جاڭا حابارلار

شي جينپيڭ استانادا مىندەتتى اعاش ەگۋ قيمىلىنا قاتىناستى

    كەلۋ قاينارى: شينجياڭ گازەتى    2018-04-04 19:42:34  

ەكولوگيالىق ورتانى ومىرىندەي قاستەرلەپ، وتاننىڭ بايتاق دالاسىن ۇزدىكسىز جاسىلداندىرۋدى، كورىكتەندىرۋدى باسا دارىپتەلدى
لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قيمىلعا قاتىناستى

سۋرەتتە: شي جينپيڭ كوپشىلىكپەن بىرگە اعاش ەگۋدە

4 - ايدىڭ 2 - كۇنى پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار بەيجيڭ قالاسىنىڭ تۇڭجوۋ رايونى جاڭجياۋان قالاشىعىنا بارىپ، استانانىڭ مىندەتتى اعاش ەگۋ قيمىلىنا قاتىناستى. 

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

 شينحۋا اگەنتتىگىنىڭ 4 - ايدىڭ 2 - كۇنى بەيجيڭنەن بەرگەن حابارى (تىلشىلەر جاڭ شياۋسۇڭ، لين حۇي). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 4 - ايدىڭ 2 - كۇنى تۇستەن بۇرىن استانادا مىندەتتى اعاش ەگۋ قيمىلىنا قاتىناسقاندا وتاندى جاسىلداندىرۋدا ادامدى وزەك ەتۋدەي دامۋ يدەياسىنان جازباي، مەملەكەت جەرىن جاسىلداندىرۋ ارەكەتىن كەڭ كولەمدە ورىستەتىپ، بارلىق ادام كۇش شىعارىپ، بىرتىندەي مولايتىپ، وتاننىڭ بايتاق دالاسىن ۇزدىكسىز جاسىلداندىرۋدى، كورىكتەندىرۋدى باسا دارىپتەدى.
  كوكتەم جەلى ەسىپ، بار الاپ ماساتىداي قۇلپىردى. تۇستەن بۇرىن ساعات 10 مولشەرىندە پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار توپتىق اۆتوكولىككە شىعىپ، بەيجيڭ قالاسىنىڭ تۇڭجوۋ رايونى جاڭجياۋان قالاشىعىنا بارىپ، استانا جۇرتشىلىعىمەن بىرگە مىندەتتى اعاش ەگۋ قيمىلىنا قاتىناستى.
  اعاش ەگۋ ءتۇيىنى بەيجيڭ قالاسىنىڭ قوسالقى ورتالىعى بولعان قالانىڭ جاسىل سەنترى اۋماعىنا ورنالاسقان، دايۇنحى ورمان باقشاسىنا ىرگەلەس، اۋماعى شامامان 300 مۋ، تەگىندە زاۆود، جەمىس باقشاسى جانە اۆتوكولىك توقتاتۋ ورنى بولاتىن، قازىرگى جوبادا قالانىڭ جاسىل القابى، بولاشاقتا دايۇنحى مادەنيەت بەلدەۋىندەگى كورىنىستىك قۇرىلىستىڭ ماڭىزدى تۇيىنىنە اينالادى.
  شي جينپيڭ كولىكتەن تۇسە سالىسىمەن قولىنا كۇرەك الىپ، اعاش ەگەتىن جەرگە قاراي ءجۇردى. باس شۋجيدىڭ كەلگەنىن كورگەن وسى اراداعى اعاش ەگىپ جاتقان كادر - جۇرتشىلىق شاتىرلاتا شاپالاق سوقتى ءارى ىستىق ىقىلاسپەن امانداستى. شي جينپيڭ كوپشىلىككە قول بۇلعاپ قۇرمەت بىلدىرگەننەن كەيىن، بەيجيڭ قالاسىنداعى، مەملەكەتتىك ورمان جانە جايلىم مەكەمەسىندەگى جاۋاپتىلارمەن، سونداي - اق استانا كادر - جۇرتشىلىعىمەن، پيونەرلەرمەن بىرگە قاربالاس اعاش ەگە باستادى.

  توپىراق قازۋ، كوشەتتى وتىرعىزۋ، توپىراق قومداۋ... شي جينپيڭ اق قابىقتى قاراعاي، شيفۋ تاسالما اعاشى، قىزىل اعاش، ماگنوليا اعاشى، زىيەلي اعاشىن ەكتى. ول پيونەرلەرمەن بىرگە كوشەتكە سۋ قۇيا ءجۇرىپ، بالالاردىڭ ۇيرەنۋ، تۇرمىس جانە دەنە شىنىقتىرۋ جاعدايىن تاپتەشتەي سۇرادى، ولاردان قارشادايىنان ەڭبەكتى ءسۇيىپ، ورتانى ايالاۋ، جاسىل ورتانى ءسۇيۋ، جاسىل ورتا ورناتۋ، جاسىل ورتانى قورعاۋ تانىمىن جەتىلدىرۋدى ءۇمىت ەتتى.
  اعاش ەگۋ الاڭى قىزۋ دۋمانعا بولەندى. ەڭبەككە قاتىناسقان باسشىلار كوپشىلىكپەن بىرگە كوشەتتى تۇپتەدى، توپىراق قومدادى، قىر جاسادى، سۋ قۇيدى، سونداي - اق جانىنداعى كادر - جۇرتشىلىقپەن ەكولوگيا قۇرىلىسىن كۇشەيتۋ، جاسىل دامۋدى ىلگەرىلەتۋ جونىندە پىكىر اۋىستىردى.
  اعاش ەگۋ كەزىندە، شي جينپيڭ اعاش ەگۋگە قاتىناسقان كادر - جۇرتشىلىقپەن ورمان ءوسىرۋدى، جاسىلداندىرۋدى جانە ەكولوگيالىق ورتا قىزمەتىن تىلگە تيەك ەتتى. ول مىنالاردى باسا دارىپتەدى: اعاش ەگىپ، ورمان ءوسىرۋ ەجەلدەن بەرى جۇڭحۋا ۇلتىنىڭ تاڭداۋلى ءداستۇرى. بۇگىن ءبىزدىڭ بۇل اراعا كەلىپ اعاش ەگۋىمىز زاڭدا بەلگىلەنگەن مىندەتىمىزدى اتقارۋ، سونداي - اق كورىكتى جۇڭگو قۇرۋداعى، ەكولوگيالىق وركەنيەت قۇرىلىسىن ىلگەرىلەتۋدەگى، حالىق تۇرمىسىن جاقسارتىپ، حالىقتى باقىتقا كەنەلتۋدەگى ناقتى ارەكەتىمىز. مەملەكەت جەرىن جاسىلداندىرۋ ارەكەتىن ورىستەتۋدە سانعا دا، ساپاعا دا ءمان بەرىپ، عىلمي جاسىلداندىرۋعا، جوبامەن جەتەكتەۋگە، جەرگىلىكتى جاعدايعا قاراي شارا قولدانۋعا تاباندى بولىپ، عىلمي، ەكولوگيالى، ۇنەمدى جاسىل دامۋ جولىمەن ءجۇرىپ، ۇزاق ۋاقىت ۇلەس قوسىپ، يگىلىكتى ءىس ىستەپ، ورمان اۋماعىن ۇزدىكسىز كەڭەيتىپ، ورمان ساپاسىن ۇزدىكسىز جوعارىلاتىپ، ەكولوگيا جۇيەسىنىڭ ساپاسى مەن تۇراقتىلىعىن ۇزدىكسىز كوتەرۋ كەرەك. ءبىز ورتانى كورىكتەندىرۋگە كۇش سالۋىمىز ءارى بۇقارانىڭ وسىنداي ورتادا جايلى تۇرمىس كەشىرىپ، تاماشا ورتامەن توعىسۋىنا مۇمكىندىك جاساۋىمىز كەرەك.
  شي جينپيڭ مىنالاردى اتاپ كورسەتتى: ءار دارەجەلى باسشى كادرلار الدىمەن ۇلگى كورسەتىپ، ونەگە بولىپ، قالىڭ كادر - جۇرتشىلىقتىڭ ەكولوگيالىق ورتانى ومىرىندەي قاستەرلەۋىنە ءىس جۇزىندىك ارەكەتىمەن جەتەكشىلىك ەتىپ، باستاماشى بولىپ، مىندەتتى اعاش ەگۋدى تاباندىلىقپەن ورىستەتىپ، جاسىلداندىرۋ ينجەنەرياسىن تىڭعىلىقتى ويداعىداي يگەرىپ، مىندەتتى اعاش ەگۋ جاۋاپكەرلىگىن ادا ەتۋ فورماسىن بايىتىپ، بارلىق ادام كۇش شىعارىپ، بىرتىندەي مولايتىپ، كورىكتى وتانىمىزدى اناعۇرلىم كورىكتەندىرە ءتۇسۋى كەرەك. الدىڭعىلاردىڭ ەككەن اعاشىنىڭ يگىلىگىن كەيىنگىلەر كورەدى، ءبىز سىندى وسى ۇرپاقتار ءوز قۇلشىنىسىمىز ارقىلى ۇرپاقتارعا باقىت جاراتۋىمىز كەرەك.
  بەيجيڭدەگى ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك كەڭەستىڭ مۇشەلەرى، ت. ب اعاش ەگۋ قيمىلىنا قاتىناستى.


بەرىپ كەت ورامالىڭدى

دوستار

الىستاعى اق ەركە