جاڭا حابارلار

2017-جىلى تۇتاس رايونىمىزدىڭ مال شارۋاشىلىعىنىڭ جالپى ءونىم قۇنى 68 ميلليارد 695 ميلليون يۋانعا جەتتى

    كەلۋ قاينارى: شينجياڭ حالىق راديو ىستانسياسى    2018-02-14 11:44:20  

2017-جىلى، رايونىمىزدىڭ مال شارۋاشىلىق ونىمدەرىنىڭ مولشەرى مەن مال شارۋاشىلىعىنىڭ ەكونوميكالىق ونىمدىلىگىندە بىردەي ارتۋ جاعدايى جارىققا شىقتى، جۇيەدەن، 2017-جىلى تۇتاس رايونىمىزدىڭ مال شارۋاشىلىعىنىڭ جالپى ءونىم قۇنى 68 ميلليارد 695 ميلليون يۋانعا جەتىپ، ۇقساس سالىستىرما بويىنشا %5.2 ارتتى.
مال شارۋاشىلىق ونىمدەرىنىڭ مولشەرى مەن مال شارۋاشىلىعىنىڭ ەكونوميكالىق ونىمدىلىگى بىردەي ارتۋمەن بىرگە، 2017-جىلى اۆتونوميالى رايونىمىزدىڭ مال شارۋاشىلىعىنىڭ جاسىل دامۋىندا دا تىڭ ىلگەرىلەۋشىلىكتەر بولدى. 2017-جىلى، شينجياڭ بويىنشا سۋ قاينارىن قورعاۋ رايونىنداعى مال باعۋعا تيىم سالىنعان جايىلىمنىڭ اۋماعى 5 ميلليون 100 مىڭ مۋعا كەڭەيىپ، 85 اۋدان، قالا مال باعۋعا تيىم سالىناتىن وڭىردى بەلگىلەۋ قىزمەتىن اياقتاتتى.
2018-جىلى، اۆتونوميالى رايونىمىز جاسىل مال شارۋاشىلىعىن كوركەيتۋدى ۇزدىكسىز كۇشەيتىپ، مال شارۋاشىلىعىنىڭ باياندى دامۋىن جەبەپ، جايىلىم ەكولوگياسىن قورعاۋعا قوسىمشا قاراجات بەرۋ، سيلاۋ مەحانيزىمى ساياساتىن دايەكتىلەندىرىپ، جايىلىمدى قالپىنا كەلتىرۋ جانە جايىلىمنان اشىلعان تىڭ جەردى وڭاۋ سياقتى جايىلىمدى ەكولوگيالىق قورعاۋ ينجەنەريا نىسانىن ويداعىداي اتقارادى.
«كوركەم ساحارانى قورعاۋ ارەكەتىنە» ۇشتاستىرىپ، 2018-جىلى سۋ قاينارى قورعالاتىن رايون مەن جاراتىلىستىق قورىقتىڭ جايىلىم ەكولوگياسىن قورعاۋ ارەكەتىن باستاپ جانە تياناقتاندىرىپ، تۇتاس شينجياڭداعى 5 ميلليون 100 مىڭ مۋ سۋ قاينارى قورعالاتىن رايون مەن اۆتونوميالى رايون دارەجەلى جايىلىم تۇرىندەگى 3 جاراتىلىستىق قورىقتا مال باعۋعا تيىم سالۋ، مال باقتىرماۋ جانە جايىلىم تەپە-تەڭدىگىن ساقتاۋ ءتۇزىمىن تياناقتاندىرادى.
تەك بۇل عانا ەمەس، 2018-جىلى اۆتونوميالى رايونىمىز جەم-ءشوپ كاسىبىن دامىتۋدى جەدەلدەتىپ، جەم-ءشوپ ماتەريالىنان جان-جاقتىلى پايدالانۋ قۋاتىن جوعارىلاتىپ، سۋ بايلىعىمەن قامتاماسىز ەتۋگە بولاتىن وڭىرلەردە، جايىلىمدى قالپىنا كەلتىرۋ، تىڭ جەر اشىلعان جايىلىمنىڭ ەكولوگياسىن وڭاۋ ينجەنەرياسى جانە ەكپە ءشوپ ءوسىرۋ ارقىلى جوڭىشقا، سۇرلەمدىك بورميدى ءتۇيىندى ەگىپ، تۇتاس شينجياڭداعى جوڭىشقا ەگىلەتىن اۋماقتى 5 ميلليون مۋدان اسىرۋعا كەپىلدىك ەتەدى.
مۇنان سىرت، رايونىمىز تاعى ەگىن شارۋاشىلىعى مەن مال شارۋاشىلىعىن ۇشتاستىرۋ، جايىلىم مەن مال شارۋاشىلىعىن تۇلعالاندىرۋعا تاباندى بولىپ، ەگىس قۇرىلىمىن ۇزدىكسىز رەتتەپ جاقسارتىپ، «استىق داقىلدارىن جەمگە اينالدىرۋ» نىسانىن اتقارۋدى بەلسەنە ىلگەرىلەتىپ، 640 مىڭ مۋلىق «استىق داقىلىن جەمگە اينالدىرۋ» نىسانىن تياناقتاندىرادى.


بەرىپ كەت ورامالىڭدى

دوستار

الىستاعى اق ەركە