جاڭا حابارلار

رايونىمىز بويىنشا جيىنى 189 تاس جول نىسانىنىڭ قۇرىلىسى جالعاستى جۇرگىزىلۋدە

    كەلۋ قاينارى: شينجياڭ حالىق راديو ىستانسياسى    2018-03-26 16:51:04  

تەمپەراتۋرانىڭ شۇعىل جوعارىلاۋىنا بايلانىستى، رايونىمىزدىڭ بيىلعى ءتۇيىندى نىساندارىنىڭ قۇرىلىسى دا ارت-ارتىنان باستالىپ، جالعاستى جۇرگىزىلدى. قازىر، رايونىمىز بويىنشا جيىنى 189 تاس جول نىسانىنىڭ قۇرىلىسى جالعاستى جۇرگىزىلۋدە. قار تولىق ەرىمەگەندىكتەن، قۇرىلىس جۇرگىزۋ شارتى ازىرلەنبەۋ سياقتى سەبەپتەردىڭ سالدارىنان ءىشىنارا جول بولەكتەرىندە قۇرىلىس باستالماي وتىر.
اۆتونوميالى رايوندىق قاتىناس-تاسىمال مەڭگەرمەسى پارتگرۋپپاسىنىڭ شۋجيى، ورىنباسار مەڭگەرمە باستىعى لي حۇڭبيڭ بىلاي دەپ تانىستىردى: 2-ايدىڭ 21-كۇنىنەن بۇرىن، بيىل جالعاستى اتقارىلاتىن تاس جول نىساندارىنىڭ قۇرىلىس ورىندارىنا بارىپ، جاپپاي قايتا باستاۋ دايىندىعىنا وتكەمىز، وڭتۇستىك شينجياڭداعى قۇرىلىس نىساندارىنىڭ 3-ايدىڭ 1-كۇنىنەن، سولتۇستىك شينجياڭداعى قۇرىلىس نىساندارىنىڭ 4-ايدىڭ 1-كۇنىنەن بۇرىن جاپپاي قايتا جۇرگىزىلۋىنە كەپىلدىك ەتەمىز.
بيىل، رايونىمىز ءتۇيىندى نىسانداردى جەتەكشى ەتىپ، ءۇرىمجى-كۇيتۇن جوعارى قارقىندى تاس جولى سياقتى 3 ءىرى نىسان، مەملەكەت تاس جولىنىڭ 3012-لەنياسىنداعى قاعىلىق-قاراقاش تاس جولى، مەملەكەت تاس جولىنىڭ 218-لەنياسىنداعى ءدوڭمازار-نارات تاس جولى، ولكە تاس جولىنىڭ 20-لەنياسىنداعى قارامايلى-ۋگۇڭتاي تاس جولى سياقتى ماڭىزدى جول قۇرىلىستارىن جەدەلدەتەدى؛ 15 نىساننىڭ قۇرىلىسىن ءبىتىرىپ، ونى تەكسەرىپ وتكىزۋگە بەرىپ، مەملەكەت تاس جولىنىڭ 3012-لەنياسىنداعى قاراقاش-حوتان جوعارى قارقىندى تاس جولى، مەملەكەت تاس جولىنىڭ 30-لەنياسىنداعى تۇرپان-شياۋساۋحۋ جوعارى قارقىندى تاس جولى، مەملەكەت تاس جولىنىڭ 3012-لەنياسىنداعى قاشقار-قاشقار جاڭا شارى جوعارى قارقىندى تاس جولى سىندى 3 جوعارى قارقىندى تاس جول قۇرىلىسى نىسانىن جۇرگىزەدى؛ مەملەكەت تاس جولىنىڭ 216-لەنياسىنداعى ءۇرىمجىنىڭ شەكارادان وتەتىن تاس جول بولەگى نىسانىنا اۆتوموبيل قاتىناتىپ، مەملەكەت تاس جولىنىڭ 218-لەنياسىنداعى ءدوڭمازار-نارات تاس جولى مەن مەملەكەت تاس جولىنىڭ 216-لەنياسىنداعى ۋسايۋان-كوكتوعاي تاس جولى نىسانىنىڭ نەگىزگى تۇلعالىق قۇرىلىسىن بىتىرەدى.


بەرىپ كەت ورامالىڭدى

دوستار

الىستاعى اق ەركە