باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

چىن چۋانگو شاعان مەرەكەسى قارساڭىندا ءۇرىمجى قالاسىنداعى ءار ۇلت كادرلارى مەن بۇقاراسىنا شىنايى امانداسىپ، ولاردان حال سۇرادى

    كەلۋ قاينارى: شينجياڭ حالىق راديو ىستانسياسى    2018-02-14 12:10:19  
ستانسيامىزدىڭ حابارى: شاعان مەرەكەسى قارساڭىندا، اۆتونوميالى رايوندىق پارتكومنىڭ شۋجيى، شينجياڭ ءوندىرىس-قۇرىلىس بيڭتۋانى پارتكومنىڭ ءبىرىنشى شۋجيى، ءبىرىنشى ساياسي كوميسسارى چىن چۋانگو ءۇرىمجى قالاسىنا كەلىپ، ءار ۇلت كادرلارى مەن بۇقاراسىنا شىنايى امانداسىپ، ولاردان حال سۇراپ، اۆتونوميالى رايوندىق پارتكوم مەن حالىق ۇكىمەتى اتىنان رايونىمىزداعى ءار ۇلت حالقىنا جانە بيڭتۋانداعى كادرلار مەن جۇمىسشى-قىزمەتكەرلەرگە مەرەكە بايلانىسىمەن جالىندى سالەم جولدادى.
مەرەكە قارساڭىندا، اق مامىققا ورانىپ، كۇمىس قىراۋمەن بەزەنگەن ءۇرىمجى قالاسىنىڭ ۇلكەندى-كىشىلى كوشەلەرى قويۋ مەرەكەلىك تۇسكە ەندى. كوشە بويلارىنا شوقتاي جايناعان تۇمشالامالى شام ءىلىنىپ، نارتتاي قىزىل مەملەكەت تۋى تىگىلدى، بارلىق جەر مەرەكە شاتتىعىنا بولەندى.
كوكتەم كىرگەنىمەن، كۇن ءالى سۋىق. ورتا تازالىعىن قورعاۋشىلار ىزعالى سۋىققا قاراماستان، تاڭ بوزىنان تۇرىپ، قاس قارايا قايتىپ، قاجىرلىلىقپەن قىزمەت ىستەپ، تۇتاس قالانىڭ تازا دا رەتتى بولۋىنا كەپىلدىك ەتتى. چىن چۋانگو تيانشان رايونى داۋان وڭتۇستىك جولىنا بارىپ، سول ارادا قىزمەت ىستەپ جاتقان ورتا تازالىعىن قورعاۋشىلارعا امانداسىپ، ولاردان حال سۇرادى. «كوپشىلىك جاپا شەكتىڭىزدەر، مەرەكەلەرىڭىز قۇتتى، وتباستارىڭىز باقىتتى بولسىن!» چىن چۋانگو ورتا تازالىعىن قورعاۋشىلارمەن ءبىر-بىرلەپ قول الىسىپ، ولارعا ىستىق ىقىلاس، زور شابىت سيلادى. «كىرىستەرىڭىز قانداي؟»، «قىزمەت كيىمدەرىڭىز جىلى ما؟»، «تاڭعى استارىڭىزدى ىستىقتاي ىشە الىپ جۇرسىزدەر مە؟» كوپشىلىكتىڭ تاڭەرتەڭ ساعات التى جارىمنان باستاپ قىزمەت ىستەيتىنىن ەستىگىندە، چىن چۋانگو ەرەكشە اسەرلەندى. ول بىلاي دەدى: سىزدەر وسى قالاداعى ەڭ جاپالى، ءارى ەڭ قۇرمەتتەۋگە ءتيىستى جاندارسىزدار. وزدەرىڭىزدىڭ قاجىرلى قوس قولدارىڭىز بەن توككەن ماڭداي تەرلەرىڭىزگە سۇيەنىپ، وسى قالاداعى تۇرعىندارعا تازا دا جانعا جايلى ورتا جاراتىپ، ءۇرىمجى قالاسىنىڭ وركەنيەتتى قالا قۇرۋىنا ماڭىزدى ۇلەس قوستىڭىزدار. تۇتاس قوعام ورتا تازالىعىن قورعاۋشىلارعا كوڭىل ءبولىپ جانە قۇرمەت ەتىپ، ورتا تازالىعىن قورعاۋشىلاردىڭ ەڭبەك جەمىسىن بىرلىكتە قورعاۋى ءتيىس. چىن چۋانگو كوپشىلىكتى سۋرەتكە ءتۇسىپ، ەستەلىك قالدىرۋعا بەلسەنە ۇسىنىس ەتتى، ءارى قاتىستى تاراۋلارداعى جاۋاپتى جولداستارعا، ورتا تازالىعىن قورعاۋشىلاردىڭ مەرەكە كەزىندەگى تۇرمىسىن،ءسوزجوق، ويداعىداي ورنالاستىرىپ، ولارعا بۇرىنعىدان دا جاقسى قىزمەت جانە تۇرمىس شارت-جاعدايىن جاراتۋعا كۇش سالۋدى تاپسىردى.
«كوپشىلىكتىڭ شاعان مەرەكەسىنىڭ قۇتتى، وتباسىنىڭ باقىتتى بولۋىن تىلەيمىن!»، تيانشان رايونىنداعى 123-حالىققا قولايلى قىزمەت ەتۋ ساقشى ىستەر ورنىندا، چىن چۋانگو مىندەت اتقارىپ تۇرعان حالىق ساقشىلارىنىڭ جانە قارۋلى ساقشى اسكەري ءبولىمىنىڭ وفيتسەرلەرى مەن اسكەرلەرىنىڭ مەرەكەلەرىنە قۇتتى بولسىن ايتتى. ول قاراستى رايوننىڭ اماندىعى، كەزەكشىلىك، دايىندىق قىزمەتى سياقتى احۋالداردى ەگجەي-تەگجەيلى ۇعىستى. ساقشى ىستەر ورنىنىڭ باستىعى، ءبىر جىلدان ارتىق ۋاقىت قۇلشىنۋدىڭ ارقاسىندا، قاراستى وڭىردەگى قوعام اماندىعىنا قاتىستى دەلولار مەن قىلمىستىق ىستەر دەلوسىنىڭ بارىنشا ازايعانىن، ءار ۇلت حالىق بۇقاراسىنىڭ دا «ساقشى ىستەر ورىنى قۇرىلعاننان كەيىن، حاۋىپسىز ءارى قولايلى بولدى» دەپ القايتىندىعىن ايتتى. چىن چۋانگو بىلاي دەدى: سىزدەر قىزمەت ورنىندا تاباندى بولىپ، ءۇن-ءتۇنسىز ۇلەس قوستىڭىزدار، قاجىرلى ەڭبەكتەرىڭىزبەن قالا تۇرعىندارىنا شاتتىق سيلادىڭىزدار، مەن اۆتونوميالى رايوندىق پارتكوم مەن حالىق ۇكىمەتى اتىنان سىزدەرگە، رايونىمىزداعى ءارقايسى ورنىقتىلىقتى قورعاۋشى قوسىندارعا جانە ولاردىڭ وتباسىنداعىلارعا العىس ايتامىن، كوپشىلىكتىڭ مەرەكەسى قۇتتى بولسىن! چىن چۋانگو رايونىمىزداعى ءارقايسى ورنىقتىلىقتى قورعاۋشى قوسىنداردىڭ باستان-اقىر سەرگەك بولىپ، ساقتىقتى كۇشەيتىپ، قاي-قاشاندا ساقاداي ساي تۇرىپ، ءار ۇلت حالىقنىڭ باقىتتى دا الاڭسىز تۇرمىس كەشىرۋى جانە رايونىمىز قوعامنىڭ جالپى جاعدايىنىڭ ۇزدىكسىز جاراسىمدى دا ورنىقتىلىعى بولۋى ءۇشىن تىڭ ۇلەستەر قوسۋىن ءۇمىت ەتتى.
چىن چۋانگو باستان-اقىر قينشىلىعى بار بۇقارانىڭ قامىن جەپ كەلەدى. ول حيجياشان ارتقى كوشە الەۋمەتتىك اۋماعىنا ارنايى اتباسىن بۇرىپ، تۇرمىسىندا قينشىلىعى بار بۇقاراعا امانداستى. گۇلنيسا سىمايىل وتباسى ەڭ تومەنگى تۇرمىسى قامتاماسىزداندىرىلاتىن وتباسى، ول ەندى عانا ازامات جاسىنا تولعان ۇلى ازمات مامەتپەن بىرگە تۇرادى. چىن چۋانگو انالى-بالالى ەكەۋىمەن كەڭەسىپ، ولاردىڭ تۇرمىس احۋالىن شىنايى ۇعىستى. گۇلنيسا چىن چۋانگوعا، ءوزىنىڭ ەڭ تومەنگى تۇرمىسىن قامتاماسىزداندىرۋ قارجىسى، ەمدەۋ قامسىزداندىرۋى بار ەكەنىن، الەۋمەتتىڭ اۋماقتىڭ كومەگىندە ۇلىنىڭ قىزمەتكە ورنالاسقانىن، بالاسى ەكەۋىنىڭ تۇرمىسىنىڭ قامتاماسىزداندىرىلعانىن ايتىپ، باس شۋجي شي جينپيڭگە، پارتياعا، وتانعا العىسن ءبىلدىردى، ول مەملەكەت تۋىن قوناق بولمەسىنىڭ تورىنە اسىپ قويىپتى. چىن چۋانگو گۇلنيساعا حال سۇراۋ قاراجاتىن بەرىپ، ونى شابىتتاندىرىپ: پارتيا مەن ۇكىمەتتىڭ، گۇلنيسا وتباسى سياقتى قيىنشىلىعى بارلارعا، ءسوزجوق، ۇزدىكسىز كوڭىل بولەتىنىن، كوپشىلىكتىڭ تۇرمىسىنىڭ بارعان سايىن جاقساراتىنىن ايتتى. چىن چۋانگو بىلاي دەدى: مەملەكەت پەن ۇلت الۋەتتەنگەندە عانا كوپشىلىكتىڭ تۇرمىسى جاقسارادى. شينجياڭداعى ءار ۇلت حالقى قاي-قاشاندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىن ەستە بەرىك ساقتاپ، پارتياعا ماڭگى العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، وتانىمىزدىڭ شينجياڭىن بۇرىنعىدان دا كورىكتى ەتىپ قۇرۋ شىعۋىمىز كەرەك.
ەڭ تومەنگى تۇرمىسى قامتاماسىزداندىرىلاتىن جۋ حۋايلياڭنىڭ ۇيىندە، چىن چۋانگو ەكى كاريامەن كوسىلە كەڭەسىپ، ولاردىڭ تۇرمىس احۋالىن ۇعىستى. 78 جاستاعى جۋ حۋايلياڭ : شينجياڭعا كەلگەن 50 نەشە جىلدان بەرى، شينجياڭنىڭ دامۋ وزگەرىسىنە كۋا بولدىم. اسىرەسە، قازىر قالا بارعان سايىن كورىكتەندى، ءار ۇلت حالىق بۇقاراسى بارعان سايىن ىنتىماقتاسىپ، قوعام امانعى بارعان سايىن جاقساردى، جۇبايىم ەكەۋىمىزدە باقىتتى تۇرمىس كەشىرىپ كەلەمىز،-دەدى. چىن چۋانگو ەكى كاريانىڭ دەنساۋلىقتارىنىڭ مىقتى، عۇمىر جاسىنىڭ ۇزاق بولۋىن تىلەپ، مەرەكەلەرىنە قۇتتى بولسىن ايتتى. چىن چۋانگو الەۋمەتتىك اۋماق قىزمەتكەرلەرىنە، قينشىلىعى بار بۇقارانى تۋىس-تۋعانىنداي، ءوز وتباسىنداعىلارداي كورىپ، ۇيلەرىنە كوبىرەك بارىپ، ولارعا امانداسىپ، كومەكتەسىپ تۇرۋىن، ولاردىڭ ناقتىلى قينشىلىعىن شىنايى سۇيسپەنشىلىكپەن شەشىپ، ولاردىڭ تابىس سەزىمى مەن باقىت سەزىمىن ۇزدىكسىز كۇشەيتۋدى تاپسىردى.
چىن چۋانگو بىلاي دەدى: پارتيا 19-قۇرىلتايى جاڭا داۋىردەگى ۇلى جوسپاردى بەلگىلەدى، شينجياڭداعى ءار ۇلت حالىق بۇقاراسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اناردىڭ دانىنداي تىعىز ۇيىسا ىنتىماقتاسىپ، بىرتىندەپ العا باسىپ، قىزمەتتى تىڭعىلىقتى ىستەپ، بۇرىنعىدان دا كوركەم بولاشاقتى، بۇرىنعىدان دا كوركەم تۇرمىستى بىرلىكتە جاراتۋىمىز قاجەت.
اۆتونوميالى رايوننىڭ باسشىلارىنان شۇي حايرۇڭ، سارقىت اقان ۇلى حال سۇراۋدا بىرگە بولدى.
ءان الەمى

جول توسىلىپ قالدى

تۇلپارىم