جاڭا حابارلار

شي جينپيڭ بو - اۋ ازيا تالقى مىنبەرىنىڭ 2018 - جىلعى جىلدىق ءماجىلىسىنىڭ اشىلۋ سالتىنا قاتىناستى جانە ارقاۋ ءسوز سويلەدى

    كەلۋ قاينارى: شينجياڭ گازەتى    2018-04-11 18:08:52  

ءداۋىر اعىمىنا ۇيلەسۋدى، ەسىك اشۋ مەن تەڭ ۇتۋعا تاباندى بولۋدى باسا دارىپتەپ، جۇڭگونىڭ ەسىكتى ايقارا اشۋداعى جاڭا، كەلەلى شارالارىن جاريالادى

4 - ايدىڭ 10 - كۇنى بو - اۋ ازيا تالقى مىنبەرىنىڭ 2018 - جىلعى جىلدىق ءماجىلىسى حاينان ولكەسىنىڭ بو - اۋىندا اشىلدى. مەملەكەت ءتوراعاسى شي جينپيڭ اشىلۋ سالتىنا قاتىناستى ءارى «ەسىك اشىپ، بىرگە گۇلدەنەيىك، جاڭالىق اشۋ ارقىلى بولاشاققا جەتەكشىلىك ەتەيىك» دەگەن تاقىرىپتا ارقاۋ ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

 شينحۋا اگەنتتىگىنىڭ 4 - ايدىڭ 10 - كۇنى حايناننىڭ بو - اۋىنان بەرگەن حابارى (تىلشىلەر ليۋ حۋا، جوۋ حۇيمين، ليۋ حۇڭشيا). 4 - ايدىڭ 10 - كۇنى تۇستەن بۇرىن بو - اۋ ازيا تالقى مىنبەرىنىڭ 2018 - جىلعى جىلدىق ءماجىلىسى حاينان ولكەسىنىڭ بو - اۋىندا اشىلدى. مەملەكەت ءتوراعاسى شي جينپيڭ اشىلۋ سالتىنا قاتىناستى جانە «ەسىك اشىپ، بىرگە گۇلدەنەيىك، جاڭالىق اشۋ ارقىلى بولاشاققا جەتەكشىلىك ەتەيىك» تاقىرىبىندا ارقاۋ ءسوز سويلەپ، ءار ەلدىڭ ءداۋىر اعىمىنا ۇيلەسۋىن، ەسىك اشۋ مەن تەڭ ۇتۋعا تاباندى بولىپ، باتىلدىقپەن وزگەرىس جاساپ، جاڭالىق اشىپ، ادامزاتتىڭ تاعدىرلاس ورتاق تۇلعاسىن قۇرۋ نىساناسىنا قاراي ۇزدىكسىز قادام تاستاۋىن؛ جۇڭگو رەفورما جاساپ، ەسىك اشۋعا بۇلجىماي تاباندى بولىپ، ەسىكتى ايقارا اشۋدىڭ جاڭا، كەلەلى شارالارىن ۇزدىكسىز ورتاعا قويىپ، ازياداعى جانە دۇنيە جۇزىندەگى ءار ەلمەن بىرگە ازيا مەن دۇنيە ءجۇزىنىڭ جارقىن بولاشاعىنا بىرگە جول اشاتىنىن باسا دارىپتەدى (ءسوزدىڭ تولىعى ايىرىم بەرىلەدى).
  4 - ايداعى بو - اۋ مامىراجاي شۋاققا شومىلىپ، قوڭىر سامال ەسىپ، كوك تەڭىز باياۋ تولقىپ، تاۋلار جاسىل جەلەك جامىلدى. ءار ەل قوناقتارى بو - اۋ ازيا تالقى مىنبەرىنىڭ حالىقارالىق جينالىس ورتالىعىنداعى نەگىزگى جينالىس زالىندا باس قوستى. تۇستەن بۇرىن ساعات 9دان 30 مينۋت وتكەندە، شي جينپيڭ مەن حانىمى پىڭ لييۋان اۆستريانىڭ زۇڭتۇڭى ۆان دەر بەللەن، فيليپپيننىڭ زۇڭتۇڭى دۋتەرت، موڭعۇليانىڭ زۇڭليى حۋريەلسۋح، نيدەرلاندتىڭ باس ءۋازىرى ريۋتتە، پاكيستاننىڭ زۇڭليى ابباس، سينگاپۋردىڭ زۇڭليى لي شيانلۇڭ، ب م ۇ - نىڭ باس حاتشىسى گۋتتەرەس جانە حالىقارالىق اقشا قورى ۇيىمىنىڭ باسالقاسى لاگاد سياقتى شەتەلدىك باسشىلارمەن جانە ولاردىڭ حانىمدارىمەن بىرگە جينالىس زالىنا كىردى. زالداعىلار تۇگەل ورىندارىنان تۇرىپ، قىزۋ قارسى الدى.
  قىزۋ قول شاپالاق ءۇنى ىشىندە شي جينپيڭ مىنبەرگە كوتەرىلىپ، ارقاۋ ءسوز سويلەدى. شي جينپيڭ مىنالاردى اتاپ كورسەتتى: بو - اۋ ازيا تالقى مىنبەرى قۇرىلعاننان بەرى ازيادا ورتاق تانىم ۇيىستىرۋ، ءار جاقتاردى ىنتىماقتاستىققا جەبەۋ، ەكونوميكانىڭ جاھاندانۋىن ىلگەرىلەتۋ، ادامزاتتىڭ تاعدىرلاس ورتاق تۇلعاسىن تۇلعالاۋ سياقتى جاقتاردا بەلسەندى ۇلەستەر قوستى. وسى كەزەك جىلدىق جينالىستىڭ تاقىرىبى «ەسىك اشىپ، جاڭالىق جاراتقان ازيا، گۇلدەنىپ - دامىعان الەم» بولۋى ءداۋىردىڭ اعىمىنا سايكەسەدى، ءار جاقتاردىڭ ۇمىتىنە باپ كەلەدى.
  شي جينپيڭ مىنالاردى باسا دارىپتەدى: 2018 - جىل جۇڭگونىڭ رەفورما جاساپ، ەسىك اشقاندىعىنىڭ 40 جىلدىعى. 40 جىل جۇرت تىلەگىنەن قۇرىش قامال ورناتقان، 40 جىل ۇدەرە العا تارتقان، 40 جىل بوران - شاشىندى باسىنان كەشىرگەن جۇڭگو حالقى قوس قولدارىمەن مەملەكەت پەن ۇلتتى دامىتۋدىڭ ايبىندى داستانىن جازدى. 40 جىلدان بەرى، جۇڭگو حالقى باستان - اياق جاپالى كۇرەس جاساپ، قايسارلىقپەن قۇلشىنىپ، جۇڭگونىڭ قوعامدىق وندىرگىش كۇشىن بارىنشا ازات ەتىپ جانە دامىتىپ، جۇڭگودا وراسان زور وزگەرىستەردىڭ تۋىلۋىن جەبەدى. 40 جىلدان بەرى، جۇڭگو حالقى باستان - اياق جاپپاي ىزدەنىس جاساپ، قۇلشىنا ىلگەرىلەپ، مەملەكەت جاعدايىن تياناق ەتۋدەن جازباي، دۇنيەگە كوز تاستاپ، دەربەس وزىنە - ءوزى قوجايىن بولۋدى، ءوز كۇشىنە سۇيەنىپ ءومىر ءسۇرۋدى دارىپتەۋمەن بىرگە، سىرتقا ەسىك اشۋعا، ىنتىماقتاسىپ بىرگە يگىلىككە كەنەلۋگە دە ءمان بەردى، سوتسياليستىك تۇزىمدە تاباندى بولۋمەن بىرگە، سوتسياليستىك بازار ەكونوميكاسى رەفورماسى بەتالىسىنا دا تاباندى بولدى، «ىزدەنە ءجۇرىپ جول تابۋمەن» بىرگە، جوعارى دەڭگەيلى جوبالاۋدى دا كۇشەيتىپ، جۇڭگوشا سوتسياليزم جولىن ءساتتى اشتى. 40 جىلدان بەرى، جۇڭگو حالقى باستان - اياق داۋىرمەن بىرگە ىلگەرىلەپ، العان بەتىنەن قايتپاي، يدەيانى ازات ەتۋدەن، شىندىقتى ءىس جۇزىنەن ىزدەۋدەن جازباي، وزىنە توڭكەرىس جاساۋعا، ءوزىن جاڭارتۋعا باتىل بولىپ، اتوي سالۋعا، سىناق ەتۋگە باتىل بولىپ، باسقالار ىستەمەگەن ءىستى باتىلدىقپەن ىستەپ، يدەيانىڭ جەتەكشىلىگىنىڭ، تۇزىمدىك قامتاماسىزداندىرۋدىڭ جانە ءبىر ميلليارد 300 ميلليوننان استام حالىقتىڭ تاريحتى العا ىلگەرىلەتۋىنىڭ قۇدىرەتتى كۇشىن تولىق ايگىلەدى. 40 جىلدان بەرى، جۇڭگو حالقى باستان - اياق قۇشاعىن كەڭ اشىپ، دۇنيەنى قۇشاعىنا الىپ، سىرتقا ەسىك اشۋداي نەگىزگى مەملەكەت ساياساتىنان جازباي، مەملەكەت قاقپاسىن اشىق ۇستاپ، قۇرىلىس جۇرگىزىپ، تۇيىقتالۋدان، جارتىلاي تۇيىقتالۋدان جان - جاقتى ەسىك اشۋعا دەيىنگى ۇلى بۇرىلىستى ءساتتى جۇزەگە اسىرىپ، دۇنيە ءجۇزى ەكونوميكاسىنىڭ ارتۋىنداعى نەگىزگى ورنىقتىرعىشقا جانە قوزعاۋشى كۇش قاينارىنا اينالىپ، ادامزاتتىڭ بەيبىتشىلىگى مەن دامۋىنىڭ قاسيەتتى ءىسى ءۇشىن جۇڭگو ۇلەسىن قوستى.
  شي جينپيڭ مىنالاردى اتاپ كورسەتتى: ءبىر مەملەكەت، ءبىر ۇلت گۇلدەنەمىن دەيدى ەكەن، ءسوزسىز، تاريحتىڭ ىلگەرىلەۋ لوگيكاسىندا ىلگەرىلەۋى، ءداۋىردىڭ دامۋ اعىمىندا دامۋى كەرەك. قازىرگى الەمدە بەيبىتشىلىك پەن ىنتىماقتاستىقتىڭ اۋقىمى جوڭكىلە العا ىلگەرىلەۋدە، ەسىك اشىپ توعىسۋ اۋقىمى جوڭكىلە العا ىلگەرىلەۋدە، وزگەرىس جاساپ جاڭالىق اشۋدىڭ تولقىنى جوڭكىلە العا ىلگەرىلەۋدە. ءار ەل حالقى ءبىر نيەتپەن كۇش قوسىپ، قول ۇستاسا العا باسىپ، ادامزاتتىڭ تاعدىرلاس ورتاق تۇلعاسىن قۇرۋعا قۇلشىنىپ، بەيبىت، تىنىش، گۇلدەنگەن، اشىق، كورىكتى ازيانى جانە دۇنيە ءجۇزىن بىرگە قۇرۋى ءتيىس.
  شي جينپيڭ مىنالاردى باسا دارىپتەدى: بولاشاققا بەت العاندا، ءبىز ءبىر - ءبىرىمىزدى قۇرمەتتەپ، ءوزارا تەڭ مامىلە جاساسۋىمىز، ديالوگ جۇرگىزەتىن، قارسىلاسپايتىن، سەرىكتەسەتىن، وداقتاسپايتىن مەملەكەتتەر ارا قارىم - قاتىناستىڭ جاڭا جولىمەن ءجۇرۋىمىز، باياندى بەيبىتشىلىكتى جۇزەگە اسىرۋعا قۇلشىنۋىمىز؛ ديالوگ ارقىلى كەڭەسۋىمىز، جاۋاپكەرشىلىكتى بىرگە ارقالاۋىمىز، جاپپاي حاۋىپسىزدىكتى جانە ورتاق حاۋىپسىزدىكتى جۇزەگە اسىرۋىمىز؛ تار جول، تايعاق كەشۋلەردەن بىرگە ءوتۋىمىز، ىنتىماقتاسىپ، تەڭ ۇتۋىمىز، اشىق الەمدىك ەكونوميكا ورناتىپ، كوپ جاقتى ساۋدا ءتۇزىلىسىن قورعاۋىمىز، ەكونوميكانىڭ جاھاندانۋىنىڭ اناعۇرلىم اشىق، سيىسىمدى، جالپىعا پايدالى، تەڭگەرىمدى، تەڭ ۇتاتىن بەتالىسقا قاراي دامۋىن جەبەۋىمىز؛ بارلىعىن قامتۋىمىز، ەكلەكتيكالى بولۋىمىز، وركەنيەتتەر اۋىس - ءتۇيىسىنىڭ جانە ءبىر - بىرىنەن ۇلگى الۋىنىڭ ءار ەل حالقىنىڭ دوستىعىن تەرەڭدەتەتىن كوپىرگە، قوعامنىڭ العا باسۋىن ىلگەرىلەتەتىن قوزعاۋشى كۇشكە، ءوڭىردىڭ جانە دۇنيە ءجۇزىنىڭ بەيبىتشىلىگىن قورعاۋدىڭ دانەكەرىنە اينالۋىنا مۇمكىندىك جاساۋىمىز؛ تابيعاتتان يمەنىپ، جەر شارىن ايالاۋىمىز، ءوندىرىسى دامىعان، تۇرمىسى باي، ەكولوگياسى تاماشا وركەنيەتتى دامۋ جولىن اشىپ، كەلەشەك ۇرپاقتارىمىزعا اشىق اسپان، كوك تەڭىز، تۇنىق سۋ، جاسىل تاۋ قالدىرۋىمىز كەرەك.

4 - ايدىڭ 10 - كۇنى بو - اۋ ازيا تالقى مىنبەرىنىڭ 2018 - جىلعى جىلدىق ءماجىلىسى حاينان ولكەسىنىڭ بو - اۋىندا اشىلدى. مەملەكەت ءتوراعاسى شي جينپيڭ اشىلۋ سالتىنا قاتىناستى ءارى «ەسىك اشىپ، بىرگە گۇلدەنەيىك، جاڭالىق اشىپ، بولاشاققا جەتەكشىلىك ەتەيىك» دەگەن تاقىرىپتا ارقاۋ ءسوز سويلەدى. اشىلۋ سالتىنان بۇرىن، شي جينپيڭ مەن حانىمى پىڭ لييۋان قوناق قارسى الۋ زالىندا شەتەل باسشىلارى مەن حانىمدارىن قارسى الدى ءارى توپتىق سۋرەتكە ءتۇستى.
سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

 شي جينپيڭ مىنالاردى باسا دارىپتەدى: جۇڭگوشا سوتسياليزم جاڭا داۋىرگە ءوتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ جاڭا پاراعىن، جۇڭگونىڭ دۇنيە جۇزىمەن توعىسا داميتىن جاڭا كارتيناسىن اشتى. جاڭا داۋىردە جۇڭگو حالقى ءوزىن ۇزدىكسىز الۋەتتەندىرىپ، ءوز - ءوزىن جاڭالاپ، رەفورمانى تاباندىلىقپەن جاپپاي تەرەڭدەتەدى؛ باتىلدىقپەن جاڭالىق اشۋدى جالعاستىرىپ، دامۋدى جەبەپ، حالىقتى وزەك ەتكەن دامۋ يدەياسىن تاباندىلىقپەن دايەكتىلەندىرىپ، حالىقتىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەدى؛ ەسىكتى ونان ارى ايقارا اشىپ، ىنتىماقتاستىقتى ونان ارى كۇشەيتىپ، ءوزارا پايدالى، تەڭ ۇتاتىن ەسىك اشۋ ستراتەگياسىن بۇلجىتپاي جۇرگىزەدى؛ دۇنيە جۇزىمەن ۇزدىكسىز قاتار ءجۇرىپ، ادامزات ءۇشىن اناعۇرلىم كەسەك ۇلەس قوسىپ، بەيبىت دامۋ جولىمەن جۇرۋدەن جازباي، دۇنيە جۇزىلىك سەرىكتەستىك قارىم - قاتىناستاردى بەلسەنە دامىتادى، كوپ جاقتىلىقتى قولداۋعا تاباندى بولادى.
  شي جينپيڭ مىنالاردى اتاپ كورسەتتى: اماليات وتكەن 40 جىلداعى جۇڭگونىڭ ەكونوميكالىق دامۋ تابىستارىنا ەسىك اشۋ جاعدايىندا قول جەتكەنىن، بولاشاقتا جۇڭگو ەكونوميكاسىنىڭ جوعارى ساپالى دامۋدى جۇزەگە اسىرۋى دا، ءسوز جوق، ەسىكتى ونان ارى ايقارا اشقان شارت - جاعدايدا جۇرگىزىلەتىندىگىن دالەلدەدى. جۇڭگونىڭ اشىق ەسىگى جابىلمايدى، ول بارعان سايىن ايقارا اشىلا تۇسەدى. بۇل − جۇڭگونىڭ دامۋ قاجەتى نەگىزىندە جاساعان ستراتەگيالىق تالعامى، سونىمەن قاتار، ءىس جۇزىندىك ارەكەت ارقىلى ەكونوميكانىڭ جاھاندانۋىن ىلگەرىلەتىپ، دۇنيە جۇزىندەگى ءار ەل حالىقتارىنا باقىت جەتكىزۋى سانالادى.
  شي جينپيڭ ەسىكتى ايقارا اشۋ جاعىندا جۇڭگو مىناداي جاڭا، كەلەلى شارالاردى قولداناتىندىعىن جاريالادى.
  ءبىرىنشى، بازارعا كىرۋ رۇقساتىن زور دارەجەدە كەڭەيتەدى. بانكە، اكتسيا، قامسىزداندىرۋ كاسىپتەرىندەگى شەتەل قارجىسى، جارناسى سالىستىرماسىنا قويىلاتىن شەكتەمەنى بوساتۋ سىندى كەلەلى شارانىڭ تياناقتانۋىنا شىنايى كەپىلدىك ەتەدى، سونىمەن قاتار، ەسىك اشۋ سەرپىنىن ارتتىرىپ، قامسىزداندىرۋ كاسىبىنىڭ ەسىك اشۋ ءۇردىسىن تەزدەتىپ، شەتەل قارجىلىعىنداعى فينانس قۇرىلىمدارىن قۇرۋعا قويىلاتىن شەكتەمەنى بوساتىپ، شەتەل قارجىلىعىنداعى فينانس قۇرىلىمدارىنىڭ جۇڭگوداعى كاسىپ كولەمىن كەڭەيتەدى، جۇڭگو مەن شەتەلدەردىڭ فينانس بازارلارىنىڭ ىنتىماقتاستىق سالاسىن كەڭەيتەدى. اۆتوموبيل كاسىبى سياقتى جاساۋ كاسىبىندەگى شەتەل قارجىسىنا قويىلاتىن شەكتەۋدى تەزىرەك بوساتادى.

  ەكىنشى، نەعۇرلىم تارتىمدى قارجى سالۋ ورتاسىن قۇرادى. حالىقارالىق ەكونوميكا - ساۋدا ەرەجەسىمەن ءتۇيىلىسۋدى كۇشەيتىپ، جاريالىلىقتى ارتتىرىپ، ءبىلىم مەنشىگى ۇقىعىن قورعاۋدى كۇشەيتىپ، زاڭ بويىنشا ىستەۋگە تاباندى بولىپ، باسەكەگە دەم بەرەمىز، مونوپولداۋعا قارسى تۇرامىز. بيىلعى جىلدىڭ الدىڭعى جارتىسىندا شەتەلدىك ساۋداگەرلەردىڭ قارجى سالۋىنىڭ ۇنامسىز تىزىمىنە وزگەرىس ەنگىزۋ قىزمەتىن ورىنداپ، بازارعا كىرۋگە رۇقسات ەتۋ الدىنداعى ازاماتتىق مامىلە جانە ۇنامسىز ءتىزىم نەگىزىندەگى باسقارۋ ءتۇزىمىن جاپپاي تياناقتاندىرامىز.
  ءۇشىنشى، ءبىلىم مەنشىگى ۇقىعىن قورعاۋدى كۇشەيتەمىز. مەملەكەتتىك ءبىلىم مەنشىگى ۇقىعى مەكەمەسىن قايتا قۇرىپ، زاڭ اتقارۋ كۇشىن كەمەلدەندىرىپ، زاڭ اتقارۋ سەرپىنىن ارتتىرىپ، زاڭ بۇزۋدىڭ وزىندىك قۇنىن كورنەكتى تۇردە وسىرەمىز. جۇڭگوداعى شەتەل قارجىلىعىنداعى كاسىپورىنداردىڭ زاڭدى ءبىلىم مەنشىگى ۇقىعىن قورعايمىز، شەتەل ۇكىمەتتەرىنىڭ جۇڭگونىڭ ءبىلىم مەنشىگى ۇقىعىن قورعاۋىن كۇشەيتۋىن ءۇمىت ەتەمىز.
  ءتورتىنشى، يمپورتتى ىرىقتىلىقپەن كەڭەيتەمىز. جۇڭگو ساۋدا وڭ بالانىسىنا ۇمتىلۋدى نىسانا ەتپەيدى، يمپورتتى كەڭەيتىپ، ۇدايىلىق نىسان كىرىس - شىعىستارىنىڭ تەپە - تەڭدىگىن جەبەۋدى شىن نيەتپەن ءۇمىت ەتەدى. بيىل اۆتوموبيلدىڭ يمپورتتىق كەدەن باجىسىن ءبىر تالاي مولشەردە ازايتامىز، سونىمەن قاتار، ءبىر ءبولىم باسقا ونىمدەردىڭ يمپورتتىق كەدەن باجىسىن تومەندەتىپ، الەمدىك ساۋدا ۇيىمىنىڭ «ۇكىمەتتىك ساتىپ الۋ كەلىسىمىنە» كىرۋ ءۇردىسىن تەزدەتەمىز. دامىعان ەلدەردىڭ قالىپتى، ۇيلەسىمدى جوعارى تەحنيكالىق ونىمدەر ساۋداسىنا ادەيى شەك قويۋىن توقتاتۋىن، جۇڭگونىڭ جوعارى تەحنيكالىق ونىمدەرىنە قويىلاتىن ەكسپورتتىق تەجەۋدى بوساتۋىن ءۇمىت ەتەمىز. ءار ەلدەگى دوستاردىڭ جۇڭگوعا كەلىپ، بيىل 11 - ايدا شاڭحايدا وتەتىن تۇڭعىش كەزەكتى جۇڭگو حالىقارالىق يمپورت جارمەڭكەسىنە قاتىناسۋىن قارسى الامىز.
  شي جينپيڭ مىنالاردى اتاپ كورسەتتى: الگىندە جاريالاعان سىرتقا ەسىك اشۋداعى كەلەلى شارالاردى ءبىز تەز ارادا تياناقتاندىرامىز، ەرتەرەك بولعانى كەش قالۋدان جاقسى، تەز بولعانى باياۋ بولعاننان جاقسى، ەسىك اشۋ تابىستارىنىڭ جۇڭگو كاسىپورىندارى مەن حالقىنا، دۇنيە جۇزىندەگى ءار ەل كاسىپورىندارى مەن حالىقتارىنا ەرتەرەك يگىلىك جەتكىزۋىنە قۇلشىنا مۇمكىندىك جاسايمىز. مەن قۇلشىنۋ ارقىلى جۇڭگونىڭ سىرتقا ەسىك اشۋىندا، ءسوز جوق، شىت جاڭا جاعداي جارىققا شىعاتىندىعىنا سەنەمىن.
  شي جينپيڭ مىنالاردى باسا دارىپتەدى: «ءبىر بەلدەۋ، ءبىر جول» دارىپتەمەسى جۇڭگودان شىقتى، ءبىراق وراي مەن تابىس دۇنيەگە ءتان. تاراپتار بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن ۇستانسا جانە وعان بويسۇنسا بولعانى، ءسوز جوق، «ءبىر بەلدەۋ، ءبىر جولدى» ەكونوميكانىڭ جاھاندانۋ اعىمىنا ساي كەلەتىن ەڭ كەڭ كولەمدى حالىقارالىق ىنتىماقتاستىق تۇعىرى ەتىپ قۇرىپ شىعۋعا ابدەن بولادى. ەسىك اشىپ، تەڭ ۇتۋعا تاباندى بولىپ، باتىل وزگەرىس جاساپ، جاڭالىق اشىپ، ادامزاتتىڭ تاعدىرلاس ورتاق تۇلعاسىن قۇرۋ نىساناسىنا قاراي ۇزدىكسىز ۇمتىلىپ، ازيا مەن دۇنيە ءجۇزىنىڭ كوركەم بولاشاعىن بىرگە قۇرايىق!
  ءسوز بارىسىندا، زالدان كوپ مارتە قىزۋ قول شاپالاق ءۇنى كوتەرىلدى.
  اشىلۋ سالتىندا بو - اۋ ازيا تالقى مىنبەرىنىڭ القا مەڭگەرۋشىسى ياسۋو فۋكۋدا قارسى الۋ ءسوزىن سويلەدى، ماجىلىسكە قاتىناسقان شەتەلدىك ساياسي قايراتكەرلەر مەن كاسىپورىنشىلاردىڭ ۋاكىلدەرى دە جەكە - جەكە ارناۋ ءسوز سويلەدى. ولار بىلاي دەستى: جۇڭگونىڭ رەفورما جاساپ، ەسىك اشۋى كۇللى دۇنيەنىڭ نازارىن اۋدارعان ۇلى تابىسقا جەتىپ، جۇڭگونىڭ ءوز ەكونوميكاسىنىڭ، قوعامىنىڭ جەدەل دامۋىن جەبەپ قانا قويماي، دۇنيە جۇزىندەگى ءار ەلدىڭ دامۋىنا دا وراسان زور وراي اكەلدى. جۇڭگونىڭ ەسىك اشۋدى كەڭەيتۋ تۋرالى ورتاعا قويعان ءبىر قاتار ساياسات - شارالارى الەمدى جەلپىنتىپ، بولاشاقتا جۇڭگونىڭ رەفورما جاساپ، ەسىك اشۋدى تاباندىلىقپەن ىلگەرىلەتە بەرەتىنىن ايگىلەدى، بۇل جۇڭگو جانە دۇنيە جۇزىندەگى ءار ەل حالقى ءۇشىن شات حابار، ول دۇنيە ءجۇزىنىڭ بىرگە دامۋىن، گۇلدەنۋىن پارمەندى تۇردە ىلگەرىلەتەدى.
  اشىلۋ سالتىنان بۇرىن، شي جينپيڭ ازيا مەديالارىنىڭ جوعارى دارەجەلى باسشىلار كەزدەسۋىنىڭ ۋاكىلدەرىمەن، جۇڭگولىق، شەتەلدىك كاسىپورىنشىلاردىڭ ۋاكىلدەرىمەن، شياڭگاڭنىڭ، اۋمىننىڭ جانە مۇھاجىرلار سالاسىنىڭ ۋاكىلدەرىمەن، ەكى جاعالاۋ ورتاق بازار قورىنىڭ ۋاكىلدەرىمەن جەكە - جەكە توپتىق سۋرەتكە ءتۇستى. وسىدان سوڭ، شي جينپيڭ مەن پىڭ لييۋان قوناقتار زالىنا بارىپ، شەتەلدىك باسشىلار مەن ولاردىڭ حانىمدارىن قارسى الدى جانە ولارمەن بىرگە توپتىق سۋرەتكە ءتۇستى.
  اشىلۋ سالتىنان كەيىن، شي جينپيڭ مەن پىڭ لييۋان ماجىلىسكە قاتىناسقان سيلى قوناقتارعا قارسى الۋ قوناعاسىن بەردى.
  ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى ليۋ حى، ج ك پ ورتالىق كوميتەتى ساياسي بيۋروسىنىڭ مۇشەسى ياڭ جيەچى، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ، مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي، مەملەكەتتىك ساياسي كەڭەستىڭ ورىنباسار ءتوراعاسى حى ليفىڭ اتالعان قيمىلدارعا قاتىناستى.
  بو - اۋ ازيا تالقى مىنبەرىنىڭ 2018 - جىلعى جىلدىق ءماجىلىسى 4 - ايدىڭ 8 - كۇنىنەن 11 - كۇنىنە دەيىن وتكىزىلەدى، تاقىرىبى: «ەسىك اشىپ، جاڭالىق جاراتقان ازيا، گۇلدەنىپ - دامىعان الەم». كوپتەگەن ەلدەر مەن رايونداردىڭ باسشىلارىنان، حالىقارالىق ۇيىمداردىڭ جاۋاپتىلارىنان جانە ساياسي سالاداعى، ونەركاسىپ - ساۋدا سالاسىنداعى قايراتكەرلەردەن، مامان - وقىمىستىلاردان 2000نان استام ادام ماجىلىسكە قاتىناستى.


بەرىپ كەت ورامالىڭدى

دوستار

الىستاعى اق ەركە