جاڭا حابارلار

رايونىمىز اۋىل-قىستاقتى كوركەيتۋ ستراتەگياسىن اتقارىپ، اۋىل شارۋاشىلىعى مەن اۋىل-قىستاقتىڭ وسىزاماندانۋىن ىلگەرلەتتى

    كەلۋ قاينارى: شينجياڭ حالىق راديو ىستانسياسى    2018-03-26 16:53:36  

ستانسيامىزدىڭ جيناق حابارىن تىڭداڭىزدار: كوكتەمنىڭ شۇلەن شۋاعى توگىلدى، رايونىمىزدىڭ جەر-جەرى باس شۋجي شي جينپيڭنىڭ ەكى ءماجىلىس كەزىندە سويلەگەن ماڭىزدى ءسوزىنىڭ رۋحىن بەلسەنە تياناقتاندىرىپ، ۇيرەنىپ، اۋىل-قىستاقتى كوركەيتۋ ستراتەگياسىن تىڭعىلىقتى ىلگەرىلەتتى.
باي اۋدانى سايرام قالاشىعى ءسورمالى قىستاعىندا ديحاندار الاقات مايساسىن ەگۋمەن قاربالاس. ءسورمالى قىستاعى اۆتونوميالى رايون بەلگىلەگەن ەرەكشە كەدەي قىستاق، اۆتونوميالى رايوندىق حالىق پروكۋراتۋراسىنىڭ وسى قىستاقتا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى ديحانداردى ەگىستىك جەرىن ەگىمشىلىكپەن شۇعىلداناتىن ءىرى وتباسىلارىنا وتكەرمەلەپ بەرىپ، الاقاتتى كولەمدەندىرىپ ەگۋگە باستادى، ديحاندار ءار مۋ ەگىستىك جەردەن 500 يۋاندىق ەگىستىك جەردى وتكەرمەلەپ بەرۋ سوماسىنا يە بولۋدان سىرت، تاعى الاقات ەگۋگە قاتىناسىپ، كۇنىنە 100 يۋان ەڭبەكاقى الدى. قىزمەت اترەتىنىڭ باستىعى جاڭ گاڭ بىلاي دەدى: «باس شۋجي شي جينپيڭ: «تەبىندى بۇرىنعىدان دا ارتتىرۋ جانە شارانى نۇرىنعىدان بەتەر تياناقتاندىرۋ ارقىلى حالىق تۇرمىسىن جاقسارتۋدى قامتاماسىز ەتۋ جانە جاقسارتۋ كەرەك» دەگەندى اتاپ كورسەتتى. ءبىز ديحانداردىڭ ەگىستىك جەرىن وتكەرمەلەپ بەرىپ، ولاردىڭ سول جەردىڭ وزىندە نەمەسە جاقىن ماڭىنان جۇمىس تاۋىپ ىستەپ، كاسىپتەنىپ، كىرىسىن ارتتىرۋىنا مۇمكىندىك جاسادىق».
«كەدەيلىكتەن قۇتىلدىرۋدان قامال الۋدى اۋىل-قىستاقتى كوركەيتۋ ستراتەگياسىن اتقارۋمەن تىعىز ۇشتاستىرۋ ءتيىس» باس شۋجي شي جينپيڭنىڭ ىشكى موڭعۇل ۋاكىلدەر ۇيىرمەسىنىڭ ۇكىمەت قىزمەتىنەن باياندامانى قاراۋىنا قاتىناسقاندا، كەدەيلىكتەن قۇتىلدىرۋدان قامال الۋ قىزمەتىنە تاعى ءبىر رەت باعدار نۇسقادى. كۇشار اۋدانى تيانشان مال شارۋاشىلىعىن دامىتۋ شەكتى سەرىكتەستىگى مال، ءۇي قۇستارى باعىمشىلىعىن دامىتۋ ارقىلى قىستاق ديحاندارىن كاسىپتەنۋگە باستادى. سەرىكتەستىكتىڭ باس مەڭگەرۋشىسى ابىلاجان حاللەل، كەلەسى قادامدا بۇرىنعىدان دا كوپ ۇساق ەگىنشى وتباسىن وسىزامانعى اۋىل شارۋاشىلىعىن دامىتۋعا ات سالىسۋعا باۋراپ، ورتاق اۋقاتتانۋعا شابىتتاندىراتىندىعىن ايتا كەلىپ، بىلاي دەدى: «باس شۋجي:›كاسىپتى دامىتۋدى ديحانداردىڭ كىرىسىن ارتتىرۋ اياق الىسىن جەبەۋ بارىسىندا تياناقتاندىرىپ، اۋىل-قىستاقتىڭ كەدەيلەسۋ جاعدايىن جويۋعا كۇش سالۋ كەرەك‹،-دەپ اتاپ كورسەتتى. بۇدان بىلاي مال شارۋاشىلىعىن دامىتۋعا قۇلشىنىپ، كەدەي وتباسىلارىن كاسىپتەنەتىن قىزمەت ورنىمەن قامداۋدان سىرت، كوپ قوزىلايتىن قويدى قىستاق ديحاندارىنا تاراتىپ بەرىپ، ولاردىڭ كىرىس كىرگىزىپ، اقشا تابۋىنا وراي جاراتىپ، كەدەيلىكتەن قۇتىلدىرۋ قىزمەتىنە ءبىر كىسلىك ۇلەسىمدى قوسامىن».
باركول قازاق اۆتونوميالى اۋدانى كەزىندە مەملەكەت دارەجەلى كەدەي اۋدان بولاتىن، وتكەن جىلى 11-ايدىڭ 1-كۇنى، مەملەكەتتىڭ ارنايى باعالاۋ تەكسەرىنەن ءساتتى ءوتىپ، كەدەيلىك قالپاعىن الىپ تاستادى. باركول قازاق اۆتونوميالى اۋدانىنىڭ كەدەيلەردى سۇيەمەلدەۋ كەڭسەسىنىڭ مەڭگەرۋشىسى چىن شياۋلۇڭ، اۋىل-قىستاقتى كوركەيتۋ ستراتەگياسىن اتقارۋمەن ۇشتاستىرىپ، كەدەيلىكتەن قۇتىلدىرۋدىڭ تابىسىن بەكەمدەۋ، دارەجەسىن جوعارلاتۋ قىزمەتىن تىڭعىلىقتى، ويداعىداي ىستەيتىندەرىن ايتا كەلىپ، بىلاي دەدى: «كەلەسى قادامدا باركول اۋدانىنىڭ كەدەيلىكتەن قۇتىلدىرۋدىڭ تابىسىن بەكەمدەۋدىڭ، دارەجەسىن جوعارلاتۋدىڭ ءۇش جىلدىق جوباسىن ويداعىدان جاساپ، ونەركاسىپ، كاسىپتەنۋ، وقۋ-اعارتۋ، دەنساۋلىق اقاۋسىزدىعى جاعىندا كەدەيلەردى سۇيەمەلدەۋ، ءىرى تۇرپاتتى نەگىزدىك قۇرىلعى قۇرىلىستار جاعىنداعى بەكەمدەۋ، دارەجەسىن جوعارلاتۋدى جاقسى ىستەيمىز. بۇقاراعا ۇزاق ۋاقىتتىق ونەركاسىپ جاعىندا تاربيەلەۋدى جۇيەلەندىرگەننەن كەيىن، كىرستى تۇراقتى ارتتىرۋعا مۇمكىندىك جاسادى».
باس شۋجي شي جينپيڭ شاندۇڭ ولكەسىنىڭ ۋاكىلدەر ۇيىرمەسىنىڭ ۇكىمەت قىزمەتىنەن باياندامانى قاراۋىنا قاتىناسقاندا، «اۋىل-قىستاقتىڭ ەكولوگيالىق جاقتان كوركەيتۋ اياق الىسىن ىلگەرىلەتىپ، جاسىل دامۋعا تاباندى بولىپ، اۋىل-قىستاقتاعى كورنەكتى قورشاعان ورتا ماسەلەسىن جان-جاقتىلى وڭاۋدى كۇشەيتۋ كەرەك»،-دەپ اتاپ كورسەتتى. بۇل قۇمىل قالاسى قويلىق اۋىلى جالعىزاعاش قىستاعىنداعى مالشى قابدىل شوشاي ۇلىن مالشىلار شاتتىعى تاعامجايى تيجاراتىمەن شۇعىلدانۋ سەنىمىن ءتىپتى بەكەمدەي ءتۇستى. ول مالشىلاردى وتىرىقتاندىرۋ ساياساتىنىڭ يگىلىگىن كورگەنىن، كيىز ۇيدەن شاعىن اۋلاعا كوشىپ كىرگەنىن، سونداي-اق قىستاقتا مالشىلار شاتتىعى تاعامجايىن اشىپ، وزگەلەرگە باستاماشى بولۋمەن قاتار كەدەيلىكتەن قۇتىلىپ، كىرىسىن ارتتىرعانىن ايتا كەلىپ: «بۇرىن وتباسىمىز ءسىڭىرى شىققان كەدەي بولاتىن، تاۋدان ءتۇسىپ وتىرىقتانعاننان كەيىن، قىستاعىمىزعا اسفاليت جول جاتقىزىلىپ، بەيقۇت ءۇي سالىنىپ، كوشە شىراعى ورناتىلىپ، سۋمەن شايىلىپ تازالاناتىن دارەتحا سالىندى، قىستاعىمىزدىڭ قورشاعان ورتاسى دا وتە كەرەمەت، سوندىقتان دا مەن مالشىلار شاتتىعى تاعامجايىن اشتىم، قازىر جىلىنا 30 مىڭ يۋان كىرىس كىرگىزەمىن. باس شۋجي شي جينپيڭ ەگىنشى-مالشىلارعا ەرەكشە كوڭىل ءبولىپ وتىر، بۇدان بىلاي قىستاعىمىزدىڭ قورشاعان ورتاسى كۇننەن-كۇنگە كورىكتەنەتىن، تۇرمىسىمىز دا بارعان سايىن جاقساراتىن بولادى»،-دەدى. ماناس اۋداندىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار اۋدان اكىمى لي چۇنلين، باس شۋجي شي جينپيڭنىڭ بيىلعى ەكى ءماجىلىس كەزىندە سويلەگەن ماڭىزدى ءسوزىنىڭ رۋحىن جەتەكشى ەتىپ، ديحاندارعا بۇرىنعىدان دا جانعا جايلى، شارۋاشىلىعىن شالقىتۋعا ءتيىمدى ەكولوگيالىق ورتا جاراتاتىندىقتارىن ايتا كەلىپ، بىلاي دەدى: «ونەركاسىپتى كوركەيتۋ، ەكولوگيالىق ورتانى جانعا جايلى ەتۋ، اۋىل سالتى وركەنيەتىن دارىپتەۋ، وڭاۋ ونىمدىلىگىن جاقسارتۋ، تۇرمىستى باياشات ەتۋ جالپى تالابىنا ساي، ماناس اۋدانى جاسىلداندىرۋ قىزمەتىن اۋىل-قىستاقتى كوركەيتۋ ستراتەگياسىنداعى الدىمەن جۇرگىزىلەتىن ينجەنەريا ەتىپ، اۋىل-قىستاقتى جاسىلداندىرۋ مولشەرىنىڭ تالابىنا ساي، 101 اكىمشىلىك قىستاقتى جاسىلداندىرۋ قىزمەتىن دەرەۋ ىشكەرىلەي اتقارۋدى بەلگىلەدىك. 2018-جىلى 26 قىستاقتىڭ جاسىلدانۋ مولشەرىن %30 تەن اسىرۋ قىزمەت نىساناسىن ورىنداپ، ەڭ سوڭىندا تۇرمىسى باي، قونىستانۋعا، كاسىپتەنۋگە قولايلى بولۋ نىساناسىن ورىنداۋعا كۇش سالامىز».


بەرىپ كەت ورامالىڭدى

دوستار

الىستاعى اق ەركە