باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ەلىمىز ەكونوميكاسىنىڭ جالپى مولشەرى تۇڭعىش رەت 80 تريلليون يۋاندىق وتكەلدەن ءوتتى

    كەلۋ قاينارى: شينجياڭ گازەتى    2018-01-20 14:35:17  

  شينحۋا اگەنتتىگىنىڭ 18 - قاڭتاردا بەيجيڭنەن بەرگەن حابارى (تىلشىلەر چىن ۋيۋي، شىن چىڭ). مەملەكەتتىك ساناق مەكەمەسى 18 - قاڭتاردا ساندى مالىمەت جاريالادى، 2017 - جىلعى ەلىمىزدىڭ ەل ءىشى ءوندىرىسىنىڭ جالپى ءونىم قۇنى (GDP) 82 تريلليون 712 ميلليارد 200 ميلليون يۋانعا جەتىپ، تۇڭعىش رەت 80 تريلليون يۋاندىق وتكەلدەن وتكەن. سالىستىرمالى باعا بويىنشا ەسەپتەگەندە، GDP وتكەن جىلدان %6.9 ءوسىپ، ءوسۋ جىلدامدىعى وتكەن جىلدان 0.2پايىز جوعارىلاعان، بۇل ەلىمىز ەكونوميكاسىنىڭ جىلدىق ءوسۋى 2011 - جىلى باسەڭدەگەننەن بەرگى تۇڭعىش رەتكى قايتا ورلەۋى بولىپ تابىلادى. توقساندىقتار بويىنشا قاراعاندا، 1 - توقسان مەن 2 - توقسانداعى GDP وتكەن جىلعى سايكەس مەزگىلدەن تۇگەلدەي %6.9، 3- توقسان مەن 4 - توقسانداعى GDP وتكەن جىلعى سايكەس مەزگىلدەن تۇگەلدەي % 6.8 ارتقان.
  «2017 - جىلى جۇڭگو ەكونوميكاسى ورنىقتىلىق بارىسىندا جاقسارۋعا بەت الىپ، مەجەدەگىدەن جاقسى بولدى، ەكونوميكانىڭ ومىرشەڭدىك كۇشى، قوزعاۋشى كۇشى جانە مۇمكىندىگى ۇزدىكسىز ىسكە قوسىلىپ، ورنىقتىلىعى، سايكەسىمدىلىگى جانە باياندىلىعى كورنەكتى كۇشەيىپ، ورنىقتى، اقاۋسىز دامۋ جۇزەگە استى»، - دەيدى مەملەكەتتىك ساناق مەكەمەسىنىڭ باستىعى نيڭ جيجى.
  سۇرانىستان الىپ ايتقاندا، تۇتاس جىلدا بۇكىل ەلدىڭ تۇراقتى مۇلىككە سالعان قارجىسى وتكەن جىلدان %7.2 ارتىپ، ارتۋ جىلدامدىعى وتكەن جىلدان 0.9 پايىز تومەندەگەن. تۇتاس جىلداعى قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى وتكەن جىلدان %10.2 ارتىپ، ارتۋ جىلدامدىعى وتكەن جىلدان 0.2 پايىز تومەندەگەن. تۇتاس جىلداعى يمپورت - ەكسپورت جالپى سوماسى وتكەن جىلدان %14.2ارتىپ، ءۇرتىس 2 جىل تومەندەگەن جاعداي وزگەرگەن.
  وندىرىستەن الىپ ايتقاندا، استىقتان تاعى مول ءونىم الىنىپ، ەگىن، مال شارۋاشىلىعى كاسىبى ورنىقتى ارتقان. تۇتاس جىلدا بۇكىل ەلدەگى كولەمدەنگەن ونەركاسىپتىك ارتقان قۇن وتكەن جىلدان ناقتى %6.6 ارتىپ، ارتۋ جىلدامدىعى وتكەن جىلدان 0.6 پايىز تەزدەگەن. تۇتاس جىلدا بۇكىل ەلدەگى قىزمەت كورسەتۋ كاسىبىنىڭ ءوندىرىس كورسەتكىشى وتكەن جىلدان %8.2 ارتىپ، ارتۋ جىلدامدىعى وتكەن جىلدان 0.1 پايىز تەزدەگەن.
  سونىمەن بىرگە، «قاجەتتەن اسىپ قالعان ءوندىرىس قۋاتىن، قامبادا باسىلىپ قالۋدى، سۇيمەندى ازايتۋ، وزىندىك قۇندى تومەندەتۋ، ولقىلىقتاردى تولىقتاۋ» تىڭعىلىقتى ىلگەرىلەپ، بۇكىل ەلدىڭ ونەركاسىپتىك وندىرىستىك قۋاتىنىڭ پايدالانىلۋ مولشەرى 5 جىلداعى ەڭ جوعارى كورسەتكىشتى كورسەتىپ، جاڭالىق اشا دامۋ ۇزدىكسىز كۇشەيىپ، جاڭا قوزعاۋشى ەنەرگيا ۇزدىكسىز ءبىرشاما تەز ارتقان.
  ساندى مالىمەتتە كورسەتىلۋىنشە، 2017 - جىلدىڭ سوڭىندا جۇڭگو ۇلى قۇرلىعىنداعى حالىق سانى ءبىر ميلليارد 390 ميلليون 80 مىڭعا جەتىپ، وتكەن جىلدىڭ سوڭىنان 7 ميلليون 370 مىڭ ادام كوبەيگەن. جاس قۇرامىنان الىپ قاراعاندا، 16 جاستان 59 جاس ارالىعىنداعى ەڭبەك جاسىنداعى حالىق 901 ميلليون 990 مىڭ ادام بولىپ، جالپى حالىق سانىنىڭ %64.9ىن قۇراعان؛ 60 جاستان جوعارى حالىقتىڭ سانى 240 ميلليون 900 مىڭ ادام بولىپ، جالپى حالىق سانىنىڭ %17.3ىن قۇراعان. قالا - اۋىل قۇرىلىمىنان الىپ قاراعاندا، قالا - قالاشىقتىڭ تۇراقتى نوپوسىندا 813 ميلليون 470 مىڭ ادام بولىپ، وتكەن جىلدىڭ سوڭىنان 20 ميلليون 490 مىڭ ادام كوبەيگەن؛ قالا - قالاشىقتاعى حالىق (قالا - قالاشىقتاندىرۋ سالىستىرماسى) جالپى حالىقتىڭ %58.52ىن قۇراپ، وتكەن جىلدىڭ سوڭىنان 1.17 پايىز ارتقان.

ءان الەمى

جول توسىلىپ قالدى

تۇلپارىم