باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

الاتاۋ ساعاسى شەكارا وتكەلىنە بارىپ، «ءبىر بەلدەۋ ءبىر جول» دىڭ قولقا تامىرى

    كەلۋ قاينارى: شينجياڭ حالىق راديو ىستانسياسى    2018-02-13 12:54:46  
حاباردى تىڭداڭىزدار: ستانسيامىزدىڭ تىلشىلەرى گۇزەلاي ەركىن مەن چىن جۇيلەي الاتاۋ ساعاسى شەكارا وتكەلى پويەز ۆاگزالىنا بارىپ، حالىقارالىق جۇك تاسىمال پويەزىنداعى «كۇرە تامىرعا» ەڭ جاقىن، وسىندا قىزمەت ىستەيتىن تەمىر جول قىزمەتكەرلەرىن تانىستىردى.
تاڭەرتەڭ ساعات 9 دا، الاتاۋ ساعاسى شەكارا وتكەلى پويەز ۆاگزالى پويەزدى اينالىمعا سالۋ سەحى 6-پويەز جونەلتۋ ورنىنىڭ باستىعى ۋاڭ شۇيدۇڭ ەكى قىزمەتتەسىمەن بىرگە پويەز جونەلتۋ ورنىنا اسىعىس-ۇسىگىس جەتتى.
ولار ءار كۇنى تاپسىرىپ العان جوسپار كەستەسىنە ساي، پويەز جونەلتۋ ورنىندا، نەشە ءجۇز پويەز ۋاگونىن ايىرىپ، تىركەپ، «قاتارعا تۇرعىزۋ، بىرىكتىرۋ» جۇمىستارىن ىستەيدى. ۋاڭ شۇيدۇڭ، ءسوزجوق، پويەزدىڭ باسىنا بارىپ، تەكشە ارقىلى تۇتاس بارىسىنا جەتەكشىلىك ەتەدى، ەكى پويەز جونەلتۋ قىزمەتكەرى الما-كەزەك پويەزدىڭ قاسىندا تۇرىپ، پويەزدىڭ ءوتۋ احۋالىن تەكسەرىپ، پويەزدىڭ ارالىعىن باقىلاپ-ولشەپ، پويەز جۇرگىزۋشىنىڭ «كوز-قۇلاعى» بولادى. ءتىلشى پويەز جونەلتۋ قىزمەتكەرى لي جيانبيننىڭ بەت تەرىسىنىڭ تۇلەپ قىزارىپ كەتكەنىن بايقادى. ول تىلشىگە، تاۋلى رايوننىڭ بورانى مەن قىستىڭ ىزعارلى سۋىعى، كوبىندە وسىنداعى قىزمەتكەرلەردىڭ جىگەرىن سىنايتىنىن ايتا كەلىپ: بۇرىن مۇنداي ەمەس ەدى، كۇن سۋىتتى، بوران سوعىپ قار جاۋعاندا، جاۋعان قار بەتكە ۇرىلىپ، بەينە بەتىڭدى پىشاقپەن تىلگىلەگەندەي بولادى،-دەدى.
تەلەفوندار توقتاۋسىز بەزىلدەگەن وسى ورىن ـــ الاتاۋ ساعاسى شەكارا وتكەلى پويەز ۆاگزالىنىڭ قولقا تامىرى ـــ پويەزدى اينالىمعا سالۋ سەحى، ۆاگزالدان كىرىپ-شىعاتىن پويەزعا تۇگەل وسى ورىندا جەتەكشىلىك ەتىلەدى. پويەزدى دالمە-ءدال، جوعارى ءونىمدى جۇرگىزۋ ءۇشىن، تاڭەرتەڭ ساعات 8 دەن تۇستەن كەيىن ساعات 6 عا دەيىن، الاتاۋ ساعاسى شەكارا وتكەلى پويەز ۆاگزالىنىڭ اينالىمعا سالۋ سەحىنىڭ ورىنباسار مەڭگەرۋشىسى پاڭ جيانۋي پويەز ۆاگزالىنداعى پويەزدىڭ كىرىپ-شىعۋ احۋالىن جانە توقتاۋ جاعدايىن توقتاۋسىز تەكسەرەدى، ول بىلاي دەدى: وسى پويەز ۆاگزالىنداعى پويەزدىڭ سانى 2 مىڭنىڭ اينالاسىندا، وسى پويەزداردى كوز الماي قاراپ تۇرۋىمىز كەرەك، ويتكەنى توقتاۋسىز وزگەرەدى. كەدەننىڭ جانە مەملەكەتتىك ساپانى تەحنيكالىق جاقتان باقىلاۋ-باسقارۋ، كارەنتيندەۋ باس مەكەمەسىنىڭ كەدەننەن وتكىزگەن زاتتارىن، سونداي-اق شەكارا وتكەلىنەن شىققان پويەزدى كۇنىنە ءجۇز رەتتەن ارتىق كورەمىن. ۆاگزالدىڭ ىركىلىكسىزدىگىن ساقتاۋ ەڭ ماڭىزدى. توقتاۋسىز جۇمىس ىستەۋ كەرەك، ادامنىڭ جۇرەگى توقتاۋسىز سوققاندا، قاننىڭ توقتاۋسىز اينالاتىنى سەكىلدى.
پاڭ جيانۋيدىڭ قىزمەت ورىنى ۇلكەن ەكراندى ءۇش كومپيۋتەردەن سىرت، تاعى تەلەفون مەن سويلەسكىگە تولعان، كەيدە ءبىر ۋاقىتتا ءۇش تە ءتورت تەلەفون قابىلدايدى. كوزى ەكراننان، قۇلاعى تەلەفوننان بوسامايدى، مىنە بۇل ولاردىڭ ناقتىلى قىزمەت احۋالى. ەڭ جوعارى ءونىمدى زات تاسىمال قۋاتىنا جەتۋ ءۇشىن، ءسوزجوق، قاي-قاشان ءارقايسى تاراۋدى اتتانىسقا كەلتىرىپ، شۇعىل توتەپ بەرۋ قىزمەتىن ويداعىداي ىستەپ، ينفورماتسيانى الدىمەن تاپسىرىپ الىپ، دەرەۋ اڭىس ءبىلدىرىپ، ويداعىداي سايكەسىپ، پويەزدىڭ قاتىناۋىنىڭ ىركىلىكسىزدىگىن ساقتاۋ كەرەك. ول: ءار كۇنى نەگىزىنەن ءبىر دە ەكى ءجۇز رەت تەلەفوندا حابارلاسام، مۇندا نەگىزىنەن ءارقايسى تاراۋمەن قارىم-قاتىناس جاسايمىز، ونداعى ماقسات ــ ءتىپتى دە ويداعىداي ۇيىمداستىرۋ، پويەزدى تەز ارادا اينالىمعا سالۋ،-دەدى.
الاتاۋ ساعاسىنداعى تەمىر جول قىزمەتكەرىنىڭ قاربالاس جۇمىس ىستەۋى ـــ جۇڭگو-ەۆروپا، ورتا ازيا جۇك تاسىمال پويەز سانىنىڭ قاۋىرت ارتۋمەن قاتىستى. 2017-جىلدىڭ سوڭىنا دەيىن، الاتاۋ ساعاسى شەكارا وتكەلىنەن باتىسقا قاتىنايتىن جۇك تاسىمال پويەزىنىڭ جىلدىق جالپى مولشەرى تاريحتاعى ەڭ جوعارى دەڭگەيگە جەتىپ، تۇڭعىش رەت 2 مىڭنان استى. الاتاۋ ساعاسى شەكارا وتكەلى ارقىلى شەتەلگە قاتىنايتىن جۇك تاسىمال پويەزىنان 13 ى بار، مۇنىڭ ىشىندە چىڭدۋ-شينجياڭ-ەۆروپا، چۇڭچيڭ-شينجياڭ-ەۆروپا، جىڭجوۋ-شينجياڭ-ەۆروپا سياقتى تاسىمال پويەزدارى ۇدايلاندى.
جىبەك جولى ەكونوميكالىق بەلدەۋىن قۇرۋ اياق الىسىنىڭ تەزدەۋىنە بايلانىستى، قازىر الاتاۋ ساعاسى شەكارا وتكەلى شوعىرلى تەمىر جول، تاس جول، قوبىر ءبىر تۇلعالانعان، ەلىمىزدەگى ەڭ قاربالاس قۇرلىقتىق شەكارا وتكەلدىڭ بىرىنە اينالدى. ەۆروپاعا قاتىنايتىن حالىقارالىق زات تاسىمال پويەزى ورتا ەسەپپەن ەكى جارىم ساعاتتا ءبىر رەت الاتاۋ ساعاسى شەكارا وتكەلىنەن وتەدى. قىزمەت ىستەگەنىنە 22 جىل بولعان، پاڭ جيانۋي الاتاسۋ ساعاسى شەكارا وتكەلىنىڭ «ءبىر بەلدەۋ ءبىر جول» دارىپتەمەسىنىڭ ىقپالىنان بارىنشا نىعايعانىن شىنايى سەزىندى، ول بىلاي دەدى: بۇرىن شەكارا وتكەلى ارقىلى كوبىندە جابدىق، تۇرمىستىق بۇيىم، كەزدەمە تاسىمالداناتىن، قازىر جۇڭگو-ەۆروپا جۇك تاسىمال پويەزىنىڭ ارتۋىنا بايلانىستى، شەكارادان وتەتىن تاۋاردىڭ ءتۇرى دە بارعان سايىن كوبەيدى، ەلەكترون ونىمدەرى، كومپيۋتەر سياقتىلار، شوعىرلى زات تيەۋ قورابىندا تۇگەل ورىن بەلگىلەۋ جابدىعى بار، اسىرەسە، قۇنى جوعارى ەلەكترون ونىمدەرىنىڭ شەكارادان ءوتۋ مولشەرى بارعان سايىن ارتتى.
ءان الەمى

جول توسىلىپ قالدى

تۇلپارىم