جاڭا حابارلار

شاۋكەت يمىن حوتان ايماعىندا تەكسەرۋ - زەرتتەۋ جۇرگىزدى

    كەلۋ قاينارى: شينجياڭ حالىق راديو ىستانسياسى    2018-04-08 13:21:21  

ستانسيامىزدىڭ حابارى: 4 - ايدىڭ 4 - ، 5 - كۇندەرى، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت ءيمىن حوتان ايماعىندا تەكسەرۋ - زەرتتەۋدە بولدى. ول بىلاي دەپ باسا دارىپتەدى: «شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە ج ك پ 19 - كەزەكتى ورتالىق كوميتەتىنىڭ 1 - ، 2 -، 3 - جالپى ماجىلىستەرىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ ماڭىزدى ءسوزىنىڭ رۋحى مەن مەملەكەتتىك ەكى ءماجىلىستىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، ورنىقتىلىقتىلىق پەن دامۋدىڭ ءتۇرلى قىزمەتتەرىنىڭ جاڭا جاعدايىن كۇش سالا جاراتۋ كەرەك.
4 - ايدىڭ 4- كۇنى، شاۋكەت ءيمىن قاراقاش اۋدانى توقۇلاق اۋىلى باراتلا قىستاعىنداعى سەرىكتەسكەن تۋىسى اۋاحان ياسىننىڭ ۇيىنە بارىپ، كوپشىلىكپەن بىرگە ساكىدە وتىرىپ، شۇيىركەلەسىپ، دامۋدى تىلگە تيەك ەتىپ، كوڭىلدى اڭگىمە دۇكەنىن قۇردى. اۋاحان ياسىننىڭ وتباسىندا 5 جان بار، وتكەن جىلى مەملەكەتتىڭ كەدەيلەردى سۇيەمەلدەۋگە بەرگەن 27 مىڭ يۋان  قارجىسىنىڭ ارقاسىندا، تاۋىق قورا سالىپ، شوجە ساتىپ الىپ، ورمان اراسىندا باعىپ، تاۋىعىنىڭ سانىن 500 دەن اسىردى. پارتيا مەن ۇكىمەتتىڭ كومەگىندە، ول تاعى شاعىن ەرەن بازار اشتى. شاۋكەت ءيمىن وعان، پارتياعا، وتانعا، سوتسياليزمگە ماڭگى العىس ايتىپ، قوعام ورنىقتىلىعىن، ۇلتتار ىنتىماعىن قورعايتىن، يدەياسى العا باسار، زاڭ - تارتىپكە بويسىناتىن، كەدەيلىكتەن قۇتىلۋداعى كوشباسشى بولۋدى قاداعالاي تاپسىردى.
قاراقاش اۋدانى زاۋا قالاشىعى تۇعىريا مال باعىمشىلىعى كوپەراتيۆىندە، شاۋكەت ءيمىن قوراعا كىرىپ، كوپەراتيۆتىڭ جاۋاپتىسى مامەت جاپارمەن اڭگىلەلەستى. تانىستىرۋعا قاراعاندا، كوپەراتيۆ 2012 - جىلى قۇرىلىپتى، ونداعى ەسەكتىڭ سانى باستابىنداعى 12 تۇياقتان قازىر 400 نەشە تۇياقتان اسىپ، 22 ديقان وتباسى جارنا قوسۋعا قاتىناسىپتى. شاۋكەت ءيمىن جارناعا قاتىناسقان ديقان وتباسىلارىنان تيجارات ەتە بىلەتىن، باسقارۋگە شەبەر، تاباندىلىقپەن ىستەيتىن، جاڭالىق اشۋعا باتىل اۋىل - قىستاقتاعى اۋقاتتانۋدىڭ كوشباسشىسى بولۋدى ءۇمىت ەتتى.
 حوتان باليمۋ ساۋدا شەكتى سەرىكتەستىگى قۇرىلعاننان بەرى جەدەل دامىدى، سەرىكتەستىكتىڭ باس بولىمىنەن باسقا، تاعى قاراقاش اۋدانىنىڭ، حوتان اۋدانىنىڭ اۋىل - قالاشىقتارى مەن قىستاقتارىندا 16 شاعىن زاۆود قۇرىلىپ، ءبىر مىڭ 100 نەشە ارتىق ەڭبەككۇشتى كاسىپتەنۋگە باۋرادى. شاۋكەت ءيمىن تەكسەرۋ زەرتتەۋدە بىلاي دەپ اتاپ كورسەتتى: «كاسىپكەرلەردىڭ جاۋاپكەرلىگى مەن مىندەتىن ارقالاپ كەدەيلەردى دالمە ء-دال سۇيەمەلدەۋگە اناعۇرلىم بەلسەنە ىرىقتى ارالاسۋ كەرەك. جالپى قىزمەتكەرلەردى «4 تانىمدى » بەرىك ورناتىپ، وتاننىڭ تۇتاستىعىن، ۇلتتار ىنتىماعىن جانە قوعام ورنىقتىلعىن باتىل قورعاپ، ىنتىماقتى، جاراسىمدى، كوركەيىپ - گۇلدەنگەن، وركەنيەتى العا باسقان، حالىق تىنىش تىرشىلىك ەتەتىن جۇڭگوشا سوتسياليستىك شينجياڭ قۇرۋ ءۇشىن ۇلەس قوسۋ كەرەك ».


بەرىپ كەت ورامالىڭدى

دوستار

الىستاعى اق ەركە