىپ كەت ورامالىڭدى

دوستار

الىستاعى اق ەركە