جاڭا حابارلار

رايونىمىز قۇمايتتانعان جەردى جان-جاقتىلى وڭاۋ مىندەتىن ورىندايدى

    كەلۋ قاينارى: شينجياڭ حالىق راديو ىستانسياسى    2018-03-27 13:12:54  

ستانسيامىزدىڭ حابارى: بيىل، اۆتونوميالى رايونىمىزدىڭ كوپتەگەن تاراۋلارى ءوزارا سەلبەسىپ، 4 ميلليون 500 مىڭ مۋدان استام قۇمايتتانعان جەردى جان-جاقتىلى وڭاۋ مىندەتىن بىرگە ورىندايدى.
شينجياڭ بۇكىل ەلىمىز بويىنشا قۇمايتتانعان جەر اۋدانى ەڭ ۇلكەن، تارالۋ كولەمى ەڭ كەڭ، زياندالۋ مولشەرى ەڭ اۋىر ولكە-رايونعا، ءارى دۇنيە ءجۇزى بويىنشا قۇمايتتانۋدىڭ زيانى ەڭ اۋىر وڭىرلەردىڭ بىرىنە جاتادى.
ساندى مالىمەتتە كورسەتىلۋىنشە، پارتيا 18-قۇرىلتايىنان بەرى، شينجياڭ 3 تەرىستىك ىقتاسىن ورمان بەلدەۋى ينجەنەرياسى، ەگىستىك جەردى ورمانعا اينالدىرۋ ينجەنەرياسى، تارىم ويپاتىنىڭ توڭىرەگىندە قۇمايتتانۋدىڭ الدىن الۋ جانە ونى وڭاۋ ينجەنەرياسى، جايىلىمدى قالپىنا كەلتىرۋ ينجەنەرياسى، سۋ مەن توپىراقتىڭ تەپە-تەڭدىگىن ساقتاۋ جانە شاعىن وزەن ارنالارىن جان-جاقتىلى جونگە سالۋ ينجەنەرياسى سياقتى ماڭىزدى ينجەنەريالارعا سۇيەنىپ، 36 ميلليون 320 مىڭ مۋ قۇمايتتانعان جەردى وڭاعان. بيىل قۇمايتتانعان جەردى جان-جاقتىلى وڭاۋ قىزمەتىندە، باستىسى شۇرات، قالا جانە اۋىل-قىستاق توڭىرەگىن نەگىز ەتەدى، بۇل بۇقارانىڭ تۇرمىسىمەن تىعىز قاتىستى بولعاندىقتان، ونىڭ ونىمدىلىگىن تەز كورۋ جاعىنا كۇش سالىنادى. رايونىمىز تاعى ءشولدى ءوڭىر ەكولوگياسىن قورعاۋ جانە قالپىنا كەلتىرۋ ارقىلى ەرەكشە قۇم كاسىبىن دامىتۋعا باستاۋ، قۇمايتتانۋدىڭ الدىن الۋ جانە ونى وڭاۋعا عىلىم-تەحنيكا جاعىنان تىرەك بولۋ سياقتى جاقتارعا ۇزدىكسىز كۇش سالىپ، قۇمايتتانۋدىڭ الدىن-الۋ جانە ونى وڭاۋ قىزمەتىن تىڭعىلىقتى ورىستەتىپ، قۇمدى وڭىرلەردى جاسىلداندىرۋمەن بىرگە، سول جەردەگى ەگىنشى-مالشىلاردى اۋقاتتاندىرۋعا مۇمكىندىك جاسايدى.


بەرىپ كەت ورامالىڭدى

دوستار

الىستاعى اق ەركە