جاڭا حابارلار

كاسىپ تىكتەۋ، جاڭالىق اشۋ قىزمەتىن تىڭ بەلەسكە كوتەردى

    كەلۋ قاينارى: شينجياڭ حالىق راديو ىستانسياسى    2018-03-29 13:11:58  

ستانسيامىزدىڭ ءتىلشىسى ياڭ جيانچياۋ مەن پراكتيكانت ءتىلشى سۋ نانىڭ حابارىن تىڭداڭىزدار: باس شۋجي شي جينپيڭ مەملەكەتتىك 13-كەزەكتى حالىق قۇرىلتايىنىڭ 1-ماجىلىسىندە گۋاڭدۇڭ ۋاكىلدەر ۇيىرمەسىنىڭ ۇكىمەت قىزمەتىنەن باياندامانى قاراۋىنا قاتىناسقاندا، «ورتا، شاعىن كاسىپورىنداردىڭ جاڭالىق اشۋىن قولداۋدى كۇشەيتىپ، دەربەس ءبىلىم مەنشىگى ۇقىعىنا جانە تۇلعالىق باسەكەلىك قۋاتىنا يە جاڭاشىل كاسىپورىنداردى اناعۇرلىم كوپ جەتىلدىرۋ كەرەك»، ــ دەپ باسا دارىپتەدى. بيىل، ءۇرىمجى قالاسى ءتۇزىلىس مەحانيزمىنە جاڭالىق اشۋ، قازىنا باجى ساياساتىن ابزالداندىرۋ، كاسىپ اشۋ كولەمىن كەڭەيتۋ سياقتى 9 جاقتا جاڭالىق اشىپ، 40 نەشە ءتۇرلى شابىتتاندىرۋ ساياساتىن بىرىكتىرىپ جانە شىعارىپ، ءۇرىمجى قالاسىنىڭ بۇقارالىق كاسىپ اشۋ،جاڭالىق اشۋ قىزمەتىن تاعى دا تىڭ بەلەسكە، تىڭ دەڭگەيگە كوتەردى.
ءۇرىمجى چيدي جۇلدىزى عىلىم-تەحنيكا كاسىپورىندارىن جەتىلدىرۋ شەكتى سەرىكتەستىگىندە، سەرىكتەستىكتىڭ تاربيەلەۋىندە بولعان 24 شاعىن، ۇساق كاسىپورىن وزدەرىنىڭ تەحنيكا زەرتتەۋ قىزمەتىن ورنىقتى ىلگەرىلەتتى. سەرىكتەستىكتىڭ ورىنباسار باس مەگەرۋشىسى ۋاڭ جانليڭ تىلشىگە، سەرىكتەستىك قۇرىلعان ءبىر جىلدان ارتىق ۋاقىتتان بەرى، ءۇرىمجى قالاسىنىڭ بۇقارالىق كاسىپ اشۋ، جاڭالىق اشۋ ساياساتىنىڭ قولداۋىندا، سەرىكتەستىككە كەلىپ تاربيەلەۋدى قابىلداۋعا كىرگەن كاسىپورىندار جاڭالىق اشۋ جاعىنداعى ءبىر قىدىرۋ جەتىستىكتەردى قولعا كەلتىرگەنىن بۇلاردىڭ عىلىم ـ تەحنيكا، فينانس، مادەنيەت جاسامپازدىعى، ەلەكتروندىق ساۋدا سياقتى ءتۇرلى سالاعا ساياتىندىعىن ايتا كەلىپ بىلاي دەدى: «باجى جاعىندا جەڭىلدىك بەرۋ، دارىندىلاردى ەنگىزۋ جاعىنداعى تيىمدىلىك جاساۋ-جاڭالىقتى ەندى باستاپ اشقان كاسىپورىنداردىڭ دامۋى ءۇشىن وتە پايدالى بولدى. باس شۋجي شي جينپيڭ دامۋ ــ ماڭداي الدى مىندەت، دارىندى ــ ءبىرىنشى بايلىق، جاڭالىق اشۋ ــ ماڭىزدى قوزعاۋشى كۇش،-دەپ اتاپ كورسەتكەن بولاتىن. مۇنداي قولداۋ ءبىز ءۇشىن جەبەۋ بولىپ، سەنىمىمىزدى ءتىپتى ارتتىردى. اۆتونوميالى رايون مەن ءۇرىمجى قالاسىنىڭ كاسىپ اشۋ مەن جاڭالىق اشۋعا باعىتتالعان اناعۇرلىم كوپ، اناعۇرلىم جۇيەلى جاڭا ساياساتتاردى شىعاراتىندىعىنا سەنىمىمىز كامىل».
2017-جىلدان بەرى، ءۇرىمجى قالاسى ءتۇرلى ساياسات-شارالاردى جاريالاپ، كاسىپ تىكتەۋ، جاڭالىق اشۋعا اناعۇرلىم ومىرشەڭدىك كۇش قوستى. 3-ايدىڭ 27-كۇنى ءۇرىمجى قالاسى «كاسىپ تىكتەۋ مەن جاڭالىق اشۋداعى ۇلگى» قالانىڭ `1+N ` جەرگىلىكتى سيپاتتى قوسىمشا سۇيەمەلدەۋ ساياسات جۇيەسىن» قۇرىپ جانە كەمەلدەندىرىپ، «كاسىپ تىكتەۋ مەن جاڭالىق اشۋداعى ۇلگى» قالا قۇرىلىسىن ءبىرتۇتاس جەتەكشى ەتىپ، قازىنا، ەكونوميكا جانە ينفورماتسيا، ونەركاسىپ-ساۋدا، عىلىم-تەحنيكا سياقتى 18 تاراۋ شىعارعان ءتۇرلى ساياسات شارالاردى بىرىكتىرىپ، شاعىن، ۇساق كاسىپورىنداردى دامۋعا، كەمەلدەنۋگە باستاۋدى جانە ونى قامتاماسىزداندىرۋدى العا قويدى. ءۇرىمجى قالالىق كاسىپ تىكتەۋ جانە جاڭالىق اشۋدا ۇلگى قالا قۇرۋ كەڭسەسىنىڭ ورىنباسار مەڭگەرۋشىسى اي جي-باۋ تانستىرا كەلىپ: « قازىرگە دەيىن، `1+N ` ساياسات جۇيەسىندە، وسى 18 تاراۋ 40 قوسىمشا ساياساتتى ارت-ارتىنان شىعاردى، 2018-جىلعى دامۋ جوباسى بويىنشا، ءار قايسى فۋنكتسيالىق تاراۋلار تاعى كاسىپ تىكتەۋ مەن جاڭالىق اشۋدىڭ دامۋ جاعدايىنا جانە ۇرىمجىدەگى ءتۇرلى شاعىن، ۇساق كاسىپورىنداردىڭ، ءار ۇلتتان قۇرالعان كاسىپ تىكتەۋ جانە جاڭالىق اشۋشىلاردىڭ قاجەتىنە ساي ساياساتتى اناعۇرلىم جۇيەلەندىرەدى. تولىقسىز ساناققا قاراعاندا، 2018-جىلدىڭ الدىڭعى جارىم جىلىندا، تاعى دا 20 ءتۇرلى ساياسات شىعارىلىپ، باعىتتامالىلىعى مەن مەڭگەرىمدىلىگى اناعۇرلىم كۇشەيتىلەدى ەكەن»،-دەدى.
بيىل، ءۇرىمجى قالاسى 7 ءتۇر بويىنشا 76 جاڭاشا جەتىلدىرۋ دانەكەرىن قۇرادى، بۇل بۇقارالىق جاڭالىق اشۋ ءورىسى، عىلىم-تەحنيكا كاسىپورىندارىن جەتىلدىرگىش، شاعىن، ۇساق كاسىپورىنداردى كاسىپ تىكتەۋ، جاڭالىق اشۋعا باۋلۋ بازاسى سياقتىلار قامتىلدى. ءاي جي-باۋ تىلشىگە، باس شۋجي شي جينپيڭنىڭ ەكى ءماجىلىس كەزىندەگى ماڭىزدى ءسوزىنىڭ رۋحىن ويداعىداي دايەكتىلەندىرىپ، تياناقتاندىرىپ، ءار قايسى تاراۋلاردىڭ سايكەسىپ، سەلبەسۋى ارقىلى، اناۇعۇرلىم جاڭاشىل ورتا، شاعىن كاسىپورىنداردى دامۋعا شابىتتاندىرىپ، ولارعا جەتەكشىلىك ەتىپ، ءۇرىمجى ەكونوميكاسىنا بۇرىلىس جاساۋعا كۇش قوساتىنىن ايتا كەلىپ بىلاي دەدى: «باس شۋجي شي جينپيڭ گۋاڭدۇڭ ۋاكىلدەر ۇيىرمەسىنىڭ ۇكىمەت قىزمەتىنەن باياندامانى قاراۋىنا قاتىناسقاندا، ورتا، شاعىن كاسپورىنداردىڭ جاڭالىق اشۋىن قولداپ، دەربەس ءبىلىم مەنشىگى ۇقىعىنا جانە تۇلعالىق باسەكەلىك قۋاتىنا يە جاڭاشىل كاسىپورىنداردى اناعۇرلىم كوپ جەتىلدىرۋ كەرەك، ــ دەپ ەرەكشە باسا دارىپتەدى. ءبىز ءبىلىم مەنشىگى ۇقىعىن قورعاۋ قىزمەتى تەبىنىن كۇشەيتۋمەن بىرگە، ءبىلىم مەنشىگى ۇقىعىنىڭ ءتۇرلى قىزمەت وتەۋ بايلىعىن شوعىرلاندىرىپ، كاسىپورىنداردىڭ دەربەس زەرتتەپ اشۋ قابىلەتىن جوعارىلاتۋىنا كومەكتەسەمىز».


بەرىپ كەت ورامالىڭدى

دوستار

الىستاعى اق ەركە