جاڭا حابارلار

رايونىمىزدىڭ مەملەكەتتىك حالىق قۇرىلتايى ۋاكىلدەرى ۇرىمجىگە قايتىپ كەلدى

    كەلۋ قاينارى: شينجياڭ حالىق راديو ىستانسياسى    2018-03-22 19:21:31  

ستانسيامىزدىڭ تىلشىلەرى: دۇڭ جىيۇڭ، ايبىنحازى راحىمان ۇلى جانە پراكتيكانت ءتىلشى چىن يۇڭچۇننىڭ حابارىن تىڭداڭىزدار: 3-ايدىڭ 21-كۇنى تۇستەن كەيىن، مەملەكەتتىك 13-كەزەكتى حالىق قۇرىلتايىنىڭ ءبىرىنشى ماجىلىسىنە قاتىناسقان رايونىمىزداعى مەملەكەتتىك حالىق قۇرىلتايىنىڭ ۋاكىلدەرى ءماجىلىستىڭ ءتۇرلى مىندەتىن تابىسپەن ورىنداعاننان كەيىن، ايروپلانمەن ۇرىمجىگە ورالدى. اۆتونوميالى رايوننىڭ، سونداي-اق بيڭتۋاننىڭ قاتىستى باسشىلارى اۋەجايعا بارىپ ولاردى قارسى الدى.
مەملەكەتتىك 13-كەزەكتى حالىق قۇرىلتايىنىڭ ءبىرىنشى ءماجىلىسى كەزىندە، رايونىمىزداعى مەملەكەتتىك حالىق قۇرىلتايىنىڭ ۋاكىلدەرى اسقان ساياسي قىزعىندىلىق، تاسقىنداعان رۋحاني بەينە، كۇشتى جاۋاپكەرلىك تانىم، قىزمەت مىندەتىن قاتاڭ اتقارۋ رۋحىمەن ماجىلىسكە قاتىناستى، كوپشىلىك قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتۋ، ەكونوميكانىڭ جوعارى ساپالى دامۋىن ىلگەرىلەتۋ، حالىق تۇرمىسىن بار كۇشپەن قامتاماسىزداندىرۋ جانە جاقسارتۋ سياقتى جاقتاردا بەلسەنە ۇسىنىس-پىكىرلەر بەرىپ، رەفورمانى جاپپاي تەرەڭدەتۋ، كەدەيلىكتەن قۇتىلدىرۋدان قامال الۋدى جەبەۋ، ەكولوگيانى قورعاۋدى كۇشەيتۋ سياقتى جاقتاردا سىندارلى مانگە يە كوپتەگەن ۇسىنىس-پىكىرلەردى ورتاعا قويدى، ءارى ماجىلىسكە 10 ءتۇرلى ءتۇيىندى ۇسىنىس تاپسىردى. ءاربىر كەڭەس جوبا مەن ۇسىنىسقا ۋاكىلدەردىڭ اقىل-پاراساتى مەن قان تەرى سىڭگەن، ول تيانشان پەرزەنتتەرىنىڭ جۇرەك ءۇنى مەن ارمان-تىلەگىن بەينەلەدى. 3-ايدىڭ 21-كۇنى تۇستەن كەيىن، شينجياڭ ۋاكىلدەر ۇيىرمەسى ءار ۇلت حالىقى جۇكتەگەن قاسيەتتى بورىشىن ادا ەتىپ، اتا مەكەندەرىنە ورالدى. مەملەكەتتىك حالىق قۇرىلتايىنىڭ ۋاكىلى يۋ لياڭيڭ، باس شۋجي شي جينپيڭنىڭ مەملەكەتتىك 13-كەزەكتى حالىق قۇرىلتايى ءبىرىنشى ءماجىلىسىنىڭ جابىلۋ سالتىندا سويلەگەن ماڭىزدى ءسوزى ءالى قۇلاعىنىڭ تۇبىندە جاڭعىرىپ تۇرعانىن ايتا كەلىپ، بىلاي دەدى: «باس شۋجيدىڭ جول قانشا ۇزاق بولعانىمەن، تىنباي جۇرە بەرسە كوزەۋلى جەرگە اقىرى جەتۋگە بولاتىنىن»-ايتتى. ول كىسىنىڭ وسى ءسوزى ءار ۇلت باۋىرلاستارىمىزدى شابىتتاندىردى. قايتىپ بارعاننان كەيىن، باس شۋجيدىڭ وسى ايتقاندارىن، ءماجىلىستىڭ رۋحىن دەركەزىندە جەتكىزىپ، تياناقتاندىرىپ، اۋىل-قىستاقتى كوركەيتۋ ستراتەگياسىن ءتىپتى ويداعىداي جۇرگىزىپ، مۇنى ءوزىمىزدىڭ جەمىس اعاشى كاسىبى، سەلبەستىك كوپەراتيۆىمىزبەن ۇشتاستىرىپ، كوپەراتيۆ مۇشەلەرىن تىڭ كوزقاراس، جاڭا ءبىلىم، شىت جاڭا بەت-بەينەمەن قارۋلاندىرىپ، جاڭا دامۋ جولىن اشىپ، بۇرىنعىدان دا كوپ بۇقارانى ەرتەرەك دوڭگەلەك داۋلەتتى تۇرمىس كەشىرۋگە باستايمىز».
مەملەكەتتىك حالىق قۇرىلتايىنىڭ ۋاكىلى مۋساجان نۇردۇن، پارتيانىڭ نەگىزگى ساتى ۇيىمى ـــ پارتيانىڭ لۋشيان، باعىت-ساياساتى مەن شەشىم-ورنالاستىرۋلارىن دايەكتىلەندىرۋگە، تياناقتاندىرۋعا شىنايى كەپىلدىك ەتۋدىڭ نەگىزى ەكەنىن، سوندىقتان دا قىزمەت ورنىنا قايتىپ بارعاننان كەيىن، نەگىزگى ساتىنىڭ ۇيىمدىق قۇرىلىسىن بارىنشا نىعايتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىنىڭ تامىر تارتىپ، وركەن جايۋىنا شىنايى كەپىلدىك ەتەتىنىن ايتا كەلىپ: «قايتىپ بارعاننان كەيىن، پارتيا مۇشەلەرىن ويداعىداي باسقارىپ، پارتيا ۇيىمى قوسىنى قۇرىلىسىن كۇشەيتىپ، پارتيا مۇشەلەرىنىڭ ۇلگى-ونەگەلىك رولىن ويداعىداي ساۋلەلەندىرىپ، بۇقارانى كەدەيلىكتەن قۇتىلىپ، ورتاق اۋقاتتانۋعا باستايمىن»،-دەدى.
3-ايدىڭ 20-كۇنى تۇستەن بۇرىن، مەملەكەتتىك 13-كەزەكتى حالىق قۇرىلتايى ءبىرىنشى ءماجىلىسىنىڭ ۋاكىلدەر ءدالىزى 5-رەت اشىلدى، رايونىمىزداعى مەملەكەتتىك حالىق قۇرىلتايىنىڭ ۋاكىلى رۋحيام ماتسەيدى «ۋاكىلدەر داليزىمەن» ءجۇرىپ، اقپارات قۇرالدارىنىڭ تىلشىلىگىن قابىلدادى. ءۇرىمجى قالاسىنا جەتە سالىسىمەن، ول تەبىرەنىستى سەزىممەن تىلشىگە كوڭىل-كۇيىن جەتكىزىپ، بىلاي دەدى: «پارتيانىڭ ءۇنىن اۋىلعا الا بارىپ، قىستاق ديحاندارىنا جەتكىزەمىن، ءارى ولاردىڭ باس شۋجيدىڭ شينجياڭداعى ءار ۇلت حالىقىنا دەگەن قامقورلىعى مەن مەيىرىن سەزىنۋىنە مۇمكىندىك جاسايمىن. مەملەكەتتىك حالىق قۇرىلتايىنىڭ ۋاكىلى رەتىندە، قايتىپ بارعاننان كەيىن، ماڭايىمداعى قىستاق ديحاندارىن اناردىڭ دانىندەي تىعىز ۇيىسىپ، شينجياڭنىڭ ۇلتتار ىنتىماعى قىزمەتىنە ءوز ۇلەسىمدى قوسۋعا كۇش سالامىن».
مەملەكەتتىك حالىق قۇرىلتايىنىڭ ۋاكىلى مەھراي ءيبرايىم، قىزمەت ورنىنا قايتىپ بارعاننان كەيىن، باس شۋجي شي جينپيڭنىڭ ءسوزىنىڭ رۋحىن باتىل دايەكتىلەندىرىپ، تياناقتاندىرىپ، مادەنيەت جاعىنداعى سەنىمدى بەكەمدەپ، سوتسياليستىك مادەنيەتتىڭ گۇلدەنىپ-كوركەيۋىن ىلگەرىلەتىنىن ايتا كەلىپ: «اسىرەسە، ادەبيەت-كوركەمونەر قىزمەتكەرى بولعانىمىز ءۇشىن، وزىق مادەنيەتتى نەگىزگى ساتىعا جەتكىزىپ، نەگىزگى ساتىداعى بۇقارانىڭ كوز اياسىن كەڭەيتىپ، ولاردى جۇڭحۋا مادەنيەتىنە مۇراتتاستىق سەزىمدە بولۋىنا مۇمكىندىك جاساۋىمىز قاجەت»،-دەدى. وقۋ-اعارتۋ قىزمەتىمەن شۇعىلداناتىن رايونىمىزداعى مەملەكەتتىك حالىق قۇرىلتايىنىڭ ۋاكىلى قۇربان نياز، الدا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، وقۋ-اعارتۋ قىزمەتىن بۇقارا ريزا بولارلىقتاي ەتىپ باسقارۋدى ماڭگىلىك كۇرەس نىساناسى ەتەتىنىن ايتا كەلىپ، بىلاي دەدى: «ماجىلىستەن كەيىن، ەكى ءماجىلىستىڭ رۋحىن مۇقيات ۇيرەنىپ جانە ۇگىتتەپ، ءتوراعا شي جينپيڭنىڭ ءماجىلىستىڭ جابىلۋ سالتىندا سويلەگەن ماڭىزدى ءسوزىنىڭ رۋحىن مۇقيات دايەكتىلەندىرىپ، تياناقتاندىرىپ، ونى قىزمەتىممەن ۇشتاستىرىپ، بۇرىنعىدان دا كوپ بالانىڭ ءادىل دە ساپالى وقۋ-اعارتۋدان يگىلىكتەنۋىنە مۇمكىندىك جاساپ، وقۋ-اعارتۋ ىستەرىن حالىق ريزا بولارلىقتاي ەتىپ باسقارىپ، بالالاردىڭ بەس مۇراتتاستىق تانىمىن كۇشەيتىپ، جۇڭحۋا ۇلتى ورتاق تۇلعاسى تانىمىن بەرىك ورناتىپ، بۇرىنعىدان دا كوپ سوتسياليزىمنىڭ ءىز باسارىن تاربيەلەۋگە كۇش سالامىن».


بەرىپ كەت ورامالىڭدى

دوستار

الىستاعى اق ەركە