جاڭا حابارلار

شي جينپيڭ ەگيپەتتىڭ جاڭادان سايلانعان زۇڭتۇڭى سيسيگە قۇتتىقتاۋ تەلەگرامماسىن جولدادى

    كەلۋ قاينارى: شينجياڭ گازەتى    2018-04-04 18:58:02  

 شينحۋا اگەنتتىگىنىڭ 4 - ايدىڭ 2 - كۇنى بەيجيڭنەن بەرگەن حابارى. 4 - ايدىڭ 2 - كۇنى مەملەكەت ءتوراعاسى شي جينپيڭ ەگيپەتتىڭ زۇڭتۇڭى سيسيگە قۇتتىقتاۋ تەلەگرامماسىن جولداپ، سيسيدىڭ ەگيپەتتىڭ زۇڭتۇڭى بولىپ قايتا سايلانعاندىعىن قۇتتىقتادى.
  شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن ەگيپەتتىڭ دوستىعىنىڭ تاريحى تەرەڭدە، ۋاقىت وتكەن سايىن جاڭارىپ كەلەدى. سوڭعى جىلدارى سىزبەن تىعىز بارىس - كەلىستى ساقتاپ كەلەمىن، جۇڭگو مەن ەگيپەتتىڭ ساياسي ءوزارا سەنىمى ۇزدىكسىز تەرەڭدەپ، ناقتى ىنتىماقتاستىعى ۇزدىكسىز ىلگەرىلەپ، گۋمانيتارلىق قارىم - قاتىناسى اناعۇرلىم جاندانىپ، ەكى ەل حالىقتارى ءتىپتى ەتەنە بولا ءتۇستى، مەن بۇعان سۇيىنەمىن. ەگيپەت حالقىنىڭ سيسي زۇڭتۇڭنىڭ باسشىلىعىندا ءوزىنىڭ مەملەكەت جاعدايىنا ۇيلەسەتىن دامۋ جولىن قاراستىرۋ بارىسىندا ءتىپتى كوپ ماڭىزدى تابىستارعا قول جەتكىزە بەرۋىن ءۇمىت ەتەمىن. مەن جۇڭگو - ەگيپەت قاتىناسىنىڭ دامۋىنا بارىنشا ءمان بەرەمىن، سىزبەن بىرگە ۇزدىكسىز قۇلشىنىپ، جۇڭگو مەن ەگيپەتتىڭ جاپپاي ستراتەگيالىق سەرىكتەستىك قاتىناسىنىڭ تىڭ ساتىلارعا توقتاۋسىز كوتەرىلۋىن ىلگەرىلەتىپ، ەكى ەل مەن ەكى ەل حالىقتارىنا ءتىپتى ويداعىداي باقىت جەتكىزۋدى قالايمىن.


بەرىپ كەت ورامالىڭدى

دوستار

الىستاعى اق ەركە