باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ۇلتتار ىنتىماعى گۇلىن تاتىمدى تاربيە ارقىلى نارلەندىرەيىك

    كەلۋ قاينارى: شينجياڭ گازەتى    2017-12-10 19:18:32  

گازەتىمىزدىڭ شولۋشىسى

ۇلتتار ىنتىماعى − دامۋدىڭ، العا باسۋدىڭ ىرگە تاسى، ۇلتتار ىنتىماعى جاقسى بولعان سايىن بۇل ىرگە تاس بەكەمدەلە تۇسەدى. اۆتونوميالى رايوندىق پارتكومنىڭ جەلتوقسان ايىندا تۇتاس شينجياڭدا ۇلتتار ىنتىماعى بويىنشا «تۋىستاسۋ اپتالىعى» قيمىلىن شوعىرلى ورىستەتۋدى ۇيعارۋىنداعى ماقساتى − «ۇلتتار ىنتىماعىنىڭ بەرەكەلى شاڭىراعى» قيمىلىن ىشكەرىلەي ورىستەتىپ، پارتيا 19 - قۇرىلتايىنىڭ رۋحىن سان مىڭداعان وتباسىلارعا ۇگىتتەپ، ءار ۇلت كادرلارى مەن بۇقاراسىنىڭ ارالاسۋىن، ىشتەسۋىن، توعىسۋىن ىشكەرىلەي جەبەپ، ۇلتتار ىنتىماعىنىڭ، قوعام ورنىقتىلىعىنىڭ تاماشا جاعدايىن بەكەمدەپ، شينجياڭنىڭ قوعام ورنىقتىلىعى مەن باياندى تىنىشتىعىنا بەرىك نەگىز قالاۋ.

  ۇيعۇر ۇلتىندا «ءىس تاتۋلىقتا، كۇش بىرلىكتە» دەگەن ماقال بار، تەك ءار ۇلت ارقان - جىپتەي شيراتىلعاندا عانا ءتۇرلى قيىنشىلىقتار مەن حاۋىپ - قاتەرلەردىڭ سىن - سايىسىن جەڭۋگە بولادى. ۇلتتار ىنتىماعى بويىنشا «تۋىستاسۋ اپتالىعى» قيمىلىن ورىستەتۋ − اۆتونوميالى رايوندىق پارتكومنىڭ پارتيا 19 - قۇرىلتايىنىڭ رۋحىن جانە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن دايەكتىلەندىرۋدەگى، تياناقتاندىرۋداعى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، شينجياڭنىڭ قوعام ورنىقتىلىعى، دامۋ جاعدايى مىندەتىن دالمە - ءدال يگەرىپ، باس نىسانى تياناقتاندىرۋ، «كەشەندى شارانى» ويداعىداي اتقارۋ ءۇشىن شىعارعان ماڭىزدى شەشىمى، ورنالاستىرۋى، ۇلتتار ىنتىماعىن اناعۇرلىم بەكەمدەۋدىڭ، نىعايتۋدىڭ پارمەندى تۇتقاسى، كادرلار ستيلىنە بۇرىلىس جاساۋدى ىلگەرىلەتۋدىڭ ۇتىمدى جولى. جەر - جەر، تاراۋلار، ورىندار اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، وعان وسكەلەڭ ءمان بەرىپ، يدەيانى بىرلىككە كەلتىرىپ، مىندەتتى ايقىنداپ، ۇلتتار ىنتىماعى بويىنشا «تۋىستاسۋ اپتالىعى» قيمىلىن تىڭعىلىقتى ورىستەتىپ، باس نىسانانى جۇزەگە اسىرۋعا زەيىن - زەردەنى اناعۇرلىم اۋدارۋ، كۇش - قۋاتتى اناعۇرلىم شوعىرلاندىرۋ كەرەك.

  «جۇپ قۇراپ، تۋىس بولعان كۇننەن باستاپ، شەكارا، شالعاي مالشىلىق رايوننىڭ تاۋ قويناۋىندا قامىمدى جەيتىن تۋىسىم بار بولدى». بۇل ءبىر ادەتتەگى كادردىڭ جۇرەك ءسوزى، سونداي - اق «ۇلتتار ىنتىماعىنىڭ بەرەكەلى شاڭىراعى» قيمىلىنا ات سالىسقان سان مىڭداعان كادرلاردىڭ ورتاق جۇرەك ءۇنى. ءبىر جىلدان بەرى، تۇتاس رايونىمىزداعى قالىڭ كادرلار مەن جۇمىسشى - قىزمەتشىلەر ۇزاقتى الىسسىنباي، نەگىزگى ساتىداعى ءار ۇلت بۇقاراسىمەن جۇپ قۇراپ، تۋىس بولىپ، نەگىزگى ساتىنىڭ ءبىرىنشى شەبىن ارالادى، بۇقارانىڭ ۇيىنە باردى، نەگىزگى ساتىداعى ءار ۇلت بۇقاراسىمەن اڭگىمەلەسىپ، حالىقتىڭ جاعدايىن ۇعىسىپ، حالىقتى ۋايىمنان ارىلتىپ، حالىققا جىلۋ باعىشتاپ، قىسىلعاندارعا كوپتەپ كومەك كورسەتتى؛ ۇيلەرىنەن كوپ ۇزاپ شىقپاعان وڭتۇستىك شينجياڭ بۇقاراسى تۋىستارىنىڭ ىقىلاسپەن شاقىرۋىمەن، ۇرىمجىگە كەلىپ، ۇلكەن قالانىڭ وسى زامانعى تۇرمىسىن سەزىندى. ءار ۇلت كادرلارى مەن بۇقاراسى قويان قولتىق ارالاسۋ، بارىس - كەلىس جاساۋ بارىسىندا تۇسىنىكتەرىن تەرەڭدەتىپ، كىربەڭدىكتەن ارىلىپ، سۇيىسپەنشىلىكتەرىن كۇشەيتىپ، ەجەلدەن جۇزدەسىپ كورمەگەن بەيتانىس ادامنان تۋىسقا، قانداستىق بايلانىسى جوق ءبىر وتباسىنىڭ ادامدارىنا اينالدى. سانسىزداعان جۇرەكتەردى ەلجىرەتكەن ۇلتتار ىنتىماعى كورىنىستەر مەن اسەرلى اڭگىمەلەر، تالايلاعان تەبىرەنىستەر، ونان دا ماڭىزدىسى، شينجياڭداعى ءار ۇلت حالقىنىڭ ەتەنە سۇيىسپەنشىلىك ورناتقان، ءبىر ءۇيدىڭ ادامدارىنداي بولعان ماداق جىرلارى «حانزۋلار از ۇلتتاردان ايرىلا المايدى، از ۇلتتار حانزۋلاردان ايرىلا المايدى، از ۇلتتار ءبىر - بىرىنەن دە ايرىلا المايدى» دەگەندى تولىق دالەلدەدى.

  تامسىلدەردە «تۋىس ارالاسىپ تۇرعان سايىن جاقىنداي تۇسەدى، سۇيىسپەنشىلىك توپتالعان سايىن تەرەڭدەي تۇسەدى» دەلىنگەن. ۇلتتار ىنتىماعى بويىنشا «تۋىستاسۋ اپتالىعى» قيمىلىن ورىستەتۋدىڭ ماقساتى شينجياڭداعى ءار ۇلت كادر - بۇقاراسى اراسىنداعى ارالاسۋدى، ىشتەسۋدى، توعىسۋى اناعۇرلىم كۇشەيتۋ. ءبىر اپتاعا جالعاساتىن بىرگە تاماقتانۋ، بىرگە تۇرۋ، بىرگە ەڭبەكتەنۋ، بىرگە ۇيرەنۋ قيمىلى ارقىلى ءار ۇلت كادرلارى مەن بۇقاراسىنىڭ ءتۇسىنىسۋىن اناعۇرلىم تەرەڭدەتىپ، سۇيىسپەنشىلىكتەرىن ارتتىرىپ، ءبىر وتباسىنىڭ ادامدارىنداي ەتەنە قاتىناس ورناتۋىنا مۇمكىندىك جاساۋعا بولادى. ۇلتتار اراسىندا تۇسىنىستىك كۇشەيگەندە عانا كىربەڭدىكتى جويۋعا بولادى، تىزە قوسىپ، تىلەكتى توعىستىرىپ، تۋىسقان بولماسا دا تۋىسقاننان ارتىق ءبىر وتباسىنىڭ ادامىنا اينالعاندا عانا ءبىز شينجياڭنىڭ قوعام ورنىقتىلىعى مەن باياندى تىنىشتىعىن قورعاۋدىڭ قۇرىش قورعانىن سوعا الامىز. سوندىقتان، ءبىز «تۋىستاسۋ اپتالىعىن» ويداعىداي ورىستەتۋدى كەزەكتەگى ماڭىزدى ساياسي مىندەت ەتىپ، يدەيالىق تانىمدى شىنايى جوعارىلاتىپ، ۇيىمدىق باسشىلىقتى كۇشەيتىپ، دەن قويا جوبالاپ، اتقارىپ، قيمىلدىڭ ناقتى ونىمدىلىككە قول جەتكىزۋىنە مۇمكىندىك جاساۋىمىز كەرەك. جەر - جەردىڭ، تاراۋلاردىڭ، ورىنداردىڭ باسشى كادرلارى وسكەلەڭ ءمان بەرىپ، وزدەرى ونەگە بولىپ، باستاماشىلدىقپەن قىستاققا بارىپ، بۇقارانىڭ ۇيىنە قونىپ، ونەگەلىك رولىن ويداعىداي ساۋلەلەندىرۋ؛ تۋىستاسۋ قيمىلىن دانەكەر ەتىپ، پارتيا 19 - قۇرىلتايىنىڭ رۋحىن قاراپايىم، ۇعىنىقتى ءتىل، ۇناتا تىڭداپ، قۇمارتا كورەتىن تاسىلدەر ارقىلى بۇقاراعا انىق ۇعىندىرىپ، تولىق جەتكىزىپ، نەگىزگى ساتىداعى ءار ۇلت بۇقاراسىنىڭ پارتيا مەن مەملەكەتتىڭ ابزال ساياساتىن شىنايى سەزىنۋىنە مۇمكىندىك جاساۋ كەرەك؛ سونىمەن بىرگە، بۇقارانىڭ ءبىتىرۋدى ەڭ ءۇمىت ەتكەن، بىتىرۋگە ەڭ ىنتىزار بولعان، قازىر بىتىرۋگە بولاتىن قيىنشىلىقتارى مەن ماسەلەلەرىن شەشۋىنە مۇمكىندىكتىڭ بارىنشا كومەكتەسىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ كەرەك.

  ۇلتتار ىنتىماعى ايعاي - سۇرەنمەن جۇزەگە اسپايدى، قايتا ءاربىر ادامنىڭ شىن سۇيىسپەنشىلىكتەرىن ارناۋىن، ادالدىقپەن تەر توگۋىن قاجەت ەتەدى. ۇلتتار ىنتىماعى بويىنشا «تۋىستاسۋ اپتالىعى» قيمىلىنىڭ ورىستەتىلۋى الداعى جەردە ۇلتتار ىنتىماعى گۇلىن تاتىمدى تاربيە ارقىلى نارلەندىرەتىندىگى، ءار ۇلتتىڭ اناردىڭ دانىندەي تىعىز ۇيىسۋىن اناعۇرلىم جەبەيتىندىگى ءشۇباسىز.

ءان الەمى

جول توسىلىپ قالدى

تۇلپارىم