جاڭا حابارلار

پويەزبەن شينجياڭدى ساياحاتتاۋ مەرزىمنەن بۇرىن باستالدى

    كەلۋ قاينارى: شينجياڭ حالىق راديو ىستانسياسى    2018-04-11 15:01:25  

ستانسيامىزدىڭ ءتىلشىسى لەي ميڭنىڭ حابارىن تىڭداڭىزدار: شينجياڭ تەمىرجول تاراۋى 4-ايدىڭ 10-كۇنى ساعات 0 دەن باستاپ، جولاۋشىلار پويەزىنىڭ جاڭا قاتىناۋ كارتاسىن اتقاردى، بۇل 2018-جىلى شينجياڭ تەمىرجول تاراۋىنىڭ جولاۋشىلار پويەزىنىڭ قاتىناۋ كارتاسىن تۇڭعىش رەت رەتتەۋى.
وسى رەت رەتتەلگەن جولاۋشىلار پويەزىنىڭ قاتىناۋ كارتاسىندا «دۇنحۋاڭدا كەزدەسۋ»، «سولتۇستىك شينجياڭدى اينالىپ ساياحاتتاۋ»، «وڭتۇستىك شينجياڭعا ساپار» سىندى بەس جولاۋشىلار پويەزى كوبەيتىلىپ، جولاۋشىلاردىڭ پويەزبەن شينجياڭدى ساياحاتتاۋى مەرزىمنەن بۇرىن جۇزەگە استى.
4-ايدىڭ 10-كۇنى تۇستەن كەيىن ساعات 8 دەن اسقاندا، 71 جاستاعى جوۋ دىلين كاريا مەن ونىڭ جۇبايى ءۇرىمجى پويەز ۆاگزالىنىڭ پويەز كۇتۋ زالىندا سولتۇستىك شينجياڭدى اينالىپ ساياحاتتايتىن Y951 كەزەكشى جولاۋشىلار پويەزىن كۇتىپ، قورعاستان باستالاتىن ءتورت كۇندىك ساياحاتقا اتتانۋ الدىندا تۇردى. بيىل تۇڭعىش رەت قاتىناعان ساياحات ارناۋلى پويەزىنا وتىرماقشى بولعان كاريا، پويەزدى تاقاتسىزدانا كۇتۋدە، ول بىلاي دەدى:پويەزعا وتىرىپ جول بويى تابيعات كورىنسىن تاماشالاۋعا بولادى، ءبىز وتىرماقشى بولعان وسى جولاۋشىلار پويەزى اۆتوبوسپەن بىردەي، وتە قولايلى، بۇعان ەرەكشە ريزامىز. بۇدان بىلاي دا سىرتقا شىقپاقشى بولسام پويەزعا وتىرامىن».
ۇعىسۋعا قاراعاندا، جاڭادان قاتىناعان 5 جولاۋشىلار پويەزى جەكە-جەكە: «دۇنحۋاڭدا كەزدەسۋ» اتتى جولاۋشىلار پويەزىنان ءبىر جۇپ، «سولتۇستىك شينجياڭدى اينالىپ ساياحاتتاۋ» اتتى جولاۋشىلار پويەزىنان ءۇش جۇپ، «وڭتۇستىك شينجياڭعا ساپار» اتتى جولاۋشىلار پويەزىنان ءبىر جۇپ بولىپ، كۇنىنە ءبىر رەت قاتىنايدى ەكەن. ءۇرىمجى تەمىر جول حالىقارالىق ساياحات مەكەمەسىنىڭ باس مەڭگەرۋشىسى جاۋ شۇيدۇڭ بىلاي دەدى:«پويەزعا وتىرىپ، شينجياڭدى ساياحاتتاۋ ماركاسىنا قاراستى سولتۇستىك شينجياڭدى اينالىپ ساياحاتتاۋ، وڭتۇستىك شينجياڭعا ساپار، دۇنحۋاڭدا كەزدەسۋ، تاڭعاجايىپ وتتى القاپ، ورتا ازيا وڭىرىنە ساياحاتتاۋ جانە شىعىستىڭ جاڭا جۇردەك پويەزى سياقتىلار تۇگەلدەي وسى جىلى كولەمدەنگەن، الەۋمەتتىك قاتىناس، لەنيا كارتاسىن بەلگىلەۋ فورماسىن اتقارىپ، تەمىرجول تاراۋىنىڭ شينجياڭ ساياحاتىن دەمەۋ جاعدايىن قالىپتاستىردى».
ۇعىسۋعا قاراعاندا، وتكەن جىلدارى شينجياڭ تەمىرجول تاراۋى 6-ايدا ساياحاتتىڭ قاۋىرت مەزگىلىندە ساياحات جولاۋشىلار پويەزىن قاتىناتقان، ال بيىل تۇگەلدەي مەرزىمنەن بۇرىن اتقارىپ 4-ايدان باستاپ كەتكەن، بۇل نەگىزىنەن ــ ساياحاتشى سانىن ارتتىرۋدىڭ قاجەتتىلىگى ءۇشىن بولىپ وتىر؛ وسى رەتكى ساياحات لەنياسى كارتاسىن رەتتەۋدە، ۇرىمجىدەن بەيجيڭگە قاتىنايتىن 179 Z180/ كەزەكشى جولاۋشىلار پويەزى داتۇڭدى باسىپ وتەدى، قۇلجادان شي-ءانعا قاتىنايتىن 679 K680/ كەزەكشى جولاۋشىلار پويەزى ۇرىمجىدەن شي-ءانعا قاتىنايتىن بولىپ وزگەرگەن.
ءۇرىمجى پويەز ۆاگزالى جولاۋشى تاسىمال سەحنىڭ مەڭگەرۋشىسى چىن شۇي، وسى رەتكى رەتتەۋدىڭ نەگىزىنەن ساياحات جولاۋشىلار پويەزىنىڭ نەگىزگى ەرەكشەلىگىنە قاراي جۇرگىزىلگەنىن، ءۇرىمجى پويەز ۆاگزالىنىڭ ءتۇرلى شارانى قاتار اتقارىپ، ساياحاتشىلاردىڭ سىرتقا شىعۋىن قامتاماسىزداندىراتىنىن ايتا كەلىپ، بىلاي دەدى: «ساياحاتشىلار پويەزىنا وتىراتىن جولاۋشىلاردىڭ تەز ارادا پويەز ۆاگزالىنا كىرۋىنە مۇمكىندىك جاساۋ ءۇشىن، پويەز ۆاگزالىنىڭ ۆاگزالعا كىرەر اۋىزىنان جانە حاۋىپسىزدىك تەكسەرۋ ورنىنان تەز ارادا ۆاگزالعا كىرەتىن ارناۋلى وتكەل اشۋمەن بىرگە، ءتۇيىندى ورىندارعا، وتە-موتە، باسپالداققا، پويەز ۆاگزالىنداعى نەگىزگى قىزمەت ورنىنا ۇگىت جۇرگىزەتىن، باستاماشىلىق ەتەتىن قىزمەتكەرلەردى كوبەيتىپ ورنالاستىرىپ، جولاۋشىلاردىڭ الىس ساپارعا تارتىپپەن، حاۋىپسىز اتتانۋىنا كەپىلدىك ەتەمىز».


بەرىپ كەت ورامالىڭدى

دوستار

الىستاعى اق ەركە