باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ستۋدەنتتەرگە كومەك قاراجات تاراتىپ، ولارعا پارتيانىڭ مەيىر-شاپاعاتىن جەتكىزدى

    كەلۋ قاينارى: شينجياڭ حالىق راديو ىستانسياسى    2018-02-12 17:30:34  
نۇرداۋلەت بەكەن ۇلى حابارلايدى: پارتيا 19-قۇرىلتايىنىڭ بايانداماسىندا: وقۋ-اعارتۋ ىستەرىن ماڭداي الدى ورىنعا قويىپ، وقۋ-اعارتۋ رەفورماسىن تەرەڭدەتىپ، وقۋ-اعارتۋدىڭ وسىزاماندانۋىن جەدەلدەتىپ، وقۋ-اعارتۋ ىستەرىن حالىق رازى بولاتىنداي ەتىپ جاقسى باسقارىپ، پارتيانىڭ وقۋ-اعارتۋ باعىتىن جاپپاي دايەكتىلەندىرۋ؛ ءمورالدى دا قابىلەتتى ادام تاربيەلەۋ سىندى ءتۇبىرلى مىندەتتەن جازباي، ساپا اعارتۋىن دامىتىپ، سوتسياليزمنىڭ احىلاق، اقىل-وي، دەنە، ەستەتيكا جاعىنان جان-جاقتى جەتىلگەن قۇرۋشىلارى مەن ءىزباسارلارىن تاربيەلەۋ؛ قالا مەن اۋىلداردا مىندەتتى وقۋ-اعارتۋدىڭ ءبىر تۇلعالانىپ دامۋىن جەبەپ، اۋىل-قىستاقتارداعى مىندەتتى وقۋ-اعارتۋعا وسكەلەڭ ءمان بەرىپ، ءاربىر بالانى ءادىل دە ساپالى ءبىلىم الۋ مۇمكىندىگىنە يە ەتۋ؛ الدىڭعى قاتارداعى جوعارى مەكتەپتەر مەن وزىق عىلىم-ءپان قۇرىلىسىن جەدەلدەتىپ، جوعارى دارەجەلى وقۋ-اعارتۋدىڭ جان-جاقتىلى دامۋىن جۇزەگە اسىرۋ؛ وقۋشىلارعا قارجىلاي كومەكتەسۋ ءتۇزىمىن كەمەلدەندىرىپ، تۇتاس قوعامدا وقىتۋعا ءمان بەرۋدى دارىپتەپ، ۇيرەنۋگە قۇلىقتى قوعام قۇرۋدى جەدەلدەتىپ، حالىقتىڭ ساپاسىن بارىنشا جوعارىلاتۋ كەرەكتىگى ايقىن اتاپ كورسەتىلدى.
كوكتوعاي اۋدانى قىزىلشىلىك اۋىلى جاڭعارا قىستاعى تاياۋدا تولىق كۇندىك جوعارى مەكتەپتە ءبىلىم الاتىن 23 ستۋدەنتكە 32 مىڭ 500 يۋان كومەك قاراجات تاراتىپ، ولاردى ۇزدىكسىز قۇلشىنىپ، جاقسى ۇيرەنىپ، وتانعا جارامدى دارىندىلاردان بولۋعا شابىتتاندىردى.
جۇڭگو ساياسي-زاڭ ۋنيۆەرسيتەتىنىڭ ستۋدەنتى قۇرماش قىستاق تۇرعىندار كوميتەتىنىڭ كومەك قاراجاتىنا وسىمەن ەكىنشى رەت يە بولعاندىعىن ءارى قاجىرلىلىقپەن ۇيرەنىپ، تاماشا ناتيجە جاراتىپ، پارتيا مەن ۇكىمەتتىڭ ءۇمىتىن اقتايتىندىعىن ءبىلدىرە كەلىپ بىلاي دەدى: قىستاق تۇرعىندار كوميتەتىنىڭ ستۋدەنتتەردىڭ ۇيرەنۋىن قولداپ-قۋاتتاعاندىعىنا راحمەت ايتامىن. بۇدان بىلاي ءتىپتى دە قۇلشىنا ۇيرەنىپ، پارتيا مەن وتاننىڭ ءۇمىتىن اقتاپ، كەلەشەكتە قىستاعىمىزدىڭ كوركەيىپ-گۇلدەنۋىنە ۇلەس قوسامىن.
قىزىلشىلىك اۋىلى جاڭعارا قىستاعىنىڭ ەكى كوميتەتى جۋىقتاعى جىلداردان بەرى كوللەكتيۆ كىرىستەن ارناۋلى قارجى بوساتىپ، ستۋدەنتتەرگە اقشالاي كومەكتەسىپ، اۋىل جاستارىنىڭ وقۋىن جاقسى وقۋى ءۇشىن، ءۇش جىلدا 60 نەشە ستۋدەنتكە 100 مىڭ يۋانعا تاياۋ كومەك قاراجات بەردى.
ءان الەمى

جول توسىلىپ قالدى

تۇلپارىم