جاڭا حابارلار

«جاقسى كىتاپ جان ازىعى»دەگەن وي ءتۇيىنى

    كەلۋ قاينارى: شينجياڭ حالىق راديو ىستانسياسى    2018-03-20 12:51:50  
كىتاپ وقۋ مي قىزمەتىن جاقسارتادى ،ايگىلى نەرۆ جۇيەسى مامانى سۋسان گەرلين: «كىتاپ وقۋ-ادامداردىڭ زەيىن قۋاتىن ارتتىرىپ، وي جۇگىرتۋ قابىلەتىن جوعارلاتادى . اڭگىمەنىڭ باستالۋ بارىسى ، شارىقتاۋ شەگى ۇلكەن ميدى ءتارتىپ بويىنشا وي جۇگىرتۋگە ، اڭگىمەنىڭ تۋىلۋ سەبەبىنە اسەرى مەن مانىنە تالداۋ جاساۋعا جەبەيدى . كىتاپ وقىعان سايىن ادامنىڭ ساناسى اشىلىپ، ەستە ۇستاۋ قابىلەتى جوعارلاپ زەرەك بولادى»-دەيدى .
ا ق ش تىڭ ميشيىگىن ۋنيۆەرسيتەتىنىڭ زەرتتەۋىنە قاراعاندا،جوعارى مەكتەپ ستۋدەنتتەرىنىڭ باسقالارعا كومەكتەسۋ يدەياسى سوڭعى 10 جىلدان بەرى %48 تومەندەگەن ، ماماندار ناشار ادەتتى جويۋ ءۇشىن ستۋدەنتتەردى مىنەز-قۇلىققا قاتىستى كىتاپتاردى كوپ وقۋعا ۇندەپ، ادامدار ورتاسىنداعى تاماشا بارىس-كەلىستى كۇشەيتۋگە قۇلشىنعان .
ۇنەمى كىتاپ وقيتىن ادامدار جالعىزسىرامايدى . پسيحولوگ سيلا كابيلەر :« كىتاپ - ادامداردىڭ تاۋەلدىلىك قاسيەتىن قاناعاتتاندىرىپ، ۇلكەن قوعامدىق ورتاعا كەلگەندەي اسەر بەرىپ، جالعىزسىراتپايتىندىعىن بايقاعان» . وقىرمان كىتاپتاعى كوركەم تىلمەن كەستەلەنگەن كورىنىستەردى وقىعاندا، ءدال سول ورتادا جۇرگەندەي كەڭ ساحارامەن جاراستىق تاپقان دالا تابيعاتى كوز الدىندا ەلەستەسە ، ەركىندىك اسەم داۋىسى قۇلاعىنىڭ تۇبىندە تامىلجىتا سايراعانداي سەزىلىپ، ورتاسى بۇزىلماعان تۇنىق دالا ءيىسى مۇرنىنا جەتكەندەي اسەر بەرىپ ، ۇلكەن مي تىتىركەنەدى ەكەن . ال تەلەۆيزور مەن ەلەكتروندى ويىن ويناعاندا ۇلكەن مي مۇنداي اسەر بەرمەيدى . ۇلى بريتانيا سۋسايىن ۋنيۆەرسيتەتىنىڭ زەرتتەۋىنە قاراعاندا، ءار كۇنى 6 مينۋت كىتاپ وقۋ 2\3 دەن ارتىق قىسىمدى جەڭىلدەتىپ، مۋزىكا ەستۋ مەن سەرۋەندەۋگە قاراعاندا ونىمدىلىگى جوعارى بولعان . ويتكەنى كىتاپ وقىعان كەزدە، زەيىن ءبىر جەرگە شوعىرلانىپ ، بۇلشىق ەتتى بوساتىپ جۇرەك سوعۋدى باياۋلاتادى ەكەن .
كىتاپ قۇمار ادامدار تەز قارتايمايدى. ا ق ش كاليفورنيا ۋنيۆەرسيتەتىنىڭ 76 جاستان اسقان قارتتاردىڭ ۇلكەن ميىنا جاساعان زەرتتەۋ ناتيجەسىنە قاراعاندا، جاستايىنان كىتاپ وقىعان ادامداردىڭ قارتايعاندا مەڭىرەۋلىك ناۋقاسىنا شالدىعۋ مولشەرى تومەن بولاتىندىعىن دالەلدەگەن. كىتاپ وقۋ ارقىلى ناۋقاس ەمدەۋگە بولادى، ۇقساماعان جانردا جازىلعان كىتاپتار ادامعا ۇقساماعان اسەر بەرەدى، مىسالى: پوەزيا جانرىن وقىسا، اسقازان جاراسى اۋرۋىن باسەيتەدى، تراگەديالى ، سۇيسپەنشىلىك تۋرالى كىتاپتار ادامداردىڭ مازاسىزدانۋ ، دەگبرسىزدەنۋ جاعدايىن باسەڭدەتسە ؛ اسەرلى اڭگىمەلەرمەن قىزىقتى روماندار رۋحاني جابىعۋ اۋرۋىن ەمدەۋگە پايدالى ەكەن .
داۋىستاپ كىتاپ وقۋ ادام دەنەسىنە وتتەگىنىڭ تولىق جەتكىزىلۋى مەن ۇلكەن ميدى قان سۇيىقتىعىمەن نەمەسە امينو قىشقىلىمەن تولىق قامداۋعا پايدالى ، ول ۇلكەن ميدى تىنشتاندىرىپ، قان قىسىمدى تومەندەتىپ ، كوڭىل-كۇيدى ورنىقتىرادى، داۋىستاپ كىتاپ وقىعان كەزدە، ادام تەرەڭ تىنس الاتىندىقتان ارقا بۇلشىق ەتتەرى ارەكەتتەنەدى . بۇل بەل ارقانىڭ قاقساۋى مەن اسقازان -ىشەك جولدارىن جاقسارتىپ، قان اينالىسىن رەتكە تۇسىرەدى .

بەرىپ كەت ورامالىڭدى

دوستار

الىستاعى اق ەركە