جاڭا حابارلار

اۆتونوميالى رايون كاسىپتىك اتاق ءتۇزىمى رەفورماسىن اتقارۋ پىكىرىن شىعاردى

    كەلۋ قاينارى: شينجياڭ حالىق راديو ىستانسياسى    2018-03-30 13:29:00  

ستانسيامىزدىڭ ءتىلشىسى حى فيدىڭ حابارىن تىڭداڭىزدار: تاياۋدا، اۆتونوميالى رايوندىق پارتكوم كەڭسەسى، اۆتونوميالى رايوندىق حالىق ۇكىمەتى كەڭسەسى «كاسىپتىك اتاق ءتۇزىمى رەفورماسىن ونان ارى تەرەڭدەتۋ جونىندەگى اتقارۋ پىكىرىن» باسىپ تاراتتى. 3-ايدىڭ 29-كۇنى تۇستەن بۇرىن، اۆتونوميالى رايوندىق پارتكوم رەفورما كەڭسەسى كاسىپتىك اتاق ءتۇزىمى رەفورماسىنىڭ اقپارات جاريالاۋ ءماجىلىسىن اشتى.
وسى رەتكى «اتقارۋ پىكىرىندە» رايونىمىزداعى كاسىپتىك تەحنيكالىق دارىندىلاردىڭ كاسىپتىك اتاعىن باعالاۋ ولشەمى جاڭادان رەتتەلدى، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىراۋ مەڭگەرمەسى كاسىپتىك تەحنيكالىق قىزمەتكەرلەردى باسقارۋ باسقارماسىنىڭ باستىعى جاڭ جينچي تانىستىرىپ بىلاي دەدى: «بىرىنشىدەن، ساياسي ولشەمگە تاباندى، ءمورالدى دا قابىلەتتى بولۋ؛ ەكىنشىدەن، مەملەكەت پەن اۆتونوميالى رايوننىڭ قازىرگى ءبىر قىدىرۋ ساياساتتارىنا نەگىزدەلىپ وسى رەتكى رەفورما كەمەلدەندىرىلەدى، وتە-موتە بۇرىندارى عىلمي ماقالا مەن كومپيۋتەر قولدانىلمالى قابىلەتىن تەكسەرۋ بارلىق عىلمي اتاقتى باعالاۋدا كەم بولسا بولمايتىن تالاپ بولاتىن، وسى رەتكى رەفورما ارقىلى ۇقساماعان سالا جانە كاسىپكە نەگىزدەلىپ ءبىر تۇتاس تالاپ قويىلمايتىن بولدى؛ ءۇشىنشىدەن، قاتىستى سالانىڭ كاسىپتىك اتاعىن باعالاۋعا وزگەرىس ەنگىزىلدى؛ تاعى ءبىرى دارەجەنىڭ جوباسى كەمەلدەندىرىلەدى، وسى رەتكى رەفورما ارقىلى جوعارى كاسىپتىك اتاق باعالامايتىن كاسىپ تۇرلەرىنىڭ بارىندە جوعارى كاسىپتىك اتاق باعالاناتىن بولادى.
دارىندىلاردىڭ دامۋ ورتاسىن اناعۇرلىم كەڭەيتۋ ءۇشىن، «اتقارۋ پىكىرىندە» كاسىپتىك اتاقتى باعالاۋ مەحانيزىمى جۇيەسىندە جاڭالىق جاراتىلىپ، كاسىپتىك تەحنيكالىق دارىندىلاردىڭ كاسىپ ناتيجەسى دەڭگەيى مەن ىسجۇزىندىك قوسقان ۇلەسى كورنەكتى باعالانادى، ەمتيحان الۋ، ساراپتاۋ، باعالاۋدى ۇشتاستىرۋ، باعالاپ تۇراقتاندىرۋ، قىزمەتىنەن مالىمەت بەرۋ، بەتپە-بەت ەمتيحان تاپسىرۋ، ساباق ءوتۋ، امالياتىن كورسەتۋ، كاسىپتىك ناتيجەسىن كورسەتۋ، تەحنيكالىق دەڭگەيىن ۇستىندە باعالاۋ سياقتى ادىستەر ارقىلى دارىندىلاردى باعالاپ، قىزمەت قورتىندىسى، ينجەنەريا جوباسى، وقىتۋ جوباسى، اۋىرۋ تاريحى سياقتى جەتىستىكتەرىن عىلمي ماقالانىڭ ورىنىنا پايدالانۋدىڭ جولى قاراستىرىلادى؛ ۇكىمەت ورىنىنا جاتپايتىن سالالارداعى كاسىپتىك تەحنيكالىق دارىندىلاردىڭ كاسىپتىك اتاعىن باعالاۋ جولىن كەڭەيتىپ، جالپىلىق مەنشىككە جاتپايتىن شارۋاشىلىق ۇيىمداردا، قوعامدىق ۇيىمداردا قىزمەت ىستەيتىن كاسىپتىك تەحنيكالىق دارىندىلار مەن ەركىن كاسىپپەن شۇعىلداناتىن كاسىپتىك تەحنيكالىق دارىندىلاردىڭ كاسىپتىك اتاعىن باعالاعاندا، ولار ءىسورىندارداعى جانە جالپىلىق مەنشىكتەگى كاسىپورىندارداعى كاسىپتىك تەحنيكالىق دارىندىلارمەن ۇقساس مامىلەدەن يگىلىكتەنەدى.
سونىمەن بىرگە، «اتقارۋ پىكىرىندە» تاعى نەگىزگى ساتىنىڭ الدىڭعى شەبى مەن وڭتۇستىك شينجياڭ وڭىرىندەگى كاسىپتىك تەحنيكالىق قىزمەتكەرلەردىڭ قىزمەت اتاعىن باعالاۋ ساياساتىنىڭ قولداۋ تەبىنىن ارتتىرۋ كەرەك دەلىندى. جاڭ جينچي بىلاي دەدى: «وڭتۇستىك شينجياڭ وڭىرىنە باعىتاپ ءبىز تاعى دا دەربەس باعالاۋ جانە ايىرىم سان بەرۋ شاراسىن قولدانامىز، وسى رەتكى «اتقارۋ پىكىرىنە» ساي، وڭتۇستىك شينجياڭ مەن نەگىزگى ساتىنىڭ الدىڭعى شەبىنە بەيىمدەۋ تەبىنىن اناعۇرلىم ارتتىرىپ، نەگىزگى ساتىنىڭ الدىڭعى شەبى مەن وڭتۇستىك شينجياڭنىڭ ءۇش ايماق ءبىر وبلىسىنداعى جولداستاردان، عىلمي ماقالا جازۋعا قاتىستى تالاپتى جەڭىلدەتەمىز نەمەسە تالاپ ەتپەيمىز، قىزمەت ناتيجەسى شىنىندا نەداۋىر كورنەكتى بولعانداردىڭ، وقۋ ماعۇلىماتى مەن قىزمەت تاريحى شارتقا تولماعان كۇننىڭ وزىندە ءبىز ولاردىڭ قىزمەت اتاعىن باعالاي بەرەمىز، وسىنداي بىرنەشە شارانى قولدانۋ ارقىلى، وڭتۇستىك شينجياڭ وڭىرىندەگى كاسىپتىك تەحنيكالىق قىزمەتكەرلەردى وڭتۇستىك شينجياڭ وڭىرىنە، نەگىزگى ساتىعا تامىر تارتىپ، اۆتونوميالى رايوننىڭ ەكونوميكاسى مەن قوعامنىڭ دامۋىنا قىزمەت ەتۋىنە شىنايى كەپىلدىك ەتەمىز».
«اتقارۋ پىكىرىندە» مىنالار ورتاعا قويىلدى: 2020-جىلعا بارعاندا، رايونىمىز ينجەنەريالىق قۇرىلىس، دەنساۋلىق ساقتاۋ، اۋىل شارۋاشىلىعى، بۇعالتىرلىق، جوعارى مەكتەپ وقىتۋشىسى، عىلىمي زەرتتەۋ سياقتى كاسىپتىك اتاق جۇيەسىنىڭ دارەجەسىن جوبالاۋ، باعالاۋ ولشەمى شارتىنا وزگەرىس ەنگىزۋ سياقتى رەفورما جاساۋ مىندەتىن نەگىزىنەن ورىنداۋ كەرەك؛ 2022-جىلعا بارعاندا، جوباسى ۇيلەسىمدى، باعالاۋى عىلمي، باسقارۋى جۇيەلى، اينالىمعا ءتۇسۋى سايكەسىمدى، قىزمەت ەتۋى جان-جاقتىلى، اۆتونوميالى رايونىمىزداعى كاسىپتىك تەحنيكالىق دارىندىلارى قوسىنىنىڭ ناقتىلى جاعدايىنا ۇيلەسەتىن قىزمەت اتاعى ءتۇزىمى جۇيەسىن نەگىزىنەن قالىپتاستىرۋ كەرەك.


بەرىپ كەت ورامالىڭدى

دوستار

الىستاعى اق ەركە