باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اۋىل ونەرپازدارىنىڭ ونەرى ساۋىق كەشتىڭ مەرەيىن اسىردى

    كەلۋ قاينارى: شينجياڭ گازەتى    2018-02-14 19:49:47  

تىلشىلەرىمىز سۇي يۇنيان، سۋ لۋپيڭ، حي حۇڭۋي

 «التىن نۇرىن شىعىستان جامىراتقان، كۇن مەرەيى توگىلدى شاڭىراقتان»... قىس ماۋسىمى. كۇننىڭ شۇلەن شۋاعىنا شومىلعان سانجى قالاسى اشىلى قازاق ۇلتتىق اۋىلىندا اسپان شايداي اشىق، زاڭعار شىڭدار سوناۋ الىستان مۇنارتىپ كورىنەدى، جەر دۇنيە اق مامىق كورپە جامىلعان. «ءتوراعا ماۋ زىدۇڭنىڭ شۇعىلاسى جۇرەگىمە شۋاق بوپ قۇيىلادى» ءانى اۋىل - قىستاققا مەرەكەلىك ءتۇس ۇستەدى.
  اشىلى اۋىلىنداعى كاسىپتەن سىرتقى «دارقان» ويىن - ساۋىق اترەتىندەگى ونەرپازدار 11 - اقپاندا سانجى قالاسىنداعى جاڭا جىلدى قارسى الۋ بايلانىسىمەن وتكىزىلگەن كونسەرتتى اياقتاتقاننان كەيىن، اۋىلدارىنا قايتىپ كونسەرت دايىندىعىنا قايتادان قاۋىرت كىرىستى. بۇل كۇندەرى ولار، شىنىندادا، قاربالاس ەدى. وسىدان ءبىر كۇن ىلگەرى، سانجى قالاسىنداعى كوكتەم مەرەكەسىن قارسى الۋ بايلانىسىمەن وتكىزىلگەن كونسەرتكە قاتىناسقان ولار 5 - اقپاندا تاعى دا ءىز سۋىتپاي سانجى حۇيزۋ اۆتونوميالى وبلىستىق ادەبيەت - كوركەمونەرشىلەر بىرلەستىگى ۇيىمداستىرعان كوكتەم مەرەكەسىن قارسى الۋ ساۋىق كەشىنە قاتىناستى، «ءبىز بىلتىر شينجياڭ تەلەۆيزياسىنىڭ شات - شادىمان وتباسىلارى ونەر بايقاۋىنا جانە سانجى قالالىق 2 - كەزەكتى ينتەرنەت كوكتەم مەرەكەسى ساۋىق كەشىنە دە قاتىناسقان بولاتىنبىز»، - دەدى ولار ماقتانىشپەن.
  اشىلى اۋىلى مادەنيەت پۋنكتىنىڭ باستىعى جارقىنبەك ناسيوللا ۇلى، اۋىلدىق ەمدەۋ - دەنساۋلىق ساقتاۋ پۋنكتىنىڭ شيپاگەرى سالتانات قاليقان قىزى جانە «تۇلەك» اتىنداعى جاستار مەن جاس وسپىرىمدەردى ونەرگە باۋلۋ ورتالىعىنىڭ قىزمەتكەرى جانىبەك سەرىك ۇلى وسى ويىن - ساۋىق اترەتىنىڭ مۇشەلەرى،سوڭعى جىلدارى ولار اۆتونوميالى رايوننىڭ جانە سانجى حۇيزۋ اۆتونوميالى وبلىسىنىڭ كوكتەم مەرەكەسىن قارسى الۋ قيمىلىنداعى ادەبيەت - كوركەمونەر تىرەكتىلەرىنە اينالدى.
  وسى ويىن - ساۋىق اترەتى 2003 - جىلى قۇرىلعان، مادەنيەت پۋنكتىندە ىستەگەنىنە 2 جىلدىڭ ءجۇزى بولعان جارقىنبەك اۋىلدا كوپتەگەن ونەرپازداردىڭ بار ەكەندىگىن بايقاپ كوپشىلىكتى بۇقارالىق مادەني قيمىلعا ۇيىمداستىرادى، بۇعان تۇتاس اۋىل بولىپ زور قولداۋ كورسەتىپ، ارناۋلى قارجى بوساتىلادى. 10 نەشە جىلدان بەرى، ويىن - ساۋىق اترەتىندەگىلەر اۋىل - قىستاق ساحناسىن دۋمانداتىپ، بۇقارانىڭ القاۋىنا بولەنىپ، اتاقتارى دا اسپانداي ءتۇستى.
  وسى ويىن - ساۋىق اترەتىندەگىلەردىڭ ءون بويىنان ارالاسۋ، ىشتەسۋ، توعىسۋ جونىندەگى جاندى حيكايالار مەن مۇندالايدى. جارقىنبەك ءۇرتىس 5 جىل بويى ۇسىنىس بويىنشا چيڭحاي ولكەسى ۇيىمداستىرعان حۋا - ىر كەشىنە قاتىناسىپ كەلەدى. «كونسەرتكە حۇيزۋ، حانزۋ، موڭعۇل، زاڭزۋ انشىلەرىنەن سىرت، شينجياڭنىڭ يانجي حۇيزۋ اۆتونوميالى اۋدانىنان بارعان ءبىر ۇيعۇر ءانشى ەكەۋىمىز قاتىناستىق»، - دەدى ول. جانىبەك قىزمەت ىستەيتىن جاستار مەن جاس وسپىرىمدەردى ونەرگە باۋلۋ ورتالىعى قالا مەن اۋىلداعى 2 جەردە جۇمىس اتقارادى، قالاداعى ونەرگە باۋلۋ ورنىندا 50گە تاياۋ بالا دومبىرا شەرتۋدى ۇيرەنۋدە، وندا قازاق اتا - انالاردان سىرت، ۇيعۇر، حانزۋ، حۇيزۋ اتا - انالار دا بالالارىن ونەر ۇيرەنۋگە بەرگەن، ءسويتىپ، بۇل ارا ۇلتتار ىنتىماعى جاراسقان جاستار مەن جاس وسپىرىمدەردىڭ جانۇياسىنا اينالدى.
  ويىن - ساۋىق اترەتىندەگىلەر جەرگىلىكتى ديالەكتتە ءان ايتۋعا بارىنەن دە شەبەر، «تالپىنعان تابىسقا جەتەر» دەگەندەي، ولار ميننان اكسەنتىندە، ءبىر تۇتاس قولدانىلاتىن ورتاق تىلدە جانە قازاق تىلىندە بىردەي ءان شىرقايدى. «ءبىزدىڭ اۋىلدىڭ ادامدارى» اتتى گۋاڭدۇڭ اكسەنتىندە ايتىلعان ءاندى جۇرتتىڭ ءبارى ۇناتىپ تىڭدايدى. دومبىرا مەن گيتاردىڭ سۇيەمدەلدەۋىندە ورىندالعان «سۇيىكتى پيپامدى شالعاندا» اتتى مۋزيكا ادامعا ەرەكشە ەستەتيكالىق ءلاززات باعىشتايدى. «ءبىز تۇڭعىش رەت ميننان اكسەنتىندە ءان شىرقاعانىمىزدا اۋىلداستار تۇسىنبەي، تاڭىرقاپ قالاتىن، 2 - جولىن قازاق تىلىندە ايتقانىمىزدا بارىپ اندەگى العا باسىپ تالپىنۋعا دەم بەرەتىن مازمۇندى تۇسىنگەن اۋىلداستار ءاندى ۇناتىپ قالدى، قازىر جاستاردىڭ باسىم كوبى وسى ءاندى ۇيرەنىپ الدى»، - دەدى جارقىنبەك.
  ميننان اكسەنتىندەگى اندەردى ۇيرەنۋ ءۇشىن، ولار اۋەلگى ايتىلىمىن قايتا - قايتا تىڭداپ، اندەگى مانەردى يگەرۋگە كۇش سالدى، «ءاندى ايتقان سايىن، ناشىنا كەلتىرە ورىندايتىن بولدىق، كوڭىلىمىز دە شاتتاندى»، ولار ءتول تۋىندىلارى «پارتيا، وتان − انا» دەگەن ءاندى ورىنداپ، ءار ۇلت جۇرتشىلىعىنا مەرەكەلىك سالەم جولدادى. «وتان ءبىزدى ماپەلەگەن ايالى بەسىك، جەر - الەم نۇر شۇعىلاعا بولەنگەن، شينجياڭنىڭ باس نىساناسىن ەسىمىزدە بەرىك ساقتاپ، ۇلتتار ىنتىماعىن كوز قاراشىعىمىزداي قورعايمىز...».
  ىنتىماقتى دارىپتەۋ − ويىن - ساۋىق اترەتىندەگى ءاربىر مۇشەنىڭ ماقساتى، ولار كوركەمونەر جاعىندا اۋىس - كۇيىس جاساۋ ارقىلى ءار ۇلت بۇقاراسىمەن تەرەڭ دوستىق ورناتقان. «الدىڭعى جولى شينجياڭ تەلەۆيزياسىندا كونسەرتكە قاتىناسقانىمىزدا ءار ۇلت ونەرپازدارى ۇلاسپالى اندەر ايتىپ، وزگە ۇلت تىلىندە ءان شىرقاعان بولاتىنبىز، سونان كەيىن انشىلەر ءۇنحات شوعىرىن قۇردىق، قازىرگە دەيىن، ءبىز ءبىر وتباسىلارىنىڭ ادامدارىنداي ەتەنە قاتىناستا بولىپ، بايلانىس جاساپ تۇرامىز»، - دەدى جارقىنبەك ءسوز سوڭىندا.

ءان الەمى

جول توسىلىپ قالدى

تۇلپارىم