جاڭا حابارلار

اۆتونوميالى رايوندىق پارتكومنىڭ اۋىل-قىستاق قىزمەتىنە باسشىلىق ەتۋ گرۋپپاسى ارناۋلى تاقىرىپتا ءماجىلىس اشتى

    كەلۋ قاينارى: شينجياڭ حالىق راديو ىستانسياسى    2018-04-10 16:28:24  

ستانسيامىزدىڭ حابارى: اۆتونوميالى رايوندىق پارتكومنىڭ اۋىل-قىستاق قىزمەتىنە باسشىلىق ەتۋ گرۋپپاسى 4-ايدىڭ 8-كۇنى ارناۋلى تاقىرىپتا ءماجىلىس اشىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-قۇرىلتايىنىڭ، پارتيا 19-كەزەكتى ورتالىق كوميتەتىنىڭ 1-، 2-، 3-جالپى ءماجىلىسىنىڭ رۋحىن جانە مەملەكەتتىك ەكى ءماجىلىستىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ «اۋىل شارۋاشىلىعى، اۋىل-قىستاق، شارۋالار» يدەياسىن ۇيرەنىپ، مەملەكەتتىك كوكتەمگى اۋىل شارۋاشىلىق ءوندىرىس قىزمەتى ءماجىلىسىنىڭ رۋحىن جەتكىزىپ، ۇيرەنىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، تۇتاس رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق پارتكومنىڭ اۋىل-قىستاق قىزمەتىنە باسشىلىق ەتۋ گرۋپپاسىنىڭ باستىعى لي پىڭشين ماجىلىسكە قاتىناستى، ءارى ءسوز سويلەدى
ماجىلىستە بىلاي دەپ اتاپ كورسەتىلدى: «باس شۋجي شي جينپيڭنىڭ «اۋىل شارۋاشىلىعى، اۋىل-قىستاق، شارۋالار» يدەياسىن ىشكەرىلەي ۇيرەنىپ، يگەرىپ جانە باتىل دايەكتىلەندىرىپ، تياناقتاندىرىپ، يدەيا مەن ارەكەتتى پارتيا ورتالىق كوميتەتىنىڭ شەشىم-ورنالاستىرۋلارى، اۆتونوميالى رايوندىق پارتكومنىڭ ورنالاستىرۋ تالابى بويىنشا شىن مانىندە بىرلىككە كەلتىرىپ، رايونىمىزدىڭ اۋىل شارۋاشىلىعى، اۋىل-قىستاق قىزمەتىن ىلگەرىلەتۋدە تىڭ ساتىعا قادام تاستاۋ كەرەك».
ماجىلىستە مىنالار تالاپ ەتىلدى: اۆتونوميالى رايوندىق پارتكومنىڭ اۋىل-قىستاقتى كوركەيتۋ ستراتەگياسىن ارقاۋ ەتىپ، بەلگىلەگەن قىزمەت پرەنسيبىنە، وي جەلىسىنە جانە ساياساتتىق شاراسىنا باتىل تاباندى بولىپ، نازاردى «9 ءتۇرلى كۇش سالۋعا  شوعىرلاندىرىپ، ءبىرىنشى كاسىپتىڭ دەڭگەيىن جوعارلاتۋعا تاباندى بولىپ، «استىقتى ورنىقتىرۋ، ماقتانى ساپالاندىرۋ، مال شارۋاشىلىعىن جەبەۋ، جەمىس اعاشى كاسىبىن كۇشەيتۋ، ەرەكشە كاسىپتى كوركەيتۋ» نەگىزگى وي جەلىسىن ارقاۋ ەتىپ، «ءبىر نەگىزگى جەلىنى» كورنەكتىلەندىرىپ، «ءۇش جاقتان تابىسقا» قول جەتكىزىپ، «ءتورت جاقتاعى دەڭگەيدى» جوعارلاتىپ، «بەس ءتۇرلى جۇيەنى» كەمەلدەندىرۋگە بارىنشا كۇش سالىپ، ءتۇرلى قىزمەتتى شىن مانىندە دەن قويا ىستەپ، بارىنشا، ناقتىلى تياناقتاندىرۋ قاجەت. اۋىل شارۋاشىلىعىنا قاتىستى تاراۋلار، مەكەمە ورىندار ىرىقتىلىقپەن ولشەم بەلگىلەپ، بەلسەنە جۇمىس ىستەپ، رايونىمىزدىڭ اۋىل شارۋاشىلىق، اۋىل-قىستاق ىستەرىنىڭ دامۋ اياق الىسىنا ورالعى بولاتىن ءتۇزىلىس، مەحانيزىم جاعىنداعى ماسەلەنى تىڭعىلىقتى، ءونىمدى شەشىپ، اۋىل-قىستاقتى كوركەيتۋ ستراتەگياسىن شىن مانىندە ىشكەرىلەي جۇرگىزىپ، جاپپاي دوڭگەلەك داۋلەتتى قوعام قۇردىڭ جەڭىسىنە قول جەتكىزۋگە، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ۇلەس قوسۋى كەرەك. مەملەكەتتىڭ استىق حاۋىپسىزدىگىنە كەپىلدىك ەتۋدى «اۋىل شارۋاشىلىعى، اۋىل-قىستاق، شارۋالار» قىزمەتىندەگى باستى ءىرى ءىس رەتىندە مىقتى يگەرىپ، استىق ءوندىرىسىن ورنىقتىرىپ، استىقتىڭ قۇرىلىمىن ساپالاندىرىپ، استىقتىڭ شارتسىز حاۋىپسىزدىگىنە شىنايى كەپىلدىك ەتۋ ءتيىس.
 كوكتەمگى اۋىل شارۋاشىلىق ءوندىرىسىن كەزەكتەگى «اۋىل شارۋاشىلىعى، اۋىل-قىستاق، شارالار» قىزمەتىنىڭ ءتۇيىنى ەتىپ، كوكتەمگى ەگىس جۇمىسىن مۇقيات ويداعىداي ىستەپ، اۋىل شارۋاشىلىق تەحنيكاسىنا جەتەكشىلىك ەتۋ مەن قىزمەت وتەۋدى كۇشەيتىپ، اۋىل شارۋاشىلىق ءوندىرىس قۇرال-جابدىقتارىمەن قامداۋ، دەرت-دەربەز بەن زياندى-جاندىكتەردىڭ الدىن الۋ جانە ونى تىزگىندەۋ سياقتى قىزمەتتەردى ءبىر تۇتاس ويداعىداي ىستەۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى.


بەرىپ كەت ورامالىڭدى

دوستار

الىستاعى اق ەركە