جاڭا حابارلار

لي كىچياڭ شاڭحايدا قىزمەت تەكسەردى

    كەلۋ قاينارى: جۇڭگو قازاق راديو تورابى    2018-04-12 12:24:18  

ٴوز حابارىمىز: ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليى لي كىچياڭ 4-ايدىڭ 10-، 11-كۇندەرى شاڭحايدا قىزمەت تەكسەردى.
لي كىچياڭ الدىمەن شاڭحاي ەركىن ساۋدا سىناق رايونىنا باردى. شاڭحايدىڭ ۇكىمەت ىستەرىنە قىزمەت وتەۋدى «ٴبىر تۇتاس توراپتا ٴبىتىرۋ» جولعا قويىلىپ، كاسىپورىن ىستەرىن ٴبىر جاقتىلى ەتۋ ۋاقىتى مولشەرمەن %85 قىسقارعاندىعىن تىڭداعاننان كەيىن لي كىچياڭ مۇنى تولىق تۇراقتاندىرىپ، شاڭحايدان ۇقىقتى تومەنگە ٴتۇسىرۋ، باسقارۋ قىزمەت وتەۋ رەفورماسىن تەرەڭدەتىپ، تيجارات-ساۋدا ورتاسىن جاقسارتۋ، تۇزىمدىك سيپاتتى ايىرباستىڭ وزىندىك قۇنىن تومەندەتۋ جاعىندا ٴتىپتى دە زور تابىسقا قول جەتكىزىپ، بازارعا ومىرشەڭدىك كۇش قوسىپ، بۇقاراعا قولايلىلىق جاراتۋدى ٴۇمىت ەتتى.
شەتەل قارجىلى كاسىپورىن شاڭحاي لوشى ٴدارى جاساۋ سەرىكتىگىندە لي كىچياڭ بىلاي دەدى: اشىق ۇستاۋدى كەڭەيتۋ ارقىلى دامۋعا قول جەتكىزۋ حالىققا ٴتيىمدى. راك-ادامزات دەنساۋلىعىنىڭ 1-جاۋى، ٴار ەل ىنتماقتاسا وتىرىپ توتەپ بەرۋ كەرەك. وسى جاعىندا جۇڭگو بازارىنىڭ قاجەتى وتە زور، ٴبىز كوپ شارانى قاتار اتقارۋ ارقىلى بۇقاراعا شۇعىل قاجەتتى راكقا قارسى ٴدارى-دارمەكتەرمەن قامداۋدى مولايتىپ، ناۋقاستاردىڭ اۋىرتپالىعىن جەڭىلدەتەمىز ٴارى كاسىپورىنداردان از پايدامەن كوپ ساتىپ، ناۋقاس پەن ٴدارى-دارمەك كاسىپورىنداردىڭ يگىلىككە كەنەلۋىن ٴۇمىت ەتەمىز.

شاڭحاي جىنحۋا اۋىر ونەركاسىپ سەرىكتىگى-الەمدە كەمەجاي جابدىقتارى كەمەلدى كوشباسى كاسىپورىن، لي كىچياڭ ولاردى جوعارى ساپالى جۇڭگو ونىمدەرى مەن جۇڭگونىڭ قىزمەت وتەۋىن ٴوزارا ۇشتاستىرىپ، ٴتىپتى دە ۇزدىك ناتيجەلەر جاراتۋعا جىگەرلەندىردى.
لي كىچياڭ حۋاشان دوحتىرحاناسىنا بارىپ، الىستان ەمدەۋ جۇيەسى ارقىلى چيڭحايدىڭ گولو، يۇنناننىڭ تىڭچۇڭ، شينجياڭنىڭ قاشقارىنداعى ەمدەۋ قىزمەتكەرلەرمەن تىلدەسىپ، نەندەي قيىنشىلىق بار ەكەندىگىن ۇعىستى. ول بىلاي دەدى: عالامتورمەن ەمدەۋدى ۇشتاستىرۋدى بەلسەنە دامىتىپ، ۇزدىك دوحتىرلار ورتا، باتىس بولەكتەگى نەگىزگى ساتىدان قاي-قاشاندا تابىلۋ كەرەك.
چاڭياڭ چۋاڭگۋ سەرىكتىگى توقىما زاۆودىنىڭ كونە ۇيلەرىن جاڭالاۋ ارقىلى سالىنعان، جاڭالىق جاراتاتىن قىرۋار كاسىپورىندار شوعىرلانعان كاسىپورىن. لي كىچياڭ جاڭالىق جاراتۋشىلارمەن ٴوزارا پىكىر الماستىرىپ بىلاي دەدى: جاڭالىق جاراتۋ ورتاسىن كۇش سالا جاقسارتىپ، جاڭالىق جاراتۋ مەن كاسىپ جاراتۋدى ورەلەندىرىپ، عالامتورمەن ۇشتاستىرۋ ارقىلى جاڭالىق جاراتۋ بايلىقتارىن ورتاق ٴبولىسۋدى ويداعىداي ىسكە اسىرىپ، شارۋاشىلىقتىڭ بۇرىلىس جاساپ، دامۋىن جەبەۋ كەرەك.
لي كىچياڭ شاڭحايدىڭ شارۋاشىلىق، قوعام دامۋىندا قول جەتكىزگەن تابىستارىن تولىق تۇراقتاندىرىپ، شاڭحايدان شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مىعىم باسشىلىعىندا، پارتيا 19-قۇرىلتاي رۋحىن جالپى بەتتىك دايەكتى تياناقتاندىرىپ، اناعۇرلىم زور تەبىنمەن رەفورما،اشىق ۇستاۋدى جەبەپ، ٴتۇرلى قىزمەتتەردە تىڭ جاعداي جاراتۋ كەرەك.


بەرىپ كەت ورامالىڭدى

دوستار

الىستاعى اق ەركە