باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

رايونىمىزدىڭ ىشكى ءوندىرىس جالپى ءونىم قۇنى تۇڭعىش رەت ءبىر تريلليون يۋاننان اسىپ، ءۇشىنشى كاسىپ ەكونوميكانىڭ ارتۋىن ىلگەرىلەتۋدەگى باستى قوزعاۋشى كۇشكە اينالدى

    كەلۋ قاينارى: شينجياڭ حالىق راديو ىستانسياسى    2018-02-11 11:25:05  
ستانسيامىزدىڭ ءتىلشىسى جين لەي حابارلايدى: ءتىلشىنىڭ 9-اقپان اشىلعان «2017-جىلعى شينجياڭنىڭ حالىق شارۋاشىلىعى اينالىم احۋالىنا قاتىستى اقپارات جاريالاۋ ماجىلىسىنەن» ۇعىسۋىنا قاراعاندا، وتكەن جىلى رايونىمىز ەكونوميكاسى تاماشا دامۋ جاعدايىن ساقتاپ، رايونىمىزدىڭ ىشكى ءوندىرىس جالپى ءونىم قۇنى تۇڭعىش رەت ءبىر تريلليون يۋاننان اسىپ، ءۇشىنشى كاسىپ ەكونوميكانىڭ ارتۋىن ىلگەرىلەتۋدەگى باستى قوزعاۋشى كۇشكە اينالعان.
بىلتىر، اۆتونوميالى رايوندق پارتكوم مەن حالىق ۇكىمەتى ەكونوميكانىڭ دامۋىنىڭ جاڭا داۋىرگە قادام قويعاننان كەيىنگى تالاپتارىنا ىرىقتىلىقپەن ۇيلەسىپ، ورنىقتىلىقتى ساقتاۋ بارىسىندا ىلگەرىلەۋ سىندى قىزمەتتىڭ نەگىزگى ريتىمىنە تاباندى بولىپ، جاڭا دامۋ تانىمىن باتىل دايەكتى تياناقتاندىرىپ، دامۋ ساپاسى مەن ونىمدىلىگىن جوعارىلاتۋدى ءتۇيىن، قامداۋدىڭ قۇرىلىمدىق رەفورماسىن ىلگەرىلەتۋدى نەگىزگى جەلى ەتىپ، نازاردى باس نىساناعا شوعىرلاندىرىپ، كەشەندى شارالاردى ويداعىداي اتقارىپ، ورنىقتى ارتتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ-حاتەردەن ساقتانۋ سياقتى ءتۇرلى قىزمەتتى ويداعىداي ىستەۋگە كۇش سالعاندىقتان، ەكونوميكادا تاماشا دامۋ جاعدايى جارىققا شىقتى.
2017-جىلى، شينجياڭ ءوڭىرىنىڭ ىشكى ءوندىرىس جالپى ءونىم قۇنى تۇڭعىش رەت ءبىر تريلليون يۋاننان اسىپ، ءبىر تريلليون 92 ميلليارد 9 ميلليون يۋان بولدى، مۇندا اۋىل شارۋاشىلىق ءوندىرىس جاعدايى ورنىقتى بولىپ، ەگىنشىلىك قۇرىلىمىندا «استىق ءونىم مولشەرى ازايۋ، ماقتا ءونىم مولشەرى ارتۋ» جاعدايى قالىپتاستى؛ ونەركاسىپ ءوندىرىسى بىرتىندەپ ورنىعىپ، كاسىپورىنداردىڭ پايداسى نەداۋىر تەز ارتتى؛ قىزمەت ەتۋ كاسىبى ەكونوميكانىڭ ارتۋىندا الدىڭعى ورىندى يەلەپ، جاڭادان كوركەيگەن كاسىپتىڭ ارتۋ جاعدايى تەبىندى بولدى. اۆتونوميالى رايوندىق حالىق ۇكىمەتىنىڭ ورىنباسار باس حاتشىسى، اۆتونوميالى رايوندىق ساناق مەكەمەسى پارتگرۋپپاسىنىڭ شۋجيى، مەكەمە باستىعى شۇي بين بىلاي دەدى: ءۇشىنشى كاسىپتىڭ ارتۋى 9.8% بولىپ، ۇلەس قوسۋ مولشەرى 58.2% كە جەتىپ، ەكونوميكانىڭ ارتۋىن جەبەۋدەگى باستى قوزعاۋشى كۇشكە اينالدى. جاڭادان كوركەيگەن قىزمەت ەتۋ كاسىبى جەدەل دامىدى. وتە-موتە، عالامتور جانە سايكەستى قىزمەت ەتۋ كاسىبى، جۇمساق بولشەك جانە ينفورماتسيا تەحنيكاسىنا قاتىستى قىزمەت ەتۋ كاسىبى تۇگەل   30% تىڭ ۇستىندە جوعارى قارقىندى ارتۋ جاعدايىن ساقتادى. ءۇشىنشى كاسىپتىڭ ەكونوميكانىڭ جالپى ارتۋىنداعى يەلەگەن سالىستىرماسىنىڭ جوعارى-تومەن بولۋى ەكونوميكانىڭ دامۋ دەڭگەيىن ولشەۋدەگى ماڭىزدى كورسەتكىشكە اينالدى.
اۋىزعا الۋعا تاتيتىنى، وتكەن جىلى رايونىمىزدىڭ «قاجەتتەن اسىپ قالعان ءوندىرىس قۋاتى، قامبادا باسىلىپ قالۋ، سۇيمەندى ازايتۋ، وزىندىك قۇندى تومەندەتۋ، ولقىلىقتاردى تولىقتىرۋ» جاعىندا ىلگەرۋشىلىك بولدى، شۇي بين، بۇل نەگىزىنەن رايونىمىزدىڭ دامۋ فورماسىن بەلسەنە وزگەرتىپ، شارۋاشىلىق قۇرىلىمىن رەتتەپ، قامداۋ جاعىنداعى قۇرىلىمدىق رەفورمانى ىلگەرىلەتۋمەن قاتىستى ەكەنىن ايتا كەلىپ، بىلاي دەدى: قاجەتتەن اسىپ قالعان ءوندىرىس قۋاتىن ازايتۋ تەبىنى ارتىپ، تۇتاس جىلداعى بولات-تەمىر، كومىر ءونىم مولشەرىن ازايتۋدا نىسانالى مىندەت اسىرا ورىندالدى، «جاراقسىز بولات-تەمىردى شيكزات ەتىپ، رەكسيا قازانى سياقتىلاردا ەرىتۋ ارقىلى، قۇرامى مەن ساپاسىن ءونىمدى مەڭگەرۋگە بولمايتىن بولات نەمەسە ونى شيكزات ەتىپ جاسالعان بولات ماتەريالدارى» زاڭ بويىنشا جاپپاي كۇشىنەن قالدىرىلدى. قامبادا اسىپ قالۋدى ازايتۋدىڭ ونىمدىلىگى كورنەكتى بولدى، وتكەن جىلى شينجياڭداعى تاۋار ءۇيدىڭ ۋاعىندا ساتىلماعان اۋماعى جىل باسىنداعىدان 995 مىڭ 900 شارشى مەتر ازايدى؛ وزىندىك قۇندى ازايتۋدىڭ ءونىمى، ولقىلىقتاردى تولىقتىرۋدىڭ ەرەكشەلىگى كورنەكتى بولدى. شينجياڭنىڭ نەگىزدىك قۇرىلعى قۇرىلىسقا قوسقان قارجىسى 42.4% ارتتى. ەكونوميكانىڭ دامۋ ساپاسىنىڭ ونىمدىلىگى اناعۇرلىم جوعارلادى. قازىر قارجى قوسۋ بۇرىنعىداي مول قارجىنى كولايتتاپ جۇمساپ، اسەر تۋدىرۋ ەمەس، قايتا ءتۇيىندى قارجى كاسىپتىڭ دارەجەسىن جوعارلاتۋ مەن حالىق تۇرمىسىن جاقسارتۋدى جەبەيتىن سالا مەن كاسىپكە قوسىلدى، مىسالى: كونە قالا رايونىن وزگەتۋ، قالاداعى رەلىستى قاتىناس، قورشاعان ورتانى قورعاۋ، حالىق تۇرمىسىن جاقسارتۋ سياقتى سايكەستى نەگىزدىك قۇرىلعى قۇرىلىسقا جۇمسالدى.
ءان الەمى

جول توسىلىپ قالدى

تۇلپارىم