جاڭا حابارلار

شي جينپيڭ اۆستريانىڭ زۇڭتۇڭى ۆان دەر بەللەنمەن كەڭەس وتكىزدى

    كەلۋ قاينارى: شينجياڭ گازەتى    2018-04-10 19:05:30  

ەكى ەل باسشىلارى جۇڭگو مەن اۆستريانىڭ دوستىق ستراتەگيالىق سەرىكتەستىك قاتىناسىن ورناتۋعا، جۇڭگو مەن اۆستريانىڭ سىندارلى سەلبەستىگىنىڭ تىڭ ساتىعا كوتەرىلۋىن ىلگەرىلەتۋگە ءبىر اۋىزدان قوسىلدى

 شينحۋا اگەنتتىگىنىڭ 4 - ايدىڭ 8 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 4 - ايدىڭ 8 - كۇنى حالىق سارايىندا اۆستريانىڭ زۇڭتۇڭى ۆان دەر بەللەنمەن كەڭەس وتكىزدى. ەكى ەل باسشىلارى جۇڭگو مەن اۆستريانىڭ دوستىق ستراتەگيالىق سەرىكتەستىك قاتىناسىن ورناتۋعا، جۇڭگو مەن اۆستريانىڭ سىندارلى سەلبەستىگىنىڭ تىڭ ساتىعا كوتەرىلۋىن ىلگەرىلەتۋگە ءبىر اۋىزدان قوسىلدى. اۆستريانىڭ زۇڭليى كۋرتس كەزدەسۋگە قاتىناستى.
  شي جينپيڭ ۆان دەر بەللەننىڭ جۇڭگودا تۇڭعىش رەت مەملەكەتتىك ساپاردا بولعانىن ءارى بو - اۋ ازيا تالقى مىنبەرىنىڭ جىلدىق ماجىلىسىنە قاتىناسقانىن قۇتتىقتادى. شي جينپيڭ بىلاي دەپ اتاپ كورسەتتى: زۇڭتۇڭ مىرزانىڭ كۋرتس زۇڭلي جانە مينيسترلەردەن قۇرالعان جوعارى دارەجەلى كولەمدى ۋاكىلدەر ۇيىرمەسىن باستاپ جۇڭگوعا ساپارلاي كەلۋى جۇڭگو - اۆستريا قاتىناسى تاريحىندا ءبىرىنشى رەت بولىپ وتىر، بۇل زۇڭتۇڭنىڭ جانە اۆستريا ۇكىمەتىنىڭ جۇڭگو - اۆستريا قاتىناسىن دامىتۋعا وسكەلەڭ ءمان بەرگەندىگىن تولىق ايگىلەدى. زۇڭتۇڭ مىرزانىڭ جۇڭگو حالىق قاھارماندار ەسكەرتكىشىنىڭ الدىنا بارىپ گۇل شەڭبەر قويۋى جۇڭگو حالقىنا بولعان قۇرمەتى مەن دوستىق سۇيىسپەنشىلىگىن ايگىلەدى. اۆستريا جۇڭگونىڭ ەۆروپاداعى ماڭىزدى سەلبەستىك سەرىگى. جۇڭگو مەن اۆستريا ۇزاق تاريحقا جانە شۇعىلالى مادەنيەتكە يە ەلدەر، ەكى ەل حالقىنىڭ ءوزارا دوستىق سۇيىسپەنشىلىگى بار. كۋرتس زۇڭلي باسشىلىق ەتكەن اۆستريانىڭ جاڭا كەزەكتى ۇكىمەتى جۇڭگومەن بولعان بايلانىستى بەلسەنە دامىتۋدى جانە «ءبىر بەلدەۋ، ءبىر جول» دارىپتەمەسىن بيلىك جۇرگىزۋ كەلىسىمىنە تۇڭعىش رەت ەنگىزدى، جۇڭگو بۇعان القاۋ بىلدىرەدى. جۇڭگو اۆستريامەن بىرگە ەكى ەلدىڭ سەلبەستىك كومەسكى كۇشىن بىرگە اشىپ جانە شىعارىپ، دوستىقتى جانە سەلبەستىكتى اناعۇرلىم نىعايتىپ، ەكى ەل حالقىنا اناعۇرلىم ويداعىداي باقىت جاراتۋدى قالايدى.
  شي جينپيڭ مىنالاردى باسا دارىپتەدى: جۇڭگو مەن اۆستريانىڭ ەكونوميكا جاعىندا ءبىرىن - ءبىرىن تولىقتاۋ قۋاتى مىعىم، مۇددە سايكەستىگى كوپ، سەلبەستىك سالاسى كەڭ، اشىق، كومەسكى كۇشى زور. تاراپتار دوستىق ستراتەگيالىق سەرىكتەستىك قاتىناسىن ورناتۋدى وراي دەپ ءبىلىپ، ساياسي جەتەكشىلىك ەتۋدى جانە جوعارى دەڭگەيدەگى جوبانى كۇشەيتىپ، جوعارى جىكتەگىلەردىڭ بايلانىسىن ساقتاپ، ءتۇرلى سالالاردا اناعۇرلىم كەڭ پىكىرلەسۋدى، كەڭەسۋدى ورىستەتىپ، ەكى ەلدىڭ ءادىليا، حاۋىپسىزدىك، زاڭ اتقارۋ، ءىرىپ - شىرۋگە قارسى تۇرۋ، جەمقورلىق ىستەپ قاشقانداردى، ولاردىڭ قىمقىرعان اقشالارىن قايتارىپ الۋ سياقتى سالالارداعى سەلبەستىك ورەسىن جوعارىلاتىپ، كوپ جاقتاردا پىكىرلەسۋدى كۇشەيتىپ، دۇنيە ءجۇزىنىڭ بەيبىتشىلىگى مەن ورنىقتىلىعىن بىرگە قورعاۋ كەرەك. ەكى ەلدىڭ سىندارلى سەلبەستىگىنىڭ تىڭ جاعدايىن اشىپ، ساۋدانىڭ تىڭ ارناسىن كەڭەيتۋ كەرەك. جۇڭگو اۆستريانىڭ جۇڭگو − ورتا شىعىس ەۆروپا ەلدەرى سەلبەستىگىنە ىشكەرىلەي قاتىناسۋىن قارسى الادى، اۆستريامەن ءوز - ءوزىنىڭ دامۋ ستراتەگياسىن توعىستىرۋدى كۇشەيتۋدى قالايدى. ەكى جاق مىسىق ايۋدى بىرلەسىپ زەرتتەۋ، ساياحات سياقتى گۋمانيتارلىق وڭىردەگى سەلبەستىكتى ۇزبەي كۇشەيتىپ، ەكى ەل دوستىعىن ىشكەرىلەي تەرەڭدەتۋ كەرەك.
  شي جينپيڭ مىنالاردى اتاپ كورسەتتى: بيىل جۇڭگو مەن ەۆروپانىڭ جاپپاي ستراتەگيالىق سەرىكتەستىك قاتىناسىنا 15 جىل تولادى، جۇڭگو مەن ەۆروپانىڭ دامۋ بەتالىسى نەگىزىنەن جاقسى. ەۆروپا وداعىنىڭ ىنتىماقتى، ورنىقتى، اشىق، گۇلدەنۋى جۇڭگونىڭ مۇددەسىنە ۇيلەسەدى، جۇڭگونىڭ ەۆروپانىڭ ءبىر تۇلعالانۋىن قولداۋ تۇرعىسى بۇرىنعىداي وزگەرمەيدى، اۆستريانىڭ جۇڭگو مەن ەۆروپانىڭ ستراتەگيالىق ءوزارا سەنىمدىلىگىن ارتتىرۋعا، جۇڭگو مەن ەۆروپانىڭ جان - جاقتى سەلبەستىگىن جەبەۋگە ورەلى رولىن بەلسەنە ساۋلەلەندىرۋىن ءۇمىت ەتەمىن.
  ۆان دەر بەللەن بىلاي دەدى: جۇڭگوعا ساپارلاي كەلگەنىمە قۋانامىن. جۇڭگو رەفورما جاساپ، ەسىك اشقاننان بەرى، كەلەلى ەكونوميكالىق جەتىستىكتەرگە قول جەتكىزدى، اۆستريا مەن جۇڭگونىڭ ىنتىماقتاستىعىنا ماڭىزدى وراي ازىرلەدى. اۆستريا - جۇڭگو قاتىناسىنىڭ ىشكەرىلەي دامۋى ادامدى قۋانتادى. اۆستريا جۇڭگومەن ەكونوميكا، ساۋدا، قارجى قوسۋ، عىلمي زەرتتەۋ، قورشاعان ورتا، تازا ەنەرگيا، مادەنيەت، دەنە تاربيە سياقتى سالالاردا اۋىس - كۇيىس، سەلبەستىكتى ىشكەرىلەتۋگە كۇش سالادى. اۆستريا جۇڭگونىڭ كليمات وزگەرىسىنە توتەپ بەرۋ سياقتى جاھاندىق ىستەردە ساۋلەلەندىرگەن بەلسەندى رولىن توتەنشە القايدى، ەكى ەلدىڭ پىكىرلەسۋىن، سايكەسۋىن تەرەڭدەتۋدى قالايدى. اۆستريا بيىل 7 - ايدا ەۆروپا وداعىنىڭ ءتوراعالىق مىندەتىن اتقارادى، ەۆروپا - جۇڭگو سەلبەستىگىن تەرەڭدەتۋگە بەلسەندى رولىن ساۋلەلەندىرۋدى قالايدى.
  كەڭەستەن كەيىن، ەكى جاق «جۇڭحۋا حالىق رەسپۋبليكاسى مەن اۆستريا رەسپۋبليكاسىنىڭ دوستىق ستراتەگيالىق سەرىكتەستىك قاتىناسىن ورناتۋ جونىندەگى بىرلەسكەن مالىمدەمەسىن» جاريالادى. ەكى ەل باسشىلارى «ءبىر بەلدەۋ، ءبىر جول» سەلبەستىگى، ءادىليا، جاڭالىق اشۋ، قاتىناس، وسى زامانعى اينالىم، مادەنيەت، دەنە تاربيە جانە ءبىلىم مەنشىك ۇقىعى سياقتى وڭىرلەردەگى ەكى جاق سەلبەستىك حۇجاتىنىڭ قول قويىلۋىنا بىرگە كۋا بولدى.
  كەڭەستەن بۇرىن، شي جينپيڭ حالىق سارايىنىڭ سولتۇستىك ۇلكەن زالىندا ۆان دەر بەللەندى قارسى الۋ سالتىن وتكىزدى.


بەرىپ كەت ورامالىڭدى

دوستار

الىستاعى اق ەركە