جاڭا حابارلار

شي جينپيڭ زيمبابۆەنىڭ پرەزيدەنتىمەن كەڭەس وتكىزدى

    كەلۋ قاينارى: جۇڭگو قازاق راديو تورابى    2018-04-04 17:25:39  

جۇڭگو قازاق راديو تورابىنىڭ حابارى: مەملەكەت ٴتوراعاسى شي جينپيڭ 3-ٴساۋىر كۇنى حالىق سارايىندا زىيمبابۆەنىڭ پرەزيدەنتى مونگاگاۆامەن كەڭەستى. ەكى ەل باسشىلارى جۇڭگو-زيمبابۆە قاتىناسىن جالپى بەتتىك ستراتەگيالىق سەرىكتەستىك قاتىناسقا كوتەرىپ، ەكى جاقتىلى قاتىناستى ٴتىپتى دە جاقسارتاتىندىعىن ٴبىر اۋىزدان بەلگىلەدى.
شي جينپيڭ مىنالاردى اتاپ كورسەتتى: بىلتىر قاراشادا، پرەزيدەنت مىرزا مىندەت العاننان كەيىن، زيمبابۆە حالقى ەل قۇرۋدىڭ تىڭ جورىعىنا قادام تاستادى. زيمبابۆەنىڭ جاقىن دوسى، تاماشا سەرىگى، جاقسى اعايىنى رەتىندە، بۇعان شىن جۇرەكتەن قۋانامىز. ۇزاق ۋاقىتتان بەرى، جۇڭگو-زيمبابۆە ەلدەرى، پارتيالارىنىڭ قاتىناسى قويۋلاپ، ەكى جاق باستان-اياق ٴبىر-بىرىنە قۇرمەت ەتىپ، تەڭ مامىلەدە بولىپ، جوعارى ورەدەگى ساياسي ٴوزارا سەنىمدىلىكتى ساقتاپ، شارۋاشىلىق-ساۋدا سەلبەستىگىندە تابىسىمىز قوماقتى بولىپ، مادەنيەت اۋىس-كۇيىستە جارقىن تۇيىندەر جارىققا شىقتى. جاڭا جاعدايدا، جۇڭگو مەن زيمبابۆە قاتىناسىنىڭ دامۋى تىڭ ورايعا تاپ بولدى. جۇڭگو زيمبابۆەمەن بىرلىكتە ەكى ەلدىڭ سەلبەستىڭ جاڭا كارتيناسىن ورتاق پلانداپ، جۇڭگو مەن زيمبابۆە قاتىناسنىڭ تىڭ داستانىن جازىپ، ەكى ەل جانە ەكى ەل حالقىنا باقىت جاراتۋدى قالايدى.
شي جينپيڭ مىنالاردى باسا دارىپتەدى: پرەزيدەنت مىرزا جۇڭگو حالقىنىڭ كونە دوسى، ۇزاق ۋاقىتتار بويى جۇڭگو مەن زيمبابۆەنىڭ دوستىق ىستەرىنە كۇش سالىپ كەلەدى. ٴسىز جۇڭگونى افريكادان كەيىن تۇڭعىش رەت ساپارلايتىن ەل ەتىپ تاڭدادىڭىز، بۇل ٴسىزدىڭ جۇڭگو مەن زيمبابۆە قاتىناسىنا وسكەلەڭ ٴمان بەرگەندىگىڭىزدى تولىق ايگىلەيدى. جۇڭگو مەن زيمبابۆە تاريحتان بەرى مىزعىماس دوس، حالىقارادا نەندەي وزگەرىستەر بولسادا، باستان-اياق قيىنشىلىقتا بىرگە بولدى. جۇڭگو مەن زيمبابۆەنىڭ دوستىعى ۇزاق ۋاقىتتار بويى جاڭالانىپ، بەكەمدەلدى. ەكى جاق جوعارى جىكتەگىلەردىڭ بارىس-كەلىس ارىنىن ساقتاپ، ٴار دارەجەلىلەردىڭ اۋىس-كۇيىسىن قويۋلاتىپ، ٴتۇرلى سالاداعى سەلبەستىكتى جوعارى ورەدە جوبالاۋ مەن پلانداۋدى ويداعىداي ىستەپ، ٴبىر-بىرىنە ساياتىن وزەكتى مۇددە جانە ماڭىزدى، ەلەۋلى ماسەلەلەردە ٴبىرىن-ٴبىرى ٴتۇسىنىپ، ٴوزارا قولداۋ كەرەك. دامۋ ستراتەگياسىن ٴوزارا توعىستىرىپ، ٴبىر بەلدەۋ، ٴبىر جول جانە جۇڭگو-افريكا سەلبەستىك تالقى جۇلگەسىندە سەلبەستىكتى تەرەڭدەتىپ، نەگىزدىك قۇرىلعى قۇرىلىسى، اۋىل شارۋاشىلىعى، قارجى قوسۋ-قارجى قۇراۋ قاتارلى سالالارداعى سەلبەستىكتى جالعاستى ٴتارتىپتى جەبەۋ كەرەك. جۇڭگو زيمبابۆە جاقتىڭ ٴوز ەلىنىڭ مەملەكەت جاعدايىنا ۇيلەسەتىن دامۋ جولىن ىزدەستىرۋدى قولدايدى. مادەنيەت سەلبەستىگىن كۇشەيتىپ، ەكى ەلدىڭ دوستىعىنا بولعان قوعامدىق پىكىر مەن نەگىزدى بەكەمدەۋ ٴتيىس. جۇڭگو زيمبابۆەمەن وڭىرلىك جانە حالىقارالىق ىستەردەگى سايكەستىك پەن سەلبەستىكتى كۇشەيتىپ، قاتىستى باتىس ەلدەرى مەن ۇيىمداردى زيمبابۆەمەن قاتىناسىن ەرتەرەك جاقسارتۋعا ۇندەپ، زيمبابۆەنىڭ دامۋى ٴۇشىن ناقتىلى ىستەر تىندىرۋدى قالايدى.
مونگاگاۆا شي جينپيڭنىڭ تاعى دا مەملەكەت ٴتوراعاسى بولعاندىعىن قۇتتىقتاپ، شي جينپيڭنىڭ ەل باسقارۋداعى كورەگەندىگىن جوعارى باعالاپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسى زيمبابۆەنىڭ ٴوز ەرەكشەلىگىنە يە جولىمەن جۇرۋىندە ماڭىزدى باستاماعا يە دەپ اتاپ كورسەتتى. مونگاگاۆا بىلاي دەدى: وتكەن عاسىردىڭ 60-جىلدارىندا جۇڭگودا وقىعان كەشىرمەلەرىم ٴالى ەسىمدە، 10 نەشە جىلدان بەرگى جۇڭگو كومپارتياسى مەن جۇڭگونىڭ مەملەكەت دامۋىنداعى تابىستارعا ەرەكشە سۇيىنەمىن. زيمبابۆە مەن جۇڭگونىڭ ٴداستۇرلى دوستىعى ۋاقىت پەن جاعداي وزگەرىسىنىڭ سىناعىن باستان كەشتى. زيمبابۆە ۇكىمەتى مەن حالقى جۇڭگونىڭ قولداۋىن ماڭگى ەستەن شىعارمايدى، جۇڭگونىڭ كوپ جىلدان بەرگى زيمبابۆەنىڭ حالىق تۇرمىسىن جاقسارتۋىنا كورسەتكەن كومەگىنە العىس ايتادى. زيمبابۆە ٴبىر جۇڭگو ساياساتىنا باستان-اياق تاباندى بولىپ، جۇڭگونىڭ جان-جاقتىلى ستراتەگيالىق سەلبەستىك سەرىكتەستىك قاتىناسىن جەبەپ، ەل باسقارۋداعى اۋىس-كۇيىستى كۇشەيتىپ، ساۋدا، قارجى قوسۋ، عىلىم-تەحنيكا، حابارلاسۋ، نەگىزدىك قۇرىلعى جاقتارداعى جان-جاقتىلى، ناقتىلى سەلبەستىكتى كەڭەيتىپ، مادەنيەت اۋىس-كۇيىسىن نىعايتۋدى قالايدى. زيمبابۆە افريكا مەن جۇڭگونىڭ دوستىق قاتىناسىن كۇش سالا تەرەڭدەتىپ، جۇڭگونىڭ ٴبىر بەلدەۋ، ٴبىر جۇڭگو ۇلى دارىپتەمەسىن جوعارى باعالاپ، جۇڭگو-افريكا سەلبەستىك تالقى جۇلگەسىندەگى سەلبەستىكتى قولداپ، افريكانىڭ ٴبىر بەلدەۋ، ٴبىر جول قۇرىلىسى سەلبەستىگىنە بەلسەنە اتسالىسۋىن جاقتايدى.
شي جينپيڭ مىنانى اتاپ كورسەتتى: جۇڭگو مەن افريكا دوستىعىنىڭ جۇرت جۇرەگىنەن تەرەڭ ورىن الۋى-ەكى جاقتىڭ قىمباتتى بايلىعى. ج ك پ-نىڭ 19-قۇرىلتايىندا جۇڭگو ٴار ەلمەن بىرگە جاڭاشا حالىقارالىق قاتىناستى، ادامزاتتىڭ تاعدىرلاس ورتاق تۇلعاسىن قۇرىپ، افريكانى قامتىعان دامۋ جولىنداعى ەلدەرمەن ىنتماقتى، سەلبەستىكتى كۇشەيتۋگە كۇش سالاتىندىعى اتاپ كورسەتىلدى. حالىقارادا نەندەي وزگەرىستەر تۋىلسادا، جۇڭگو دامىپ قاي دارەجەگە جەتسەدە، جۇڭگو افريكا سياقتى دامۋ جولىنداعى ەلدەرمەن باستان-اياق بىرگە بولىپ، افريكانىڭ ماڭگى شىنايى دوسى، سەنىمدى سەرىگى بولادى.
كەڭەستەن كەيىن ەكى ەل باسشىلارى شارۋاشىلىق تەحنيكا، اۋىل شارۋاشىلىعى، عىلىم-تەحنيكا، ادام كۇش بايلىعىن اشۋ قاتارلى سالالارداعى ەكى جاقتىلى سەلبەستىك قۇجاتتارىنا قول قويۋ سالتىنا كۋا بولدى. كەڭەستەن ىلگەرى، شي جينپيڭ حالىق سارايىنىڭ سولتۇستىك زالىندا مونگاگاۆاعا ارناپ قارسى الۋ سالتىن وتكىزدى. ٴتوراعا شي جينپيڭنىڭ زايىبى پىڭ لييۋان، ج ك پ ورتالىق كوميتەتى ساياسي بيۋروسىنىڭ مۇشەسى ياڭ جيەچى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى ەركىن يمىرباقى، مەملەكەت ىستەر جوراسى، سىرتقى ىستەر مينيستر ۋاڭ ي، مەملەكەتتىك ساياسي كەڭەس ٴتوراعاسىنىڭ ورىنباسارلارى ۋاڭ جىڭ-ۋي، حى ليفىڭ قاتارلىلار قاتىناستى.


بەرىپ كەت ورامالىڭدى

دوستار

الىستاعى اق ەركە