جاڭا حابارلار

گۋ شۇيمەيدىڭ «ءۇش جاقتى» ءومىرى

    كەلۋ قاينارى: ءتاڭىرتاۋ تورابى    2017-12-14 13:35:25  

  جاڭا داۋىردە جاڭا ارىن بولۋ، ونان دا ماڭىزدىسى جاڭا ءىس تىندىرۋ كەرەك. پارتيا 19 – قۇرىلتايى اشىلعاننان كەيىن، شينجياڭداعىءار ۇلت حالقى اقىل – پاراساتى مەن كۇش – قۋاتىن پارتيا 19 – قۇرىلتايىندا ورتاعا قويىلعانءتۇرلى مىندەتتەردى ورىنداۋعا جۇمسادى.
  4-جەلتوقساننان باستاپ، تورابىمىز «جاڭا ءداۋىر، جاڭا بەينە، جاڭا ارىن» تاقىرىبىندا ارناۋلى ايدارشا اشىپ، تىلشىلەردى نەگىزگى ساتىعا بارىپ، حالىق تۇرمىسى، ۇلتتار ىنتىماعى، كەدەيلىكتەن ارىلۋ، ەكولوگيالىق وركەنيەت، نەگىزگى ساتى قۇرىلىسى، رەفورما، دامۋ سىندىءتۇيىندى تاقىرىپ اياسىندا حابار جازۋعا جۇمىلدىرىپ، جاڭا داۋىردە شينجياڭداعى ءار ۇلت حالقىنىڭ پارتيا 19 – قۇرىلتايىنىڭ رۋحىن ۇيرەنۋ، دايەكتىلەندىرۋدەگى جاڭاشا وي، ءادىس – تاسىلدەرى مەن جاڭا تابىستارىن ايگىلەدى.
  باسقارلادىڭ نازارىندا، گۋ شۇيمەي «اقىماق»، تاعدىرىن وزگەرتكەن «شاپاعاتشى». الايدا، ءوزىنىڭ نازارىندا «بالالارىنىڭ الدىندا كىنالى شەشە». بيىل 53 جاستاعى گۋ شۇيمەي ىلە قازاق اۆتونوميالى وبلىسى قۇلجا اۋدانى ءۇش ون حۇيزۋ اۋىلى توقۇشى يۇزى قىستاعىنداعى ايگىلى «تىگىنشى». ونىڭ كيىم - كەشەك سەرىكتەستىگى بار.
  ونىڭ ماڭايىنداعىلاردىڭ وعان بەرەتىن باعاسى دا ۇقسامايدى.

كۇيەۋىنىڭ نازارىندا «اقىماق»

ۇيىندە تاڭعى اس ءشىپ وتىرعان گۋ شۇيمەي شاكىرتىنىڭ كەلگەنىن كورىپ، شاپانىن دا كيمەي دالاعا جۇگىرىپ شىقتى. سۋرەتتە گۋ شۇيمەي شاكىرتىمەن بۇلدىڭ ماسەلەسىن تالقىلاۋدا

  6-جەلتوقساندا، كۇن شىقپاي تۇرىپ، گۋ شۇيمەي 500 يۋان اقشا، بال مەن ەسەك جەلىمىن الىپ، ۇيدەن اسىعىس شىعا جونەلدى. «شاكىرتىنە بىرەر ءىس بولىپ، سوعان كومەكتەسكەلى كەتتى عوي»،-دەدى كۇيەۋى ديڭ شىڭلي.
  كۇيەۋىنىڭ ويلاعانىنداي، گۋ شۇيمەي شاكىرتىنە كەتىپتى.
  اسكەري ىشىككە ورانىپ ۇيگە كىرگەندە، ديڭ شىڭلي پىسىرعان سۇتكە قايماق ءتۇسىپ بولعان ەدى. «شاكىرتىمنىڭ جۇمىسىن ءبىر جايلى ەتىپ كەلدىم»،-دەدى گۋ شۇيمەي جاق كىرىسىن اشىپ.
  ءاسىلى گۋ شۇيمەيمەن ءبىر قىستاقتا تۇراتىن شاكىرتى سىرقاتتانىپ، سوڭعى كۇندەردە كۇيەۋى ەكەۋىنىڭ اراسىندا قايشىلىق ءجۇز بەرىپ، ناۋقاستانسادا ەكى بالاعا قارايلاسىپ كەلىپتى، ءجابىر كورگەندەي بولعان شاكىرتى گۋ شۇيمەيگە ءۇنحاتتا ءسوز قالدىرعان ەكەن.
  «سىر بىلدىرمەگەنىمەن، تۇنىمەن ۇيىقتاي المايدى»،-دەدى كۇيەۋى ديڭ شىڭلي. گۋ شۇيمەيدىڭ نازارىندا، شاكىرتىنىڭ جۇمىسى وتە ماڭىزدى، قولىنان كەلسە قاراپ تۇرمايدى.
  ىسىمەر، ادامگەرشىلىكتى، اتاعى دا بار، بۇرىن كوپتەگەن كارحانالار وعان ۇسىنىس جاساعاندا باس تارتقان ەدى.
  «اقسۋداعى ءبىر كارحانا جوعارى ەڭبەكاقىمەن ۇسىنىس ەتكەن، ءبىراق مەن بۇل جەردەن كەتە المايمىن، مەن كەتسەم شاكىرتتەرىم قايتەدى»،-دەدى گۋ شۇيمەي. اقشا ول ءۇشىن ماڭىزدى ەمەس، ءبىراق شاكىرتتەرى جونىنەن العاندا تۇرمىسىنىڭ ءۇمىتى.
  كۇيەۋىنىڭ نازارىندا گۋ شۇيمەي ءبىر «اقىماق» ەدى.
  «ول شاكىرت تاربيەلەۋدى العاش باستاعان كەزدە مەن ونى تۇسىنبەيتىنمىن، سەمياعا، بالالارعا قارايلاسپايدى، مەنىڭ ماڭىمداعىلار ماعان سەنىڭ ايەلىڭ ‹اقىماق› دەۋشى ەدى»،-دەدى ديڭ شيڭلي. كەيىن ول ايەلىن بىرتىندەپ ءتۇسىنىپ، سەميا جۇمىسىنا كومەكتەسىپ، ايەلىنىڭ «اقىماق» بولۋىنا جول بەردى.

شاكىرتتەرىنىڭ نازارىندا «گۋ اپەكە»

  گۋ شۇيمەي سەحتا شاكىرتتەرىنىڭ تىگىنشىلىگىنە جەتەكشىلىك ەتۋدە

  گۋ شۇيمەيدىڭ شاكىرتتەرىنىڭ ىشىندە كوبى وت باسى، وشاق قاسىنان شىعىپ، گۋ شۇيمەيدىڭ شابىتتاندىرۋىنىڭ ارقاسىندا تۇرمىستارىندا وزگەرىس پايدا بولدى. توقۇشى يۇزى قىستاعىنىڭ تۇرعىنى ءساليما نۇردا وسىنىڭ ىشىندە.
  ءساليما بيىل 47 جاستا، ونىڭ گۋ شۇيمەيدىڭ زاۆودىندا ىستەگەنىنە 8 جىل بولدى، گۋ شۇيمەيدىڭ «ۇلكەن شاكىرتى» دەسە دە بولادى، جۋىقتا عانا، قولونەر جارىسىندا 2- دارەجەلى بولىپ ماراپاتتالدى.
  «مەن ءاسىلى وتباسى ايەلى ەدىم، گۋ اپەكە بولماعاندا قازىر ەگىن ەگىپ، بالا باعىپ، ۇيدەن اسا الماعان بولار ەدىم»،-دەدى ءساليما، 8 جىلدىڭ الدىندا، ول گۋ شۇيمەيدىڭ تىگىنشىلىك تەحنيكاسىن اقىسىز ۇيرەتەتىندىگىن ەستىپ، ۇيرەنۋگە كەلگەن بولاتىن، مىنە 8 جىل بولدى.
  «ەكونوميكالىق جاقتان عانا ەمەس، يدەيا مەن كوزقاراستا دا مەنى وزگەرتتى، باسقالارعا كومەكتەسكەنىڭ وزىڭە كومەكتەسۋ ەكەنىن، ايەلدەردىڭ دە وزىنە ءتان كەڭىستىگى بولاتىندىعىن ۇيرەتتى»،-دەدى ءساليما.
  قازىر ءساليما ايىنا 2000 دا 3000 يۋان كىرىس كىرگىزەدى، ول دا گۋ شۇيمەي سياقتى جاڭا كەلگەن قىزمەتكەرلەرگە تىگىنشىلىك ۇيرەتەدى.
  «گۋ اپەكە مەنى وزگەرتتى، مەندە ول سياقتى باسقالاردىڭ العا باسۋىنا كومەكتەسەمىن»،-دەدى ءساليما.

ءوزىنىڭ نازارىندا «بالالارىنا كىنالى شەشە»

شاكىرتتەرى دە گۋ شۇيمەيدىڭ اسەرىندە ءوزارا كومەكتەسەدى. سۋرەتتە گۋ شۇيمەي تاعى ءبىر شاكىرتىنە جەتەكشىلىك ەتۋدە

  ول وتباسىنا، اسىرەسە قىزىنا قارىزدار. ول كوپ رەت ماراپاتتالعان، «اۆتونوميالى رايوندىق ءمورال ۇلگىسى»، «اۆتونوميالى رايوندىق ۇلتتار ىنتىماعىنىڭ ۇلگىسى»... ءبىراق قىزىنىڭ ەرجەتۋ بارىسىندا ورنى تولماس وكىنىشكە قالدى.
  «قىزدارىمنىڭ كىشكەنە كەزىندە، مەن ولارعا سەرىك بولا المادىم، كوپتەگەن ىستەردە ءوز كۇشتەرىنە سۇيەنەدى»،-دەدى گۋ شۇيمەي.
  قازىر، گۋ شۇيمەيدىڭ قىزدارى باس قۇرادى. باقىتتى وتباسى بار. «ۇلكەن قىزىم باس قۇراعاندا مەن قاسىندا بولا المادىم، توي ۇرىمجىدە ءوتتى، توي كۇنى شاكىرتىم ەمتيحانعا قاتىناساتىن بولدى، تاڭەرتەڭ ۇرىمجىگە كەلىپ، تۇستە تويعا قاتىناسىپ، تۇستەن كەيىن ىلەگە قايتىپ كەتتىم، بۇل ەمتيحان وتە ماڭىزدى ەدى، شاكىرتىممەن بىرگە باردىم»،-دەدى گۋ شۇيمەي.
  سوڭىندا، قىزى جىلاپ تۇرىپ، ىلەگە اتتاندىرىپ سالدى. ول ءوزىن «بالالارىنىڭ الدىندا كىنالى» سەزىنەدى.
  ءوزىن كىنالى سەزىنگەنىمەن، قىزى قولفونىنىڭ بەتىنە شەشەسىنىڭ سۋرەتىن، ءۇنحاتىنىڭ باس سۋرەتىندە شەشەسىنىڭ سۋرەتىنە تەڭشەگەن، باسقالارعا «بۇل مەنىڭ شەشەم»،-دەپ ايتىپ وتىرادى، وسى ءۇشىن دە گۋ شۇيمەيءوزىن باقىتتى سەزىنەدى، «بالالاىم مەنى ماقتان تۇتادى، ماعان تابىنادى»،-دەدى.
  جۇبايىنىڭ قولداۋىنىڭ، قىزدارىنىڭ ءتۇسىنۋىنىڭ، شاكىرتتەرىنىڭ ءۇمىتىنىڭ ارقاسىندا «قايراتى تاسقىنداپ تۇر»، «جاسىم ءبىر جەرگە كەلسە دە، مەن جالعاستى ىستەيمىن، ءتىپتى دە كوپ ادامدار ماعان مۇقتاج...»،-دەدى گۋ شۇيمەي.


بەرىپ كەت ورامالىڭدى

دوستار

الىستاعى اق ەركە