جاڭا حابارلار

ەلىمىزدە سالماقتى كۇردەلى اۋرۋلاردى جۇڭگوشا جانە باتىسشا ەمدەۋ كلەنيكالىق سەلبەسۋ سىناق تۇيىن قىزمەتى جولعا قويىلدى

    كەلۋ قاينارى: جۇڭگو قازاق راديو تورابى    2018-03-26 17:47:32  

مەملەكەتتىك جۇڭگوشا ٴدارى-دارمەكتى باسقارۋ مەكەمەسى قاتارلى ٴۇش تاراۋ تاياۋدا بىرلەسىپ ۇقتىرۋ شىعارىپ، 2018-جىلى قاڭتاردان باستاپ ۋاقىت شەگى ٴۇش جىل بولعان سالماقتى كۇردەلى اۋرۋلاردى جۇڭگوشا جانە باتىسشا ەمدەۋ كلەنيكالىق سەلبەسۋ سىناق تۇيىنى قىزمەتىن جولعا قويدى، ديابەت اۋرۋى جانە قوسىمشا اۋرۋلار، باۋىر راگى، مي قانتامىرىنىڭ توسىلۋى قاتارلى 30 نەشە اۋرۋدى ٴوز ىشىنە العان 58 نىسان سىناق تۇيىنى نىسانىنا ەنگىزىلدى.
ۇقتىرۋدا بىلاي دەلىندى: سىناق قىزمەتى بارىسىندا سالماقتى كۇردەلى اۋرۋلاردى كلەنيكادا ەمدەۋ ونىمدىلىگىن جوعارلاتۋ ماقسات ەتىلىپ، جۇڭگوشا جانە باتىسشا ەمدەۋدە بايلىقتى بىرلەستىرۋ، ابزالدىقپەن ٴوزارا تولىقتاۋ، قيىن تۇيىندەردە سەلبەسىپ قامال الۋ، جۇڭگوشا ەمدەۋ مەن باتىسشا ەمدەۋدە بىرلەسىپ اۋرۋدىڭ الدىن الۋ- جاڭا وي جەلىسى، جاڭا ٴادىسى جانە جاڭا فورماسى جونىندە ىزدەنىس جاسالادى. بەيجيڭ جۇڭگوشا ٴدارى-دارمەك ۋنيۆەرسيتەتى زاڭ فاكۋلتوتى ەمدەۋ دەنساۋلىق ساقتاۋ زاڭ عىلىمىنىڭ دوتسەنتى دىڭ يۇڭ بىلاي دەدى: وسى رەتكى سالماقتى كۇردەلى اۋرۋلاردى جۇڭگوشا جانە باتىسشا كلەنيكادا سەلبەسىپ ەمدەۋ سىناق قىزمەتىن ٴوز ىشىنە العان ٴبىر توپ ساياساتتاردىڭ بارىندە جۇڭگوشا ەمدەۋ ىستەرىنىڭ دامۋى جەبەلدى.
وسى رەت شىعارىلعان ۇقتىرۋمەن بىرگە تاراتىلعان«سالماقتى كۇردەلى اۋرۋلاردى جۇڭگوشا جانە باتىسشا كلەنيكادا سەلبەسىپ ەمدەۋ سىناق تۇيىنى نىسانىن اتقارۋ ادىسىندە» مىنالار ايتىلدى: سەلبەسۋ مەحانيزىمىن ورناتۋدا جۇڭگوشا جانە باتىسشا ەمدەۋ قىزمەتكەرلەرىنىڭ سەلبەسىپ بىرگە ديگنوز قويۋ، بىرلەسپە امبالاتوريا، ناۋقاستار بولمەسىن بىرگە ارالاۋ، اۋرۋدى بىرگە تالقىلاۋ، عىلىمي زەرتتەۋدە بىرلەسۋ، جوعارى ساتىلى جۇڭگوشا جانە باتىسشا ەمدەۋ قابىلەت يەلەرىن اۋىستىرىپ تاربيەلەۋ قاتارلى سەلبەسۋ فورماسى مەن ەمدەۋ تۇزىمى قۇرىلىپ، ناۋقاستارعا اۋرۋدىڭ الدىن الۋ، ەمدەۋدەن تارتىپ ساۋىعۋعا دەيىن ٴبىرتۇلعالانعان سەلبەسىپ ەمدەۋ قىزمەت وتەۋى جۇرىلەدى.
 دىڭ يۇڭ بىلاي دەدى: ساياساتتىڭ تياناقتانىپ اتقارىلۋىنان سوڭىندا مەجەلى نىساناعا جەتكەنگە دەيىن ٴالى دە كوپتەگەن قىزمەتتەر ىستەۋگە تۋرا كەلەدى.
 ول تاعى بىلاي دەدى: ۇكىمەت تاراۋلارى مەن ٴدارى-دارمەك دەنساۋلىق ساقتاۋ اكىمشىلىك باسقارۋ تاراۋلارى، قالىڭ جۇرتشىلىقتىڭ ٴبارى بۇعان بەلسەندى سايكەسۋى كەرەك، اۋرۋدىڭ تەز ارادا ەمدەلۋىن نەمەسە ەمدەۋ بارىسىنداعى ەكونوميكالىق ونىمدىلىككە عانا باس ۇرماۋ قايتا جۇڭگوشا ەمدەۋ مەن باتىسشا ەمدەۋ سايكەسىپ جازاتىن ٴبىر توپ سايكەستى قىزمەتتەردى ويداعىداي ىستەپ، ساياساتتىڭ اتقارىلۋىنا كەپىلدىك ەتۋ كەرەك.


بەرىپ كەت ورامالىڭدى

دوستار

الىستاعى اق ەركە