جاڭا حابارلار

بيىل رايونىمىزداعى 56 كاسىپورىن كەدەي ەڭبەككۇشتەرگە 3 مىڭنان استام جۇمىس ورنىن ازىرلەدى

    كەلۋ قاينارى: شينجياڭ حالىق راديو ىستانسياسى    2018-03-26 16:50:29  

ستانسيامىزدىڭ ءتىلشىسى چىن جۇيليدىڭ حابارىن تىڭداڭىزدار: وڭتۇستىك شينجياڭنىڭ 3 ايماق، ءبىر وبلىسىنداعى ەرەكشە كەدەي وڭىرلەردەن تۇڭعىش توپتاعى 190 ەڭبەككۇش 3-ايدىڭ 25-كۇنى تۇستەن كەيىن ۇرىمجىگە كەلىپ، مەملەكەت مەنشىگىندەگى كاسىپورىنداردىڭ جاڭا مۇشەسى بولدى، بۇل رايونىمىزداعى مەملەكەت مەنشىگىندەگى كاسىپورىنداردىڭ كاسىپتەندىرۋ جاعىندا كەدەيلەردى سۇيەمەلدەۋ قىزمەتىنىڭ باستاپ اتقارىلعاندىعىنان دەرەك بەرەدى.
ءپايزاۋات اۋدانىنان كەلگەن ءومار ابلا پويەزدان تۇسۋىمەن، الدىنان شىققان شينجياڭ ەنەرگيا توبىنىڭ قىزمەتكەرلەرى ونى قىزۋ مەرەيمەن قارسى الىپ، كاسىپورىنعا باراتىن اۆتوبوزعا ەرتىپ اپاردى. كاسىپتىك ونەرگە باۋلۋ كۋرسىندە 6 اي تاربيەلەنگەننەن كەيىن، ول ديحاننان كاسىپتىك جۇمىسشىعا اينالادى. تىڭنان باستالعالى تۇرعان جاڭا تۇرمىسقا ول سەنىمىنىڭ كۇشتى ەكەنىن بىلدىرە كەلىپ: مۇندا كەلگەنىمە وتە قۋانىشتىمىن. قازىر كاسىپتەنۋ ورايى كوپ، كاسىپتىك ونەردى جاقسى ۇيرەنىپ، كوبىرەك اقشا تابۋدى ويلايمىن،-دەدى.
ۇعىسۋعا قاراعاندا، تۇڭعىش توپتا مەملەكەت مەنشىگىندەگى كاسىپورىندارعا ويىستىرىلىپ كاسىپتەندىرىلەتىن كەدەي وتباسىنداعى ەڭبەككۇش 815 ادام، ولار ءۇرىمجى، تۇرپان، سانجى سياقتى جەرلەردەگى مەملەكەت مەنشىگىندەگى كاسىپورىندارعا جۇمىسقا ورنالاستىرىلادى ەكەن. اۆتونوميالى رايوندىق مەملەكەت مەنشىگىندەگى مال-مۇلىكتى باقىلاپ-باسقارۋ كوميتەتى پارتكومىنىڭ مۇشەسى، ورىنباسار مەڭگەرۋشىسى زوۋ باۋجۇي بىلاي دەدى: قازىرگە دەيىن، رايونىمىزداعى 56 كاسىپورىن وڭتۇستىك شينجياڭنىڭ 3 ايماق، ءبىر وبلىسىنا قاراستى ەرەكشە كەدەي وڭىرلەردەگى وتباسى كەدەي ەڭبەككۇشتەرگە 3 مىڭنان استام جۇمىس ورنىن ازىرلەدى. وسى3 مىڭ جۇمىس ورنىن دايىنداۋ نەگىزىندە، ءبىز بۇل ساندى 4 -ايدىڭ سوڭى، 5-ايدىڭ باسىندا3600 گە جەتكىزۋگە كۇش سالۋدامىز. كاسىپتەنگەننەن كەيىنگى جۇمىس ورنىنىڭ تۇراقتانۋىن كاسىپورىن جاۋاپتىلارىنىڭ جىل سوڭىنداعى امبەباپ باعالاۋ مازمۇنىنا ەنگىزەمىز.
اۆتونوميالى رايوندىق الەۋمەتتىك كاسىپتەندىرۋگە قىزمەت وتەۋ مەكەمەسىنىڭ باستىعى ءپاريدا رەيىم تىلشىگە بىلاي دەدى: ءبىر تۇتاس ورنالاستىرۋ بويىنشا، بيىل وڭتۇستىك شينجياڭنىڭ 3 ايماق، ءبىر وبلىسىنداعى ەرەكشە كەدەي وڭىرلەردەگى وتباسى كەدەي ەڭبەككۇشتەن 40 مىڭ ادام باسقا سالادا كاسىپتەندىرىلەدى. مۇندا باستىسى ارحيپ تۇرعىزىلىپ، كارتچكا بەرىلگەن كەدەي وتباستارىنداعى ەڭبەككۇشتەردى باسقا سالادا كاسىپتەندىرۋ ارقىلى ولاردى كەدەيلىكتەن قۇتىلدىرامىز. كەدەي وتباستارىنداعى ەڭبەككۇشتەردى باسقا سالادا كاسىپتەندىرۋدى ۇزاق ۋاقىت ورنىقتىرۋداعى ماقسات ــــ ولاردى سوڭىندا كاسىپتىڭ جۇمىسشىعا، قالا تۇرعىنىنا اينالدىرۋ.


بەرىپ كەت ورامالىڭدى

دوستار

الىستاعى اق ەركە