باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

تاس جول قۇرىلىسى: شارۋالار كىرىسىن ارتتىرۋدىڭ دەمەۋشىسى

    كەلۋ قاينارى: شينجياڭ گازەتى    2018-02-13 20:01:40  

تىلشىلەرىمىز لۋ فىڭباۋ، بارشا تەگىس قىزى

 4 - اقپاندا ليانيۇنگاڭ - قورعاس جوعارى جىلدامدىقتى تاس جولىنىڭ (G30) شياۋساۋحۋدان ۇرىمجىگە دەيىنگى بولىگىن جاڭالاپ كەڭەيتىپ سالۋ قۇرىلىسىنىڭ 3 - ولشەمدى بولىگىندە قۇرىلىس جۇمىسى توقتاعان بولسا دا، ابدۇسامەت تۇردى قۇرىلىس ورنىندا قالىپ، مەملەكەتتە ءبىر تۇتاس قولدانىلاتىن ءتىل - جازۋدى، دانەكەرلەۋ، ماشينا جوندەۋ تەحنيكاسىن ۇيرەندى. «تەحنيكانى كوپتەپ ۇيرەنىپ، ەرتەرەك دانەكەرلەۋشى بولۋعا قۇلشىنامىن»، - دەيدى ول.
  ابدۇسامەت يەڭەسار اۋدانى اگۇس اۋىلى ورىكشەك قىستاعىنىڭ تۇرعىنى. بىلتىر تامىزدا ول تاس جول قۇرىلىسى نىسانىندا جۇمىس ىستەپ، ايىنا 4000 يۋانعا جۋىق ەڭبەكاقى الدى. ول بۇل قىزمەتىن توتەنشە قاستەرلەيدى.
  باس شۋجي شي جينپيڭ پارتيا 19 - قۇرىلتايى بايانداماسىندا: «جۇمىسقا ورنالاستىرۋ − حالىق تۇرمىسىنا ساياتىن ەڭ ۇلكەن ءىس. جۇمىسقا ورنالاستىرۋدى الدىمەن ويلاستىرۋ ستراتەگياسى مەن بەلسەندى جۇمىسقا ورنالاستىرۋ ساياساتىنا تاباندى بولىپ، اناعۇرلىم جوعارى ساپالى جانە اناعۇرلىم تولىق جۇمىسقا ورنالاستىرۋدى جۇزەگە اسىرۋ كەرەك» دەپ اتاپ كورسەتتى. 2017 - جىلدان بەرى اۆتونوميالى رايون پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جۇمىستانۋدى الدىمەن ويلاستىرۋ ستراتەگياسىنا تاباندى بولىپ، اناعۇرلىم بەلسەندى جۇمىسقا ورنالاستىرۋ ساياساتىن اتقاردى. قاتىناس نەگىزدىك قۇرىلعىلار قۇرىلىسى اۋىل - قىستاقتارداعى ارتىق ەڭبەككۇشتەرگە ءبىرسىپىرا جۇمىس ورنىن ازىرلەدى، اۆتونوميالى رايوندىق قاتىناس - تاسىمال مەڭگەرمەسىنىڭ دارەجەلەس نىساندارىنا ىستەتكەن جۇمىسكەر 180 مىڭ ادام - رەتكە (تاس جولداردى اسىراۋ قۇرىلىسىن قامتيدى) جەتىپ، تاس جول قۇرىلىسى بويىنداعى شارۋالاردى سىرتقا شىعىپ جۇمىسقا ورنالاسىپ، كىرىسىن ارتتىرۋعا باستادى.
  سىرتقا شىعىپ جۇمىس ىستەپ، تۇرمىستارى كۇن سايىن جاقسارا ءتۇستى  
  23 جاستاعى ابدۇسامەت سىرتقا كوپ شىعىپ كورمەگەن. اندا - ساندا سىرتقا شىعىپ ماقتا تەرگەنى بولماسا، قالعان ۋاقىتتا دەرلىك اۋىلىندا ەگىن ەگەتىن دە، ەگىن ەگۋدەن ءبىر جىلدا نە بارى 5000 نەشە يۋان عانا كىرىس تاباتىن.
  «قىستاعىمىزدا سىرتقا شىعىپ جۇمىس ىستەيتىندەردىڭ قاتارى مولايىپ، تۇرمىس شارت - جاعدايلارى زور دارەجەدە جاقساردى». سىرتقا شىعىپ جۇمىس ىستەگەن قىستاق تۇرعىندارى اقشا تاپتى. بۇل ابدۇسامەتكە تەرەڭ اسەر ەتىپ، ول جان - جاقتان جۇمىسكەر ىستەتەتىن ورىن قاراستىرا باستادى.
  بىلتىر رايونىمىز تاس جول قۇرىلىسى سەرپىنىن ارتتىرىپ، تۇتاس جىلدا 3607 نىسان قۇرىلىسىن باستاپ، تيانشاننىڭ تۇستىگى مەن تەرىستىگىندە كەڭ كولەمدە قۇرىلىس جۇرگىزۋدىڭ قىزۋ ورلەۋى كوتەرىلدى. بۇل ءارى اۋىل - قىستاقتارداعى كوپتەگەن ارتىق ەڭبەككۇشتەرگە جۇمىسقا ورنالاسۋ ورايىن ازىرلەدى. بىلتىر شىلدەدە تاس جول قۇرىلىسىنا جۇمىسكەر قابىلدايدى دەگەن حابار قىستاققا جەتىسىمەن ابدۇسامەت بەلسەنە تىزىمدەلىپ، تامىزدا ليانيۇنگاڭ - قورعاس جوعارى جىلدامدىقتى (G30) تاس جولىنىڭ شياۋساۋحۋدان ۇرىمجىگە دەيىنگى بولىگىن جاڭالاپ كەڭەيتىپ سالۋ قۇرىلىس ورنىنا بارىپ جۇمىس ىستەيدى.
  قۇرىلىس ورنىنا كەلۋدەن ىلگەرى ابدۇسامەت «تۇرمىسقا ۇيرەنە المايمىن با» دەپ الاڭداعان ەدى. قۇرىلىس ورنىنا كەلگەندە تاماق، جاتىن ورىن، كۇندەلىكتى تۇرمىسقا پايدالاناتىن بۇيىمداردىڭ تۇگەل دايىن ەكەنىن كورەدى. «بۇل ارانىڭ ىشەر اس، جاتىن ورىن شارت - جاعدايى توتەنشە جاقسى، سىرتقا شىعىپ جۇمىس ىستەۋ بەكىمىم دۇرىس بولعان»، - دەيدى ابدۇسامەت.
  ورنىقتى كىرىس بولعاندىقتان، وتباسىنىڭ تۇرمىسى دا كۇن سايىن جاقسارا ءتۇستى. بىلتىر قاراشادا اكەسى ابدۇسامەتتىڭ ەڭبەكاقىسىمەن ءبىر سيىر ساتىپ الىپ، قىستاق تۇرعىندارىن سۇيىندىرگەن بولاتىن.
  «قىستاقتاعىلار مەنىڭ جۇمىس ىستەپ اقشا تاپقانىمدى كورىپ قاتتى قىزىقتى، كەيبىرەۋلەر ماعان تەلەفون شالىپ، جۇمىس باسىندا جۇمىس ورنىنىڭ بار - جوقتىعىن سۇراستىردى»، - دەدى ابدۇسامەت كەۋدەسىن ماقتانىش كەرە، - «پارتيا مەن ۇكىمەت ماعان اقشا تابۋدىڭ ورايىن جاراتىپ بەردى، مەن جۇمىستى قۇلشىنا ىستەپ، وتباسىمنىڭ تۇرمىسىن ونان ارى جاقسارتامىن».
  ابدۇسامەت سياقتى G3012 قاشقار - قاشقار جاڭاشار نىسانىندا جۇمىس ىستەيتىن ياسىن ابىلەزدىڭ تۇرمىسى دا بارعان سايىن جاقسارا ءتۇستى.
  ياسىن ياركەن اۋدانى جاڭا وستەڭ اۋىلى قوس وستەڭ قىستاعىنىڭ تۇرعىنى، جايشىلىقتا ۇساق - تۇيەك جۇمىس ىستەپ اقشا تابادى، كىرىسى دە تۇراقتى ەمەس بولاتىن.
  بىلتىر شىلدەدە دوسى ياسىنعا تاس جول قۇرىلىس نىسانىنىڭ ادام قابىلداپ جاتقانىن ايتادى، ياسىن دەرەۋ نىساننىڭ قۇرىلىس ىستەۋشى جاعىنا حابارلاسىپ، ىلە - شالا سول جەرگە بارىپ جۇمىس ىستەيدى، ايىنا 4500 يۋان ەڭبەكاقى الادى.
بەلسەنە ۇيرەنىپ، ادەتتەگى ديقاننان تەحنيكالىق جۇمىسشىعا اينالدى
  سىرتقا شىعىپ جۇمىس ىستەيتىن شارۋالار تەحنيكالىق قامتىمى ءبىرشاما تومەن قىزمەتتەرمەن شەكتەلىپ قانا قالمادى، ولار تەحنيكالىق شەبەرلىكتى وزدىكتەرىنەن ۇيرەنىپ، تەحنيكالىق جۇمىسشى بولۋعا تىرىستى.
  «مەن جول تاپتاۋ ماشيناسىن ايداپ، ايىنا 6500 يۋان تابامىن، بۇدان كەيىن كىرىسىم ءتىپتى كوبەيەدى»، - دەدى قورعاس اۋدانى لاڭگار اۋىلىنىڭ ديقانى ابدوللا ءالىم.
  بىلتىر جىل باسىندا، ىلە قازاق اۆتونوميالى وبلىسىنىڭ تاس جول قۇرىلىسىنىڭ شىمىلدىعى اشىلىپ، اۋىل - قىستاقتارداعى كوپتەگەن ەڭبەككۇشتەر ءتۇرلى نىساندارعا بارىپ جۇمىس ىستەدى، ابدوللا دا ىلە لىفىڭ كوپىر قۇرىلىسى شەكتى سەرىكتەستىگىنە جۇمىسقا قابىلداندى.
  جاي جۇمىسكەر بولعىسى كەلمەگەن ول جول تاپتاۋ ماشيناسىن ايداۋدى ۇيرەنىپ، ءتىپتى كوپ اقشا تابۋدى ويلايدى. لىفىڭ كوپىر قۇرىلىسى شەكتەۋلى سەرىكتەستىگى ونىڭ تالابىن قاناعاتتاندنرىپ، تاجىريبەلى ۇستازدى ونى جەتەكتەۋگە ورنالاستىرادى.
  كۋرستا 3 اي ۇيرەنگەن ابدوللا باعالاۋدان سۇرىنبەي ءوتىپ، سول جىلدىڭ وزىندە اق جول تاپتاۋ ماشيناسىن ايداپ، كوپتەگەن - تاس جول قۇرىلىسى نىساندارىنا قاتىناسىپ، تەحنيكالىق جۇمىسشىعا اينالىپ، كىرىسىن دە ارتتىرا تۇسەدى.
  ابدوللانىڭ تاپقان اقشاسىنا ايەلى اۋىلدان ءبىر ءۇيدى مايعا الىپ، ساۋدا ىستەيدى.
  «قازىر وتباسىم وتە باقىتتى، بۇدان كەيىن باسقا دا نىساندارعا بارىپ قۇلشىنا ىستەيمىن»، - دەدى ابدوللا.
  بىلتىر قىركۇيەكتەن باستاپ، ابدۇسامەت گرۋپپا باستىعىنا ەلەكترلى دانەكەرلەۋ تەحنيكاسىن ۇيرەنگىسى كەلەتىنىن ايتادى. دەمالعان كەزىندە ول ءوزىن - ءوزى جىگەرلەندىرىپ، مەملەكەتتە ءبىر تۇتاس قولدانىلاتىن ءتىل - جازۋدى ۇيرەنەدى، ءتىپتى، قىستا نىسان توقتاپ قالسا دا ول ۇيىنە قايتپاستان ءتۇرلى شەبەرلىككە شىڭدالادى. قازىر ول ەلەكترلى دانەكەرلەۋ تەحنيكاسىن جانە قاراپايىم رەمونتتاۋ تەحنيكاسىن يگەرىپ الدى.
  «قولىمدا ونەرىم بولعاننان كەيىن قايدا بارسام دا قىزمەت تابا الامىن»، - دەدى ابدۇسامەت.
  يدەياعا بۇرىلىس جاساپ، قاجىرلى قوس قولىنا سۇيەنىپ اۋقاتتاندى
  اۋىل - قىستاقتارداعى كوپتەگەن ارتىق ەڭبەككۇشتەر تاس جول قۇرىلىس نىساندارىنا بارىپ جۇمىس ىستەدى، ادام ىستەتۋشى ورىندار تاربيەلەۋدى، جەتەكشىلىك ەتۋدى كۇشەيتىپ، ولاردىڭ عىلمي مادەنيەت ورەسىن جانە كاسىپتىك - تەحنيكالىق قابىلەتىن جوعارىلاتىپ، ولاردىڭ يدەيالىق كوزقاراسىندا تەزىرەك بۇرىلىس جاساۋىنا، قىزمەت جانە تۇرمىس ورتاسىنىڭ وزگەرىسىنە ىرىقتىلىقپەن ۇيلەسۋىنە مۇمكىندىك تۋدىردى.
  1 - اقپان تۇستەن كەيىن ءتىلشى قاشقار قالاسى اۋەجاي جولىندا تۇراتىن اباباكىر يمىننىڭ ۇيىنە كەلگەندە، اباباكىر مەن ايەلى ەكەۋىنىڭ قول اربالارىن يتەرىپ سىرتقا شىعىپ بارا جاتقانىن كوردى. «قازىر قۇرىلىس باسىندا جۇمىس جوق، ۇيدە بوس وتىرعانشا ايەلىم ەكەۋىمىز ۇساق - تۇيەك ساۋدا جاساپ اقشا تابامىز».
  2014 - جىلدان باستاپ، اباباكىر قاشقار قالاسىنىڭ ماڭىنداعى اۋىل - قالاشىقتارداعى اۋىل - قىستاق تاس جول قۇرىلىس نىساندارىنا بارىپ جۇمىس ىستەيدى. كۇندىز ول اسفالت توسەپ، سۋ شاشاتىن ماشينانى ايدايدى، كەشتە ۇيىنە قايتىپ كەلىپ وتباسىنا قارايلاسادى، ايىنا 4500 يۋان كىرىس كىرگىزەدى. تالاي جىلعى جۇمىس، تۇرمىس بارىسىندا ول كوپتەگەن ادامدارمەن قارىم - قاتىناس جاساپ، اناعۇرلىم كوپ ءبىلىم ۇيرەندى، يدەيالىق كوزقاراسىندا دا بىرتىندەپ وزگەرىس تۋىلادى.

  بىلتىر قازاندا كۇن سۋىتىپ، نىسان قۇرىلىسى توقتايدى، اباباكىر دە ۇيىنە قايتىپ كەلەدى. ول كۇن بويى ۇيىقتاۋ، تەلەۆيزور كورۋ، باس قوسۋدان باسقا ەشتەڭە تىندىرمايدى... بىرنەشە كۇننەن كەيىن ونان دا جالىعادى. «ەر ادام ۇيدە بوس وتىرسا بولمايدى، ءسوز جوق، اقشا تاۋىپ وتباسىن اسىراۋى كەرەك»، - دەدى اباباكىر تىلشىگە.
  اباباكىر قاشقار قالا رايونىن ءبىر رەت ارالاپ شىققاننان كەيىن، شانىشقى قارما ساۋداسىنىڭ كۇسەت ەكەنىن ءارى ۇيرەنۋگە دە وڭاي ەكەنىن بايقايدى.
  جۇمىسىنا بىلەك سىبانا كىرىسكەن ول بىلتىر قاراشادا 1000 يۋانعا ءبىر اربا ساتىپ الادى، ماي جانە باسقادا ماتەريالداردى دا ساتىپ اكەلىپ، ۇيىندە بىرنەشە كۇن دايىندىق كورىپ ماشىقتانادى دا ىلە - شالا كوشەگە شىعىپ ساۋداسىن باستاپ كەتەدى، ايىنا 1000 يۋاننان ارتىق كىرىس كىرگىزەدى.
  «تاس جول قۇرىلىس نىسانىنداعىداي كوپ اقشا تاپپاسام دا بوس وتىرعاننان جاقسى ايتەۋىر. قازىر پارتيا مەن ۇكىمەتتىڭ ساياساتى جاقسى، قاجىرلىلىقپەن قۇلشىنا ىستەسەڭ، ءسوز جوق، بايۋعا بولادى»، - دەدى اباباكىر تىلشىگە.

ءان الەمى

جول توسىلىپ قالدى

تۇلپارىم