جاڭا حابارلار

شي جينپيڭ كيم جوڭ - ۇنمەن كەڭەس وتكىزدى

    كەلۋ قاينارى: شينجياڭ گازەتى    2018-03-30 17:32:11  

ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭنىڭ ۇسىنىسىمەن چاۋشيان ەڭبەك پارتياسى ورتالىق كوميتەتىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇن 3 - ايدىڭ 25 - كۇنىنەن 28 - كۇنىنە دەيىن ەلىمىزدە بەيرەسمي ساپاردا بولدى. ساپار كەزىندە شي جينپيڭ كيم جوڭ - ۇنمەن كەڭەس وتكىزدى. كەڭەستىڭ الدىندا شي جينپيڭ حالىق سارايىنىڭ سولتۇستىك زالىندا كيم جوڭ - ۇندى قارسى الۋ سالتىن وتكىزدى.

سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

 شينحۋا اگەنتتىگىنىڭ 3 - ايدىڭ 28 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭنىڭ ۇسىنىسىمەن چاۋشيان ەڭبەك پارتياسى ورتالىق كوميتەتىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇن 3 - ايدىڭ 25 - كۇنىنەن 28 - كۇنىنە دەيىن ەلىمىزدە بەيرەسمي ساپاردا بولدى.
  ساپار كەزىندە شي جينپيڭ حالىق سارايىندا كيم جوڭ - ۇنمەن كەڭەس وتكىزدى. باس شۋجي شي جينپيڭ مەن حانىمى پىڭ لييۋان كوميتەت باستىعى كيم جوڭ - ۇن مەن ونىڭ حانىمى ري سول - جۇنى قارسى الۋ قوناعاسىن بەردى ءارى ادەبيەت - كوركەمونەر كونسەرتىن بىرگە تاماشالادى.
  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، مەملەكەتتىڭ ورىنباسار ءتوراعاسى ۋاڭ چيشان جەكە - جەكە قاتىستى قيمىلدارعا قاتىناستى.
  كەڭەس بارىسىندا شي جينپيڭ ج ك پ ورتالىق كوميتەتى اتىنان كيم جوڭ - ۇننىڭ جۇڭگوعا تۇڭعىش رەت ساپارلاي كەلگەندىگىن قىزۋ قارسى الدى. شي جينپيڭ بىلاي دەدى: ءسىز ج ك پ 19 - قۇرىلتايىنان كەيىن مەنىڭ ج ك پ ورتالىق كوميتەتىنىڭ باس شۋجيى بولىپ قايتا سايلانعاندىعىمدى، پارتيا ورتالىق اسكەري ىستەر كوميتەتىنىڭ ءتوراعاسى بولىپ تاعايىندالعاندىعىمدى تەلەگرامما جولداپ قۇتتىقتادىڭىز، جاقىندا تاعى دا ەڭ الدىمەن تەلەگرامما جولداپ مەملەكەت ءتوراعاسى، مەملەكەتتىك ورتالىق اسكەري ىستەر كوميتەتىنىڭ ءتوراعاسى بولىپ قايتا سايلانعاندىعىمدى قۇتتىقتادىڭىز، بۇعان راقىمەت ايتامىن. وسى رەت جۇڭگوعا ساپارلاي كەلۋىڭىزدىڭ ءساتى وزگەشە، ماڭىزى زور، بۇل كوميتەت باستىعى جولداستىڭ جانە چاۋشياننىڭ پارتيا ورتالىق كوميتەتىنىڭ جۇڭگو، چاۋشيان پارتيالارىنىڭ، ەلدەرىنىڭ قاتىناسىنا ايرىقشا ءمان بەرەتىنىن تولىق ايگىلەدى، ءبىز مۇنى جوعارى باعالايمىز.
  شي جينپيڭ مىنالاردى اتاپ كورسەتتى: جۇڭگو مەن چاۋشياننىڭ ءداستۇرلى دوستىعىن ەكى پارتيانىڭ، ەكى ەلدىڭ اعا بۋىن باسشىلارى ءوز قولدارىمەن سومداعان جانە دەن قويا جەتىلدىرگەن، بۇل − ەكى جاقتىڭ دا باعالى بايلىعى. سول جىلداردى ەسكە الساق، اعا بۋىن باسشىلارىمىز ورتاق مۇرات - سەنىممەن جانە تەرەڭ توڭكەرىستىك دوستىقپەن ءبىر - بىرىنە سەنىم ارتىپ، ءبىر - ءبىرىن قولداپ، حالىقارالىق قاتىناس تاريحىندا ۇلگى جاراتتى. جۇڭگو مەن چاۋشياننىڭ بىرنەشە بۋىن باسشىلارى تىعىز قارىم - قاتىناستى جالعاستىرىپ، تۋىسقاندارداي بارىس - كەلىس جاساپ كەلەدى. ۇزاق ۋاقىتتىق اماليات بارىسىندا جۇڭگو مەن چاۋشيان پارتيالارى، ەلدەرى ءبىر - ءبىرىن قولداپ، ءبىر - بىرىمەن سەلبەسىپ، سوتسياليزم ىستەرىنىڭ دامۋىنا ماڭىزدى ۇلەستەر قوستى. كوميتەت باستىعى جولداس ەكەۋىمىز دە جۇڭگو مەن چاۋشيان قاتىناسىنىڭ دامۋىن باستان كەشىرۋشىلەرمىز جانە ونىڭ كۋاگەرىمىز. ءبىز جۇڭگو مەن چاۋشياننىڭ ءداستۇرلى دوستىعىن ۇزدىكسىز جالعاپ، اناعۇرلىم دامىتا تۇسەتىنىمىزدى تالاي رەت بىلدىردىك. بۇل − ەكى جاقتىڭ تاريح پەن رەالدىقتى نەگىز ەتىپ، حالىقارالىق، وڭىرلىك جاعدايدى جانە جۇڭگو - چاۋشيان قاتىناسىنىڭ جالپى جاعدايىن تياناق ەتىپ شىعارعان ستراتەگيالىق تالعامى، سونداي - اق بىردەن - ءبىر دۇرىس تالعام، بۇل ءبىر مەزگىلدەگى بىرەر ىسكە بولا وزگەرمەۋگە ءتيىس، وزگەرمەيدى دە.
  شي جينپيڭ مىنالاردى باسا دارىپتەدى: جۇڭگونىڭ پارتياسى مەن ۇكىمەتى جۇڭگو مەن چاۋشياننىڭ دوستىق سەلبەستىك قاتىناسىنا وسكەلەڭ ءمان بەرەدى، جۇڭگو - چاۋشيان قاتىناسىن جاقسى قورعاۋ، جاقسى بەكەمدەۋ، جاقسى دامىتۋ باستان - اياق جۇڭگونىڭ پارتياسى مەن ۇكىمەتىنىڭ بۇلجىمايتىن باعىتى. ءبىز چاۋشياندىق جولداستارمەن بىرگە اۋەلگى ماقساتتى ۇمىتپاي، قول ۇستاسا العا ىلگەرىلەپ، جۇڭگو - چاۋشيان قاتىناسىنىڭ ۇزاق ۋاقىت اقاۋسىز، ورنىقتى دامۋىن ىلگەرىلەتىپ، ەكى ەلگە جانە ەكى ەل حالقىنا يگىلىك جاراتىپ، وڭىرلىك بەيبىتشىلىككە، ورنىقتىلىققا، دامۋعا تىڭ ۇلەستەر قوسۋدى قالايمىز. ءبىرىنشى، جوعارى جىكتەگىلەردىڭ بارىس - كەلىسىنىڭ جەتەكشىلىك رولىن ۇزدىكسىز ساۋلەلەندىرۋ. جوعارى جىكتەگىلەردىڭ بارىس - كەلىسى جۇڭگو مەن چاۋشيان قاتىناسىنىڭ دامۋىنا ەجەلدەن بەرى ەڭ ماڭىزدى جەتەكشىلىك جانە ىلگەرىلەتۋشىلىك رول اتقارىپ كەلەدى. جاڭا جاعدايدا، مەن كوميتەت باستىعى جولداسپەن ءبىر - بىرىنە ساپارلاۋ، ءبىر - بىرىنە توتەنشە ەلشى جىبەرۋ، ءوزارا حات - حابار الىسۋ سياقتى كوپ ءتۇرلى فورمالار ارقىلى ۇنەمى بايلانىس جاساپ تۇرۋدى قالايمىن. ەكىنشى، ستراتەگيالىق قارىم - قاتىناس جاساۋداي ءداستۇرلى اسىلدان تولىق پايدالانۋ. ۇنەمى ەلەۋلى ماسەلەلەر جونىندە ىشكەرىلەي پىكىر اۋىستىرۋ جۇڭگو مەن چاۋشيان پارتيالارىنىڭ داڭقتى ءداستۇرى. پارتيالار اراسىنداعى قارىم - قاتىناستىڭ ماڭىزدى رولىن تولىق ساۋلەلەندىرىپ، ەكى ەلدىڭ ءار سالاداعى اۋىس - كۇيىسىن، سەلبەستىگىن جەبەپ، قارىم - قاتىناستى جانە ءوزارا سەنىمدى كۇشەيتۋ كەرەك. ءۇشىنشى، بەيبىتشىلىك پەن دامۋدى بەلسەنە جەبەۋ. قازىر جۇڭگوشا سوتسياليزم جاڭا داۋىرگە ءوتتى، چاۋشياننىڭ سوتسياليستىك قۇرىلىسى دا جاڭا تاريحي كەزەڭگە قادام باستى. ءبىز چاۋشيانمەن تىزە قوسا قۇلشىنىپ، ءداۋىردىڭ اعىمىنا سايكەسىپ، بەيبىتشىلىك، دامۋ، سەلبەستىك، تەڭ يگىلىككە كەنەلۋ تۋىن بيىك ۇستاپ، ەكى ەل حالقىنىڭ يگىلىگىن ۇزدىكسىز مولايتىپ، وسى ءوڭىردىڭ بەيبىتشىلىگىنە، ورنىقتىلىعىنا، دامۋىنا بەلسەندى ۇلەستەر قوسۋدى قالايمىز. ءتورتىنشى، جۇڭگو مەن چاۋشياننىڭ دوستىق قاتىناسىنىڭ حالىق تىلەگى نەگىزىن بەكەمدەۋ. ەكى جاق ءتۇرلى فورمالار ارقىلى ەكى ەل حالقىنىڭ اۋىس - كۇيىسىن، بارىس - كەلىسىن كۇشەيتىپ، ەكى ەلدىڭ دوستىق قاتىناسىنىڭ حالىق تىلەگى نەگىزىن بەكەمدەۋ، وتە - موتە، ەكى ەل جاستارىنىڭ اۋىس - كۇيىسىن كۇشەيتىپ، جۇڭگو مەن چاۋشيان دوستىعىنىڭ تاماشا ءداستۇرىن جالعاۋ جانە ساۋلەلەندىرۋ كەرەك.
  كيم جوڭ - ۇن بىلاي دەدى: باس شۋجي شي جينپيڭنىڭ چاۋشيان مەن جۇڭگونىڭ دوستىعى جانە چاۋشيان - جۇڭگو پارتيالارىنىڭ، ەلدەرىنىڭ قاتىناسىن دامىتۋ جونىندە بىلدىرگەن ماڭىزدى پىكىرى مەنى بارىنشا شابىتتاندىردى جانە وي سالدى. ەكى جاقتىڭ اعا بۋىن باسشىلارى ءوز قولدارىمەن سومداعان جانە بىرگە جەتىلدىرگەن چاۋشيان - جۇڭگو دوستىعى مىزعىمايدى. جاڭا جاعدايدا چاۋشيان - جۇڭگو دوستىعىن جالعاستىرۋ جانە دامىتۋ − چاۋشيان جاقتىڭ ستراتەگيالىق تالعامى، بۇل ءارقانداي جاعدايدا دا وزگەرمەيدى. وسى جولعى ساپارىمدا جۇڭگولىق جولداستارمەن كەزدەسىپ، ستراتەگيالىق قارىم - قاتىناستى كۇشەيتىپ، ءداستۇرلى دوستىقتى بەكەمدەۋدى ءۇمىت ەتەمىن. مۇنان كەيىن دە باس شۋجي جولداسپەن ۇنەمى كەزدەسۋدى ءارى ءوزارا توتەنشە ەلشى جىبەرۋ، حات - حابار الىسۋ سياقتى فورمالار ارقىلى تىعىز قارىم - قاتىناستى ساقتاپ، جوعارى جىكتەگىلەردىڭ كەزدەسۋىنىڭ ەكى ەل پارتيالارىنىڭ، ەكى ەلدىڭ قاتىناسىنداعى جەتەكشىلىك رولىن تىڭ ورەگە كوتەرۋىن ءۇمىت ەتەمىن.
  تاراپتار ءوز ەلدەرىنىڭ ىشكى جاعدايىن تانىستىردى. شي جينپيڭ بىلاي دەدى: ج ك پ 19 - قۇرىلتايى جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ايبىندى جوباسىن جاساپ، 2020 - جىلى جاپپاي دوڭگەلەك داۋلەتتى قوعام ورناتىپ، 2035 - جىلى سوتسياليستىك وسىزامانداندىرۋدى نەگىزىنەن جۇزەگە اسىرىپ، وسى عاسىردىڭ ورتا شەنىنە بارعاندا جۇڭگونى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرۋدى العا قويدى. پارتيامىز بۇكىل ەلدەگى ءار ۇلت حالقىن باستاپ قايراتتانا العا ىلگەرىلەپ، قاجىرلىلىقپەن ىستەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ۇزدىكسىز قۇلشىنا كۇرەس جاساۋدا. ءبىز جۋىق جىلداردان بەرى كوميتەت باستىعى جولداستىڭ چاۋشياننىڭ پارتياسى مەن حالقىن باستاپ ەكونوميكانى دامىتۋ، حالىق تۇرمىسىن جاقسارتۋ جاقتارىندا ءبىر قىدىرۋ بەلسەندى شارالار قولدانىپ، كوپتەگەن ناتيجەلەرگە قول جەتكىزگەنىن اڭعاردىق. ءبىز چاۋشياننىڭ ساياسيدا ورنىقتى بولۋىن، ەكونوميكاسىنىڭ دامۋىن، حالقىنىڭ باقىتقا كەنەلۋىن ءۇمىت ەتەمىز، كوميتەت باستىعى جولداس باس بولعان چاۋشيان ەڭبەك پارتياسىنىڭ چاۋشيان حالقىن باستاپ سوتسياليزم جولىمەن ۇزدىكسىز العا ىلگەرىلەۋىن قولدايمىز، چاۋشياندىق جولداستاردىڭ ەكونوميكانى دامىتۋ، حالىق تۇرمىسىن جاقسارتۋ ءۇشىن جاساعان بەلسەندى قۇلشىنىستارىن قولدايمىز.

ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭنىڭ ۇسىنىسىمەن چاۋشيان ەڭبەك پارتياسى ورتالىق كوميتەتىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇن 3 - ايدىڭ 25 - كۇنىنەن 28 - كۇنىنە دەيىن ەلىمىزدە بەيرەسمي ساپاردا بولدى. ساپار كەزىندە شي جينپيڭ كيم جوڭ - ۇنمەن كەڭەس وتكىزدى. سۋرەتتە: شي جينپيڭ مەن حانىمى پىڭ لييۋان حالىق سارايىندا كيم جوڭ - ۇن مەن حانىمى ري سول - جۇمەن بىرگە سۋرەتكە ءتۇستى.

سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  كيم جوڭ - ۇن بىلاي دەدى: ج ك پ 18 - قۇرىلتايىنان بەرى، شي جينپيڭ جولداستى ۇيتقى ەتكەن ج ك پ ورتالىق كوميتەتى وراسان زور ساياسي باتىلدىق جانە وسكەلەڭ جاۋاپكەرلىك كورسەتىپ، جاڭا يدەيالاردى، جاڭا ۇستانىمداردى العا قويىپ ءارى ولاردى تياناقتاندىرىپ، ۇزاق ۋاقىت بويى شەشىلمەگەن كوپتەگەن قيىن ماسەلەلەر مەن ءىرى ىستەردى شەشىپ، جۇڭگو پارتياسىنىڭ لۋشيانى مەملەكەت جاعدايىنا ۇيلەسەتىن دۇرىس لۋشيان ەكەنىن تولىق دالەلدەدى، وتە - موتە، باس شۋجي جولداس پارتيانى پارتيا باسقارۋدى، پارتيانى جاپپاي قاتاڭ جونگە سالۋدى ورتاعا قويىپ، پارتيا قۇرىلىسىن بارىنشا كۇشەيتىپ، پارتيانىڭ بارلىق قىزمەتكە جاپپاي باسشىلىعىن جۇزەگە اسىردى. قازىر ءبىزدىڭ پارتيامىز دا تەبىندى كۇشەيتىپ، ايعۇلاقتانۋشىلدىق، تورەشىلدىك، ءىرىپ - ءشىرۋ ارەكەتتەرىمەن كۇرەس جاساۋدا. جۇڭگونىڭ جاپپاي دوڭگەلەك داۋلەتتى قوعام ورناتۋ، سوتسياليستىك وسىزاماندانعان قۇدىرەتتى ەل قۇرۋ ۇردىسىندە ۇزدىكسىز تىڭ دا ۇلى جەتىستىكتەرگە قول جەتكىزۋىن شىن جۇرەكتەن تىلەيمىن.
  ەكى جاقتىڭ باسشىلارى حالىقارالىق جانە چاۋشيان تۇبەگى جاعدايى جونىندە ىشكەرىلەي پىكىر اۋىستىردى.
  شي جينپيڭ مىنالاردى اتاپ كورسەتتى: بيىلدان بەرى، چاۋشيان تۇبەگىنىڭ جاعدايىندا بەلسەندى وزگەرىستەر جارىققا شىقتى. چاۋشيان جاق بۇل ءۇشىن ماڭىزدى قۇلشىنىستار جاسادى، ءبىز بۇنى القايمىز. چاۋشيان تۇبەگى ماسەلەسىندە ءبىز چاۋشيان تۇبەگىن يادروسىزداندىرۋ نىساناسىنا، چاۋشيان تۇبەگىنىڭ بەيبىتشىلىگىن، ورنىقتىلىعىن قورعاۋعا، ماسەلەلەردى كەلىسسوز، كەڭەس ارقىلى شەشۋگە تاباندى بولامىز. ءبىز ءار جاقتى تۇبەكتىڭ سولتۇستىگى مەن وڭتۇستىگىندەگى ەكى جاقتىڭ قاتىناستى جاقسارتۋىن قولداپ، راقايلاستىرۋ مەن كەلىسسوزدى جەبەۋگە بىرلىكتە شىنايى قۇلشىنىس جاساۋعا شاقىرامىز. جۇڭگو جاق چاۋشيان تۇبەگى ماسەلەسىندە ۇزدىكسىز ورەلى رول اتقارىپ، چاۋشياندى قامتىعان ءار جاقتارمەن بىرگە قۇلشىنىپ، چاۋشيان تۇبەگى جاعدايىنىڭ ساباسىنا ءتۇسۋىن تىزە قوسا ىلگەرىلەتۋدى قالايدى.
  كيم جوڭ - ۇن بىلاي دەدى: قازىر چاۋشيان تۇبەگىنىڭ جاعدايى جاقسارىپ كەلەدى. ءبىز ىرىقتىلىقپەن شارا قولدانىپ، قىسىلتاياڭ جاعدايدى باسەڭدەتىپ، بەيبىتشىلىك كەڭەسىن وتكىزۋ ۇسىنىسىن العا قويدىق. ءتوراعا كيم يرسەن مەن باس شۋجي كيم جۇڭ - يلدىڭ وسيەتى بويىنشا، تۇبەكتى يادروسىزداندىرۋعا كۇش سالۋ ءبىزدىڭ قاشاندا وزگەرمەيتىن تۇرعىمىز. ءبىز سولتۇستىك پەن وڭتۇستىكتىڭ قاتىناسىن تاتۋلاسىپ، سەلبەسكەن قاتىناسقا وزگەرتۋگە، سولتۇستىك پەن وڭتۇستىك باسشىلارىنىڭ كەڭەسىن وتكىزۋگە بەل بايلاپ وتىرمىز، ا ق ش - پەن تىلدەسۋدى، چاۋشيان مەن ا ق ش باسشىلارىنىڭ كەڭەسىن وتكىزۋدى قالايمىز. ەگەر وڭتۇستىك چاۋشيان مەن ا ق ش ءبىزدىڭ قۇلشىنىسىمىزعا ىزگى نيەتپەن اڭىس ءبىلدىرىپ، بەيبىت، ورنىقتى جاعداي جاساپ، بەيبىتشىلىكتى جۇزەگە اسىرۋ ءۇشىن كەزەڭدىك سيپات العان، سايكەستى شارا قولدانسا، وندا تۇبەكتى يادروسىزداندىرۋ ماسەلەسى شەشىم تابادى. وسى بارىستا ءبىز جۇڭگومەن ستراتەگيالىق تىلدەسۋدى كۇشەيتىپ، كەڭەسۋ، تىلدەسۋ جاعدايىن جانە تۇبەكتىڭ بەيبىتشىلىگى مەن ورنىقتىلىعىن بىرگە قورعاۋدى ءۇمىت ەتەمىز.
  كەڭەستەن ىلگەرى، شي جينپيڭ حالىق سارايىنىڭ سولتۇستىك زالىندا كيم جوڭ - ۇندى قارسى الۋ سالتىن وتكىزدى.
  كەڭەستەن كەيىن شي جينپيڭ مەن حانىمى پىڭ لييۋان كيم جوڭ - ۇندى جانە ونىڭ حانىمى ري سول - جۇنى قارسى الۋ قوناعاسىن بەردى. شي جينپيڭ بىلاي دەدى: جانعا جايلى مامىراجاي كوكتەم كەلىپ، سايىن دالا قۇلپىرا باستاعان تاماشا مەزگىلدە، كيم جوڭ - ۇن جولداس پەن ري سول - جۇ حانىم جۇڭگودا بەيرەسمي ساپاردا بولدى، بۇل ەكى جاقتىڭ تىلدەسۋدى تەرەڭدەتۋى، سايكەستىكتى كۇشەيتۋى، سەلبەستىكتى جەبەۋى جونىنەن ەرەكشە ماڭىزدى مانگە يە، ەكى پارتيانىڭ، ەكى ەل قاتىناسىنىڭ جاڭا تاريحي داۋىردە تىڭ ساتىعا قادام تاستاۋىن ىلگەرىلەتىپ، وسى ءوڭىردىڭ بەيبىتشىلىگىن، ورنىقتىلىعىن، دامۋىن ىلگەرىلەتۋگە كەلەلى ۇلەس قوسادى. الگىندە مەن كوميتەت باستىعى كيم جوڭ - ۇنمەن بۇكپەسىز تۇردە دوستىق كەڭەس وتكىزدىم. ءبىز ءبىر اۋىزدان جۇڭگو مەن چاۋشياننىڭ ءداستۇرلى دوستىعىنا مۇراگەرلىك ەتۋ جانە ونى ساۋلەلەندىرۋ ەكى جاقتىڭ ورتاق مۇددەسىنە ۇيلەسەدى، بۇل ەكى جاقتىڭ ورتاق ستراتەگيالىق تالعامى دەپ قارادىق. حالىقارالىق وڭىرلىك جاعدايدا مەيلى قانداي وزگەرىس بولسا دا، ەكى جاق دۇنيە ءجۇزىنىڭ دامۋىنىڭ جالپى اۋقىمىن جانە جۇڭگو مەن چاۋشيان قاتىناسىنىڭ جالپى جاعدايىن مىقتاپ يگەرىپ، جوعارى جىكتەگىلەردىڭ بارىس - كەلىسىن كۇشەيتىپ، ستراتەگيالىق تىلدەسۋدى تەرەڭدەتىپ، قارىم - قاتىناستى، سەلبەستىكتى كەڭەيتىپ، ەكى ەل حالقىن جانە ءار ەل حالقىن يگىلىككە كەنەلدىرەمىز.
  كيم جوڭ - ۇن ارناۋ سوزىندە بىلاي دەدى: چاۋشيان تۇبەگىنىڭ جاعدايىندا بۇرىن بولماعان وراسان زور وزگەرىس تۋىلعان جاعدايدا، مەن تۇبەكتىڭ بەيبىتشىلىگىن، ورنىقتىلىعىن ىلگەرىلەتۋ، چاۋشيان مەن جۇڭگونىڭ دوستىعىنا مۇراگەرلىك ەتۋ جانە ونى دامىتۋ سىندى ىزگى تىلەكپەن جۇڭگودا جەدەل ساپاردا بولدىم. مەن تۇڭعىش رەتكى ساپارىمدا جۇڭگوعا كەلىپ، چاۋشيان مەن جۇڭگونىڭ دوستىق داستۇرىنە مۇراگەرلىك ەتۋ، چاۋشيان مەن جۇڭگونىڭ دوستىعىن قاستەرلەۋدەي تىلەگىمدى ءبىلدىردىم. باس شۋجي شي جينپيڭمەن چاۋشيان مەن جۇڭگو پارتيالارىنىڭ، ەكى ەلدىڭ قاتىناسىن دامىتۋ، ءوز ەلىمىزدىڭ ىشكى جاعدايى، چاۋشيان تۇبەگىنىڭ بەيبىتشىلىگىن، ورنىقتىلىعىن قورعاۋ سياقتىلار جونىندە ءساتتى كەڭەس وتكىزدىم. كوڭىلدى دە ۇمىتكە تولى كوكتەمدە باس شۋجي شي جينپيڭمەن وتكىزگەن تۇڭعىش رەتكى كەڭەسىمنىڭ چاۋشيان مەن جۇڭگو دوستىعىنىڭ سۇبەلى تابىستارعا قول جەتكىزۋىن جەبەپ، تۇبەكتىڭ بەيبىتشىلىگى مەن ورنىقتىلىعىن ىلگەرىلەتەتىندىگىنە سەنەمىن.
  ساپار كەزىندە، شي جينپيڭ مەن حانىمى پىڭ لييۋان دياۋيۇيتايداعى مەملەكەتتىك قوناق ءۇيىنىڭ ياڭيۋان بولمەسىندە كيم جوڭ - ۇن مەن حانىمى ري سول - جۇعا تۇسكى قوناعاسى بەردى. شي جينپيڭ بىلاي دەدى: دياۋيۇيتايداعى مەملەكەتتىك قوناق ءۇي جۇڭگو مەن چاۋشياننىڭ ءداستۇرلى دوستىعىنىڭ دامىعاندىعىنا، ەكى پارتيانىڭ، ەكى ەلدىڭ اعا بۋىن باسشىلارىنىڭ ارالارىنان قىل وتپەستەي قاتىناسىنىڭ بىزگە قالدىرعان ونەگەسىنە كۋا بولدى. كوميتەت باستىعى كيم جوڭ - ۇن مەن حانىمى ري سول - جۇنىڭ جۇڭگوعا ۇنەمى كەلىپ تۇرۋىن قارسى الامىز.
  كيم جوڭ - ۇن بىلاي دەدى: چاۋشيان مەن جۇڭگونىڭ دوستىعى ايرىقشا قىمباتتى. باس شۋجي جولداسپەن بىرگە، اعا بۋىن باسشىلاردىڭ وسكەلەڭ ەركى بويىنشا، قانشاما ماشاقاتتى باستان وتكىزسە دە، ءوز قاسيەتىن ساقتاعان چاۋشيان مەن جۇڭگونىڭ دوستىق قاتىناسىنا مۇراگەرلىك ەتۋگە جانە ونى دامىتۋعا ءارى ونى جاڭا جاعدايدا تىڭ ورەگە كوتەرۋگە پەيىلمىن.
  كيم جوڭ - ۇن «الدىمەن ارەكەتتەنۋ، ۇدەرە العا تارتۋ − جۇڭگو عىلىمدار اكادەمياسىنىڭ پارتيا 18 - قۇرىلتايىنان بەرگى جاسامپازدىق جەتىستىكتەرى كورمەسىن» ەكسكۋرسيالادى. ول جۇڭگونىڭ عىلىم - تەحنيكانى دامىتۋ جانە جاڭالىق اشۋ جاقتارىندا قول جەتكىزگەن جەتىستىكتەرىنە ءسۇيىندى ءارى ەكسكۋرسيادان كەيىن ارناۋ ءسوز جازىپ، ەستەلىك قالدىردى.
  ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، ج ك پ ورتالىق كوميتەتى ساياسي بيۋروسىنىڭ مۇشەسى ياڭ جيەچى، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت ساياسي - زاڭ كوميتەتىنىڭ شۋجيى گو شىڭكۇن، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ، ج ك پ ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى ساي چي، مەملەكەتتىك كەڭەستىڭ مۇشەسى، سىرتقى ىستەر مينيسترى ۋاڭ ي قاتارلىلار قاتىستى قيمىلدارعا قاتىناستى.
  چاۋشيان ەڭبەك پارتياسى ورتالىق كوميتەتىنىڭ ورىنباسار باستىعى، ۇيىمداستىرۋ، جەتەكشىلىك ەتۋ ءبولىمىنىڭ باستىعى چو ريوڭ - حە، چاۋشيان ەڭبەك پارتياسى ورتالىق كوميتەتىنىڭ ورىنباسار باستىعى، ۇگىتتەۋ، شابىتتاندىرۋ ءبولىمىنىڭ باستىعى پاك كۋاڭ - حو، چاۋشيان ەڭبەك پارتياسى ورتالىق كوميتەتىنىڭ ورىنباسار باستىعى، حالىقارالىق ىستەر ءبولىمىنىڭ باستىعى ري سۇ - يوڭ، چاۋشيان ەڭبەك پارتياسى ورتالىق كوميتەتىنىڭ ورىنباسار باستىعى، بىرلىكشەپ ءبولىمىنىڭ باستىعى كيم يوڭ - چول، چاۋشياننىڭ سىرتقى ىستەر مينيسترى ري يوڭ - حو سياقتىلار كيم جوڭ - ۇنعا سەرىك بولىپ جۇڭگودا ساپاردا بولدى ءارى قاتىستى قيمىلدارعا قاتىناستى.


بەرىپ كەت ورامالىڭدى

دوستار

الىستاعى اق ەركە