جاڭا حابارلار

اۋىل-قىستاق تاس جول قۇرىلىسى ءار ۇلت بۇقاراسىنىڭ باقىت جولىن سالدى

    كەلۋ قاينارى: شينجياڭ حالىق راديو ىستانسياسى    2018-02-08 13:55:26  

ستانسيامىزدىڭ ءتىلشىسى ديڭ شياۋدان جازعان «ديقانداردى اۋقاتتانىپ دوڭگەلەك داۋلەتكە جەتۋگە باستايتىن سوڭعى شاقىرىمدىق جول تۇتاستى» دەگەن تاقىرىپتاعى جەلىلەس حاباردىڭ 3-ءبولىمىن تىڭداڭىزدار: كۇنلۇن تاۋىنىڭ ەتەگىندەگى كەريا اۋدانى اچچان اۋىلىنىڭ پۋلۋ قىستاعىندا بۇرىن ناشار تابيعي توپىراق جول جاتاتىن، تاۋعا جاڭبىر جاۋسا بولدى بۇل جول لاي-باتپاق بولىپ، جۇرۋگە كەلمەيتىن، اۋداننان پۋلۋ قىستاعىنا دەيىنگى 80 كيلومەتردەي جولدا ىرعالىپ، تەڭسەلىپ جارىم كۇن جۇرەسىز. بۇگىنگى كۇندە، اسپاليت جول جاتقىزىلىپ، اۋداننان قىستاققا ەكى ساعات مولشەرىندە جەتەسىز. 65 جاستاعى قىستاق تۇرعىنى ماتتەمىر تۇردى قوي باعۋدى نەگىز ەتەدى، بۇرىن جول جامان بولعاندىقتان، قوي تاسۋدان قينالاتىن، قىستاققا كەلىپ قوي الاتىن دەلدالدار ساتىپ الۋ باعاسىن تىم تومەن ايتاتىن. ول تىلشىگە بىلاي دەدى: قازىر اسپاليت جول جاتقىزىلىپ، قويىمدى ساتا المايمىن دەپ الاڭدامايتىن بولدىم. قوي الاتىندار اپتا سايىن قىستاققا كولىكپەن 3 رەت كەلەدى، وتباسىمىز بىرنەشە كۇننىڭ الدىندا 40 تۇياق قوي ساتىپ، 21 مىڭ يۋان كىرىس كىرگىزدىك. تابىسىمىز جاقسى، قالعان قويلارىما كوپ جەم-ءشوپ الىپ، سوڭعى جارىم جىلدا تاعى ساتىپ پايداسىن كورەمىن.
كەريا اۋدانىنداعى اۋداندىق تاس جول 669-لەنياسى سەمبى بازار قالاشىعىنان لاڭگار اۋىلىنا قاتىنايتىن 37 كيلومەترلىك تاس جول، ىسكە قوسىلعانىنا 10 نەشە جىل بولسادا اۋەلگىدەي تەپ-تەگىس. بۇل جول لاڭگار اۋىلى ارا قسىتاعىنىڭ تۇرعىنى ءرابيا ءمامتىمىن وتباسىنىڭ ەسىك الدىنان وتەدى، كۇندە تاڭەرتەڭ ساعات 8 مولشەرىندە، ءرابيا ءمامتىمىن ءۇي جۇمىستارىن ىڭعايلاستىرىپ بولىپ، ەسىك الدىنداعى جولدى تازالاپ سىپىرادى، بۇل ونىڭ كۇندەلىكتى ادەتىنە اينالعان ەدى، ول تىلشىگە بىلاي دەدى: 14 جاس كەزىمدە ۇكىمەت وسى جولدى جاسادى، بۇرىن شاڭى كوككە كوتەرىلىپ جاتاتىن، ءار رەت اۆتوموبيل جولدان وتكەندە كوپشلىك شاڭ قاۋىپ قالماۋ ءۇشىن تاسالانىپ جۇرەتىن. جول قاتىناپ قايدا بارساق تا قولايلى بولدى، ءارقايسسىمىز وسى جولدى ايالاۋعا مىندەتتىمىز.
اۋىل-قىستاق تاس جولى ءار ۇلت بۇقاراسىنىڭ اۋقاتتانۋ جولى، بۇل جول بويىنداعى قىستاق تۇرعىندارىنىڭ تۇرمىسىنا كورنەكتى وزگەرىس اكەلىپ عانا قالماستان، جول بويىنداعى اۋىل-قىستاقتاردىڭ بەت-بەينەسى كۇن سايىن جاڭالاندى. سوڭعى جىلداردان بەرى، كەريا اۋدانىنداعى اۋىل-قىستاق تاس جولى توراپتانىپ، تار جولدان داڭعىل جولعا اينالىپ، قاتىناسى جاقساردى. «تورتتە جاقسى اۋىل-قىستاق تاس جولى» قۇرىلىسى كەريا اۋدانىنىڭ كوركەم اۋىل-قىستاقتى سالۋعا باستاۋ، جاڭا اۋىل-قىستاق ەكونوميكاسى مەن قوعامىن دامىتۋعا قىزمەت وتەۋ، بۇقارانىڭ ساپارلاۋ ساپاسىن جوعارىلاتۋداعى ماڭىزدى تىرەككە جانە كەپىلگە اينالدى. كەريا اۋدانى اچچان اۋىلى پۋلۋ قىستاعى پارتيا ياچەيكاسىنىڭ ورىنباسار شۋجيى نياز باقى بىلاي دەدى: باس شۋجي «كەدەيلىكتەن قۇتىلدىرۋدا بىردە ءبىر ادام قاعىس قالماۋ كەرەك» دەگەندى ايتتى. قىستاعىمىز تاۋلى رايونداعى كەدەي قىستاق، قازىر جول جاسالدى، ءبىز بىلەك سىبانا قايراتتانا ىسكە كىرىسىپ، وسى جولدىڭ ديقانداردىڭ اۋقاتتانۋ جولىنا اينالۋىنا كۇش سالامىز. الدا كوپشىلىكتى كەدەيلىكتەن قۇتىلىپ اۋقاتتانۋ سەنىمىن بەكەمدەۋگە باستايمىن.


بەرىپ كەت ورامالىڭدى

دوستار

الىستاعى اق ەركە