جاڭا حابارلار

شي جينپيڭ ناميبيانىڭ پرەزيدەنتى گينگوبپەن كەڭەس وتكىزدى

    كەلۋ قاينارى: جۇڭگو قازاق راديو تورابى    2018-03-30 16:55:55  

مەملەكەت ٴتوراعاسى شي جينپيڭ ناۋرىزدىڭ 29-كۇنى تۇستەن كەيىن حالىق سارايىندا ناميبيانىڭ پرەزيدەنتى گينگوبپەن كەڭەس وتكىزدى. شي جينپيڭ بىلاي اتاپ كورسەتتى: ەكى ەلدىڭ دامۋ ستراتەگيالىق تۇرعىسى سايكەس، بيلىك جۇرگىزۋ تانىمىندا كوپتەگەن ۇقساستىق بار، شارۋاشىلىق سەلبەستىك جاقتا ٴبىرىن-ٴبىرى تولىقتاپ كەلەدى، جۇڭگو ناميبيامەن بىرگە، ەكى ەلدىڭ ٴار سالاداعى ٴوزارا ٴتيىمدى سەلبەستىگىن ۇزدىكسىز تەرەڭدەتۋدى قالايدى.
 شي جينپيڭ بىلاي اتاپ كورسەتتى: جۇڭگو مەن ناميبيا ەكى ەلى مەن ەكى ەل پارتياسنىڭ ٴداستۇرلى دوستىعى تەرەڭ، يمپەرياليزىمگە، وتارشىلدىققا قارسى كۇرەستە تىزە قوسا شايقاس جاساپ، مەملەكەت قۇرىلىسىندا ٴوزارا قولداپ، دوستىق سەلبەستىك ۇزدىكسىز نىعايدى، بۇل ەكى جاقتىڭ ايىرىقشا قاستەرلەۋىنە تاتيدى. قازىر، جۇڭگو مەن ناميبيا ەكى ەلدىڭ دامۋ ىستەرى تۇگەلدەي تىڭ ساتىعا ٴوتتى، دامۋ ستراتەگيالىق تۇرعىسى سايكەس، بيلىك جۇرگىزۋ تانىمىندا كوپتەگەن ۇقساستىق بار، شارۋاشىلىق سەلبەستىك جاقتا ٴبىرىن-ٴبىرى تولىقتاپ كەلەدى. ناعىز دوس رەتىندە، جۇڭگو ناميبيامەن بىرگە قۇلشىنىپ، جۇڭگو مەن ناميبيا قاتىناسنىڭ ۇزدىكسىز نىق قاداممەن، بەلسەنە دامۋىن جەبەپ، ەكى ەل حالقىنا باقىت جاراتۋدى قالايدى.
 شي جينپيڭ بىلاي دەپ باسا دارىپتەدى: جۇڭگو مەن ناميبيا جالپى بەتتىك ستراتەگيالىق سەلبەستىك سەرىكتەستىك قاتىناسىنىڭ جاڭا باستاماسىندا، جوعارى جىكتەگىلەردىڭ بارىس-كەلىسى مەن ٴار ساتىداعىلاردىڭ دوستىق بارىس-كەلىسن جانە سەلبەستىگىن كۇشەيتىپ، ساياسي سەنىمدىلىكتى ۇزدىكسىز ارتتىرىپ،ٴبىر-ٴبىرىنىڭ وزەكتى مۇددەسىنە ساياتىن جانە كوڭىل ٴبولىپ وتىرعان كەلەلى ماسەلەلەردە ٴبىرىن-ٴبىرى باتىل قولداۋى كەرەك. الدىمەن ويلاساتىن سالالار مەن ٴتۇيىندى نىسانداردى مىقتى ۇستاپ، ٴوز باسىمدىلىعىمەن بىرلەستىرىپ، كومەسكى كۇشتەردى تولىق اشىپ، ەكى ەلدىڭ ٴوزارا تيىمدىلىك جەتكىزىپ تەڭ يگىلىكتەنۋ سەلبەستىگىن ۇزدىكسىز تەرەڭدەتۋ كەرەك. جۇڭگو جاق ناميبيانىڭ «ٴبىر بەلدەۋ ٴبىر جول» قۇرىلىسىنا بەلسەنە ات سالىسۋىن قارسى الادى، ناميبيامەن بىرگە ورايدى مىقتى يگەرىپ، ساياساتتىق پىكىر اۋىستىرۋ مەن جوبانى توعىستىرۋدى كۇشەيتىپ، ٴتۇيىندى سالالارداعى سەلبەستىكتى كۇشەيتۋدى قالايدى. گۋمانيتارلىق اۋىس-كۇيىستى كۇشەيتىپ، ەكى ەل دوستىعىنىڭ قوعامدىق حالىق رايى نەگىزىن بەكەمدەۋى كەرەك. جۇڭگو ناميبيامەن بىرلىكتە جابايى حايۋاناتتاردى قورعاۋ سەلبەستىگىن ارتتىرىپ، جابايى حايۋانات ونىمدەرىن اتكەزشىلىك ەتۋ سياقتى زاڭعا قايشى ارەكەتتەردى استە ىرقىنا جىبەرمەۋگە ٴارى ونى قورعاشتاماۋعا پەيىل. حالىقارالىق وڭىرلىك ىستەردەگى تىلدەسۋ مەن سايكەستىكتى كۇشەيتىپ، افريكا مەن دامۋ جولىنداعى ەلدەردىڭ ورتاق مۇددەسىن اناعۇرلىم جاقسى قورعاۋى كەرەك.
 گينگوب الدىمەن ناميبيا ۇكىمەتى جانە حالقى اتىنان شي جينپيڭنىڭ جۇڭگونىڭ مەملەكەت ٴتوراعاسى بولىپ سايلانعانىن تاعى ٴبىر رەت قۇتتىقتادى، جۇڭگونىڭ شي جينپيڭ ۇيتقى بولعان جۇڭگو پارتياسى مەن ۇكىمەتتىنىڭ باسشىلىعىندا شارۋاشىلىق قوعامدىق دامۋدا زور تابىستارعا قول جەتكىزگەنىن قۇتتىقتادى، جۇڭگونىڭ ەرتەرەك باي قۇدىرەتتى، دەموكراتيالى وركەنيەتتى، جاراسىمدى كوركەم وسىزاماندانعان سوتسياليستىك قۇدىرەتتى ەلگە اينالۋىن تىلەدى. گينگوب بىلاي دەدى: جۇڭگوسىندى افريكانىڭ ەڭ جاقسى دوس ەلىنە ساپاري كەلگەنىمە توتەنشە قۋانىشتامىن. ناميبيا مەن جۇڭگونىڭ دوستىعى ۇزاق، ناميبيا جۇڭگومەن بولعان قاتىناسقا باسا ٴمان بەرەدى، ەكى ەلدىڭ قارىم-قاتىناس دەڭگەيىن جوعارىلاتۋدى قالايدى، جۇڭگومەن بىرگە نەگىزدىك قۇرىلعى، باياندى دامۋ، ادامكۇش بايلىعى، تەحنيكا، كەدەيلىكتەن قۇتىلدىرۋ، گۋمانيتارلىق سالا سياقتى سالالارداعى اۋىس-كۇيىس سەلبەستىگىن كۇشەيتىپ، كەلەلى سەلبەستىك نىساندارىن ويداعىداي تياناقتاندىرىپ، ٴوزارا تيىمدىلىك جەتكىزىپ تەڭ يگىلەكتەنۋدى جۇزەگە اسىرۋدى قالايدى. جۇڭگو افريكانى وتارلامادى، افريكانى تونامادى، باستان-اياق افريكاداعى ورتا-شاعىن مەملەكەتتەرگە تەڭ مامىلە جاسادى. جۇڭگو تاريحىتا ٴبىزدىڭ ادىلەتتى ىستەرىمىزدى قولدادى، قازىر،ٴبىزدىڭ دامۋىمىزعا جالعاستى كومەكتەسۋدە. جۇڭگو افريكانىڭ ناعىز ادال سەرىگى ٴارى دوسى. افريكا حالقى ٴىس جۇزىندىككە ۇيلەسپەيتىن جۇڭگوعا قاراتىلعان قيسىنسىز سوزدەرەگە قارسى تۇرادى. ناميبيا جۇڭگو مەن افريكانىڭ سەلبەستىك تالقى نوبايى كولەمىندەگى سەلبەستىكتى بەلسەنە قولدايدى، جۇڭگو مەن افريكانىڭ حالىقارالىق ىستەردە سەلبەسىپ سايكەسۋىن قولدايدى.
 شي جينپيڭ بىلاي دەپ اتاپ كورسەتتى: جۇڭگو مەن افريكا تىنىستاس، تاعدىرلاس جانە سەلبەسىپ تەڭ يگىلىكتەنەتىن ورتاق تۇلعا، جۇڭگو مەن افريكانىڭ قاتىناسى وڭتۇستىكتەگىلەر سەلبەستىگىنىڭ تيپتىك ۇلگىسى. جۇڭگو ٴالى اۋقاتتانا قويماعان جىلداردا،ٴتوراعا ماۋ زىدۇڭ قاتارلى جۇڭگوداعى ٴبىر توپ ساقا باسشىلار قيىنشىلىقتى جەڭە وتىرىپ افريكاعا قولداۋ كورسەتۋىمىز كەرەك دەگەن. ال قازىر، جۇڭگو دامۋعا قادام تاستادى، ٴبىز مەيلى سۇيىسپەنشىلىك جاعىندا بولسىن نەمەسە ناق كۇش جاعىندا بولسىن افريكاعا كوپتەپ كومەك كورسەتۋىمىز كەرەك. جۇڭگو دۇرىس مۇددە كوزقاراسى مەن افريكاعا قاراتىلعان ناقتىلى شىنايى دوستىق ساياساتىنا ۇزدىكسىز تاباندى بولىپ، جۇڭگونىڭ دامۋىن افريكانىڭ دامۋىناكومەكتەسۋىمەن تىعىز ۇشتاستىرىپ، سەلبەسىپ تەڭ يگىلىكتەنىپ، ورتاق دامۋدى ىسكە اسىرادى، اسىرەسە، افريكاداعى ٴار ەلدىڭ جۇڭگو مەن افريكانىڭ سەلبەستىگى ارقىلى ولاردىڭ دەربەس باياندى دامۋ قۋاتىن ارتتىرادى. جۇڭگو مەن افريكانىڭ اناعۇرلىم تىعىز بولعان جۇڭگو مەن افريكانىڭ تاعدىرلاس ورتاق تۇلعاسىن قالىپتاستىرىپ، جۇڭگو مەن افريكا قاتىناسىنىڭ دامۋىنا ۇزدىكسىز تىڭ قوزعاۋشى كۇش قوساتىندىعىنا سەنەمىن.
 كەڭەستەن كەيىن، ەكى ەل باسشىسى تاعى دا، نەگىزدىك قۇرىلعىلار، قارجى اينالىمى، تەكسەرۋ-كارەنتيندەۋ قاتارلى سالالارداعى ەكى جاقتى سەلبەستىك حۇجاتتارعا قول قويۋ سالتىنا بىرلىكتە كۋا بولدى.
 كەڭەستەن بۇرىن، شي جينپيڭ حالىق سارايىنىڭ سولتۇستىك زالىندا گينگوبدى قارسى الۋ سالتىن وتكىزدى.

بەرىپ كەت ورامالىڭدى

دوستار

الىستاعى اق ەركە