جاڭا حابارلار

رايونىمىزداعى كادرلار مەن بۇقارا جاڭا داۋىردەگى شينجياڭدى دامىتۋ داستانىن جازۋعا كۇش سالاتىندىقتارىن ءبىلدىردى

    كەلۋ قاينارى: شينجياڭ حالىق راديو ىستانسياسى    2018-04-02 20:27:19  

ستانسيامىزدىڭ جيناق حابارىن تىڭداڭىزدار: باس شۋجي شي جينپيڭنىڭ ەكى ءماجىلىس كەزىندە سويلەگەن ماڭىزدى ءسوزىنىڭ رۋحى مەن مەملەكەتتىك ەكى ءماجىلىستىڭ رۋحىن ىشكەرىلەي ۇيرەنگەننەن كەيىن، رايونىمىزداعى كادرلار مەن بۇقارا: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى،ءىس جۇزىندىك جاعدايدى تياناق ەتىپ، تىلەكتى توعىستىرىپ، كۇش-قۋاتتى ۇيىستىرىپ، جاڭا داۋىردەگى شينجياڭدى دامىتۋ داستانىن جازۋعا كۇش سالاتىندىقتارىن ءبىلدىردى.
مەملەكەتتىك ەكى ءماجىلىس كەزىندە، باس شۋجي شي جينپيڭ گۋاڭدۇڭ ۋاكىلدەر ۇيىرمەسىنىڭ ۇكىمەت قىزمەتىنەن باياندامانى قاراۋىنا قاتىناسقاندا: جاسىل دامۋ دەڭگەيىن جوعارىلاتۋ كەرەك،-دەگەندى اتاپ كورسەتتى. 3-ايدىڭ 30-كۇنى، فۋكاڭ قالاسىنداعى مەملەكەتتىك ەلەكتر تورابى ەنەرگياسى فۋكاڭ توك تاراتۋ زاۆودىندا جۇمىسشىلار ونەركاسىپتىڭ جاراقسىز زاتى ـــــ كۇكىرتسىزدەندىرىلگەن گيپس ۇنتاعىن جيناپ جاتتى. بۇل جاراقسىز زات فۋكاڭ قالاسىنداعى «سۋشىڭ» جاڭا ءۇي قۇرىلىس ماتەريالدارى زاۆودىنا اپارىلىپ قايتا كادەگە جاراتىلادى. توك تاراتۋ زاۆودى ءوندىرىس تەحنيكاسى ءبولىمىنىڭ مەڭگەرۋشىسى شۇي بولياڭ بىلاي دەدى: «فۋكاڭ توك تاراتۋ زاۆودىنىڭ ورتانى قورعاۋ كورسەتكىشى مەملەكەت جانە رايونىمىز بويىنشا ورتانى قورعاۋ لاس زاتتاردى شىعارۋ تالابىنا جەتۋمەن بىرگە، ورتانى قورعاۋ قۇرىلعىلارىنان شىققان جاراقسىز زاتتار جونىندە وسى ماڭداعى قۇرىلىس ماتەريالدارى كاسىبورىندارىمەن جۇلگەلىك كەلىسىمگە قول قويىپ، قايتا كادەگە جاراتىپ، ءار جىلى فۋكاڭ توك تاراتۋ زاۆودىنا ءبىر ميلليون يۋانداي وزىندىك قۇندى ۇنەمدەپ بەرىپ وتىر».
باس شۋجي شي جينپيڭ شاندۇڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا: ديحانداردىڭ تاماشا تۇرمىسقا دەگەن تالپىنىسىن اۋىل-قىستاقتاردى كوركەيتۋدىڭ قوزعاۋشى كۇشىنە اينالدىرىپ، ديحانداردىڭ ءتۇبىرلى مۇددەسىن قورعاۋ، ولاردىڭ بىرگە اۋقاتتانۋىن جەبەۋدى شىعار ءتۇيىن جانە تابان تىرەر تياناق ەتۋ كەرەك،-دەگەندى باسا دارىپتەگەن بولاتىن. قورعاس جين-ي حالىقارالىق ساۋدا شەكتى سەرىكتەستىگنىڭ قىزمەتكەرلەرى باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنگەننەن كەيىن: «اۋىل-قىستاقتاردى كوركەيتۋ ستراتەگياسىن تىعىز ارقاۋ ەتىپ، كاسىپتىك كوپەراتيۆ قۇرۋ قادامىن تەزدەتىپ، ديحانداردى كىرىسىن ارتتىرىپ اۋقاتتانۋعا باستاۋىمىز كەرەك»،-دەستى. سەرىكتەستىكتىڭ قازىنا ىستەرى باس باقىلاۋشىسى لي چيڭمەي: «كاسىپورنىمىز كاسىپ سالالانعان تيجاراتتى ىلگەرىلەتىپ، ونەركاسىپتەندىرۋ وي جەلىسىمەن اۋىل شارۋاشىلىعىن جوبالاۋعا تاباندى بولىپ، «پارتيا ياچەيكاسى، كوپەراتيۆ، بازا، ديحاندار بىرىككەن» اۋىل شارۋاشىلىعىن دامىتۋ ۇلگىسىن جالپىلاستىرىپ، ديحان وتباستارىمەن بىرگە اۋقاتتانۋدىڭ مۇددە مەحانيزمىن ورناتۋ كەرەك»،-دەدى.
قورعاس اۋدانى لانگار اۋىلى لياڭسانگۇڭ قىستاعىندا 94 كەدەي وتباسى بار، كەدەيلەر قىستاق جالپى جان سانىنىڭ ۇشتەن ءبىر بولەگىن يەلەيدى. مەملەكەتتىك ەكى ءماجىلىستىڭ رۋحىن ۇيرەنگەن سوڭ، ىلە وبلىستىق ءوندىرىس حاۋىپسىزدىگىن باقىلاۋ مەكەمەسىنىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بويىنشا قىستاقتا تۇرعان قىزمەت اترەتىندەگىلەر:شىعار ءتۇيىندى ءداپ باسىپ تاۋىپ، كەدەيلىكتەن قۇتىلدىرۋدان قامال الۋ اياق الىسىن تەزدەتۋىمىز كەرەك،-دەدى. قىزمەت اترەتىنىڭ مۇشەسى شۇي كاي بىلاي دەدى: ءبىزدىڭ قىزمەت ءتۇيىنىمىز ـــــ مەملەكەتتىك ەكى ءماجىلىستىڭ رۋحىن دايەكتىلەندىرۋ، تياناقتاندىرۋ؛ ورتالىق پەن اۆتونوميالى رايوننىڭ ءتۇرلى ورنالاسترۋىن دايەكتىلەندىرۋ، تياناقتاندىرۋ، كەدەيلىكتەن قۇتىلدىرۋدان قامال الۋ اياق الىسىن تەزدەتۋ، تەحنيكاعا باۋلۋ تەبىنىن جانە قۇرىلعىلاردى جاڭالاۋ تەبىنىن كۇشەيتۋ، ءيىستى قۇدىس جانە شىتىر گۇلى كوپەراتيۆىن تەزىرەك قۇرۋ؛ مىنە وسىنداي شارالار ارقىلى لياڭسانگۇڭ قىستاعىنداعى بۇقارانىڭ باقىت سەزىمى مەن تابىس سەزىمىن ۇزدىكسىز ارتتىرۋ.
بۇل كۇندەرى، قۇمىل قالالىق مەملەكەت مەنشىگىندەگى مال-مۇلىكتى باقىلاپ باسقارۋ كوميتەتى كادرلار مەن جۇمىسشى-قىزمەتكەرلەردى باس شۋجي شي جينپيڭنىڭ ەكى ءماجىلىس كەزىندە سويلەگەن ماڭىزدى ءسوزىنىڭ رۋحى مەن مەملەكەتتىك ەكى ءماجىلىستىڭ رۋحىن ىشكەرىلەي ۇيرەنۋگە بىرنەشە رەت ۇيىمداستىردى. قۇمىل قالالىق مەملەكەت مەنشىگىندەگى مال-مۇلىكتى باقىلاپ باسقارۋ كوميتەتى مال-مۇلىك ۇقىعى ءبولىمىنىڭ باستىعى جين جيەحۇڭ بىلاي دەدى: «مەملەكەتتىك ەكى ءماجىلىستىڭ مەملەكەت مەنشىگىندەگى كاپيتالدىڭ جايعاسۋىن جاقسى باسقارۋ، جۇيەلى اينالىمعا سالۋ، كاپيتالدىڭ قارىمجى مولشەرىن جوعارىلاتۋ، كاپيتال حاۋىپسىزدىگىن قورعاۋ سەكىلدى ءتۇيىندى ورنالاسترۋى بويىنشا، ءبىز مەملەكەت مەنشىگىندەگى مال-مۇلىكتى باقىلاپ باسقارۋ جۇيەسىن قايتا قۇرۋىمىز قاجەت، مۇنداعى ءتۇيىندى سالالار جاڭا ەنەرگيا، فينانس، زات اينالىمى، ساياحات، قالانىڭ نەگىزدىك قۇرىلعىسى سياقتىلاردى قامتيدى».
بىرنەشە كۇننىڭ الدىندا، شينجياڭ ۋنيۆەرسيتەتى عىلىم-تەحنيكا ينستيتۋتىنىڭ ساتىلى ساباقحاناسىندا، وقىتۋشى-وقۋشىلار باس شۋجي شي جينپيڭنىڭ ەكى ءماجىلىس كەزىندە سويلەگەن ماڭىزدى ءسوزىنىڭ رۋحى مەن مەملەكەتتىك ەكى ءماجىلىستىڭ رۋحىن ىشكەرىلەي ۇيرەندى. باس شۋجيدىڭ «تاۋ قانشا بيىك بولسا دا تالپىنعان ادام شىڭىنا شىعا الادى؛ جول قانشا الىس بولسا دا تىنباي جۇرگەن مارەگە جەتەدى» دەگەن ءسوزى 2-جىلدىقتىڭ وقۋشىسى ما جياعا تەرەڭ اسەر قالتىردى. ول بىلاي دەدى: «وسىزامان ستۋدەنتى بولعان بىزدەر ۇلى نىسانا، بەرىك جىگەر ورناتىپ، مىندەت جانە جاۋاپكەرلىك ارقالايتىن تىرەكتىلەردەن بولىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ۇلەس قوسۋىمىز ءتيىس».


بەرىپ كەت ورامالىڭدى

دوستار

الىستاعى اق ەركە