جاڭا حابارلار

شوكرات زاكىر ۋ ليجۇن باستاعان كىسىلەرمەن كەزدەستى

    كەلۋ قاينارى: شينجياڭ حالىق راديو ىستانسياسى    2018-04-03 18:11:57  

ستانسيامىزدىڭ حابارى: 4-ايدىڭ 2-كۇنى، اۆتونوميالى رايوندىق پارتكومنىڭ ورىنباسار شۋجى، اۆتونوميالى رايوننىڭ ءتوراعاسى شوكرات زاكىر شىنجىن باعالى قاعاز بيرجاسى پارتكومنىڭ شۋجيى، القا باستىعى ۋ ليجۇن باستاعان كىسىلەرمەن كەزدەستى.
شوكرات زاكىر ۋ ليجۇن باستاعان كىسىلەردىڭ شينجياڭدا تەكسەرۋ جۇرگىزۋىن قارسى الاتىندىعىن ءبىلدىرىپ، شىنجىن باعالى قاعاز بيرجاسىنىڭ ۇزاق ۋاقىتتان بەرى شينجياڭنىڭ ەكونوميكاسى مەن قوعامنىڭ دامۋىن، وتە-موتە، شينجياڭ كاسىپورىندارىنىڭ شىنجىن باعالى قاعاز بيرجاسىندا بازارعا قاتىناسىپ، كاپيتالىن اينالىمعا سالۋىن بارىنشا قولداعانىنا العىس ايتتى.
شوكرات زاكىر بىلاي دەدى: «كەزەكتە رايونىمىز جوعاردان-تومەنگە دەيىن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-قۇرىلتايىنىڭ جانە پارتيا 19-كەزەكتى ورتالىق كوميتەتىنىڭ 2-، 3-جالپى ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، مەملەكەتتىك ەكى ءماجىلىستىڭ رۋحىن دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا بارىنشا شوعىرلاندىرىپ، ءۇش ءىرى قامال الۋ شايقاسىنىڭ جەڭىسىنە قول جەتكىزۋگە كۇش سالۋدا. شىنجىن باعالى قاعاز بيرجاسىنىڭ شينجياڭنىڭ قىزمەتىن قولداۋ تەبىنىن اناعۇرلىم ارتتىرىپ، وتە-موتە، ءۇش ءىرى قامال الۋ شايقاسىن تىعىز ارقاۋ ەتىپ، فۋنكتسيالىق رولى مەن ەرەكشەلىگىن تياناق ەتىپ، شينجياڭنىڭ فينانس قىزمەتىنە جەتەكشىلىك ەتۋدى كۇشەيتىپ، كاپيتال بازارىنىڭ كەدەيلەردى دالمە-ءدال سۇيەمەلدەۋ، لاستانۋدىڭ الدىن الۋ جانە ونى وڭاۋ سياقتى جاقتارداعى بەلسەندى رولىن ويداعىداي ساۋلەلەندىرۋىن، سونداي-اق ەكى جاقتىڭ ورتالىقتىڭ شينجياڭدى جىبەك جولى ەكونوميكالىق بەلدەۋىنىڭ وزەكتى رايونى ەتىپ قۇرۋ كەلەلى تاريحي ورايىن مىقتى يگەرىپ، بازارعا قاتىناسقان كاسىپورىنداردىڭ بايلىعىن جەتىلدىرۋ، كاسىپورىنداردىڭ كاپيتالدى اينالىمعا سالۋ جولىن اشۋىن قولداۋ سياقتى جاقتارداعى ناقتىلى سەلبەستىكتى تەرەڭدەتىپ، ەكى جاقتىڭ دا پايداعا كەنەلۋىن ءۇمىت ەتتى».
ۋ ليجۇن بىلاي دەدى: «شىنجىن باعالى قاعاز بيرجاسى اۆتونوميالى رايوننىڭ بار كۇشپەن قولداۋىندا، نازاردى قوعام ورنىقتىلىعى مەن باياندى تىنىشتىق سىندى شينجياڭ قىزمەتىنىڭ باس نىساناسىنا بارىنشا شوعىرلاندىرىپ، دارىندى، تەحنيكا، كاسىپ سياقتى جاقتاعى ابزالدىلىعىن ساۋلەلەندىرىپ، كاپيتال بازارىنىڭ ءۇش ءىرى قامال الۋ شايقاسىنىڭ جەڭىسىنە قول جەتكىزۋدى قولداۋ ءونىمدى مەحانيزىمىن قۇرۋ جولىن قاراستىرىپ، شينجياڭنىڭ ەكونوميكاسى مەن قوعامنىڭ دامۋىن ويداعىداي جەبەيدى».
ۋ ليجۇن باستاعان كىسىلەر وسى رەت بىرىنشىدەن، شينجياڭنىڭ كاپيتال بازارىن قۇرۋ احۋالىن جانە شىنجىن باعالى قاعاز بيرجاسىنىڭ شينجياڭنىڭ ەكونوميكاسى مەن قوعامنىڭ دامۋىن قولداۋ شاراسىن تەكسەرىپ زەرتتەۋگە؛ ەكىنشىدەن، شىنجىن باعالى قاعاز بيرجاسىنىڭ ماكت اۋدانىنا باعىتتامالى كومەكتەسۋ احۋالىن، سونداي-اق كەدەيلەردى سۇيەمەلدەۋ قىزمەتىن اتقارۋ جوسپارىن تەكسەرىپ زەرتتەۋگە كەلدى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين كەزدەسۋدە بىرگە بولدى.


بەرىپ كەت ورامالىڭدى

دوستار

الىستاعى اق ەركە