جاڭا حابارلار

رايونىمىز ەڭ تومەنگى ەڭبەكاقى ولشەمىن رەتتەدى، ورتاشا ءوسۋ مولشەرى 10% تىڭ ۇستىندە بولادى

    كەلۋ قاينارى: شينجياڭ حالىق راديو ىستانسياسى    2018-03-27 13:37:52  

ستانسيامىز ءتىلشىسى دۇڭ جىيۇڭنىڭ وسى جونىندەگى حابارىن تىڭداڭىزدار: اۆتونوميالى رايوندىق حالىق ۇكىمەتى تاياۋدا، «شينجياڭ ۇيعۇر اۆتونوميالى رايوننىڭ ەڭ تومەنگى ەڭبەكاقى ولشەمىن رەتتەۋ جونىندەگى ۇقتىرۋىن» باسىپ تاراتتى. رەتتەلگەننەن كەيىنگى ولشەم -2018جىلى -1ايدىڭ -1كۇنىنەن باستاپ اتقارىلاتىن بولدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى ەڭبەك قاتىناسى باسقارماسىنىڭ ورىنباسار باستىعى چىڭ چياڭ تىلشىگە بىلاي دەدى: حۇجاتتا رەتتەلگەننەن كەيىنگى ەڭ تومەنگى ەڭبەكاقى ولشەمى ەكى ءتۇرلى بولادى دەلىندى. ءبىرى، ەڭبەكشىلەردىڭ وزدەرى تاپسىراتىن زەينەتكەرلىك، كاسىپسىزدىك جانە ەمدەۋ قامسىزداندىرۋ قاراجاتى سونداي-اق تۇرعىن ءۇي الەۋمەتتىك قورى سياقتى قاراجاتتاردى قامتىعان ەڭ تومەنگى ەڭبەكاقى ولشەمى، ول 1820 يۋان، 1620 يۋان، 1540 يۋان جانە 1460 يۋان بويىنشا 4 دارەجەگە ءبولىنىپ، بۇرىنعى ولشەمنەن جەكە-جەكە 150 يۋان ارتتىرىلادى، بىلايشا ايتقاندا، ورتا ەسەپپەن 10.4% وسەدى. ەندى ءبىرى، زەينەتكەرلىك، كاسىپسىزدىك جانە ەمدەۋ قامسىزداندىرۋ قاراجاتى سونداي-اق تۇرعىن ءۇي الەۋمەتتىك قورى سياقتى قاراجاتتاردى قامتىماعان ەڭ تومەنگى ەڭبەكاقى ولشەمى، ول 1441 يۋان، 1241 يۋان،1161 يۋان، 1081 يۋان سىندى 4 دارەجەگە ءبولىنىپ، بۇرىنعى ولشەمنەن جەكە-جەكە 109 يۋاننان 127 يۋانعا دەيىن جوعارىلاتىلىپ، ورتا ەسەپپەن 10.5% وسەدى. رەتتەلگەننەن كەيىنگى ساعاتتىق ەڭ تومەنگى ەڭبەكاقى ولشەمى دە 4 دارەجەگە بولىنەدى، تۇتاس كۇندىك تۇزىمگە جاتپايتىن كاسىپتەنگەن ەڭبەكشىلەردىڭ ساعاتتىق ەڭ تومەنگى ەڭبەكاقى ولشەمى جەكە-جەكە 18 يۋان 20 فىن، 16 يۋان 20 فىن، 15 يۋان40 فىن جانە 14 يۋان 60 فىن بولىپ، بۇرىنعى ولشەمنەن جەكە-جەكە ساعاتىنا 1 يۋان 50 فىن ارتىپ، %10.4 وسەدى.
ۇعىسۋعا قارعاندا، بۇل ەڭ تومەنگى ەڭبەكاقىنى قامتاماسىزداندىرۋ ءتۇزىمىن اتقارعاننان بەرى، اۆتونوميالى رايوننىڭ ەڭ تومەنگى ەڭبەكاقىنى 13-رەت رەتتەۋى ەكەن. جۇمىسشى-قىزمەتكەرلەردىڭ ەڭبەكاقى كىرىسى وسى رەتكى اۆتونوميالى رايوننىڭ ەڭ تومەنگى ەڭبەكاقىنى رەتتەۋ ولشەمىنەن تومەن بولسا، جاريالانعاننان كەيىنگى ەڭ تومەنگى ەڭبەكاقى ولشەمىنە تەز ارادا جەتكىزىلىپ، 2018-جىلى 1-ايدىڭ 1-كۇنىنەن باستاپ اتقارىلادى ءارى تولىقتاپ بەرىلەدى. چىڭ چياڭ تىلشىگە بىلاي دەدى: «ەڭبەكشىلەر زاڭدا بەلگىلەنگەن قىزمەت ۋاقىتىندا، قالىپتى ەڭبەكپەن قامداۋ العى شارتىندا، ادام ىستەتۋشى ورىن جۇمىسشى-قىزمەتكەرلەر تاپسىرۋعا ءتيىستى زەيبنەتكەرلىك، كاسىپسىزدىك جانە ەمدەۋ قامسىزداندىرۋ قاراجاتى سونداي-اق تۇرعىن ءۇي الەۋمەتتىك قورىن ۇستاپ قالعاننان نەمەسە ۋاكىلدىك رەتىندە تاپسىرعاننان كەيىن، ەڭبەكشىلەردىڭ قولىنا تيگەن ەڭبەكاقىسى جەرگىلىكتى ورىننىڭ زەينەتكەرلىك، كاسىپسىزدىك جانە ەمدەۋ قامسىزداندىرۋ قاراجاتى سونداي-اق تۇرعىن ءۇي الەۋمەتتىك قورىن قامتىماعان ايلىق ەڭ تومەنگى ەڭبەكاقى ولشەمىنەن تومەن بولماۋى ءتيىس. ءار دارەجەلى ادام كۇشى بايلىعى جانە قوعامدىق قامتاماسىزداندىرۋ تاراۋى بۇل ساياساتتى قاتاڭ تياناقتاندىرىپ، ەڭبەكشىلەردىڭ زاڭدى-ۇقىق-مۇددەسىنە شىنايى كەپىلدىك ەتۋى كەرەك».


بەرىپ كەت ورامالىڭدى

دوستار

الىستاعى اق ەركە