باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ ۋاعدا بويىنشا ا ق ش - تىڭ زۇڭتۇڭى ترامپپەن تەلەفوندا سويلەستى

    كەلۋ قاينارى: شينجياڭ گازەتى    2018-01-18 16:54:14  
 شينحۋا اگەنتتىگىنىڭ 16 - قاڭتاردا بەيجيڭنەن بەرگەن حابارى. مەملەكەت ءتوراعاسى شي جينپيڭ ۋاعدا بويىنشا 16 - قاڭتاردا ا ق ش - تىڭ زۇڭتۇڭى ترامپپەن تەلەفوندا سويلەستى.
  شي جينپيڭ بىلاي دەپ اتاپ كورسەتتى: وتكەن ءبىر جىلدا، جۇڭگو مەن ا ق ش قاتىناسى جالپى جاقتان ورنىقتى بولدى ءارى ماڭىزدى ىلگەرىلەۋشىلىككە قول جەتكىزدى. جۇڭگو مەن ا ق ش قاتىناسىنىڭ اقاۋسىز، ورنىقتى دامۋىن ساقتاۋ ەكى ەلدىڭ جانە ەكى ەل حالقىنىڭ مۇددەسىنە ۇيلەسەدى، سونداي - اق حالىقارالىق قوعامنىڭ ورتاق ارمانى.
  ەكى جاق جوعارى جىكتەگىلەرىنىڭ جانە ءار دارەجەدەگىلەرىنىڭ بارىس - كەلىسىن ساقتاپ، 4 جوعارى دارەجەلى كەڭەس مەحانيزمىنىڭ رولىن تولىق ساۋلەلەندىردى ءارى ۇيلەسىمدى كەزدە 2 - كەزەكتى كەڭەس وتكىزدى. جۇڭگو مەن ا ق ش - تىڭ ەكونوميكا - ساۋدا ىنتىماقتاستىعى ەكى ەل حالقىنا كوپتەگەن ناقتى پايدا جەتكىزدى. ەكى جاق سىندارلى تاسىلدەر قولدانىپ ءبىر - بىرىنە بازار اشۋ، ىنتىماقتاستىق اياسىن كەڭەيتۋ ارقىلى ەكى جاق نازار اۋدارىپ وتىرعان ەكونوميكا - ساۋدا ماسەلەلەرىن ۇيلەسىمدى شەشۋ كەرەك. ەكى ەل ارمياسى، زاڭ اتقارۋ، ەسىرتكىگە تيىم سالۋ، گۋمانيتارلىق، جەرگىلىكتى ورىندار سياقتى جاقتارداعى ىنتىماقتاستىقتى بەلسەنە ىلگەرىلەتىپ، كەلەلى حالىقارالىق جانە وڭىرلىك ماسەلەلەردە قويۋ بارىس - كەلىس پەن سايكەستىكتى ساقتاۋ كەرەك. ەكى جاق ءوزارا جاقىنداسىپ، ءبىر - بىرىنە قۇرمەت ەتىپ، نازاردى ىنتىماقتاستىققا اۋدارىپ، سەزىمتال ماسەلەلەردى سىندارلى تاسىلدەرمەن ءبىر جايلى ەتىپ، ءبىر - ءبىرىنىڭ وزەكتى مۇددەسىنە جانە كەلەلى قاداعالاي نازار اۋداراتىن ىستەرىنە قۇرمەت ەتىپ، جۇڭگو مەن ا ق ش قاتىناسىنىڭ اقاۋسىز، ورنىقتى دامۋ ءۇردىسىن قورعاۋ كەرەك.
  ترامپ بىلاي دەدى: ا ق ش جۇڭگومەن قاتىناسىنا جانە ا ق ش - جۇڭگو ىنتىماقتاستىعىنا ايرىقشا ءمان بەرەدى، جۇڭگومەن بىرگە جوعارى جىكتەگىلەردىڭ جانە ءار دارەجەدەگىلەردىڭ بارىس - كەلىسىن كۇشەيتىپ، ناقتى ىستەر سالاسىنداعى ىنتىماقتاستىقتى كەڭەيتىپ، ەكى ەلدىڭ ەكونوميكا - ساۋدا جاعىنداعى ماسەلەلەرىن ويداعىداي ءبىر جايلى ەتىپ، ەكى جاقتى قاتىناستىڭ اناعۇرلىم كەسەك دامۋعا قول جەتكىزۋىن ىلگەرىلەتۋدى قالايدى.
  شي جينپيڭ ونىڭ سۇراعىنا قاراي، كەزەكتەگى چاۋشيان تۇبەگىنىڭ جاعدايى جونىندەگى كوزقاراسىن تانىستىرا كەلىپ بىلاي دەپ اتاپ كورسەتتى: چاۋشيان تۇبەگىنىڭ جاعدايىندا ءىشىنارا بەلسەندى وزگەرىستەر جارىققا شىقتى. ءار جاق بىرگە قۇلشىنىپ، وڭاي - وسپاق قولعا كەلمەگەن باسەڭدەۋ جاعدايىن جالعاستىرىپ، كەڭەس، كەلىسسوز وتكىزۋ ءۇشىن شارت - جاعداي ازىرلەۋ كەرەك. چاۋشيان تۇبەگىن يادروسىزداندىرۋدى ىسكە اسىرىپ، چاۋشيان تۇبەگىنىڭ بەيبىتشىلىگى مەن ورنىقتىلىعىن قورعاۋ تاراپتاردىڭ ورتاق مۇددەسىنە ۇيلەسەدى، حالىقارالىق قوعامنىڭ وسى ماسەلەدەگى ىنتىماعىن قورعاۋ ەرەكشە ماڭىزدى. جۇڭگو ا ق ش - تى قامتىعان حالىقارالىق قوعاممەن بىرگە بايلانىستى قويۋلاتىپ، ءوزارا سەنىم ارتىپ، ءبىر - ءبىرىن قۇرمەتتەپ، ىنتىماقتاستىقتى كۇشەيتىپ، چاۋشيان تۇبەگى ماسەلەسىن ۇيلەسىمدى جولمەن شەشۋ باعىتىندا ۇزدىكسىز ىلگەرىلەۋشىلىككە قول جەتكىزۋدى جەبەۋدى قالايدى.
  ترامپ بىلاي دەدى: ا ق ش جۇڭگونىڭ چاۋشيان تۇبەگى ماسەلەسىندەگى ماڭىزدى رولىنا ءمان بەرەدى، جۇڭگومەن بايلانىس جاساۋدى، سايكەسۋدى ۇزدىكسىز كۇشەيتۋدى قالايدى.
ءان الەمى

جول توسىلىپ قالدى

تۇلپارىم