جاڭا حابارلار

ءار قايسى جەرلەر جاسىلداندىرۋدى كۇش سالا دامىتىپ، كورىكتى شينجياڭ قۇرۋعا كۇش سالۋدا

    كەلۋ قاينارى: شينجياڭ حالىق راديو ىستانسياسى    2018-04-09 19:00:23  

ستانسيامىزدىڭ جيناق حابارىن تىڭداڭىزدار: قازىر، رايونىمىزدىڭ جەر-جەرى باس شۋجي شي جينپيڭنىڭ ماڭىزدى سوزدەرىنىڭ رۋحى مەن مەملەكەتتىك ەكى ءماجىلىستىڭ رۋحىن ىشكەرلەي دايەكتىلەندىرۋدە جانە تياناقتاندىرۋدا، ەكولوگيالىق وركەنيەت قۇرىلىسىن اناعۇرلىم زور تەبىنمەن، اناعۇرلىم ناقتى شارالارمەن ىلگەرلەتۋدە، كورنەكتى ورتا ماسەلەلەرىن كۇش سالا شەشىپ، تۇنىق سۋ، جاسىل تاۋدىڭ ءوزى قىمباتتى بايلىق دەيتىن كوزقاراستى تيانشاننىڭ تۇستىگى مەن تەرىستىگىندە اناعۇرلىم تولىق ايگىلەۋدە.
4-ايدا وڭتۇستىك شينجياڭ جىلىنىپ، گۇل-بايشەشەكتەر اشىلدى، تيانشاننىڭ ورتا بولەگىندەگى تەمىر شىڭىنداعى تەڭىز دەڭگەيىنەن بيىكتىگى 2 مىڭ 500 مەتردەن ارتىق كەلەتىن بايىرعى ورماندا، تەمىر شىڭى مەملەكەتتىك جاراتىلىستىق قورىعى تاعلاق باسقارۋ-قورعاۋ ورنىنىڭ قىزمەتكەرلەرى تاڭەرتەڭ ەرتە ماقتالى كيىمدەرىن كيىپ، دۇربىلەرىن، ورىن بەلگىلەۋ جابدىقتارىن جانە ءبىر كۇندىك ازىقتارىن الىپ تاۋلاردى شارلاپ ورمان قورعاۋ قىزمەتىن باستاپ كەتتى. سوڭعى جىلداردان بەرى، تەمىر شىڭى مەملەكەتتىك جاراتىلىستىق قورىعىنىڭ ۇرتىس كەڭەيۋىنە ساي، حانتاڭىر شىڭى مەن ماڭىنداعى اسقار تاۋلار، مۇزدى القاپتار تۇگەل قورعاۋ كولەمىنە ەنگىزىلدى. مال باعۋعا تيىم سالۋ، ەگىنشى-مالشىلاردى كوشىرىپ ورنالاستىرۋ، كومىر كەندەردى جابۋ سياقتى شارالار ارقىلى ادامدار قيمىلىنىڭ قورىقتىڭ ەكولوگيالىق ورتاسىنا جاسايتىن ناشار ىقپالىن ەڭ جوعارى شەكتە ازايتتى. تەمىر شىڭى مەملەكەتتىك جاراتىلىستىق قورىعىن باسقارۋ مەكەمەسىنىڭ باستىعى ياڭ چۇن بىلاي دەدى: باس شۋجي شي جينپيڭ ىشكى موڭعۇل ۋاكىلدەر ۇيىرمەسىنىڭ ۇكىمەت قىزمەتىنەن باياندامانى قاراۋىنا قاتىناسقاندا: ەكولوگيالىق ورتانى قورعاۋدى كۇشەيتىپ، تاۋ، سۋ، ورمان، اتىز، كول، ءجايلىمدى وڭاۋدى ءبىر تۇتاس جوسپارلاۋ كەرەك،-دەگەندى اتاپ كورسەتكەن بولاتىن.تەمىر شىڭى مەملەكەتتىك جاراتىلىستىق قورىعىن باسقارۋ مەكەمەسى تۇرعىسىنان ورمان-توعايعا ساياتىن زاڭعا قايشى دەلولارعا سىلەيتە سوققى بەرۋ، قورشاعان ورتا ماسەلەسىن رەتتەپ وڭاۋ جانە نىسان ينجەنەرياسىن اتقارۋدى كورنەكتىلەندىرۋ سياقتى جەلىلەس قورعاۋ تاسىلدەرى ارقىلى قورىقتى اسپانى اشىق، جەرى جاسىل، سۋى تۇنىق وڭىرگە اينالدىرامىز.
باس شۋجي شي جينپيڭ ىشكى موڭعۇل ۋاكىلدەر ۇيىرمەسىنىڭ ۇكىمەت قىزمەتىنەن باياندامانى قاراۋىنا قاتىناسقاندا: ەكولوگيالىق ورتانى قورعاۋ قۇرىلىسىن كۇشەيتىپ، « 3 تەرىستىك» ىقتاسىن ورمان قۇرىلىسى، جاراتىلىستىق ورماندى قورعاۋ، ەگىستىكتەن ورماندى قالپىنا كەلتىرۋ، جايلىمدى قالپىنا كەلتىرۋ، سۋ-توپىراقتى ساقتاۋ سياقتى ءتۇيىندى ينجەنەريالاردى دەن قويا ۇيىمداستىرىپ اتقارىپ، وتانىمىزدىڭ سولتۇستىك شەكاراسىندا 10 مىڭ شاقىرىمدىق جاسىل قورعان سوعۋ قاجەت،-دەگەندى اتاپ كورسەتتى.تاكىلاماكان ءشولىنىڭ جيەگىندەگى ماكىت اۋدانى ءبىر ميلليون مۋلىق بوراندى توسىپ قۇمدى تۇراقتاندىراتىن ەكولوگيالىق ورمان بازاسى قۇرىلىسى ينجەنەرياسىن اتقارعاننان بەرى، قازىر، 300 مىڭ مۋلىق جوبا جاسالىپ، 170 ميلليون ءتۇپ ءتۇرلى اعاش ەگىلىپ، قاتارعا قوسىلۋ مولشەرى %90 تەن استى.بوراندى توسىپ قۇمدى تۇراقتاندىراتىن ەكولوگيالىق قۇرىلىستىڭ ناتيجەسىن بەكەمدەۋ ءۇشىن، بيىل كوكتەمدە، ماكىت اۋدانى بوراندى توسىپ قۇمدى تۇراقتاندىراتىن ءبىر ميلليون مۋلىق ەكولوگيالىق ورمان بازاسىندا ۇستەمەلەپ ەگۋ مەن باپتاپ-باسقارۋ، قورعاۋدى نەگىز ەتكەن ەكولوگيالىق قۇرىلىس قىزمەتىن جالعاستى ورىستەتتى.ماكىت اۋداندىق ورمان شارۋاشىلىعى مەكەمەسىنىڭ ورىنباسار باستىعى ۋاڭ يۇيفىڭ بىلاي دەدى: بوراندى توسىپ قۇمدى تۇراقتاندىراتىن قازىرگى ەكولوگيالىق قۇرىلىس ناتيجەلەرىن جالعاستى بەكەمدەپ، قورعاۋ، ۇستەمەلەپ ەگۋ دەڭگەيىن جوعارىلاتىپ، بوراندى توسىپ قۇمدى تۇراقتاندىراتىن ورماندىءوڭىردى تەزىرەك قالىپتاستىرىپ، بوراندى توسىپ، قۇمدى تۇراقتاندىراتىن قالتقى رولىن ساۋلەلەندىرىپ، تۇتاس اۋدانداعى 11 مىڭنان استام كەدەي وتباسىنىڭ كەدەيلىكتەن قۇتىلۋىن جەبەيمىز.مۇنان سىرت، بوراندى توسىپ قۇمدى تۇراقتاندىراتىن ەكولوگيالىق ورماندى ءوڭىردى الدا جالعاستى دامىتۋ ءۇشىن ءونىمدى جول قاراستىرامىز.
بىلعانىشتىڭ الدىن الۋ جانە ونى وڭاۋدان قامال الۋ شايقاسىن ويداعىداي جۇرگىزىپ، 2020-جىلعا بارعاندا نەگىزگى بىلعانىشتاردى ىعىستىرۋ جالپى مولشەرىن زور مولشەردە ازايتۋعا كەپىلدىك ەتىپ، ەكولوگيالىق ورتانىڭ ساپاسىن تۇلعالىق جاقتان جاقسارتۋ ءۇشىن، فۋكاڭ كاسىپ باقشاسى اۆتونوميالى رايونىمىزداعى اينالىم ەكونوميكاسىنان ۇلگى كورسەتەتىن تۇڭعىش توپتاعى باقشا رايونى تۇرعىسىنان ەنەرگيا قۇرىلىمىن بەلسەنە رەتتەپ، كومىر جاعۋدى ازايتىپ، تازا ەنەرگيادان پايدالانۋ مولشەرىن ارتتىرۋدا.قازىر، كاسىپ باقشاسىندا كوكىس گازى امبەباپ نىسانى اتقارىلا باستادى، 2019-جىلى نىسان سالىنىپ وندىرىسكە قوسىلعاننان كەيىن ءار جىلى 160 ميلليون تەكشە مەترلىك كوكىس گازىن وڭاپ 70 ميلليون تەكشە مەتردەن ارتىق جاراتىلىستىق گازگە اينالدىراتىندىعى مەجەلەنىپ وتىر، بۇل فۋكاڭ قالاسىنداعى 220 مىڭ جان سانىنىڭ بەس رەتكى جىلۋمەن قامداۋ مەزگىلىندە پايدالاناتىن گازىنىڭ مولشەرىمەن بارابار.شينجياڭ جينيۋان ەنەرگيا شەكتى جارنا سەرىكتەستىگىنىڭ ورىنباسار باس مەڭگەرۋشىسى يۋان پيڭ-ان بىلاي دەدى: «ماڭىمىزداعى كاسىپورىنداردىڭ، كومىر كوكىسى كاسىپورىندارىنىڭ، بولات-تەمىر كاسىپورىندارىنىڭ جاراقسىز گازىن جيناپ تازارتىپ پايدالانۋ، ءبىر جايلى ەتۋ ارقىلى فۋكاڭ كاسىپ باقشاسى رايونىنداعى تازا ەنەرگيادان پايدالانۋ كولەمىن كەڭەيتىپ، ءىس جۇزىندىك ارەكەتىمىز ارقىلى باس شۋجي العا قويعان ەنەرگيا قۇرىلىمىن رەتتەپ، كومىر جاعۋدى ازايتىپ، تازا ەنەرگيادان پايدالانۋ مولشەرىن ارتتىرۋ تالابىن تياناقتاندىرىپ، فۋكاڭ قالاسىنىڭ سۋى تۇنىق، اسپانى اشىق بولۋىنا كۇش سالامىز».
قازىر، سايرام كولىندەگى مۇز ءالى دەرلىكتەي ەري قويمادى، 200 دەن استام اققۋ، جابايى ۇيرەك سياقتىلار كولدىڭ باتىس سولتۇستىگىندەگى سۋدىڭ كىرەر اۋزىنا توپتالىپ، كولگە وزگەشە كورىك قوسۋدا.سايرام كولىنىڭ بايىرعى ەكولوگيالىق ورتاسىن قالپىنا كەلتىرۋ ءۇشىن، سايرام كولى كورىنىس رايونىن باسقارۋ كوميتەتى 12 باسقارۋ-قورعاۋ پۋنكتىن قۇرىپ، سايرام كولىندەگى ءتۇيىندى كورىنىس رايونىنداعى 164 مىڭ 500 مۋلىق جايلىمدى قورشاپ، مال باعۋعا تيىم سالدى.قازىر، كولدىڭ اينالاسىنداعى 380 مىڭ مۋلىق جايلىمنىڭ قالپىنا كەلۋى جاقسى. سايرام كولى كورىنىس رايونىن باسقارۋ كوميتەتى ۇگىت ءبولىمىنىڭ باستىعى جي حۇڭفۋ بىلاي دەدى: «بيىل ەكولوگيالىق ورتانى قورعاۋ قۇرىلىسى جاعىندا ەلەكتر ەنەرگيالى ءوڭىر ارالىق اۆتوموبيل ەنگىزىپ، سايرام كولىنىڭ ماي-گاز بىلعانىشىن ازايتامىز، ءارى كولدى شارلاپ زاڭ اتقارۋ تەبىنىن ارتتىرىپ، ءارقانداي اۆتوموبيلدىڭ جايلىمدى تاپتاۋىنا، بۇلدىرۋىنە تيىم سالامىز، وسى ارقىلى سايرام كولىنە كەلگەن ساياحاتشىلاردىڭ اشىق اسپان، ءمولدىر سۋ، كوكوراي شالعىن سيلاعان باقىتتى سەزىنۋىنە مۇمكىندىك جاسايمىز».


بەرىپ كەت ورامالىڭدى

دوستار

الىستاعى اق ەركە