جاڭا حابارلار

«شينجياڭنىڭ ەلەكترىن سىرتقا جەتكىزۋ» جاڭا جەلىسىنىڭ شينجياڭ بولەگى تۇتاستىرىلدى

    كەلۋ قاينارى: شينجياڭ گازەتى    2018-03-31 20:45:41  

كەرنەۋى ەڭ جوعارى، جەتكىزۋ سيىمدىلىعى ەڭ زور، تەحنيكالىق دەڭگەيى ەڭ وزىق

جۇندۇڭ - ۋاننان 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى تيانشاندى ەندەي ءوتتى.
سۋرەتتى ليۋ ۋىنلۇڭ تۇسىرگەن

 ءتىلشىمىز چىن چياڭۋي 3 - ايدىڭ 29 - كۇنى جەمسارىدان حابارلايدى. 3 - ايدىڭ 29 - كۇنى تۇستەن بۇرىن جەمسارى اۋدانى جۇندۇڭ ەكونوميكالىق - تەحنيكالىق اشۋ رايونىندا جۇندۇڭ - ۋاننان 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى (شينجياڭ بولەگى) 1 - مەردىگەرلىك بولەگىنىڭ جۇمىس باسىندا ەلەكتر جۇمىسشىلارى ەلەكتر سىمىن تارتىپ جاتتى، بۇل − وسى ينجەنەريانىڭ شينجياڭ بولەگىندەگى نەگىزگى جەلىنىڭ ەڭ سوڭعى سىم تارتۋ جۇمىسىنىڭ كورىنىسى. سول كۇنى 1250 شارشى ميلليمەتر جۋاندىقتاعى 2 ەرەكشە جوعارى كەرنەۋلى ەلەكتر سىم ەرەكشە جوعارى كەرنەۋلى N0008 ءنومىرلى جانە N0009 ءنومىرلى تەمىر مۇنارالارعا ءساتتى جالعانىپ، دۇنيە جۇزىندەگى تۇڭعىش 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزەتىن ەلەكتر سىم جەلىسىنىڭ شينجياڭ بولەگى تۇتاس لەنيا بويىنشا تۇتاستى.
  ءتىلشى جۇمىس باسىندا بيىكتىگى جەكە - جەكە 101 مەتر جانە 103 مەتر كەلەتىن 2 تەمىر مۇنارانىڭ 283 مەتر ارالىق تاستاپ 750 كيلوۆولتتىق جيجيحۋ - ۋسايۋانⅠ،Ⅱقايتىمدى جەلىسىنەن اتتاپ ءوتىپ تۇتاسىپ تۇرعانىن كوردى. بۇل جاڭا جەلى اتتاپ وتكەن 750 كيلوۆولتتىق توك جەتكىزۋ جەلىسى شينجياڭ ەلەكتر تورى تيانشان شىعىس اينالما تورىنىڭ ماڭىزدى قۇرامداس بولىگى.
  «بۇگىن تۇتاس جەلى تۇتاستىرىلعاننان كەيىن، شينجياڭ بولەگى ينجەنەرياسى تەكسەرىپ وتكىزۋ الۋ باسقىشىنا وتەدى، بيىل 6 - ايدا جۇمىستى بۇكىلدەي ورىنداپ بولۋ جوسپارلانعان. تۇتاس جەلى ينجەنەرياسىنىڭ 2018 - جىلدىڭ سوڭىندا جۇمىس ىستەي باستاۋى جوسپارلاندى»، - دەدى مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى قۇرىلىس ءبولىمىنىڭ ورىنباسار مەڭگەرۋشىسى لي يا.
  جۇندۇڭ - ۋاننان 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى كەزەكتە دۇنيە جۇزىندەگى كەرنەۋى ەڭ جوعارى، جەتكىزۋ سيىمدىلىعى ەڭ زور، جەتكىزۋ ارالىعى ەڭ الىس، تەحنيكالىق دەڭگەيى ەڭ وزىق ەرەكشە جوعارى كەرنەۋلى توك جەتكىزۋ ينجەنەرياسى ەسەپتەلەدى. بۇل ينجەنەريانىڭ شينجياڭ بولەگىنىڭ جۇمىسى 2016 - جىلى 5 - ايدا باستالدى، جەمسارى اۋدانى، شونجى اۋدانى، موري قازاق اۆتونوميالى اۋدانى جانە قۇمىل قالاسى سياقتى 4 اۋداندى (قالا) باسىپ وتەدى، جالپى ۇزىندىعى 598.684كيلومەتر، جيىنى 1109 تەمىر مۇنارا بار.
  شينجياڭ بولەگىندەگى جەلىنىڭ بويىنداعى جەر ءتۇزىلىسى قۇم، ءشول دالا، تاۋلى ءوڭىر بولىپ كەلەدى، كليمات ورتاسى مەن جاعراپيالىق ورتاسى وتە ناشار بولعاندىقتان، جۇمىس ىستەۋ مەن ساپانى مەڭگەرۋگە كوپتەگەن قيىنشىلىقتار الا كەلدى. سول كۇنگى جۇمىس ورنى جۇڭگوداعى 2 - ۇلكەن ءشول − قۇربان تۇڭعىت (قۇبىنىڭ قۇمى) ءشولىنىڭ جيەگىندە بولدى، جەرگىلىكتى ورىننىڭ قورشاعان ورتاسىنا جاسايتىن ىقپالدى ازايتۋ ءۇشىن، جۇمىس اتقارۋشى جاق 8 سىم تارتۋ ماشيناسىن بىرەۋگە ازايتىپ، جۇمىس ۋاقىتىن ءبىر كۇننەن 5 كۇنگە ۇزارتتى.
  «ينجەنەريا مەملەكەتتىڭ الەۋمەتتىك ورماندى وڭىرىنەن وتەدى، ءالسىز وسىمدىك جامىلعىسى وڭاي بۇلىنەدى، ءبىز جۇمىس باياۋ جۇرىلسە دە، قورشاعان ورتاعا جاسايتىن ىقپالىنىڭ از بولۋىن ەسكەردىك. مۇنان سىرت، ءبىز جۇمىس كولەمىن دالمە - ءدال بەلگىلەپ، شاڭ - توزاڭنان ساقتانۋ تورىن جاپتىق، جۇمىس اياقتاعاننان كەيىن ءشوپ شاقپاقتار تۇرعىزىپ قۇمايتتانۋدان ساقتانىپ، قورشاعان ورتانى ءبۇلدىرۋ دارەجەسىن بارىنشا تومەندەتتىك»، - دەدى مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى ەكونوميكا - تەحنيكا زەرتتەۋ ورنى قۇرىلىس باسقارۋ ورتالىعى نىسان ءبولىمىنىڭ ورىنباسار ديرەكتورى شۇي يۇيبو.


بەرىپ كەت ورامالىڭدى

دوستار

الىستاعى اق ەركە