جاڭا حابارلار

بانان قابىعىنىڭ پايداسى 

    كەلۋ قاينارى: شينجياڭ حالىق راديو ىستانسياسى    2018-03-29 19:27:11  
  كۇمىستى تازالايدى   باناننىڭ قابىعى ءوڭى كەتىپ قالعان كۇمىس زاتتاردى قالپىنا كەلتىرەدى. ول ءۇشىن قابىقتى بلەندەردە ءتىس پاستاسىنا ۇقساعانعا دەيىن سۋ قوسىپ ەزەمىز. ارتىنان جۇمساق ماتامەن كۇمىستى تازالاساق، بىرتىندەپ قارا داقتاردىڭ كەتىپ جاتقاندىعىن كورەسىز. ودان كەيىن كۇمىستى بانان قابىعىنىڭ قالدىقتارىنان تازارتىپ، جىلتىراتۋ ءۇشىن جۇمساق ماتامەن جاقسىلاپ سۇرتەمىز. 
  2. اياق كيىمگە ارنالعان جاقپا ماي  بانان قابىعىنىڭ قۇرامىنداعى مايلار مەن بالاۋىز ونى اياق كيىمدى تازالاپ، جىلتىراتۋ ءۇشىن قولدانۋعا مۇمكىندىك بەرەدى. اياق كيىمدى قابىقتىڭ ىشكى جاعىمەن ءسۇرتىپ، ۇستىنەن قۇرعاق ماتامەن سۇرتەسىز 
  3. CD نەمەسە DVD تاسپالارىنىڭ سىرىلعان جەرلەرىن قالپىنا كەلتىرەدى   سىرىلعان تاسپانى ەڭ اۋەلى، باناننىڭ وزىمەن سۇرتەمىز، ارتىنان 2 مينۋت بويى باناننىڭ قابىعىمەن سۇرتەمىز. سوسىن، تاسپانى تەرەزە تازالاۋعا ارنالعان زاتقا مالىنعان جۇمساق ماتامەن ءسۇرتىپ، كەپتىرىپ قويامىز. باناننىڭ جۇمساعى مەن قابىعىنداعى بالاۋىز تاسپانى تازالاۋعا كومەكتەسەدى. 
  4. ءتىستى اعارتادى   كادىمگى ءتىس پاستاسىمەن ءتىسىڭىزدى تازالاپ بولعاننان كەيىن، تىستەرىڭىزدىڭ ءۇستىن بانان قابىعىنىڭ ىشكى بولىگىمەن ەكى مينۋتتاي ءسۇرتىڭىز. قابىقتاعى كالي، كالتسي، ماگني، مارگانەتس جانە فوسفور سىندى مينەرالدار تىسكە پايدالى ءارى ونى اعارتۋعا سەپتىگىن تيگىزەدى. ارتىنان باناننىڭ قالدىقتارىن كەتىرۋ ءۇشىن ءتىسىڭىزدى تاعى ءبىر رەت جۋىپ، ءتىسىڭىزدى اعارتۋ ءۇشىن وسىلاي كۇنىنە 1 ــ 2 رەتتەن قايتالاپ تۇرىڭىز. 
  5. تىكەندى شىعارادى  ەگەر دەنەڭىزگە تىكەن كىرىپ كەتىپ، ونى الا المايتىنداي جاعداي بولسا، تىكەن كىرگەن جەرگە بانانىڭ قابىعىن ىشكى بەتىمەن قويىپ، 24 ساعاتقا تاڭىپ قويىڭىز. بانان قابىعىنداعى فەرمەنتتەر تىكەندى تەرىنىڭ سىرتىنا شىعارىپ، جارانىڭ تەزىرەك جازىلۋىنا سەپتىگىن تيگىزەدى. 
6. جارانى جازادى   باناننىڭ قابىعىنىڭ قۇرامىنداعى ءتۇرلى تابيعي مايلار مەن فەرمەنتتەر كۇننەن كۇيۋدەن، جارانى تەز جازاتىن قاسيەتكە يە. سونىمەن قاتار، ول قابىنۋ مەن ءتۇرلى جاندىكتەردىڭ شاعۋىنان پايدا بولاتىن تىتىركەنۋدى دە باسادى. ول ءۇشىن باناننىڭ قابىعىن ىشكى جاعىمەن جاراعا نەمەسە شاعىلعان جەرگە قويىپ تاڭىپ تاستايمىز نەمەسە ىسقىلايمىز. كۇنىنە بىرنەشە رەت وسىلاي ىستەسەڭىز، جارا تەز جازىلىپ كەتەدى.
7. سۇيەلدى كەتىرەدى   باناننىڭ قابىعى حالىق ەمىندە سۇيەلدى كەتىرۋ ءۇشىن قولدانىلادى. ول ءۇشىن باناننىڭ قابىعىن ءىش جاعىمەن سۇيەلدىڭ ۇستىنە قويىپ ءبىر كۇنگە بايلاپ قويامىز. سۇيەل جوق بولىپ كەتكەنشە وسىلاي ىستەپ ءجۇرۋ كەرەك. كەيبىر سۇيەلدەر ءبىر اپتادا كەتسە، كەيبىرەۋلەرىنىڭ كەتۋى ءۇشىن ءبىر ايداي ۋاقىت قاجەت. 
8. بەزەۋدى كەتىرەدى  بەزەۋدى كەتىرۋ ءۇشىن باناننىڭ قابىعىن ىشكى قاباتىمەن قابىنعان جەرلەردى سۇرتسەڭىز، بىرنەشە كۇننەن كەيىن وزگەرىستەردى بايقاي باستايسىز. 
9. تەرىگە پايدالى ; بانان قابىعى مينەرالدار مەن انتيوكسيدانتتارعا باي. ەگەر كۇندەلىكتى ونىمەن بەتىڭىزدى، موينىڭىزدى ءسۇرتىپ تۇرساڭىز، تەرىڭىز ىلعالدانىپ، ءاجىمنىڭ ءتۇسۋى ازايادى.
 ءدارى ىشكەندە قانشالىق سۋ ىشكەن ءجون؟  
  ەزىپ ىشەتىن ءدارى: 150 ميلليليتر. ەزىپ ىشەتىن ءدارىنى ىشكەندە 150 ميلليليتر سۋ ءىشۋ كەرەك، مىسالى، تۇماۋراتقاندا ىستىقتى قايتاراتىن تۇيىرشىك ءدارى. الايدا باتىس شيپاگەرلىگىندەگى ۇنتاق ءدارى تاعى ۇقسامايدى  قابىرشاقتى ءدارى: كەمىندە 300 ميلليليتر. قابىرشاقتى ءدارى قويمالجىڭ زاتتاردان جاسالاتىندىقتان، سۋعا تيگەندە جۇمسارىپ، جابىسادى، بۇنداي ءدارىنى ىشكەننەن كەيىن اس قورىتۋ جولىنىڭ بۇيىرىنە جابىسىپ، زالال جەتكىزۋى، ءتىپتى اس قورىتۋ جولىن زاقىمداۋى مۇمكىن. ءدارىنىڭ اسقازانعا تولىق جەتكىزىلىپ، اس قورىتۋ جولىن زاقىمداۋىنان ساقتانۋ ءۇشىن، قابىرشاقتى ءدارىنى ىشكەندە 300 ميلليليتردەن استام سۋ ءىشۋ كەرەك  تابلەتكا: 150 ــ 200 ميلليليتر. كوپتەگەن تابلەتكالاردى ىشكەندە ادەتتە 150 ــ 200 ميلليليتر سۋ ىشسەڭىز بولعانى. ەگەر سۋدى وتە از ىشسەڭىز، ازداعان اسقازان سۇيىقتىعى ءدارىنى ەرىتۋگە قاۋقارسىزدىق تانىتادى؛ وتە - موتە ءىشىنارا تىتىركەندىرگىش دارىلەردى ىشكەننەن كەيىن، اسقازاندا جەتكىلىكتى سۋ مولشەرى بولماسا بۇل دارىلەردى ەرىتىپ ۇساق ۇنتاقتارعا اينالدىرا المايدى دا، قويۋلىعى جوعارى تىتىركەندىرگىش دارىلەر اسقازان كىلەگەي قابىعىن تىتىركەندىرىپ، قابىنۋعا نەمەسە جاراقاتتانۋعا اپارىپ سوعادى. الايدا سۋدى كوپ ىشۋگە دە بولمايدى، سۋدى كوپ ىشكەندە اسقازان سۇيىقتىعى سۇيىلىپ، اسقازاننىڭ تازارتىلۋىن تەزدەتىپ، ءدارىنىڭ ءونىمدى تۇردە سىڭۋىنە ءتيىمسىز بولادى.  تىتىركەندىرگىش دارىلەر: كەيبىر دارىلەردى ىشكەندە 500 ميلليليتردەن استام سۋ ءىشۋ كەرەك. تەتراتسين تەكتەس اس قورىتۋ جولىن تىتىركەندىرەتىن دارىلەردى تۇتىنعاندا، تۇتىنعان ءدارىنىڭ ءپىشىنى قانداي بولۋىنا قاراماستان، سۋدى كوبىرەك ىشكەن ءجون. 500 ميلليليتر سۋ ىشكەندە بۇل دارىلەردىڭ اس قورىتۋ جولىن تىتىركەندىرۋىن ازايتۋعا بولادى. ءىشىنارا دارىلەردىڭ زات الماسۋ بارىسى ءبىرشاما ەرەكشە بولاتىندىقتان، بۇل دارىلەردى ىشكەندە دە سۋدى كوپ ىشۋگە تۋرا كەلەدى، مىسالى، كۇكىرتتى امين تەكتەس دارىلەر مەن حينولون تەكتەس دارىلەر زات الماسۋ بارىسىندا نەسەپ قۇرامىندا كريستالدانىپ، نەسەپ ءبولۋ جۇيەسىن زاقىمداۋى مۇمكىن.
 

بەرىپ كەت ورامالىڭدى

دوستار

الىستاعى اق ەركە