جاڭا حابارلار

جۇڭگو ادەبيەت-كوركەمونەرشىلەر بىرلەستىگى مەن جۇڭگو ءانشى-كۇيشىلەر قوعامىنىڭ ادەبيەت-كوركەمونەر شاعىن اترەتى بيڭتۋان 1-شىسىنىڭ ارال قالاسىنا بارىپ ويىن قويدى

    كەلۋ قاينارى: شينجياڭ حالىق راديو ىستانسياسى    2018-01-30 13:22:57  
ارال راديو ستانسياسىنىڭ ءتىلشىسى جوۋ ليڭليڭنىڭ حابارىن تىڭداڭىزدار: جۋىردا، جۇڭگو ادەبيەت-كوركەمونەرشىلەر بىرلەستىگىندەگى، جۇڭگو ءانشى-كۇيشىلەر قوعامىنداعى 20 نەشە مەملەكەتتىك ءبىرىنشى دارەجەلى ارتيستەن قۇرام تاپقان ادەبيەت-كوركەمونەر ەرىكتىلەر شاعىن اترەتى بيڭتۋان 1-شىسىنىڭ ارال قالاسىنا بارىپ، ارال قالاسىنداعى كادرلار مەن قىزمەتكەرلەرگە مادەنيەت جاعىندا قىزمەت وتەپ، حال سۇراۋ ارناۋلى ويىنىن قويدى.
ويىن-ساۋىقتىڭ شىمىلدىعى «تارىمدا گۇل اشىلعاندا» دەگەن بيمەن اشىلدى. وسىدان سوڭ «شاتتىق ءان مەن شادىمان ۇندەر» دەگەن تاقپاق، «قۇتتىقتاۋ» اتتى شامدى بارابان، «ۇزاق جورىق» اتتى جەلدىرمە، «اعايىندىنىڭ كينو ءتۇسىرۋى» اتتى كومەديا سياقتى ويىن نومىرلەرى ەرەسەن تارتىمدى بولىپ، كەزەكپەن ورىندالدى، مەملەكەتتىك ءبىرىنشى دارەجەلى ءارتيس فان جۇن، لي جيندوۋ، نيۋ چۇن سياقتى كوركەمونەرشىلەر ساحنادا بوي كورسەتكەندە، كوپشىلىك قىزۋ قول شاپالاق سوقتى، كەرەمەت ءان-كۇي ويىندارى كورەرمەندەردىڭ القاۋىنا بولەندى.
قالا تۇرعىنى ليۋ ليچۇن: «بۇگىن وتە قۋانىشتامىن، بۇل ارادا شولپاندارمەن جۇزدەستىم، بالا كەزىمنەن ولاردىڭ ويىن نومىرلەرىن تاماشالاپ ەرجەتتىم، اكە-شەشەم دە ولاردى ەرەسەن ۇناتادى، ولاردى جاقىن جەردەن كورىپ، سۋرەتكە ءتۇسىپ، ەستەلىك قالدىردىم»،-دەدى.
ليۋ يۇيفەي نەگىزگى ساتىداعى ادەبيەت-كوركەمونەر قىزمەتكەرى رەتىندە، وسى رەتكى ويىنعا قاتىناسقانىنا ەرەسەن قۋانىپ: «ارال قالاسىنداعى ادەبيەت-كوركەمونەر قىزمەتكەرى رەتىندە، مۇنداي جوعارى دەڭگەيدەگى ويىن-ساۋىققا قاتىناسا العانىمىنا قاتتى تەبىرەندىم، سونىمەن بىرگە بۇگىن ۇستازداردىڭ كاسىپككە دەگەن شوگەلدىگىن بايقادىم. تۇستە كەلگەننەن كەيىن قوسالقى ساحنادا جاتتىعۋ جاسادى، ولاردىڭ كاسىپتەگى شوگەلدىگىن كورىپ ەرەكشە تەبىرەندىم، مەن ولاردان ۇيرەنەمىن»،-دەدى.
ءانشى-كۇيشىلەر ارال قالاسىنا تۇڭعىش رەت بارعانىمەن، ارال قالاسىنىڭ تۇرعىندارىنىڭ قاراپايىمدىعى، اشىق جارقىندىعى ولارعا ەرەكشە اسەر بەردى. مەملەكەتتىك ءبىرىنشى دارەجەلى ءارتيس، تاقپاق ءارتيسى لي جيندوۋ: «سونشاما سۋىق كۇندە كورەرمەندەر ۇزاق ۋاقىت وتىردى ءارى ءونىمى جاقسى بولدى، مەنىڭشە، مۇنداي سەزىم تابىلمايدى، بۇل ءبىز جونىنەن ەرەسەن زور جۇبانىش، ارتيستەردىڭ نەگىزگى ساتىداعى بۇقارا اراسىنا بارۋى ولاردىڭ مىندەتى»،-دەدى.

بەرىپ كەت ورامالىڭدى

دوستار

الىستاعى اق ەركە