جاڭا حابارلار

ارا باعاتىن اعايىندىلاردىڭ كوڭىلدى كاسىبى

    كەلۋ قاينارى: شينجياڭ حالىق راديو ىستانسياسى    2017-12-18 20:02:52  

ستانسيامىزدىڭ ءتىلشىسى چىن جۇيلي حابارلايدى: جۋىردا، قاشقار جاڭاشار اۋدانى حانارىق قالاشىعىنىڭ وقادا قىستاعىنداعى ارا باعاتىن يۇسۇپ سامەت تىڭ ويعا كەلدى، ول ارا باعۋ كاسىپتىك سەلبەستىك كوپەراتيۆىن قۇرۋعا دايىندالۋدا. سەرىكتەسەتىن ادامىن ويلاعاندا ونىڭ ەسىنە ەڭ اۋەلى كونە دوسى چۇڭ داۋبين كەلدى.
يۇسۇپ سامەت چۇڭ داۋبيننىڭ ارا باعاتىن جاڭا تەحنيكاسى، جاڭا ادىسىنە سۇيىنەتىندىگىن ايتتى. ول ەگەر چۇڭ داۋبين قاتىناسا السا، سەلبەستىك كوپەراتيۆىنىڭ تابىسقا قول جەتكىزۋ ورايى بارىنشا ارتادى دەپ قاراپ، چۇڭ داۋبيندى ۇيىنە اقىلداسۋعا شاقىردى.
كوپ ۇزاماي، چۇڭ داۋبين جەتتى، سونداي-اق ارا باعۋ جۋرنالىنىڭ ەڭ جاڭا سانىن الا كەلدى. وتىرا سالىسىمەن، ول جەتىك ۇيعۇر تىلىندە يۇسۇپ سامەتكە بال اراسىنىڭ بالدى تىكەلەي قۇمىراعا كوشىرۋى جونىندەگى جاڭا تەحنيكانى، وسىدان بۇرىن ءوزىنىڭ تاجىريبەسىمەن تابىسقا قول جەتكىزگەنىن تانىستىردى. يۇسۇپ سامەت ءۇش ۇلىن شاقىرىپ الدى، ءارى چۇڭ داۋبيننىڭ قولىنان ۇستاپ تۇرىپ: «مەنىڭ جاسىم بولسا ەگدەلەپ قالدى، بۇدان بىلاي ءۇش ۇلىم ساعان ىلەسسىن، سەلبەستىك كوپەراتيۆىنىڭ ىسىنە سەنىڭ قاتىناسۋىڭدى ءۇمىت ەتەمىن، سەن بولساڭ مەن الاڭسىز بولار ەدىم»،-دەدى. وسى ءسوزدى ايتقاندا ءۇش ازامات چۇڭ داۋبيننەن كوز ايىرماي، ۇلكەندەرگە دەگەن قۇرمەت سەزىمىن ءبىلدىردى.
ەكى وتباسىنداعىلاردىڭ تانىسقانىنا 30 جىلدان استى. يۇسۇپ سامەت جەرگىلىكتى ورىندا ەڭ الدىمەن ارا باققان ديحانداردىڭ ءبىرى، ونىڭ داعدىلى تاسىلمەن باققان اراسىنان الىنعان بالدىڭ ءونىمى ارتىپ كورمەدى. كەيىن كەلە ارا باعىپ بال الاتىن چۇڭ داۋبيننىڭ ارا باعۋ مايتالمانى ەكەنىن ەستىگەن ول بەلسەنە اقىل-كەڭەس سۇراپ، ارا باعۋ تەحنيكاسىن بىرتىندەپ جاڭالادى. الايدا سول جىلدارداعى ىستەرگە ايالداعان چۇڭ داۋبين قىستاقتاعى ۇيعۇر كورشىلەرگە العىس سەزىمىنىڭ شەكسىز ەكەنىن ءبىلدىردى. ول تىلشىگە، دالادا كوشىپ ءجۇرىپ ارا باققاندا ۇنەمى اۆتوموبيل بۇزىلىپ قالۋ، ىشەر اس پەن سۋ بولماۋ، تۇرار جاي بولماۋ ماسەلەسىنە جولىققاندا، ءار رەت ۇيعۇر اۋىلداستار وعان كومەك قولىن سوزاتىندىعىن ايتتى. چۇڭ داۋبين: «ۇيعۇر تۋىسقانداردىڭ كومەگى بولماسا، مەنىڭ ارا باعۋ كاسىبىم دە وسىنشالىق دامىماس ەدى، ولارعا ەرەكشە العىس ايتامىن. قازىر تەحنيكا يگەردىم، سوندىقتان تەحنيكانى ولارعا جەتكىزىپ، بىرلىكتە اۋقاتتانباقشىمىن»،-دەدى.

چۇڭ داۋبين مەن يۇسۇپ سامەت ءبىر توپ ارا باعۋشىنى بىرتىندەپ جەتەلەپ تاربيەلەدى، كوپشىلىك ءار جىلى ناۋرىزدان باستاپ، ورىك گۇلى، المۇرت گۇلى، بادام گۇلى اشىلعان جەرلەرگە بارىپ ارا باعىپ بال الدى، مامىر، ماۋسىمدا شىلان، قىشى گۇلى، شىلدە، تامىز ايلارىندا كۇنباعىس اشىلادى. بۇگىنگى كۇندە يۇسۇپ سامەتتىڭ سەلبەستىك كوپەراتيۆتىن قۇرۋداعى العاشقى ويى ارا باعاتىن ديحانداردى جيناپ، كوپشىلىككە ەڭ عىلمي باعىمشىلىق ءادىسىن جەتكىزىپ، ساتىلىم جولىن ىشكەرلەي اشۋ، بۇل جاعى چۇڭ داۋبيننىڭ ويىمەن بىردەي شىقتى. چۇڭ داۋبين: «كەلەر جىلى، ياعني 2018-جىلدىڭ ىشىندە ارا باعۋ سەلبەستىك كوپەراتيۆىن قۇرۋعا، ءارى ساپاسىن جوعارىلاتۋعا ۇمتىلامىن. بالالاردىڭ كومەگىندە، ميكرو ەلەكترون جاعىندا ءورىس اشپاقشىمىن»،-دەدى.
ءتىلشى ەستەلىگى: تىلشىلىك ىستەۋ بارىسىندا ءتىلشى يۇسۇپ سامەت پەن چۇڭ داۋبين ەكى وتباسىنىڭ شارت-جاعدايىن كورىپ، ولاردىڭ اۋقاتتىلىعىن بايقادى. بۇگىنگى كۇندە، يۇسۇپ سامەتتىڭ ۇيىندە 400 ساندىق ارا بار، بيىل بالدان 10 توننا الىپ، جىلدىق كىرىسى 200 مىڭ يۋاننان استى. چۇڭ داۋبين وتباسى دا ەرتەدە-اق جەر ۇيدەن ەكى قاباتتى شاعىن عيماراتقا كوشىپ كىرگەن.
ولاردىڭ اۋقاتتى تۇرمىسى ەڭبەكشىل قوس قولدارىنىڭ جەمىسى، اۋەلى ءار ۇلت بۇقاراسىنىڭ «ۇلتتار ىنتىماعىن» كۇشەيتۋىنىڭ ارقاسىندا ىسكە اسىپ وتىر. چۇڭ داۋبين ۇيعۇر ءتىلىن جەتىك يگەرگەن، قيىنشىلىققا ءدوپ كەلگەندە، ۇيعۇر اۋىلداستار ونىڭ ەڭ سەنىمدى كومەكشىسى بولعان. يۇسۇپ سامەت كەلەسى ۇرپاقتىڭ باقىتىن چۇڭ داۋبينگە اماناتتاپ وتىر، وسىنداي ءوزارا كومەك، ءوزارا سەنىمگە ءتىلشى تەبىرەندى. كەلەر جىلى يۇسۇپ سامەتتىڭ سەلبەستىك كوپەراتيۆى قۇرىلعاننان كەيىن، ارا باعاتىن اعايىندىلاردىڭ كوڭىلدى كاسىبى اناعۇرلىم دامي تۇسەتىنىنە كامىل سەنەمىز.


بەرىپ كەت ورامالىڭدى

دوستار

الىستاعى اق ەركە