جاڭا حابارلار

گولمۇت - كورلا تەمىر جولى شينجياڭنان سىرتقا باراتىن «جاسىل داڭعىل» قالىپتاستىردى

    كەلۋ قاينارى: شينجياڭ گازەتى    2018-04-09 11:28:25  

شينحۋا اگەنتتىگىنىڭ تىلشىلەرى سۇن جى، جياڭ ۋىنياۋ

  شينجياڭنىڭ تۇستىگىندەگى التىنتاۋ قويناۋىندا 4 - ايدىڭ 4 - كۇنى توسىن قار جاۋسا دا، سول جەردەگى گولمۇت - كورلا تەمىر جولى (چيڭحايدىڭ گولمۇت قالاسى − شينجياڭنىڭ كورلا قالاسى) قۇرىلىس ورنىندا جۇمىس ءباز - باياعىسىنداي دابىرالى ءجۇرىلىپ جاتتى. سارقىلماس «جاسىل قوزعاۋشى كۇش» شينجياڭ تەمىر جولىنىڭ شينجياڭنىڭ وڭتۇستىگىنەن سىرتقا باراتىن وسى داڭعىلعا كۇش قوسىپ، تەمىر جول قۇرىلىسى مەن ەكولوگيالىق ورتانى قورعاۋدا بىردەي ناتيجەگە قول جەتتى.
  التىنتاۋ موڭعۇل تىلىندە «ارشالى تاۋ» دەگەن ماعىنانى بىلدىرەدى. ول ارادا حايۋاناتتار مەن وسىمدىك بايلىعى مول. گولمۇت - كورلا تەمىر جولى لوپنۇر تۇيەكيىك مەملەكەتتىك جاراتىلىستىق قورىعىنىڭ جيەگىن كەسىپ وتەدى، جالپى ۇزىندىعى 1300 نەشە كيلومەتر كەلەتىن تۋنەل تاۋ سىلەمىنەن وتەدى. قولباسشىلىق شتابىنىڭ ۋاقىتشا سالىنعان بىرنەشە قۇرىلىسىنان باسقا، بيىك تاۋ اراسىنداعى وسى جاپان دالانىڭ بۇرىنعىمەن ەشقانداي پارقى جوق.
  گولمۇت - كورلا تەمىر جولىنىڭ S6 بەلگىلىك نىسانى ءۇستىرتتى سۋىق بەلدەۋلى كليمات وڭىرىندە. بۇل 1200 كيلومەترلىك تۇتاس جەلىدەگى بىردەن - ءبىر مەڭگەرىلمەلى قۇرىلىس، قۇرىلىس جۇرگىزۋ ءبىرشاما قيىن. جابايى حايۋاناتتاردىڭ تىرشىلىك تىرەگى بولعان سۋ قاينارىن بۇلدىرۋدەن ساقتانۋ ءۇشىن، قۇرىلىس جۇرگىزۋشى جاق ەڭ العاشقى جەلى جوباسىن كۇشىنەن قالدىرىپ، قارا قۇيرىق، تۇيەكيىك سياقتى ءتۇز جانۋارلارىنىڭ سۋ قاينارىنان اينالىپ ءوتۋدى ۇيعاردى.
  «قۇرىلىس ورنىنان ىعىستىرىلعان لاس سۋ قۇرامىنداعى حلورلى قوسىلىستار مولشەرى ەڭ كوپ بولعاندا، ولشەمنەن 200 نەشە ەسە اسىپ، حايۋاناتتاردىڭ سۋ قاينارىن لاستايدى. قۇرىلىس جۇرگىزۋشى جاق سۋ اعارىندا لاس سۋلاردى تازارتۋ پۋنكتىنەن 5ىن قۇرىپ، تۇرمىسقا پايدالانىلاتىن سۋ ولشەمىنە جەتكەننەن كەيىن ىعىستىردى. وسىعان بايلانىستى S6 قۇرىلىسىنا 20 ميلليون يۋان قارجى ارتىق جۇمسالدى»، - دەدى گولمۇت - كورلا تەمىر جولى شينجياڭ بولەگى S6 بەلگىلىك بولىگىنىڭ قۇرىلىس باس ينجەنەرى ۋاڭ گۋاڭكى.

  ۋاڭ گۋاڭكى: تۇرعان جەردە ءبىر رەتتىك بۇيىمداردى ىستەتۋگە تيىم سالىپ، جەرگىلىكتى ورىننىڭ قورشاعان ورتانى قورعاۋ قۇرىلىمدارىمەن تاسۋ كەلىسىمىن جاساسىپ، قوقىر - قوقسىقتاردى مەرزىم بويىنشا تازالاپ وتىردىق. بۇل دا گولمۇت - كورلا تەمىر جولى قۇرىلىسى بويىنداعى بەلگىلىك بولىكتەردىڭ «جاڭا جاعدايى» سانالادى ، - دەدى.
  شينجياڭنىڭ چارقىلىق اۋدانى بولەگىندەگى گولمۇت - كورلا تەمىر جولىنىڭ S3 قۇرىلىسى دا تالعام جاساۋعا ءدوپ كەلدى. قاراستى وڭىردەگى تەتىما كولى ۇلكەن كوپىرى اۋدان قالاشىعىنان 50 كيلومەتردەي قاشىقتىقتاعى تارىم وزەنىنىڭ قۇيار جەرىن ەندەي وتەدى.
  2000 - جىلدان بەرى جەرگىلىكتى ورىن تارىم وزەنىنىڭ اياققى اعارىنا ىلگەرىندى - كەيىندى 19 رەت ەكولوگيالىق سۋ جىبەرىپ، تەتىما كولىندە 511 شارشى كيلومەتر كەلەتىن كول ايدىنى مەن سازدىق قالىپتاستىردى. سۋدىڭ بوگەلۋىنەن ساقتانۋ ءۇشىن، سۋ بەتىندە قۇرىلىس جۇرىلەتىن بولىك ەڭ العاش جوبالانعان 7 كيلومەتردەن 24.6 كيلومەترگە كەڭەيتىلدى. كوپىر كولدىڭ ۇستىنەن «ەپپەن» ەندەي ءوتىپ، ەكولوگيالىق سۋ جىبەرۋگە قولايلىلىق جاساۋمەن بىرگە، ماڭايىنداعى توراڭعى ورمانى دا سۋمەن تولىق قامدالدى.
  «ەگەر كوپىر دىڭگەگى قۇرىلىسىندا حيميالىق قويمالجىڭ پايدالانىلاتىن بولسا، وندا تەتىما كولىنىڭ سۋ ساپاسى مەن ورگانيزم تۇرلەرىنە ىقپال تيگىزۋى مۇمكىن. شينجياڭدا بولاشاقتا ەڭ ۇزىن وسى تەمىر جول كوپىرىنىڭ 4586 دىڭگەگىنە حيميالىق قويمالجىڭ پايدالانۋدى كۇشىنەن قالدىرىپ، جۇمىس مەرزىمى مۇنان دا ۇزاق، جاسالۋ نارقى مۇنان دا جوعارى بەنتونيت قويمالجىڭىن پايدالاندىق»، - دەدى گولمۇت - كورلا تەمىر جولى شينجياڭ بولىگى S3 بەلگىلىك نىسانى ءبولىمىنىڭ قاتىستى جاۋاپتىسى.
  4 - ايدا تاكلاماكان ءشولىنىڭ شىعىس وڭتۇستىك جيەگى قۇمدى بوراندى مەزگىلگە ءوتتى. ال ەكولوگيالىق ورتاعا زالالى جوق گولمۇت - كورلا تەمىر جولى جەرگىلىكتى ءار ۇلت حالقىنا جاڭا ءۇمىت اكەلدى.
  (شينحۋا اگەنتىگىنىڭ 4 - ايدىڭ 5 - كۇنى ۇرىمجىدەن بەرگەن حابارى)


بەرىپ كەت ورامالىڭدى

دوستار

الىستاعى اق ەركە