جاڭا حابارلار

ءار-بىر ادام جاڭا داۋىردەگى كۇرەسكەر

    كەلۋ قاينارى: شينجياڭ حالىق راديو ىستانسياسى    2018-03-27 13:41:34  

حالىق گازەتىنىڭ 3-ايدىڭ 27-كۇنگى سانىنا: «شي جينپيڭنىڭ مەملەكەتتىك 13-كەزەكتى حالىق قۇرىلتايىنىڭ ءبىرىنشى ماجىلىسىندە سويلەگەن ماڭىزدى ءسوزى جونىندەگى شولۋشى ماقالاسىنىڭ 6-ءبولىمى جاريالاندى.
ماقالادا بىلاي دەلىندى: «جاڭا ءداۋىر ءاربىر ادامعا ءتان، ءار ادام جاڭا ءداۋىردىڭ كۋاگەرى، اشۋشىسى، قۇرۋشىسى. شىنايى ىنتىماقتاسىپ، بىرلىكتە كۇرەس جاساعاندا، ەشقانداي كۇش جۇڭگو حالقىنىڭ ارمانىن جۇزەگە اسىرۋ اياق الىسىنا ورالعى بولا المايدى!» مەملەكەتتىك 13-كەزەكتى حالىق قۇرىلتايىنىڭ ءبىرىنشى ماجىلىسىندە، باس شۋجي شي جينپيڭ ۇلت رۋحىن جەتە ءتۇسىندىرىپ، جۇڭگو حالقىن ەرەكشە ىستىق ىقىلاسپەن تىلگە الىپ، مىڭداعان-ميلليونداعان حالىقتى جاڭا ءداۋىردى جەبەۋگە ۇندەدى. كىسىگە كۇش-قۋات سيلاپ، جىگەر بەرەتىن وسى ءسوز، جۇڭحۋا ۇلاندارىن ءبىر نيەت-ءبىر تىلەكتە بولا وتىرىپ، جۇڭگو ارمانىن جۇزەگە اسىرۋعا شابىتتاندىردى.
ماقالادا بىلاي دەپ اتاپ كورسەتىلدى: حالىق تۇرمىسىن جاقسارتۋداعى ولقىلىقتاردى تولىقتىرۋدان زاڭمەن باسقارۋ ورتاسىن جاقسارتۋعا دەيىن، جاڭالىق اشۋدى، تىڭ تىرلىك جاراتۋدى قولداۋدان الەۋمەتتىك قىزمەت ەتۋدى كۇشەيتۋگە دەيىن، جاڭا ءداۋىر ءبىزدىڭ كۇرەس جاساۋىمىزدى پارمەندى كەپىلدەندىردى. 200 مىڭعا جۋىق «ءبىرىنشى شۋجي» كەدەيلىكتەن قۇتىلدىرۋدىڭ الدىڭعى شەبىنە كەۋدە كەرىپ شىقتى،جاس شامالارى ورتا ەسەپپەن 30 نەشەدەگى عارىشكەر قوسىنىنداعىلار جۇلدىز الەمىن ارالاۋ مىندەتىن ۇستىنە السا، دەنە تاريبە ساڭلاقتارى مەن ءىرى ەلدىڭ جۇمىسشىلارى داڭقتى سيلىقتارعا يە بولدى، وسى ۇلى ءداۋىر ءاربىر ادامعا ءتان، ءارى بارلىق ادامنىڭ كۇتكەن ۇمىتىنەن شىعادى. ارمانعا قانات قاققان وسى ساپاردا، كۇرەس تۋىن جەلبىرەتىپ، كۇرەس جاساۋ ورايىن مىقتى يگەرگەندە، ومىردەگى تاماشا ساحناعا شىعا الامىز. ءداۋىر ءبىزدىڭ «ارمانعا قۇلاش ۇرىپ، ورايدى قولدان بەرمەي، كۇرەس جاساعاندا، بارلىق تاماشا ناتيجەگە قول جەتكىزۋگە بولاتىندىعى» جونىندەگى سەنىمىمىزدى بەكەمدەدى.
ءبىر ءداۋىردىڭ وزىنە ءتان باستى تاقىرىبى بولادى،ءبىر ءداۋىر ادامدارىنىڭ وزىنە ءتان بورىشى بولادى. ءبىز دە جاڭالىق اشۋ، كۇرەسۋ ارقىلى جاڭا ءداۋىردىڭ تاماشا داستانىن جازۋدامىز. ىنتىماقتاسا وتىرىپ العا ۇمتىلعاندا، بارلىعىن جەڭۋگە؛ ءبىر نيەت-ءبىر تىلەكتە بولعاندا، كوزدەگەن نىساناعا جەتۋگە بولادى. ءبىر ميللياد 300 ميلليوننان ارتىق حالىق ءبىر نيەت-ءبىر تىلەكتە بولىپ تاسقىنداعان جىگەرمەن العا ۇمتىلعاندا، بوگەۋ بەرمەس الىپ تولقىنعا، قۇدىرەتتى كۇشكە اينالىپ، جاڭا داۋىرگە ءتان شۇعىلالى داستان جازىلادى.


بەرىپ كەت ورامالىڭدى

دوستار

الىستاعى اق ەركە