جاڭا حابارلار

شي جينپيڭ مەن تەرەزا مەي جۇڭگو − ۇلى بريتانيا ساياسي پارتيالارى ديالوگىنىڭ 10 جىلدىعىنا ارناپ جەكە − جەكە قۇتتىقتاۋ حات جولدادى

    كەلۋ قاينارى: شينجياڭ گازەتى    2018-04-12 18:35:11  

 شينحۋا اگەنتتىگىنىڭ 4 - ايدىڭ 10 - كۇنى بەيجيڭنەن بەرگەن حابارى. جۇڭگو - ۇلى بريتانيا 10 - كەزەكتى ديالوگى 4 - ايدىڭ 10 - كۇنى بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن ۇلى بريتانيانىڭ كونسەرۆاتيۆتەر پارتياسىنىڭ كوسەمى، ۇكىمەتتىڭ باس ءۋازىرى تەرەزا مەي جەكە - جەكە قۇتتىقتاۋ حات جولدادى.
  شي جينپيڭ بىلاي دەدى: جۇڭگو − ۇلى بريتانيا ساياسي پارتيالار ديالوگى وتكىزىلگەن 10 جىلدان بەرى، ەكى ەلدىڭ ساياسي پارتيالارى، ساياساتكەرلەرى ورتاق كوڭىل بولەتىن كەڭ تاقىرىپ اياسىندا ىشكەرىلەي پىكىرلەسىپ، ەكى جاقتىڭ ءوزارا تۇسىنىستىگىن، سەنىمدىلىگىن ارتتىرۋعا، جۇڭگو - ۇلى بريتانيا قاتىناسىنىڭ اقاۋسىز دامۋىن جەبەۋگە بەلسەندى رول اتقارىپ، جۇڭگو - ۇلى بريتانيا بارىس - كەلىس مەحانيزمىنىڭ ماڭىزدى قۇرامداس بولىگىنە اينالدى.
  شي جينپيڭ بىلاي دەپ اتاپ كورسەتتى: بۇگىنگى الەم زور دامۋ، زور وزگەرىس، زور رەتتەلۋ مەزگىلىندە تۇر، ادامزات كوپتەگەن ورتاق سايىستارعا ءدوپ كەلدى. دۇنيە جۇزىندەگى ماڭىزدى ىقپال كۇشكە يە مەملەكەت رەتىندە، جۇڭگو - ۇلى بريتانيا ەكى جاق بارىس - كەلىستىك بايلانىستى كۇشەيتىپ، ەكى ەل قاتىناسىنىڭ «التىن ءداۋىرىن» بىرگە جاراتۋى كەرەك. ەكى ەل ساياسي پارتيالارىنىڭ، ساياساتكەرلەرىنىڭ بارىس - كەلىسىن كۇشەيتىپ، ءوزارا سەنىمدىلىكتى ارتتىرىپ، ءوزارا قۇرمەتتەيتىن، ءوزارا ۇيرەنىپ، ءوزارا ءتالىم الاتىن جاڭاشا ساياسي پارتيا قاتىناسىن ورناتۋدى قاراستىرۋ كەرەك. ەكى جاقتىڭ ورتاق قۇلشىنۋىندا، جۇڭگو − ۇلى بريتانيا ساياسي پارتيالارى ديالوگى ەكى ەلدىڭ ءوزارا سەنىمدىلىگىن ارتتىراتىن، ورتاق تانىمىن ۇيىستىراتىن ماڭىزدى تۇعىر رەتىندە، قۇرىلعاندىعىنىڭ 10 جىلدىعىن، ءسوز جوق، وراي ەتىپ، جۇڭگو مەن ۇلى بريتانيانىڭ 21 - عاسىردى بەتكە العان جاھاندىق جان - جاقتى ستراتەگيالىق سەرىكتەستىك قاتىناسىنا تىڭ ومىرشەڭدىك كۇش ۇستەپ، دۇنيە ءجۇزىنىڭ بەيبىتشىلىگىنە، ورنىقتىلىعىنا، گۇلدەنۋىنە اناعۇرلىم زور ۇلەس قوسۋى كەرەك.
  تەرەزا مەي بىلاي دەدى: بيىل ۇلى بريتانيا − جۇڭگو قاتىناسىنداعى ماڭىزدى جىل، ەكى ەل قاتىناسىنىڭ «التىن ءداۋىرىن» ۇزدىكسىز نىعايتىپ، 21 - عاسىردى بەتكە العان جاھاندىق جان - جاقتى ستراتەگيالىق سەرىكتەستىك قاتىناسقا تىڭ ومىرشەڭدىك كۇش ۇستەۋ، ۇلى بريتانيا − جۇڭگو قاتىناسىن ىشكەرىلەي تەرەڭدەتۋ ەكى جاق جونىنەن دە كەلەلى ماڭىزعا يە. مەن بيىل جىل باسىندا جۇڭگودا رەسمي ساپاردا بولعانىما توتەنشە قۋانىشتامىن. ەكى جاقتىڭ ۇلى بريتانيا - جۇڭگو ساياسي پارتيالار ديالوگىنىڭ 10 جىلدىعىن قۇتتىقتاۋ ساتىندە، ءبىز ۇلى بريتانيا−جۇڭگو ساياسي پارتيالارى ديالوگى ەكى ەل ساياساتكەرلەرىنىڭ باسىن ءبىر جەرگە قوسىپ، ءوز ەلدەرىنىڭ دامۋى، ەكى جاق قاتىناسى جانە حالىقارالىق، وڭىرلىك ماسەلەلەر جونىندە تالقى جۇرگىزۋىنە مۇمكىندىك جاساپ، ەكى ەل شەشىم قابىلداۋشىلارىنىڭ ءوزارا سەنىمدىلىكتى ارتتىرۋ، باياندى دوستىق ورناتۋ سياقتى جاقتارىندا وزگەشە رولىن ساۋلەلەندىردى دەپ كەسىپ ايتا الامىز. 2007 - جىلى باستالعاننان بەرى، ۇلى بريتانيا − جۇڭگو ساياسي پارتيالارى ديالوگى ەكى ەل ساياساتكەرلەرىنىڭ بارىس - كەلىسىن مولايتتى، كوپتەگەن قاتىناسۋشىلار ەكى ەل ۇكىمەتىندە ءۋازىر نەمەسە مينيستر مىندەتىن اتقاردى، ولاردىڭ ەكى مەملەكەتكە دەگەن كوڭىل ءبولۋى مەن تۇسىنىگى ۇلى بريتانيا - جۇڭگو قاتىناسىن تىڭ ساتىعا كوتەرىلۋىن ىلگەرىلەتۋدىڭ قىمباتتى بايلىعى.


بەرىپ كەت ورامالىڭدى

دوستار

الىستاعى اق ەركە