جاڭا حابارلار

اۆتونوميالى رايوندىق ءتارتىپ تەكسەرۋ، باقىلاۋ-تەكسەرۋ كوميتەتى ورتالىقتىڭ 8 ءتۇرلى بەلگىلەمەسىنىڭ رۋحىنا قايشى 6 تيىپتىك ماسەلەنى اشىق اشكەرەلەدى

    كەلۋ قاينارى: شينجياڭ حالىق راديو ىستانسياسى    2018-03-30 12:59:58  
ستانسيامىزدىڭ حابارى: جاقىندا، اۆتونوميالى رايوندىق ءتارتىپ تەكسەرۋ، باقىلاۋ-تەكسەرۋ كوميتەتى ورتالىقتىڭ 8 ءتۇرلى بەلگىلەمەسىنىڭ رۋحىنا قايشى 6 تيىپتىك ماسەلەنى اشىق اشكەرەلەدى. بۇل التى تيىپتىك ماسەلە مىنالار:
قارامايلى قالاسى مايتاۋ رايوندىق 2-ورتا مەكتەپ پارتيا ياچەيكاسىنىڭ بۇرىنعى شۋجيى، مەكتەپ باستىعى شۇي چىننىڭ ەرەجەگە قايشىلىق جاساپ پارا الۋ، ۇكىمەت اقشاسىمەن ساياحاتتاۋعا ۇيىمداستىرۋ سياقتى ماسەلەسى. 2013-جىلدان 2016-جىلعا دەيىنگى شاعان مەرەكەسى، قاربىز مەرەكەسى، مەملەكەت مەرەكەسى كەزىندە، شۇي چىن ءوزى باسقاراتىن جانە قىزمەت ەتەتىن وبيەكتىلەرىنەن جيىنى 40 مىڭ يۋان پارا العان؛ ەرەجەگە قايشىلىق جاساپ وسى مەكتەپتەگى 14 وقىتۋشى- قىزمەتكەردى قاناس كورىنىس رايونى سياقتى جەرلەرگە ساياحاتتاۋعا ۇيىمداستىرىپ، جيىنى 27 مىڭ 100 يۋان ۇكىمەت اقشاسىن جۇمساعان. مۇنان سىرت، شۇي چىندە تاعى باسقادا تارتىپكە قايشىلىق جاساۋ ماسەلەسى بار. 2018-جىلى 2-ايدا، شۇي چىنگە پارتيا ىشىندەگى قىزمەتىنەن قالدىرۋ، قىزمەت ورنىنىڭ دارەجەسىن تومەندەتۋ جازاسى بەرىلدى.
ءپايزاۋات اۋداندىق حالىق شيپاحاناسى كۇتىمدەۋ ءبولىمىنىڭ بۇرىنعى مەڭگەرۋشىسى يۇي حايياننىڭ ەرەجەگە قايشىلىق جاساپ پارا الۋ ماسەلەسى. 2013-جىلدان 2017-جىلعا دەيىن، يۇي حاييان كوپ رەت كۇتىمدەۋ بولىمىندەگى بەس سەسترانىڭ بەرگەن تارتۋىن قابىلداپ، جيىنى 35 مىڭ يۋان پارا العان؛ قىستاقتا تۇرعان كەزىندە، 12 سەسترانىڭ ساتىپ الىپ بەرگەن قۇنى 25 مىڭ يۋاندىق تۇرمىس بۇيىمىن العان. 2017-جىلى 12-ايدا، يۇي حاييانعا پارتيا ىشىندە ءبىر جىل باقىلاۋ، قىزمەت ورنىنىڭ دارەجەسىن تومەندەتۋ جازاسى بەرىلدى.
قاعىلىق اۋدانى جايتەرەك اۋىلدىق سەنتىرلى باستاۋىش مەكتەپتىڭ بۇرىنعى باستىعى حانقىز مامەتتىڭ ەرەجەگە قايشى توي-تومالاق، ءولىم-جتىم، قۇتتىقتاۋ قيمىلىن وتكىزۋ ماسەلەسى. 2016-جىلى 9-ايدا، حانقىز مامەت ناعاشى اپاسى قايتىس بولعاندا، جەرلەۋ سالتىن وتكىزۋ ورايىنان پايدالانىپ، مەكتەپتەگى 150 دەن ارتىق وقىتۋشىنى شاقىرىپ، 20 مىڭ 100 يۋان اقشا جيعان. 2018-جىلى 1-ايدا، حانقىز مامەتكە پارتيا ىشىندە قاتاڭ ەسكەرتۋ بەرىلدى.
حوتان ايماقتىق قاتىناس تاسىمال مەكەمەسى پارتگرۋپپاسىنىڭ بۇرىنعى مۇشەسى، باس ينجەنەر لي جۇنشىڭنىڭ باسقارۋ جانە قىزمەت ەتۋ وبيەكتىسى ۇيىمداستىرعان مول اقشا جۇمساعان كوڭىل اشۋ قيمىلىنا قاتىناسۋى سياقتى ماسەلەسى. 2016-جىلدان 2017-جىلعا دەيىن، لي جۇنشىڭ ينجەنەريا قۇرىلىسىن كوتەرمەگە الۋشى ورىن ورنالاستىرعان مول اقشا جۇمسالعان كوڭىل اشۋ قيمىلىنا كوپ رەت قاتىناسقان، ءارى جوعارى دارەجەلى قوناق ۇيدەن قۇنى 11 مىڭ يۋاندىق مۇشە كارتشكاسىن العان. مۇنان سىرت، لي جۇنشىڭدا تاعى باسقا دا تارتىپكە قايشىلىق جاساۋ ماسەلەسى بار. 2018-جىلى 1-ايدا، لي جۇنشىڭعا پارتيادان ايداۋ، اكىمشىلىك مىندەتىنەن بوساتۋ جازاسى بەرىلدى.
قۇلجا قالالىق 8-ورتا مەكتەپتىڭ بۇرىنعى باستىعى حى ۋيدىڭ ەرەجەگە قايشىلىق جاساپ قوسىمشا قاراجات تاراتۋ ماسەلەسى. 2016-جىلى 3-ايدان 10-ايعا دەيىن، حى ۋي ارتىق ساباق ۋاقىتى اقىسى دەگەن اتپەن، وسى مەكتەپتىڭ باسشىلىق القاسىنداعىلاردىڭ، ورتا دارەجەلى كارلاردىڭ مەكتەپتە قالىپتى ساباق وتۋدەن سىرت، باسقارۋ قىزمەت ۋاقىتىن ارتىق ساباق ۋاقىتى دەپ ەسەپتەپ، ەرەجەگە قايشىلىق جاساپ، ورتا دارەجەلىدەن جوعارى 68 كادرعا 93 مىڭ 200 يۋان قوسىمشا قاراجات تاراتقان. 2017-جىلى 12-ايدا، حى ۋيعا پارتيا ىشىندە قاتاڭ ەسكەرتۋ جازاسى بەرىلدى.
قۇلجا قالاسى سايبويى ءمالىسى ءىس باسقارماسى پارتيا قىزمەت كوميتەتىنىڭ بۇرىنعى ورىنباسار شۋجيى، مەڭگەرۋشىسى دولقۇن مامەتتىڭ ۇكىمەت اۆتوكولگىن جەكە جۇمىسقا پايدالانۋى سياقتى ماسەلەسى. 2016-جىلى 4-ايدان 2017-جىلى 12-ايعا دەيىن، دولقۇن مامەت مەكەمە ورىننىڭ اۆتوكولىگىن جۇبايى مەن بالالارىن اپارىپ-اكەلۋگە جانە دوستارىنىڭ جەكە ءىسىن بىتىرۋىنە كوپ رەت پايدالانعان. مۇنان سىرت، دولقۇن مامەتتە تاعى باسقادا تارتىپكە قايشىلىق جاساۋ ماسەلەسى بار. 2018-جىلى 1-ايدا، دولقۇن مامەتكە پارتيادان ايداۋ، ۇكىمەت قىزمەتىنەن قالدىرۋ جازاسى بەرىلدى.

بەرىپ كەت ورامالىڭدى

دوستار

الىستاعى اق ەركە