باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

كەدەيلەردى دالمە - ءدال سۇيەمەلدەۋ ەگىنشى - مالشىلاردىڭ تۇرمىسىندا زور وزگەرىس تۋدىردى

    كەلۋ قاينارى: شينجياڭ گازەتى    2018-02-06 19:03:01  

گازەتىمىزدىڭ تىلشىلەرى سۋ لۋپيڭ، سۇي يۇنيان، حي حۇڭۋي

3 - اقپاندا جىلىجاي ەگىمشىلىك وتباسىنداعى عوجا ابىلا قاسىم اكەلى - بالالى ەكەۋى كوكونىس جىلىجايىندا قىزاناق ۇزۋدە. سول كۇنى كەريا اۋدانى جاي اۋىلى باس سايات قىستاعىنداعى 97 كوكونىس جىلىجايىنان مول ءونىم الىنىپ، قىستاق تۇرعىندارى كوكونىس ءۇزىپ، ساتۋدىڭ قاربالاستىعىنا ءتۇستى.

سۋرەتتى جىن شىشين تۇسىرگەن

2 - اقپان ساعات 18 مولشەرىندە قوناقتارىن جونگە سالعان ادال مۇقامادي ۇلى بوس قالعان ەت ىلەتىن ارساسىن كورىپ، جىميىپ عانا قويدى. ءتىلشى سانجى قالاسى شينجياڭ حايليان سالقىن ازىق تىزبەگى زات جەتكىزۋ باقشاسى قوي، سيىر ەتىن توپ ساتۋ رايونىنان ادالدىڭ دۇكەنىنىڭ عانا اشىق تۇرعانىن كوردى. «بىرنەشە كۇننەن كەيىن كوكتەم مەرەكەسى، زات جەتكىزۋ باقشاسىنا كولىگىمەن كەلىپ مەرەكەلىك زات الاتىنداردىڭ اياعى ۇزىلمەدى. باسقا دۇكەندەر زاتتارىن ساتىپ بولىپ ۇيلەرىنە قايتىپ كەتتى، مەن دە قايتۋعا دايىندالىپ جاتىرمىن»، - دەدى ادال ماڭايىنداعى دۇكەندەردى نۇسقاپ تۇرىپ.
  ادال سانجى قالاسى اشىلى قازاق اۋىلى ارداۋشۇي قىستاعىنان كەلگەن، بۇرىندارى مال باعۋدى كاسىپ ەتەدى ەكەن. بۇرىن ساۋدا ىستەپ كورمەگەن ادال بىلتىر ۇكىمەتتىڭ سۇيەمەلدەۋىندە شينجياڭ حايليان سالقىن ازىق تىزبەگى زات جەتكىزۋ باقشاسى دۇكەندى اقىسىز بەرىپ، ەگىنشى - مالشىلاردىڭ شارۋاشىلىق قۇرۋىنا كومەكتەسەتىنىن بىلگەننەن كەيىن، اۋىلداستارىمەن بىرگە وسى اراعا كەلىپ، 4000 شارشى مەترلىك ەت توپ ساتۋ رايونىندا شارۋاشىلىق قۇرۋ جولىن باستايدى.
  «وسىنىڭ بارلىعى پارتيا مەن ۇكىمەتتىڭ كەدەيلەردى دالمە - ءدال سۇيەمەلدەۋ ابزال ساياساتىنىڭ ارقاسىندا بولدى، زات جەتكىزۋ باقشاسى ءبىزدىڭ 2 جىلدىق ءۇي ماي اقىسىن، قوجالىق اقىسىن كەشىرىم ەتتى، سۋ، توك اقىسىن شىعارىپ تاستاعاندا، ايىنا از دەگەندە 3000 يۋان تابىس تابامىن. ءبىزدىڭ وسى سالاعا جاڭا عانا كىرگەنىمىزدى ەسكەرىپ، زات جەتكىزۋ باقشاسى جۇمىستاندىرۋ كۋرسىن اشىپ، شارۋاشىلىق قۇرۋ قارجىسى جاعىنان دا كومەك كورسەتتى»، - دەدى ادال. بۇرىندارى مال باعىپ كۇن كورەتىن ولاردىڭ جىلدىق تابىستارى دا ماردىمسىز ەكەن. شارۋاشىلىق قۇرعاننان كەيىن كۇندەلىكتى شىعىستاردى شىعارىپ تاستاعاندا، ايىنا از دەگەندە 1800 يۋان ىركىپ قالادى ەكەن.
  كەزەكتە سانجى قالاسىنىڭ اۋىل - قالاشىقتارىنان كەلگەن 163 ەگىنشى - مالشى وتباسى زات جەتكىزۋ باقشاسىنا كەلىپ ىرگە تەپتى. بولاشاق جايلى ءسوز بولعاندا، ادال تولىق سەنىممەن: جاس ەتتى بولشەك ساتۋ، توپ ساتۋ ساۋداسىن جانداندىرعاننان كەيىن، ەگىنشىلەر سەلبەستىك كووپەراتيۆىنىڭ جانە زات جەتكىزۋ باقشاسىنىڭ كومەگىندە ءبىز ەتتى جىنتىكتەي جىلىكتەپ، ىشكى ولكەدەگى دوستارعا دا سانجىنىڭ ءدامدى ەتتەرىنىڭ ءدامىن تاتقىزامىز، - دەدى.
  ءتىلشى ەتتى توپ ساتۋ رايونىنىڭ قاسىندا ازىق - تۇلىك رايونى سىناق رەتىندە تيجارات باستاعانىن، 2 قابات قۇرىلىستىڭ كولەمى 8000 شارشى مەتر ەكەنىن ءبىلدى. ساعات شامامەن 18 جارىمدا ازىق - تۇلىك دۇكەندەرى ازىق - تۇلىك دۇكەنىنىڭ كەشكى قاربالاس كەزىنە دايىندالا باستادى.
  بۇل اراداعى دۇكەندەردىڭ قوجايىندارى مەن جۇمىسكەرلەرى سانجى قالاسىنىڭ اۋىل - قالاشىقتارىنان كەلگەن شارۋالار. ولار دا مالشىلار سياقتى 2 جىلدىق ءۇي ماي اقىسىن، قوجالىق اقىسىن كەشىرىم ەتۋ ءتيىمدى ساياساتىنان يگىلىكتەنەدى ەكەن.
  ولاردىڭ ەندى عانا تيجارات باستاعانىن، قاريدارلارىنىڭ كوپ ەمەس ەكەنىن ەسكەرگەن زات جەتكىزۋ باقشاسى ولارعا اي سايىن 1500 يۋان شارۋاشىلىق قۇرۋ كومەك قوسىمشا قاراجاتىن بەرىپتى ءارى قارىز الۋ ىستەرىنە دە كومەكتەسىپتى. دۇكەن يەسى چىن حاييۇن بىلاي دەدى: «اشەكەيلەۋدى دە زات جەتكىزۋ باقشاسى جاساپ بەردى، ءبىز دايىن دۇكەنگە كىرە سالدىق. پارتيانىڭ ابزال ساياساتىنىڭ ارقاسىندا شارۋادان ساۋداگەرگە اينالدىق، كىرىسىمىز دە ەسەلەپ ارتتى، ءبىز، ءسوز جوق، قۇلشىنا ىستەپ، كوپتەگەن ادامداردى جۇمىستاندىرامىز».
  كەزەكتە وسىنداعى ازىق - تۇلىك رايونىندا 60تان استام اسحانا بار، جيىنى 131 ادام جۇمىسقا ورنالاسقان.
  پارتيا 19 - قۇرىلتايىندا بۇكىل پارتيانى، بۇكىل ەلدى، بۇكىل قوعامدىق كۇشتەردى اتتانىسقا كەلتىرىپ، كەدەيلەردى دالمە - ءدال سۇيەمەلدەۋگە، كەدەيلىكتەن شىن مانىندە ارىلتۋعا تاباندى بولۋ ورتاعا قويىلدى. شينجياڭ حايليان سالقىن ازىق تىزبەگى زات جەتكىزۋ باقشاسى القا باستىعىنىڭ كومەكشىسى ۋاڭ فۋرۇڭ بىلاي دەدى: «زات جەتكىزۋ باقشاسى پارتيا 19 - قۇرىلتايىنىڭ رۋحىن باتىل دايەكتىلەندىرىپ، تياناقتاندىرىپ، كوپ شارالاردى قاتار قولدانىپ، كەدەيلىكتەن قۇتىلدىرۋدان قامال الۋعا دەم بەرىپ، 2019 - جىلدىڭ سوڭىندا ماڭايداعى 2000 ەگىنشى - مالشىنىڭ شارۋاشىلىق قۇرۋىن جانە جۇمىستانۋىن ىسكە اسىرادى».

ءان الەمى

جول توسىلىپ قالدى

تۇلپارىم