جاڭا حابارلار

شينجياڭنىڭ كوكتەمگى دارىندىلار اۋىس-كۇيىسى باستالدى

    كەلۋ قاينارى: شينجياڭ حالىق راديو ىستانسياسى    2018-03-27 13:17:37  

حابارعا قۇلاق تۇرىڭىزدەر: 2018-جىلى كوكتەمگى دارىندىلار اۋىس-كۇيىس جينالىسى جانە شينجياڭداعى 2018-جىلى وقۋ تاۋىساتىن جوعارى مەكتەپ وقۋشىلارىن مەكتەپ اۋلاسىندا ەكى جاقتىڭ تالعامى بويىنشا قىزمەتكە قابىلداۋ جينالىسى ەندى عانا وتكەن الدىنعى اپتانىڭ سوڭىندا ۇرىمجىدە وتكىزىلىپ، كوكتەمگى دارىندى قابىلداۋدىڭ بەتاشارى اشىلدى. شينجياڭ اۋىل شارۋاشىلىق ۋينۆەرسيتەتىندە وتكىزىلگەن 2018-جىلى وقۋ تاۋىساتىن جوعارى مەكتەپ وقۋشىلارىن ەكى جاقتىڭ تالعامى بويىنشا مەكتەپ اۋلاسىندا قىزمەتكە قابىلداۋ جينالىسىندا، ادام ىستەتەتىن 270 ورىن 9 مىڭ مىڭ 500 گە جۋىق قىزمەت ورىنىن دايىندادى، 2018-جىلى وقۋ تاۋىساتىن 5 مىڭعا جۋىق وقۋشى قىزمەتكە قابىلداۋ جينالىسىنا قاتىناستى. بيىل 7-ايدا وقۋ تاۋىساتىن حان شۋەياڭ شىحىزى ۋينۆەرسيتەتىندە ادام كۇشى بايلىعىن باسقارۋ كاسىبىن وقيدى. قىزمەتكە قابىلداۋ جينالىسىندا، ول كاسىبى تۋرا كەلەتىن بىرنەشە ءىسورىنعا قىسقاشا ءومىر بايانىن تاپسىردى، ول بىلاي دەدى: «مىناداي كولەمدى قىزمەتكە قابىلداۋ جينالىسى وقۋ تاۋىسۋ الدىنداعى وقۋشىلار ءۇشىن كاسىپتەنۋدىڭ تاماشا تۇعىرى بولدى، بىزگە قولايلىلىق ازىرلەندى، قىزمەتتى ويداعىداي تاڭداۋىمىزعا بولادى، وزىمىزگە ۇيلەسەتىن قىزمەت ورىن تابۋىمىزعا كومەگى تيەدى».
2018-جىلعى كوكتەمگى دارىندىلار اۋىس-كۇيىس جينالىسى 3-ايدىڭ 24-كۇنى شينجياڭ حالىقارالىق كورمە ورتالىعىندا باستالعان بولاتىن، گۋاڭحۇي توبى، دۇڭباۋ توبى، تۇڭجيا توبى، ەرەكشە ترانسفورماتور شينجياڭ ەنەرگيا شەكتى جارنا سەرىكتەستىگى سياقتى 500 دەن اسا كاسىپورىن حيميا-ونەركاسىپ، تەحنيكا، ساتۋ تۇرلەرى بويىنشا 20 مىڭ قىزمەت ورنىن دايىندادى. دارىندىلار اۋىس-كۇيىس جينالىسىندا، ءۇرىمجى قالاسىنان 28 ءىسورىن تۇڭعىش رەت شينجياڭداعى 7 جوعارى مەكتەپتىڭ وقۋ ءبىتىرۋ الدىندا تۇرعان وقۋشىلارىنا باعىتتاي وتىرىپ دارىندى قابىلداپ، 668 قىزمەت ورىن دايىندادى، مۇندا فينانىس، وقۋ-اعارتۋ، مادەنيەت سياقتى ءتۇرلى سالاعا قاجەتتى 913 دارىندى ەنگىزۋ جوسپارلانعان. ءۇرىمجى قالالىق زەينەتكەرلەردى قوعامدىق باسقارۋ كەڭسەسىنىڭ قىزمەتكەرى ۋاڭ يا-ۋىن بىلاي دەدى: «كومپيۋتەر ينفورماتسياسىن باسقارۋ قىزمەت ورنىن دايىندادىق، بيىل جاڭادان قوعامدىق قامتاماسىزداندىرۋ تۇعىرى ىسكە قوسىلماقشى، بۇل تۇعىردى ورنىقتى ىلگەرىلەتىپ، ويداعىداي باسقارماقشىمىز، قازىر كومپيۋتەر دارىندىلارىن قاجەت ەتىپ وتىرمىز».
ۇعىسۋعا قاراعاندا، 3-ايدىڭ 31-كۇنىنەن 4-ايدىڭ 1-كۇنىنە دەيىن، شينجياڭ حالىقارالىق كورمە ورتالىعى 2018-جىلعى شينجياڭنىڭ ەكىنشى رەتكى كوكتەمگى كولەمدى دارىندىلار اۋىس-كۇيىس جينالىسىن وتكىزبەكشى، سونىمەن بىرگە شينجياڭداعى 2018-جىلى جوعارى مەكتەپ تاۋىساتىن وقۋشىلاردى مەكتەپ اۋلاسىندا ەكى جاقتىڭ تالعامى بويىنشا قىزمەتكە قابىلداۋ جينالىسى دا باسقا ۋينۆەرسيتەتتەردە اشىلادى ەكەن.


بەرىپ كەت ورامالىڭدى

دوستار

الىستاعى اق ەركە