باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

قىزمەت اترەتىندەگىلەر قىستاق ديحاندارىن ونەرگە تاربيەلەپ، كاسىپكە جەتەلەگەندىكتەن، وتباسىندا قينشىلىعى بار ءىشىنارا بۇقارا كەدەيلىكتەن قۇتىلدى

    كەلۋ قاينارى: شينجياڭ حالىق راديو ىستانسياسى    2018-01-12 12:01:43  
اقسۋ راديو ستانسياسىنىڭ تىلشىلەرى جين حۇيرۋ مەن جاڭ فىڭنىڭ حابارىن تىڭداڭىزدار: اقسۋ توقىما ونەركاسىپ قالاسى (اشۋ رايونى) باسقارۋ كوميتەتىنىڭ اقسۋ قالاسى توپلۇق اۋىلى قاشباشى قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى وسى قىستاقتا بارعاننان بەرى، قىستاق ديحاندارىنىڭ كوزقاراسقا بۇرىلىس جاساۋىنا كومەكتەسۋدەن باستاپ ىسكە كىرىسىپ، ونەرگە تاربيەلەپ، كاسىپكە جەتەلەگەندىكتەن، وتباسىندا قينشىلىعى بار ءىشىنارا بۇقارا كەدەيلىكتەن قۇتىلدى.
قاشباشى قىستاعىنداعى 380 وتباسىندا ءبىر مىڭ 698 جان سانى بار، مۇنىڭ ىشىندە 63 وتباسىنداعى 240 جان سانى كەدەي. اقسۋ توقىما ونەركاسىپ قالاسى (اشۋ رايونى) باسقارۋ كوميتەتىنىڭ قاشباشى قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى وتكەن جىلى وسى قىستاقتا بارعاننان بەرى، قىستاق تۇرعىندار كوميتەتى مەن قىستاق پارتيا ياچەيكاسىنىڭ كادرلارىن، قىستاق ديحاندارى ۋاكىلدەرىن شاقىرىپ اڭگىمە ءماجىلىسىن اشىپ، كوپشىلىكتىڭ پىكىر، ۇسىنىسىن مۇقيات تىڭداپ، كومەكتەسۋ-سۇيەمەلدەۋ جوباسىن بەلگىلەپ، قىستاقتىڭ دامۋ وي جەلىسىن ايقىندادى. قىستاقتا تۇرعان قىزمەت اترەتىنىڭ دانەكەر بولۋىندا، وتكەن جىلى ناۋرىزدا قىستاقتاعى توقىما بۇيىمدارىن مانەرلەۋ كاسىپتىك سەلبەستىك كوپەراتيۆبى ا-لى توقىما كاسىبىن كوركەيتۋ شەكتى سەرىكتەستىگىمەن سەلبەستىك ورناتىپ، قاشباشى قىستاعىنداعى تۇڭعىش «قوسالقى زاۆودتىن» قۇردى، قىستاقتاعى 78 ايەل زاۆودتقا بارىپ جۇمىسشى بولدى. ايموزاحان قىستاق بويىنشا ەڭ الدىمەن زاۆودتقا بارىپ جۇمىس ىستەگەن جۇمىسشى. ول:«مەن ءوزىمدى ءومىر بويى ءۇي شارۋاسى، بالا باعۋ، ەگىن ەگۋ جۇمىسىمەن اينالىسام عوي دەپ ويلاۋشى ەدىم، قازىر قىستاقتا زاۆود قۇرىلدى، ءبىز وسىندا جۇمىس ىستەيمىز، قىزمەتىمدى قۇلشىنا ىستەيمىن، وتباسىمىزدىڭ كىرىسىن ارتتىرۋدان سىرت، وتباسىنداعىلارعا دا قارايلاسا الاتىن بولدىم»،-دەدى.
قىزمەت اترەتىندەگىلەر، وتباسىلارىن ارالاۋ بارىسىندا، تاعى قىستاق ديحاندارىنىڭ ونەر ۇيرەنۋ، ساۋدا دۇكەنىن اشۋ جاعىنداعى سۇرانىسىن ءبىلدى، سونىمەن ەگىس جۇمىسىنىڭ سايابىر مەزگىلىنەن پايدالانىپ، قولدانىلمالى ونەرگە تاربيەلەپ، ءوزىن-ءوزى دامىتۋ قابىلەتىن ارتتىردى. قىستاق ديحانى تۇرعىن داۋىت:«بۇرىن ەگىس جۇمىسى قاربالاس، ونىڭ ۇستىنە شوفەرلىك مەكتەپ تە وتە الىس بولاتىن، قىزمەت اترەتى بىزگە كومەكتەسىپ قارىم-قاتىناس جاساۋ ارقىلى، شوفەرلىك مەكتەپتى قىستاقتان اشىپ بەردى، شوفەرلىكتى ءۇيىمىزدىڭ قاسىنان-اق ۇيرەنە الاتىن بولدىق»،-دەدى.
مۇنان سىرت، قىزمەت اترەتى تاعى 110 مىڭ يۋان كەدەيلەردى سۇيەمەلدەۋ قارجىسىنا ءوتىنىش بەرىپ، قىستاق تۇرعىندار كوميتەتىنىڭ قاسىنان ساۋدا كوشەسىن اشىپ، 23 كەدەي وتباسىنىڭ كاسىپتەنىپ تىڭ تىرلىك جاراتۋىنا كومەكتەستى. قىستاق ديحانى ەركىن وشىر:«وقۋ تاۋىسقاننان كەيىن، نان جابۋدى ۇيرەنگەم، ءبىراق ۇيلەسىمدى ورىن تابا الماعان ەدىم، قازىر ساۋدا كوشەسىنەن ناۋايحانا اشتىم، ايىلىق كىرىسىم 5 مىڭ يۋاننان اسادى»،-دەدى.
ءان الەمى

جول توسىلىپ قالدى

تۇلپارىم