جاڭا حابارلار

كورىكتى اۋىل-قىستاق قۇرىپ، باقىتتى مەكەنىمىزدى كوركەيتەيىك

    كەلۋ قاينارى: شينجياڭ حالىق راديو ىستانسياسى    2018-04-10 20:16:30  

ستانسيامىزدىڭ جيناق حابارىنا قۇلاق تۇرىڭىزدەر: بيىلعى مەملەكەتتىك ەكى ماجىلىستە، باس شۋجي شي جينپيڭ شاندۇڭ ۋاكىلدەر ۇيىرمەسىنىڭ ۇكىمەت قىزمەتىنەن باياندامانى قاراۋىنا قاتىناسقاندا: اۋىل-قىستاقتى كوركەيتۋ ستراتەگياسىن تىڭعىلىقتى، ويداعىداي اتقارۋ كەرەكتىگىن باسا دارىپتەدى. رايونىمىزدىڭ جەر-جەرى وسىنى جەتەكشى ەتىپ، اۋىل-قىستاقتى كوركەيتۋ ستراتەگياسىن اتقارۋدى جاڭا داۋىردەگى «اۋىل شارۋاشىلىعى، اۋىل-قىستاق، شارۋالار» قىزمەتىن ويداعىداي ىستەۋدىڭ ءتۇيىنى رەتىندە مىقتى يگەرىپ، كاسىپتى گۇلدەندىرۋ، ەكولوگياسى قونىستانۋعا قولايلى كەلۋ، اۋىل سالتى وركەنيەتتى، وڭاۋى ءونىمدى، تۇرمىسى باي بولۋ جالپى تالابىنا ساي، كورىكتى اۋىل-قىستاق، باقىتتى مەكەن قۇرۋعا كۇش سالدى. «ۇستاز، ءۇيىمىز قاشان سالىنىپ بولادى؟ بۇگىن 4-ايدىڭ 5-كۇنى، سەمەنت قاتىرىپ جاتىرمىز، سەمەنت قاتقان سوڭ، 4-ايدىڭ 10-كۇننەن بۇرىن بارلىق جۇمىستى بىتىرۋگە كەپىلدىك ەتەمىز».
4-ايدىڭ 5-كۇنى تاڭەرتەڭ، اۋات اۋدانى جاڭارىق اۋىلى ارا ايماق قىستاعىنىڭ ديحانى ءبۋاجار اكىل بەيقۇت ءۇيى سالىنىپ جاتقان قۇرىلىس ورنىنا باردى، ءۇيىنىڭ جۋىق ارادا سالىنىپ بولاتىنىن ەستىپ، ەرەكشە قۋاندى. ول: «ءۇيىمىز 3-ايدىڭ 1-كۇنىنەن باستاپ سالىنعان، تۇلعالىق قۇرىلىسى ءبىتتى، جىلۋمەن قامداۋ جابدىعىن ورناتۋ مەن اشەكەيلەۋگە ءبىر اي ۋاقىت كەتسە، كەشىككەندە 5-ايدىڭ باس شەنىندە كوشىپ كىرەمىز. ءۇيىمىز اسحانا، تازالىق بولمەسىن، قوناق بولمەسىن، جاتىن بولمەسىن قامتىعان التى بولمەدەن تۇرادى ەكەن، پارتيا مەن ۇكىمەت 30 مىڭ 500 يۋان قوسىمشا قاراجات بەردى، پارتيا مەن ۇكىمەتكە العىسىمىز شەكسىز»،-دەدى.
بيىل اۋات اۋدانى 4 مىڭ 281 بەيقۇت ءۇيدى جاڭادان سالۋدى جوسپارلادى، قازىرگە دەيىن، 800 بەيقۇت ءۇيدىڭ تۇلعالىق قۇرىلىسى ءبىتتى. سونىمەن بىرگە، جەرگىلىكتى ورىن بەيقۇي ءۇي سالۋدى ەڭبەككۇشتەردى باسقا سالاعا ويىستىرۋمەن، اۋىل-قىستاقتى، اۋلانى رەتتەۋمەن ۇشتاستىرىپ، كورىكتى اۋىل-قىستاق قۇرۋ نەگىزىن بەكەمدەدى.
 اۋات اۋدانى جاڭارىق اۋىلدىق پارتكومنىڭ ورىنباسار شۋجيى ۋاڭ يۇڭدۇڭ بىلاي دەدى: «جەرگىلىكتى ورىنداعى جۇمىسشىلاردى جەرگىلىكتى ورىننىڭ ءوزى پايدالانۋىن دارىپتەدىك، مۇنداعى ماقسات ــ قاراستى وڭىردەگى كەدەيلەردى ۇيىنىڭ قاسىنان كاسىپتەندىرىپ، كىرىس كىرگىزۋىنە مۇمكىندىك جاساۋ. سونداي-اق ءبىز تاعى دا اۋىل-قىستاقتى، اۋلانى رەتتەۋ سياقتى ءتۇرلى قىزمەتتەردى ۇشتاستىرۋدى قاتار ورىستەتتىك، مۇنداعى ماقسات ــ بەيقۇت ءۇي قۇرىلىسى بىتكەننەن كەيىن، وسى قىستاقتاردى كوركەم اۋىل-قىستاق ەتىپ قۇرىپ شىعۋ».
باس شۋجي شي جينپيڭ شاندۇڭ ۋاكىلدەر ۇيىرمەسىنىڭ ۇكىمەت قىزمەتىنەن باياندامانى قاراۋىنا قاتىناسقاندا: اۋىل-قىستاقتىڭ ەكولوگياسىن جاقسارتۋدى جەبەپ، جاسىل دامۋعا تاباندى بولىپ، اۋىل-قىستاقتاعى كورنەكتى قورشاعان ورتا ماسەلەسىن جان جاقتىلى وڭاۋدى كۇشەيتۋ كەرەكتىگىن اتاپ كورسەتتى.
ءدال قازىر، قۇمىل قالاسىنىڭ ءارقايسى اۋىل-قىستاقتارىندا كوكتەمگى ەگىس جۇمىسى قاۋىرت جۇرگىزىلۋدە، قۇمىل قالاسى ەۋىرعۇل رايوندىق ەگىن-مال شارۋاشىلىعىن ماشينالاندىرىپ باسقارۋ مەكەمەسى ەۋىرعۇل رايونى قالا ءىشى اۋىلى وسىزامانعى اۋىى شارۋاشىلىق باقشا رايونىندا كوكتەمگى وسىمدىك ساباعى جانە ەگىس اتىزىنداعى سۋلياۋ جارعاق قالدىعىن جيناۋ، ءبىر جايلى ەتۋ بىرىككەن قىزمەتىنىڭ ۇستىندە ۇلگى كورسەتۋ قيمىلىن ورىستەتتى. ۇلگى كورسەتۋ قيمىلىن كورگەننەن كەيىن، اۋىل شارۋاشىلىق ماشينالارى ءىرى وتباسىنىڭ مۇشەسى جاڭ شين-ي جاڭا اۋىل شارۋاشىلىق ماشيناسىن ساتىپ الماقشى بولدى. ول: «سۋلياۋ جارعاق قالدىعىن جيناۋ ماشيناسى وتە تەز، ءارى سۋلياۋ جارعاقتى ويداعىداي تازالاپ، لاستانۋدى ازايتىپ، ەگىس اتىزىن جاسىل ەگىس اتىزىنا اينالدىرادى ەكەن»،-دەدى.
 ديحانداردى جاڭا تۇرپاتتى سۋلياۋ جارعاق قالدىعىن جيناۋ ماشيناسىن ساتىپ الىپ، ەگىس اتىزىنىڭ سۋلياۋ جارعاقپەن لاستانۋىن ازايتۋعا شابىتتاندىرۋ ءۇشىن، قۇمىل قالاسى وسىمدىك ساباعى جانە سۋلياۋ جارعاق قالدىعىن جيناۋ ماشيناسىن اۋىل شارۋاشىلىق ماشينالارىنا قوسىمشا قاراجات بەرۋ كولەمىنە ەنگىزدى.
 باس شۋجي شي جينپيڭ اۋىل-قىستاقتى كوركەيتۋ ستراتەگياسىن اتقارۋدىڭ ءىرى جۇمىس ەكەنىن، ءبىر تۇتاس جوسپارلاپ، عىلىمي ىلگەرىلەتۋ كەرەكتىگىن باسا دارىپتەدى.
4-ايدا تۇرپاندا كوكتەم لەبى ەستى، تۇرپان قالاسى يدىقۇت رايونى ءجۇزىم سالت-سانا ەرەكشە شاعىن قالاشىعىنا باراتىن بولساڭىز، قويۋ ۇلتتىق سالت-سانانى بەينەلەيتىن سۋرەتتەردىڭ اراسىندا جۇرگەندەي بولاسىز. مۇنار الەۋمەتتىك اۋماعىنداعى انار ءدانى شارۋلار شاتتىعى تاعامجايىندا، وسى تاعامجايدىڭ يەسى ما زوميڭ ساياحاتشىلاردى قابىلداۋمەن ابىگەر. ول شارۋالار شاتتىعى تاعامجايىن وتكەن جىلى 7-ايدان باستاپ اشقاننان بەرى، كونىنە ورتا ەسەپپەن 100 دەن ارتىق ساياحاتشى قابىلداپ، ايىنا 30 مىڭ يۋاننان ارتىق كىرىس كىرگىزگەنىن ايتا كەلىپ: «ءجۇزىم قالاشىعى كوركەم اۋىل-قىستاق قۇرۋ قىزمەتىن ەرەكشە جاقسى ىستەدى، جولدار تازالاندى، بۇرىنعى تام ۇيلەر شاعىن ەكى قاباتتىق عيماراتقا وزگەرتىپ سالىندى. شارۋالار شاتتىعى تاعامجايىنا كەلەتىندەردىڭ اياعى ۇزىلمەيدى، كىرىسىم دە بارعان سايىن ارتتى»،-دەدى.

تۇرپان قالاسى يدىقۇت رايونى ءجۇزىم سالت-سانا ەرەكشە شاعىن قالاشىعىن قۇرۋ ينجەنەرياسىن اتقارعاننان بەرى، ەكولوگيالىق اۋىل شارۋاشىلىق، ەكولوگيالىق ساياحات، ەكولوگيالىق مادەنيەت جاعىنداعى ەرەكشە شاعىن قالاشىق قۇرۋعا كۇش سالىندى. جەرگىلىكتى ورىننىڭ كورىكتى اۋىل-قىستاق قۇرۋ نىسانىنىڭ جاۋاپتىسى ياڭ يادى بىلاي دەدى: «بيىل ءبىز تاعى باس شۋجي شي جينپيڭ ورتاعا قويعان ›اۋىل-قىستاقتىڭ ەكولوگياسىن جاقسارتۋدى ىلگەرىلەتىپ، جاسىل دامۋعا تاباندى بولىپ، اۋىل-قىستاقتىڭ تۇرمىستىق قۇرىلعىلارىن كەمەلدەندىرىپ، ديحاندار الاڭسىز تۇرمىس كەشىرەتىن كوركەم مەكەن قۇرۋ» نەگىزگى تۇلعالىق تالابىنا ساي، كورىكتى اۋىل-قىستاق قۇرۋ مىندەتىن ويداعىداي ورىنداپ، ءجۇزىم قالاشىعىن ءجۇزىم مەكەنىنە، ەگىس باقشاسىنا اينالدىرامىز».


بەرىپ كەت ورامالىڭدى

دوستار

الىستاعى اق ەركە