جاڭا حابارلار

اۆتونوميالى رايون قوعامنان اشىق ەمتيحان الىپ 6 مىڭ 928 مەملەكەت قىزمەتكەرىن قابىلداۋدى جوسپارلادى

    كەلۋ قاينارى: شينجياڭ حالىق راديو ىستانسياسى    2018-03-22 19:21:27  

ستانسيامىزدىڭ ءتىلشىسى دۇڭ جىيۇڭنىڭ حابارىن تىڭداڭىزدار: بيىل، اۆتونوميالى رايون قوعامنان اشىق ەمتيحان الىپ 6 مىڭ 928 مەملەكەت قىزمەتكەرىن قابىلداۋدى جوسپارلادى، توراپتا تىزىمدەلۋ قىزمەتى 3-ايدىڭ 23-كۇنى باستالادى.
وسى رەتكى مەملەكەت قىزمەتكەرىن قابىلداۋ جوسپارىندا از ۇلتتاردىڭ تاڭداۋىنا بولاتىن قىزمەت ورنىنا ەمتيحان بەرۋشىلەردىڭ سانى %89.62 كە جەتتى؛ نەگىزگى ساتى اۋدان-اۋىل ورگاندارىنىڭ جوسپار بويىنشا قابىلدايتىن ادام سانى جالپى قابىلداناتىن ادام سانىنىڭ %80.53 ىن يەلەپ، مەملەكەت قىزمەتكەرىن قابىلداۋ جالعاستى نەگىزگى ساتىداعى ءبىرىنشى شەپكە بەيىمدەلدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ تەكسەرىپ-زەرتتەۋشىسى ۋىن شۋە:« اۆتونوميالى رايوننىڭ بەسىنشى، التىنشى تۇردەگى قيىنشىلىعى بار شەت شالعاي رايوندارى مەن وڭتۇستىك شينجياڭنىڭ ءۇش ايماق، ءبىر وبلىسىنا جەكە-جەكە جازباشا ەمتيحان تولىمدىلىعىنىڭ ەڭ تومەنگى ءنومىر شەگى بەلگىلەندى. حابارلاندىرۋدان بۇرىن، ءار قايسى بۋىندا بوستىق بايقالسا جالپى ناتيجەنىڭ جوعارىدان تومەنگە دەيىنگى رەتى بويىنشا تولىقتاۋعا، دەركەزىندە تولىقتاي قابىلداۋعا بولادى»،-دەدى.
كاسىپ ورنالاستىرۋى جاعىندا، ەمتيحان بەرەتىن وقۋشىلاردىڭ تاڭداپ ەمتيحان بەرۋىنە قولايلى بولۋ ءۇشىن، اۆتونوميالى رايوننىڭ مەملەكەت قىزمەتكەرلەرىن باسقاراتىن تاراۋلارى جاساعان «كاسىپتىك ءتىزىم» كۇشىنەن قالدىرىلىپ، كاسىپ تالابى مەملەكەتتىك وقۋ-اعارتۋ تاراۋلارىنىڭ ءپان كاسىبى ءتىزىمى بويىنشا بىرلىككە كەلدى. سونىمەن بىرگە، اۋدان-قالا-رايون، اۋىل-قالاشىق جانە نەگىزگى ساتى نىساندارىنداعى قىزمەتكەرلەر ورنىنىڭ جوسپارىنا قاراي كاسىپ بەلگىلەنبەدى؛ ايماق-وبلىس-قالا، اۆتونوميالى رايون دارەجەلى ورگانداردان كاسىپتىك قاجەتى بارلارى كاسىپ ءتۇرى بويىنشا ورنالاستىرۋ جاسايدى؛ كاسىپتىك سيپاتى كۇشتى قىزمەت ورنىنا قاجەتتى قىزمەتكەرلەردىڭ اۋىزشا ەمتيحان وتكەلىنە كاسىپتىك ءپان مازمۇنى قوسىلادى.
بۇدان تىس، بيىل بۇرىنعى جىلداعىمەن سالستىرعاندا مەملەكەت قىزمەتكەرلەرىن قابىلداۋدا ەمتيحان سۇراۋىن بەلگىلەۋدە پارىق بار. ۋىن شۋە:« اۋدان جانە اۋداننان جوعارى دارەجەلى ورگانداعى قىزمەت ورنىنا قىزمەتكەر قابىلداۋدا جان-جاقتىلى تالداۋ جاساۋ قابىلەتى، ماسەلەنى ورتاعا قويۋ جانە شەشۋ قابىلەتى نەگىز ەتىلەدى، اۋىل-قالاشىق ورگانداعى قىزمەت ورنىنا قىزمەتكەر قابىلداۋدا دايەكتىلەندىرۋ، اتقارۋ قابىلەتى نەگىز ەتىلىپ، جەكە-جەكە جازباشا ەمتيحان سۇراۋى بەلگىلەنەدى»،-دەدى.
ۇعىسۋعا قاراعاندا، ەمتيحانعا توراپتا تىزىمدەلۋ ۋاقىتى 3-ايدىڭ 23-كۇننەن 30-كۇنىنە دەيىن، شينجياڭ كادرلار ەمتيحان ورتالىعىنىڭ توراپ بەكەتىندە جۇرگىزىلەدى، ناقتىلى تىزىمدەلۋ ءتاسىلى جانە قابىلداناتىن قىزمەت ورنىنىڭ ناقتى جاعدايىن وسى توراپ بەكەتىنەن تەكسەرىپ كورۋگە بولادى ەكەن. جازباشا ەمتيحان 4-ايدىڭ 21، 22-كۇندەرى الىنىپ، ناتيجەسى 5-ايدىڭ سوڭىندا جاريالانادى ەكەن.


بەرىپ كەت ورامالىڭدى

دوستار

الىستاعى اق ەركە